Ɉeremi 16:6 - Yálá laawoo hɛɓɛ (dc)

⁶ Nɔi ŋɛ̨i hu nu kpɛa kpɛaa, da bɛlɛɛɠaa di kaa pai haai, di powa loo mun hva hɔlɔɓo, wɔlɔ woo hva tɔɔ di mɛ̨i; nu ta hva gbɔwɔ mąą ɓɛla, nu ta hva nwun gbəlaan mo.

Yálá laawoo hɛɓɛ

⁶ Nɔi ŋɛ̨i hu nu kpɛa kpɛaa, da bɛlɛɛɠaa di kaa pai haai, di powa loo mun hva hɔlɔɓo, wɔlɔ woo hva tɔɔ di mɛ̨i; nu ta hva gbɔwɔ mąą ɓɛla, nu ta hva nwun gbəlaan mo.

Bible

⁶ Dɔɔ-ƃelai da gôlo-ƃelai díkelee da pâi saâi ǹɔii tɔnɔi su. Kɛ́lɛ, núu da fé pâi dípoma loôi, kpaa máŋ é dímaa mâloŋ sèe ƃó. Núu da fé pâi ŋɔmaloŋ tôo maai lɛ̂i a pɔ́ɔ kɛ́ɛ mà, kpaa máŋ a ŋ̀uŋ ƃóɔɔ.

Ɉeremi 16:6 Iomraidhean Croise

Kɔlɔnikɔ Veerɛi 36:17

Yai-Laa ə Kalde tɔɔɓɛlaa ŋąątɔɔ diɛ a kɔ́. Kalde nuą di di wɔɔ hilɛlɛaɠaa paa gɛɛnąą mąąhəɠɛɛ ɓa a kɔ-kɔ ɓɔwa; di hvo kpɛli ɉilɛlɛaa da nɛ̨ɛ̨lɛaa mąąwɛli kaa, ə mą kɛ, a ɉulɔgoloɠaa da nu mąąpɔlɔɔɠaa. Yálá ə di kəlee di lɔ Kalde nuą yee ŋą.

Azaya 22:12

Mąą yələi tii, Nąmu Yai-Laa Mɛ̨nį Kəlee ŋą Hééɓomun, ə kɛ bɔ kɛ, ka wɔlɔ, ka ka woolaa, ka ka nwun gbəlaan mo, ɛlɛɛ, ka mąąwɛli hee ɓo.

Azaya 24:2

Ɉaláá laa həli nuą, da nɔi lonnii, luwɔ nąmu, da nwɔ luwɔi, luwɔ leenɛ̨ą, da nwɔ luwɔ nɛ̨ɛ̨nu, lɔwɔtɔɔmun, da lɔwɔtíɲɛ̨ yamun, hiɲɛ̨n gɛmun, da hɛn nąmu, kwələ tɔɔmun, da kwələ həɠəmun.

Ɉeremi 13:13

Yá bulu pənə diɛ, yɛ́ diɛ: ‹Yai-Laa yɛ: Nɔi ŋɛ̨i hu nuą kəlee, di wɔɔ tɔɔɓɛlaai di kaa a Davidə huwu, diɛi heeni nwɔ tɔɔkpəlin mɛ̨i, ɉaláá laa həli nuą mąn, da Yálá kwəi mɛ̨nį hukulɔ nuą mąn, da Ɉerusalɛmə nuą kəlee; gáá pai gəlee kɛi yɛ lɔɔ honŋaa.

Ɉeremi 16:4

Pulu kaa pai di mɔ̨nɔ̨ ɓoi, diɛ haa ɉu, di hvo pai wɔlɔi di powa mɛ̨i, di hvo pai kámą hɔlɔɓoi, di kaa pai lɛɛi nɔi mɛ̨i, di kɛ a tulun bɔlɔ. Kɔ kaa pai di paai, pulu ə di paa, di powa ə lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Ɉeremi 41:5

Nuą di həɠə Sisɛmə da Silo, da Samari, di kɛ a nu pow mɛ̨ihaaɓa, daa di kpɛlɛ pu, di mąąhəɠəɠaa huɓɛlaa, pala teɛ diɛ, di kɛi pa a haláá hɛnŋaa da lansan a Yálá hee pɛlɛ́ nwɔɔ.

