Ɉeremi 15:19 - Yálá laawoo hɛɓɛ (dc)

¹⁹ Yii Yai-Laa ə bulu pənə la, ya ka; yɛ mą: Akɛ pənə pulu kiliŋąhiɛ a too yɛ́, ŋį́ pənə ŋį́ pa a yɛ́, yá kɛ nííla, yɛ́ tí mą́ą́, ə lɛɛ, ya wala hviikpɛɛ wooɠaa ɓo, yɛ́ woo walawalaɠaa ɓo, ə́ laaləi a kɛ a nááləi. Di kaa pai pənəi diɛ pa ə́ pɔ, Kɛlaa, yɛ́ hvəi mąąnɛ̨ɛ̨ ə́ li di pɔ.

Yálá laawoo hɛɓɛ

¹⁹ Yii Yai-Laa ə bulu pənə la, ya ka; yɛ mą: Akɛ pənə pulu kiliŋąhiɛ a too yɛ́, ŋį́ pənə ŋį́ pa a yɛ́, yá kɛ nííla, yɛ́ tí mą́ą́, ə lɛɛ, ya wala hviikpɛɛ wooɠaa ɓo, yɛ́ woo walawalaɠaa ɓo, ə́ laaləi a kɛ a nááləi. Di kaa pai pənəi diɛ pa ə́ pɔ, Kɛlaa, yɛ́ hvəi mąąnɛ̨ɛ̨ ə́ li di pɔ.

Bible

¹⁹ Nya ƃe Yâwɛɛ è ŋ́oo su tòo ǹyɛɛi, “À kɛ̀ yà tìnaŋ ḿbɔ naa-pere, ŋa pâi ńyee seêi ímu a gɛɛ í ŋɔ́nɔ tíi kɛ́ ḿî. À kɛ̀ ífe lɛ́ɛ lôno kɛ́ ní ńaai su, kɛ́lɛ í tɔ̃yâ lono kɛ́, ya pâi kɛ̂i a ŋálono kɛ́-nuu. Ǹûai ŋí da pâi pâi ípɔ-pere, kɛ́lɛ, ífe pâi pâi dípɔ pere.

Ɉeremi 15:19 Iomraidhean Croise

Tɔɔɓɛlaa dɔlɔɔ 17:1

Yálá kwəi mɛ̨nį hukulɔ mun Eli, yai həɠə Tisbe Galaadə lɔi hu, ə mo tɔɔmun Akabə ɓa, a ɲələi tii, yɛ mą: «Akɛ kpɔ Yai-Laa Israɛlə nwɔ Yálá, yai gáá tíi mą, gaa a vulú, gáá moi yɛ́, gɛ́ yɛ́: tulɔ hvo pai pui, ɛlɛɛ, luwuluwu hva pu, gwɛlanŋaa ŋɛ̨i yee mu, hvo kɛli ŋą́ hvaa mą, ya ɓə tulɔ a pu la.»

Lɛɛ gbɔwɔ ɓa 4:12

Yii hu, 'həɠə ə́ li; Ɲą́ą́ Lɔ Gáá ə́ pɔ, mɛ̨nįi mąąnɛ̨ɛ̨ ə́ mo, Ŋą́ bu ə́ la.»

Hanwon 22:29

Yá nu kaa ɲɛlɛɛ di kɛ koló hu, hva lɛɛ noo pələi, Gaa pai kɛi a tɔɔɓɛlaa di wɔ tímun.

Ɉeremi 1:9

Yili pulu Yai-Laa ə ɲee haŋą, ə ɉee nááləi ɓa, yɛ mą́ą́: «Yiihu, ŋą́ą́ nwóóɠaa pu ə́ la ka tii.

Ɉeremi 15:1

Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Ɉeremi 20:9

Ŋą́ tɔɔ gɛ́ kɛ diɛ: «Vá kɛa náá tunwɔ̨n mą, vá kɛa mɛ̨nį ta ɓo naa hu.» Ŋą́ gɛ tii, yaamun, a hee ɉú pələ yɛ nwɔ̨n gbəɠiɛ, gánan ŋąą gɔ́w hu. Ŋą́ tɔɔ kpɔ a nwą́nąąi, gɛ́ kɛ ŋį́ ɉu hon, Kɛlaa vá pɛli mą.

