Ɉeremi 16:16 - Yálá laawoo hɛɓɛ (dc)

¹⁶ Yai-Laa yɛ diɛ: Gáá pai nu hɔ̨nwɔ̨lee kpɛ nuą tɛɛi, diɛ di hon, yili pulu, ŋą́ nu kpɛ loɉoɠaa tamąą tɛɛ, diɛ di kpɛ ɲeeɠaa kəlee tona, da ɲee kpu kpuɠaa kəlee nwuɔ̨, ə mą kɛ, gwɛni woloɠaa hu.

Yálá laawoo hɛɓɛ

¹⁶ Yai-Laa yɛ diɛ: Gáá pai nu hɔ̨nwɔ̨lee kpɛ nuą tɛɛi, diɛ di hon, yili pulu, ŋą́ nu kpɛ loɉoɠaa tamąą tɛɛ, diɛ di kpɛ ɲeeɠaa kəlee tona, da ɲee kpu kpuɠaa kəlee nwuɔ̨, ə mą kɛ, gwɛni woloɠaa hu.

Bible

¹⁶ Yâwɛɛ è mò ǹyɛɛi, “Ŋa pâi yá-kpɛ-ƃela tɛɛ̂i dí pá dí ǹûai ŋí sóŋ. Ŋá loŋso-ŋa tɛ̀ɛ dí lí dí dísoŋ ǹyée kpaya-kpayai da ǹyée pɛlɛɛ-pɛlɛɛi tôŋ su, gɔni wôlo-ŋai su.

Ɉeremi 16:16 Iomraidhean Croise

Zɛnɛse 10:9

Nɛmrodə ə kɛ a huwɔ kpɛmun gɛnɛ̨ Yai-Laa ɲɛ̨i ɓa. Yili ɓə gɛ, nuą da kɛ kɛi mą: «Ə kɛ a huwɔ kpɛmun gɛnɛ̨ Yai-Laa ɲɛ̨i ɓa yɛ Nemrɔdə.»

Azaya 2:21

Di ka pai kɛi lɔi kwɛni woloɠaa hu da kwɛni ɓɛlaɠaa mu, ə gɛ, di pu di həɠə Yai-Laa nwɔ liiɲąnwąną tɔwɔ, diɛ di mąąkilɛ nwąną kulɔ hvaŋą tɔwɔ, ɓɛlɔwai gaa pai muhəɠəi la, lɔi hutɔɔ mɛ̨nį ɓa.

Azaya 7:19

diɛ pa diɛ pɛlɛ ɓoloon ɉu kwɛaa kəlee ɓa, da kwɛni wolo kəlee hu, da kpomó kəlee da ɲɛɛ kɔ́wɔ kəlee hu.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 4:29

Daa lee hu nuą da pa: ɉooɠaa da gilɛn bili nuą tin mɛ̨n ɉii, di kəlee di kaa pai tɛɛi a gilɛ; diɛ lɔ gbomoɠaa hu; diɛ tɛ kwɛniɠaa ɓa; nuą daa kulɔ daa kəlee hu, nui lɔpee ta hvo lɛɛ li daai.

Ɉeremi 49:5

«Yili mąą mɛ̨nį ɓa, ɲą́ą́ Nąmu Yai-Laa Mɛ̨nį Kəlee ŋą Hééɓomun, nwóó ka, gɛ́ diɛ: Gáá pai ə́ mɛ̨i a ɲɔw kɛnɛ̨, yɛ həɠə ə́ heeyɔwɔ kəlee pɔ pələ, di kaa pai ka hu taɠai, nu kəlee yɛ li gɔwɔ ɲɛ̨i tɔwɔ pələ. Ɛlɛɛ, nu hva hɔlɔɓo, nuąi di kaa pui, hvo di ɲąąkpɔn.