Ɉeremi 47:5

Daa Gaza nwun galaan, daa laa lɔ Askelɔn la. Ka káá lɛɛi a nu gbəli ka wɔ lɔi hu, ka mąą kaa pai lɛɛi a mɛlaa, əlɛɛɉu lə yələ?

Ɉeremi 48:37

Yili mąą mɛ̨nį ɓa, daa di nwun gəlee kalaan, daa di kpɛlɛ kəlee pu, daa ɓɔwa pɔɔ kɛ di yee kəlee ɓa, ɓíi hɛlɛn ŋąą nu kəlee woɓə ɓa.

Ɉeremi 7:29

Ə́ wɔ mɛ̨nį laakwɛlanmoɔ nwun nəɠai mɛ̨i tee! Ə́ bili! Mąąwɛli wələɠaa too bələɠaa pɔ. Mąąhɔlɔɓo, ə́ kaa a nui gaa Yai-Laa nwɔ liiholi laai kwɛlii, ɓɛlɛ aa kpɛɛ Yai-Laa kwəi.

Ɉeremi 8:2

Di kaa pai gəlee huhiɛi hvóló mu, di ɉuhiɛ ɲąnin voló ɓa, da yələkɔlɔn ɉu hɛnŋaa kəlee ɲɛ̨i ɓa. Ɉɛnŋaa tii ɓə di wɛli ə́ kɛ diɛ, diɛ di mąąwiɛ; diɛ kwɛli hvilɛn diɛ, diɛ di nwun dɔɔ a diɛ. Di kɔ́wɠaa da lɛɛ a ɉu taɠaa, di hva pənə di hvo di loo a nįnɛ̨. Da lɛɛ nɔi mɛ̨i yɛ tulun bɔlɔ.

Levetekɔ 19:27

Ka hvo ka wəli kwɛlɛ kpɛlɛ kalaan, ka hvo ka kpɛlɛ mąą tee.

Levetekɔ 19:28

'Ka hvo ka kpɔwɔ mąą nwąną haa mɛ̨nį hu, 'ka hvo nu ta pɔlɔn baa. Ɲą́ą́ ɓə gáá a Yai-Laa.

Amɔsə 6:11

Ka gɛ a nɛlɛɛ, mąąhɔlɔɓo, mɛ̨nį Yai-Laa ə mo, ya ka: Bɛlɛ kɛnɛ̨ kaa pai pui, bɛlɛ logolo ə ɓɛla.

Maafîu 9:23

Ɓɛlɔwai di həli la Ɉuifə kalanɉon tii yəi bɛlɛ́n, di tulu hvɛɛ nuą kaa laa. Nu kpulu kɛnɛ̨ ə kɛ laa diɛ wɔlɔ.

Dutɛrɔnome 14:1

Ka káá a Yai-Laa ka wɔ Yálá lonnii. Nu ta a haa, mąą hvo nɛ̨ɛ̨li ka ka kɔ́lɔ ɓɛla ɓɛla, kaa ka tonna nwun galaan.

M̀ɛni-lɛɛi 20:12

Yili pulu, ŋį́ haa nuą kaa, nu kpɛa-kpɛaa da lɛapɛlɛɛ, di ɓo tɔɔni dɔɔkpəlin niila, ɛlɛɛ, di hɛɓɛ́ɠaa laaɓo. Di hɛɓɛ́ takpɛli laa ɓo, yai a yɛnɛ̨ɛ̨ hva kpɛɛ hɛɓɛ́, ɛlɛɛ, di haa nuą kiti tee yɛ bələ di tuwɔ la, kpɔlɔɔ yɛ bələi ə kɛ la ɉɛɓɛ́ɠaa hu.

M̀ɛni-lɛɛi 6:15

hééɓolaaɠaai lɔi mɛ̨i, nu kpɛa-kpɛaa, kɔlaɠa nwun nąmįną, hɛn gɔw nąmįną, ɛlɛɛ, da hvaŋą nąmįną, luwɔɠaa, ɛlɛɛ, nuąi di kpɔwɔ yee kɔnmą, di kɛli di loo kwɛni woloɠaa hu, ɛlɛɛ, kwɛniɠaa lɔwai ɲeeɠaa ɓa.