Ɉeremi 35:19

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ: ‹Rekavə lon Yonadavə nwɔ nu hvo pai kpɛɛi nííla a yələ kəlee.›»

Ɉeremi 4:1

Yai-Laa yɛ di: Israɛlə! Ya kɛ bɔ ə́ yali ə́ pului, ɲą́ą́ ɓə mąąnɛ̨ɛ̨ ə́ pa bɔ́. Akɛ, yá ə́ wɔ haliɠaai tii pili ɲɛ̨́i hvo kɛa tɔɔ mą́ą́, hvo kɛa pai həɠəi nííla a nwumɛ̨, yɛ́ ə́ loo mą́ą́.

Ɉeremi 6:29

Di kaa vulɔ hvɛɛ kwɛli ɓa, Kɛlaa, kpɛli-kpɛli ka tii di gɛi, gwɛli hu hvo waai,

Woolaa 1:11

Ɉerusalɛmə hee ɓo nuą di kaa di woolaai a pulu, diɛ kɔ̨nɔ̨n gwɛli, di kaa kɔ̨nɔ̨n ɲai a di yəi hɛn mąąwɛliɛɠaa. Əgɛ, di nɔ̨ɔ̨ ə lɛɛ di hu. «Yai-Laa ə́ ɲɛ̨i hee mą́ą́ tai! Yáá kpįnįi, bələi nwɛ́li aa kpɛɛ la nuą diɛ, ə́ bələ kaa!»

Izikiɛ 2:7

Nwóóɠaa ɓo diɛ, di mɛ̨n, di hvo mąn, kulɔ nwoomu nuą li.

Izikiɛ 22:26

Nwɔ haláá laahəli nuąi daa nwɔ́ tɔ́n mąąkala, daa nwɔ hɛn mąąhəɠɛɛɠaa laa pu. Di hvo hɛn mąąhəɠɛɛ da hɛn gbɛli kpɛli kulɔ ɉu kɛli; di hvo hɛn mąąhəɠɛɛ da hɛ mąąliɓiɛ kulɔ nɔwai kɛli. Di di ɲɛ̨i laa kpulu nwɔ hvįįtɔɔ yələɠaai mɛ̨i, ɛlɛɛ daa náá pu di lɔwai.

Izikiɛ 44:23

«Ɉɛn gaa a mąąhəɠɛɛ, da yii mąą hvo həɠə li, diɛ ɓə da gulɔ nɔwai lɛ nuą diɛ; ə mą kɛ, yii mąąliɓiɛ da yii mąą hvo liɓi li.

Levetekɔ 10:10

Bələ ɓə ka pɛli hɛnŋąą lɔwai tɔɔi la, hɛn gaa a nwɔ́ɔ́ da hɛn hvo ɓaa a nwɔ́ɔ́, ɛlɛɛ hɛn tɔ́n gaa mą da hɛn tɔ́n və mą.

Levetekɔ 14:57

Ɲələɠaai tɔ́n a kɛ la diɛ, da ɲələɠaa tɔ́n va kɛ la diɛ, bələ ka tii. Hvólóɲɔ̨n mąą mɛ̨nį kɛ pələ ka tii.

Zôna 3:2

«Ə́ muhəɠə, ə́ li Ninivə daa lee hu; nwɛlɛɛ ŋɛ̨i ŋį́ mo yɛ́, ə́ naa həli diɛ.»

Zakari 3:7

Yai-Laa Mɛ̨nį Kəlee ŋą Hééɓomun woo ka: «Yá hiɛ nwɔ́ pələɠaai mɛ̨i, ya nwɔ́ tíɓoɠaai kɛi, yɛ́ kpįnįi ə́ kaa pai nwɔ́ pɛlɛ́i ɲąąwooɓoi, yɛ́ ə́ ɲɛ̨i kɛ nwɔ́ kwəlii ɓa, ɛlɛɛ, nuąi tɔɔni ɓɛ, ŋą́ ə́ too di pɔ.»

