Ɉeremi 14:19 - Yálá laawoo hɛɓɛ (dc)

¹⁹ Yai-Laa, akɛti, yáá mɔ̨ɔ̨ lənə Ɉuda ɓa? Siɔn wɛli hvo mɔ̨ɔ̨ kɛa yɛ́? Ə́ kaa ku mąą nwąnąąi ɉalə hvo mą! Lə mɛ̨nį ɓa? Ku kɛi kɔ́lɔi pɔ̨nɔ̨ mąą kpɔn, ya ka ku hvo nɛlɛɛ kaa li! Ku ɲɛ̨i ə kɛ ku kulɔ ɉu hvóló tɔwɔ, ya ka ku mąą ɲɔw hɛn mə pa.

Yálá laawoo hɛɓɛ

¹⁹ Yai-Laa, akɛti, yáá mɔ̨ɔ̨ lənə Ɉuda ɓa? Siɔn wɛli hvo mɔ̨ɔ̨ kɛa yɛ́? Ə́ kaa ku mąą nwąnąąi ɉalə hvo mą! Lə mɛ̨nį ɓa? Ku kɛi kɔ́lɔi pɔ̨nɔ̨ mąą kpɔn, ya ka ku hvo nɛlɛɛ kaa li! Ku ɲɛ̨i ə kɛ ku kulɔ ɉu hvóló tɔwɔ, ya ka ku mąą ɲɔw hɛn mə pa.

Bible

¹⁹ Yâwɛɛ, íyee kuláa Zuda m̀u kélee nɔ́ ƃé tí? Zãiyɔŋ ƃɛlɛ fé íkoi? Lé mɛni ƃé ya mɛni kpɔ̂lu lâai la kûa a gɛɛ ŋí kúfa pɔ̂ri kulâi zui? Kwa lii-see kɔ̂rii, kɛ́lɛ, kúfa mɛni lɛ́lɛɛ sii kélee da sɔlɔ ƃô. Kwa ƃálo-laa kɔ̂rii, kɛ́lɛ mɛni kpɔ̂lu nɔ́ ƃé lâai kûa.

Ɉeremi 14:19 Iomraidhean Croise

Kɔlɔnikɔ Veerɛi 36:16

Kɛlaa, di kɛi yɛlɛ kulɔ Yálá nwɔ wəlɛɛ ɓo nuąi hu, di tɛɠɛɓoɔ di wooɠaa hu, diɛ di woohəɠə gwəi mɛ̨nį hukulɔ nuą diɛ; ə lɛɛ la ɉu, Yai-Laa nwɔ liiholii ə tɛ nwąną ɓa, ɲali bulu hvo kɛa kɛ mą.

Zôo 30:26

Ɓɛlɔwai, ŋį́ kɛi nwun na nɛ̨ɛ̨ mąą kpɔn na, mɛ̨nį nwąnąą ɓə ŋį́ ɉɔlɔɓo, ŋį́ kɛi kɛɛ pɔ̨nɔ̨ mąą kpɔn, kɛlaa kpinį ɓə pa.

Mąątɛ̨nɛ̨ 78:59

Yálá ə bələ mɛ̨n yili ə níiholi, ə lənə Israɛlə ɓa kpɔ a ɉu kwɛa.

Mąątɛ̨nɛ̨ 89:38

gɛ pələ kaa pai kɛi yɛ ɲąnin, ə ɓo a nwɔ́ tələnmo kɛla yələkwəi.

Hanwon 29:1

Nui a gbowo too ɉutɔɔ woo ɓa, a tee lɔ kpə, ɉali hva kɛ.

Ɉeremi 12:7

Gáá gíli kulɔi nwɔ́ pɛlɛ́i hu, ŋį́ ɲéé kulɔ gwɛ́lin nɔi hu, ɉɛn kɛ a nííɓa hɛn, ŋą́ą́ ɲéé kulɔ ɉu, aa lɛɛ ɲówóɠaa yee kɔ́nma.

Ɉeremi 12:8

Hvó gaai! Gwɛ́lin nɔi aa kɛ kɛa ɲə́i yɛ yala hilɛ; yɛ huluun mɛ̨́i! Yili ɓa, nwɛli hvo kɛa mą́ą́.

Ɉeremi 15:1

Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Ɉeremi 15:18

Lə ɓə kɛ yai, nwɔ́ mɔ̨nɔ̨i kpɛɛ hvə kɛ li mą-o? Mą́ą́ pala hali hva kɛ? A tɛ̨ą, yáá kɛ mą́ą́ a nu ɓowo yá nwun gulɔi, nu hva pɛli gilitɔɔi ɲai tii ɓa.