Ɉeremi 6:9

Mɛ̨nį Kəlee ŋą Hééɓomun Yai-Laa woo ka, yɛ diɛ: Ka Israɛlə nu huwu gbəlii aa lɛɛ, ka gban ɉu kwɛli a nɛlɛɛ; yɛ daa kɛi viɲə wulu hu kwɛli; ka ka ɲɛ̨i laa nwonwoɠaa hu, yɛ daa kɛi gban ɉu kwɛli!

Woolaa 4:18

Di kɛi ku kɔ́wɔ hvilɛn ɉii mąąhɛŋį, di kɛ kuɔ: 'Ká heei hvo ɓɛ! Ku wɔ yɛnɛ̨ɛ̨ ŋąąkpɛɛi aa lɛɠɛ, ku wɔ hvólóɠaa laa hvɛɛ yələ aa həli.

Woolaa 4:19

Ku kpɛ nuą mąąhulaai, di mąąhulaai di tɛɛ kúwɔ́ ɓa, di pu kuɔ, di lɛɛ ku pulu, ku tɛ ɲeeɠaa ɓa, di laa ku tɔwɔ, di pələ hɛlɛn tɛ ku tɔwɔ nɔi pun ɉu.

Osia 10:10

Gáá bɔ ŋį́ di hutɔɔ, mąąhɔlɔɓo, daa kanąn di wɔ nɛ̨ŋɛ̨n veelɛi ɓa, lɔiɠaa kaa pai tínɛ̨n ɉii diɛ.

Amɔsə 4:2

Yaan, Ną́mu Yai-Laa aa gwɛla a gbɔwɔ, yɛ diɛ: Hvoló ta kaa pai ɉəlii, di kaa pai ka tooi, diɛ ka yala nɔi ɓa yɛ hɔ̨nwɔ̨lee a kɛ kwɛli ɓa, di ka lonni hon a hɔ̨nwɔ̨lee kwɛli,

Amɔsə 5:19

Volói tii kaa yɛ: nu aa kɛi gilɛ həɠə Yala tɔwɔ, ə li ə kwiɛn a Kwɛ́li. Gaa yɛ: nu a lɔ pɛlɛ́n, aa kɛi kɛ ə ɲee pɛlɛ bɛlɛ ɓa, kaalə ə ɲin.

Mise 7:2

Kulɔ nwooɓamun aa kpɛɛ nɔi hu, tələnmomun və kɛa nuą lɔwai; di kəlee daa hɛlɛn dɛ ɲąmą pu mɛ̨nį ɓa, nu kəlee yɛ ɓaalə tɛ gaayɔwɔ tɔwɔ.

Sofoni 1:12

Ɲələi tii, ŋą́ kpalan dɔɔ, gɛ́ Ɉerusalɛmə taa hu pili la. Nuąi di wɔ yɛnɛ̨ɛ̨ nii həɛ, di laa gbin ŋą, diɛ mo di kwəi diɛ kɛ: «Yai-Laa hvo mɛ̨nį ta kɛi.» Ŋą́ ɲéé pɛlɛ diɛ.

Samuɛlə dɔlɔɔ 24:11

Ə́ gbaɠala kaa yɛ́, yɛ́ kpįnįi yɛ́ kɛ, Yai-Laa ə́ ə́ lɔ ɲéé ŋą háákələi gwɛni wolo hu? Kɛlaa, və́ gɛ və́ ə́ paa; ŋą́ ə́ mąąwɛli kaa, gɛ́ kɛ diɛ: ‹Vá ɲéé pɛlɛ nwún nąmu ɓa, mąąhɔlɔɓo, nui Yai-Laa aa ɉəɠə ɉu, aa ɉee a tɔɔmun yaa li.›

Samuɛlə dɔlɔɔ 26:20

Yálá hvo gɛ ɲą́mą hvo pu lɔi ɓa, mą́ą́ kwɛa Yai-Laa ɓa. Mąąhɔlɔɓo, Israɛlə tɔɔmun aa kɔ́ muhəɠə, vilɛn ŋąą la kpə-kpə pulu, yɛ da kɛi haɉali kpɛ yeeɠaa lɔwai.»