Lukə 1:19

Yálá nwɔ malaka ə nwoo pulu pənə yɛ mą: «Ɲą́ą́ ɓə da kɛ mą́ą́ Gabriɛlə. Gáá Yálá yəi a nwɔ kɛla. Yaa ɓə dɔ́ɔ́, əgɛ, ŋį́ nwɛlɛɛ nɛɛ ŋɛ̨i ɓo yɛ́.

Lukə 10:16

Jesus ə mo nwɔ̨nɔ̨ nwɔ kalan nɛai diɛ, yɛ diɛ: «Akɛ nu ta a nwəli tɔɔ kaa, a kɛ tii, aa nwəli tɔɔ mą́ą́. Nui a lənə kaai, a kɛ tii, aa lənə mą́ą́. Yaan, nui a lənə mą́ą́, a kɛ tii, aa lənə nui dɛ́ɛ́ ma.»

Lukə 12:12

Mąąhɔlɔɓo, yii mąąnɛ̨ɛ̨ ka mo nąąlɔwai tii hu, Kili-Mąąhəɠɛɛ ɓə a nɛ kaa.»

Lukə 21:15

Mąąhɔlɔɓo, ɲą́ą́ gbinįi ŋą kilimąą wooɠaa tɛ ka la, kaa mo. Yii ka yowo ta lɔpee hva pɛli bulu həɠəi.

Lukə 21:36

Ka hvo yii, ka Yálá hvɛli a lɔwai kəlee; ya ɓə a gɛ, huwalawala ə hɔlɔɓo ka yəi, mɛ̨nįɠaa ŋɛ̨i pai pai ka kulɔ ɉu, ə lɛɛ, ka tɔɔ kpaan tinąą Nu Lon lííla.»

Gɛlaɠaa 20:27

Gbala ə tɔɔ, ŋį́ Yálá nwɔ mɛ̨nį pɛliɛ kəlee lɛ kaa, və́ dɔ̨nɔ̨ kpɛli loo li kaa.

Korɛntə veelɛ 5:16

Yili ɓa, yiihu kɛa, gu hvo nu ta kɔlɔn nu kan gɔlɔ hu, akɛ gu Kristə kɔlɔn a nu kanŋaa di wɔ nu kɔlɔn bələ, bələ yili hvəə kɛa ku gɔlɔn na.

Galatə 1:10

Gaa ká kwəi nuą di di ɲɛ̨i lɛlɛɛ hee mą́ą́ mɛ̨nį ɓə, a wala kɛ tii, Yálá nwɛi? Gaa ká kwəi nu liiɓa ɓə gáá gwɛlii? Akɛ yili ɓə, vá pɛli kɛ kɛi a Kristə ŋą tímun.

Galatə 2:5

Ku hvo ku kpɔwɔ lɛɛ nuą tii yeei kpɛli tiikpɛ, ə gɛ, Nwɛlɛɛ lɛlɛɛ ŋą tɛ̨ą ə lɛɛ bələ mɛ̨i ká yəi.

Hebreu 5:14

Kɛlaa, nuąi daa di mąą-nu-laa kpɛɛ, di wɛi, kɔ̨nɔ̨n nwalawala ɓə da mįi; diɛi tii daa tɛɛ yɛnɛ̨ɛ̨ mɛ̨nį tamąą hui, diɛ ɓə mɛ̨nį tamąą hukpɛ kili kaa diɛ, da pɛli di mɛ̨nį lɛlɛɛ da ɲɔ̨nwɔ̨ɔ̨ di kulɔ ɉu kɛ.

Zûu 1:24

Yálá, yai a pɛli ə kpɔnmąą tɛɛ ka pɔ ka hva too, ə ɲɛ̨i kɛ kaa, ə ka həli nwɔ mąąwiɛ hvolói ɓa a nuąi hɔn və diɛ kwəinɛ̨ɛ̨ hu,