Ɉeremi 30:12

Yai-Laa woo ka, yɛ diɛ: Ə́ kala mɛ̨nį hvo pai ɉəɠəi mą, di hvo pai pɛli ə́ mąą nwąną palaɠaa hali kɛi,

Ɉeremi 30:13

Nu ta hvo ə́ mąą mɛ̨nį niihɛlɛn ɉeei, ə́ wɔ palai mąą mɛ̨nį hu. Hali hvo laa di hvo bu ŋą.

Ɉeremi 51:5

Mąąhɔlɔɓo, nɛ̨ŋɛ̨n di ɉəɠə Israɛlə nwɔ Yálái Mąąhəɠɛɛ ɓa, gɛnɛ̨i nɔi, ya pa, Israɛlə da Ɉuda di wɔ Yálái hvo haa li di yəi, di hvo lɛɛ li a Mɛ̨nį Kəlee ŋą Hééɓomun Yai-Laa wɛli.

Ɉeremi 6:30

Di kaa pai kɛi nuą tii laa ɓaa: «Walə kwɛli yii mɛlɛ hvo mą.» Yai-Laa hvó di pɔ. Gwɛli gbo hvo gɛi hvo kulɔ mą.

Ɉeremi 7:29

Ə́ wɔ mɛ̨nį laakwɛlanmoɔ nwun nəɠai mɛ̨i tee! Ə́ bili! Mąąwɛli wələɠaa too bələɠaa pɔ. Mąąhɔlɔɓo, ə́ kaa a nui gaa Yai-Laa nwɔ liiholi laai kwɛlii, ɓɛlɛ aa kpɛɛ Yai-Laa kwəi.

Ɉeremi 8:15

Ə kɛ ku kwəi, mɛ̨nį kəlee mąą kaa pai hvalin ɉii a nɛlɛɛ, ya ka ku hvo nɛlɛɛ kaa li. Ku ɲɛ̨i ə ɓo kɔ́lɔi pɔ̨nɔ̨ tɔwɔ, ya ka kpalo aa pa.

Ɉeremi 8:22

Akɛti wulu laa hvo mɔ̨ɔ̨ Galaadə? Akɛti hali kɛ mun və mɔ̨ɔ̨ laa? Lə ɓə kɛ yaai hvaŋą wolo hvo kpɛli pui nwɔ́ nuą diɛ?

Woolaa 2:13

Lə kpɔ ɓə ŋą́ ə́ kɔ́ɔn mą? Lə kpɔ ɓə gulaa yɛ́; Ɉerusalɛmə, taalee lɛlɛɛ? Gbɛɛ ɓə pai ə́ mąąkɔ̨nwɔ̨i, ə́ ə́ laapilɛ, taalee lɛlɛɛ? Mɛ̨nii naai yɛ́, ɉu kɛnɛ̨i yɛ gboloyá; Gbɛɛ ɓə a pɛli ə́ ɓaloi?

Woolaa 2:22

Yáá liiholi kəlee təli mą́ą́ yɛ́ nu aa kɛi mɛlaa təli hɛli ɓa. Yai-Laa nwɔ liiholi yələ nu ta hvo pu, nu tɔ̨nɔ̨ kpɛli nwun və kulɔ ɉu. Nuąi kpɔ ŋą́ ɲįnį tɔɔ di la, ɲówo aa gəlee huwu pu.

Woolaa 4:17

Ku ɲɛ̨iyá ə kɛi pu, nui pai kpɔn ɉii kuɔ, ku ɲɛ̨i yɛ ɓo dɔwɔ; ku hvo ta gaa li hvo pa. Ku kɛ ɉį́i mɛ̨i, kuɔ ku ɲɛ̨i laa a ku mąą kpɔnmąą ɓo lɔi, hvo pɛli ku kulɔi ɉu.

Woolaa 5:22

Akɛtii, ku pili kpɔlɔɔ ɓə tii Ə́ moi? Ku túwɔ́ pələ aa ə́ liiholi aa tɛɛ gɛi ɓa? Hvo ku pili kpɔ tɛ̨ɛ̨tɛ̨ɛ̨; pələ laa ɓo kani ku tɔwɔ!

Mise 1:12

Ɲɔ̨n Marotə nɛ̨ɛ̨nu kaa gɛi, nwalawalaai mą, a neelee, mɛ̨nį ɲąąnwąnąą aa həɠə Yai-Laa pɔɔli, aa yɛɛ Ɉerusalɛmə gbon ma.

Tɛsalonikə dɔlɔɔ 5:3

Ɓɛlɔwai nu kəlee kaa pai kɛi la diɛ: «Liilaa, wəlipululaɠi», nąąlɔwai kpɔlɔ ɓə nwun napili a kulɔ la di tɛɠii, ə yɛɛ di mɛ̨i, yɛ bələi kwəinwąną a nɛ̨ɛ̨nu hon na; ɛlɛɛ, di nwun hva kulɔ ɉu.