Ɉeremi 14:16 - Yálá laawoo hɛɓɛ (dc)

¹⁶ Ə lɛɛ, nuą tii bələɠaa tii ɓoi, di kaa pai kɛi puuni Ɉerusalɛmə gwəliɠaa lɔwai a pulu, da kɔ́ kɔ́ ɓɔwa laa pɔɔ; nu hva hɔlɔɓo, hvo di powa loo, diɛ mąn, di nɛ̨ąni mąn, di lonnii hinąą da di lonnii nɛ̨ąą. Bələ ɓə gáá pai di túwɔ́ hɔn ɲɔ̨n tii yɛɛi la a di nwun.»

Yálá laawoo hɛɓɛ

¹⁶ Ə lɛɛ, nuą tii bələɠaa tii ɓoi, di kaa pai kɛi puuni Ɉerusalɛmə gwəliɠaa lɔwai a pulu, da kɔ́ kɔ́ ɓɔwa laa pɔɔ; nu hva hɔlɔɓo, hvo di powa loo, diɛ mąn, di nɛ̨ąni mąn, di lonnii hinąą da di lonnii nɛ̨ąą. Bələ ɓə gáá pai di túwɔ́ hɔn ɲɔ̨n tii yɛɛi la a di nwun.»

Bible

¹⁶ Ǹûai nyíi-ŋai da kɛ̂i dîa puru da kɔ́ dífe pâi ŋɔ́nɔ toôi dîai, dia máŋ ŋa pâi dípaâi a puru da kɔ́. Da pâi dípoma piliî bere-ŋai dîa Zerusâlɛŋ taa-leei su. Ǹyaŋ núu da fé pâi kɛ̂i naa é díloo da dínɛyâai, é pɛ́lɛ dílônii-sinaai da dílônii-nɛyãai dîa. Ŋa pâi dífela-fei dísɔnyɔ̂ŋ-ŋai mɛ̂ni ma.”

Ɉeremi 14:16 Iomraidhean Croise

Hanwon 1:31

Yili ɓa, ka túwɔ́ pələi tii lɔ ɓə gbalo a ka káá, ka wɔ kili ɲɔ̨nwɔ̨ɔ̨ tii lɔ ɓə ka pilɛ ɉu.

Azaya 51:20

Ə́ lonnii kaa puuni kwəli kəlee pɔ, daa kpɔlɔɔn yɛ lómą a kɔ́ a ɓaalə, Yai-Laa nwɔ liiholi, ə́ wɔ Yálái tómą pələ di mɛ̨i, aa di huwolo.

Azaya 9:16

Yili ɓɛ gɛi, Yálá hvo pai di wɔ hilɛlɛai mąą hvaalɛɛi, hva di wɔ təlilɛai da di wɔ kalanninŋaai ɲɛ̨imąąwɛli kaa, mąąhɔlɔɓo, di kəlee di hva mɛ̨nį haŋąą kɛ, di hva kulɔ di woo ɓa; nuąi tii kəlee da kɛ woo ɲɔ̨n moi Yálá ɓa, ə mą kɛ tii, Yálá nwɔ liiɲąnwąnąi ni li pɔ, ɲee haŋąą ni di pɔ, yɛ haŋą diɛ.

Ɉeremi 16:4

Pulu kaa pai di mɔ̨nɔ̨ ɓoi, diɛ haa ɉu, di hvo pai wɔlɔi di powa mɛ̨i, di hvo pai kámą hɔlɔɓoi, di kaa pai lɛɛi nɔi mɛ̨i, di kɛ a tulun bɔlɔ. Kɔ kaa pai di paai, pulu ə di paa, di powa ə lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Ɉeremi 18:21

Yili ɓa, di lonnii lɛɛ pulu yee kɔ́nma, di lɔ kɔ́ kɔ́ ɓɔwa ŋą. Di nɛ̨ąni di lɛɛ a lon nwɛli da hilɛ wɛli. Di hilɛni di haa ɲɔ̨n ɲəi, di lon ɉilɛlɛa di lɛɛ kɔ́ hu.

Ɉeremi 20:6

Ɛlɛɛ, yɛ́ Pasehurə, ka ə́ yəi bɛlɛ́n nuą kəlee ka káá pai lii kɔluwɔlaa hu. Ə́ kpinįi kaa həlii Babilonə, nąą ɓə ə́ kaa pai haai laa; A tɛ̨ą, nąą ɓə di kaa ə́ powa looi laa, yɛ́ ka ə́ ɓɛlaa kpɔ tii ə́ kaa lɛɛ kɛi diɛ, yɛ́ kɛ ə́ kaa mɛ̨nįi pai kɛi ɉukulɔi diɛ.›»

Ɉeremi 27:15

Yai-Laa yɛi: ‹Ɲą́ą́ hvəi di tɛɛ li, mɛ̨nįi di kaa moi a náá, lɛɛ li. Yili mąą mɛ̨nį ɓa, gáá pai ka taɠa taɠai, ɛlɛɛ, káá haa, káá mąn, da nuąi mąn, ká wɔ Yálá kwəi mɛ̨nį hukulɔ nuąi lɛɛ kɛ káá.›»

Ɉeremi 4:18

Ɉerusalɛmə taa! Yá gaa yili kaa laai yɛ́, ə́ kulɔ ə́ túwɔ́ pələ da ə́ kɛ mɛ̨nįɠaa hu. Gbaloi tii aa ɓɛla yɛ́, yɛ́ ɉu mɔ̨nɔ̨ mį́i. Ə́ wɔ lii ɲɔ̨n gwəi laa mąą mɛ̨nį ɓə.

Ɉeremi 5:31

Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Ɉeremi 7:33

Di kaa pai nu kpulu kɛnɛ̨ paai nuą ŋɛ̨i lɔwai, di lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n, ə lɛɛ nu hvo pai hɔlɔɓoi, yɛ di kpɛ.

Ɉeremi 8:1

Yai-Laa woo ka, yɛ diɛ: Yələi di yowoɠaa di kaa pai nu kɔ́wɠaa kulɔi la gámąɠaa hu; dɔɔɓɛlaa kɔ́wɠaa da Ɉuda nu kpɛa kpɛaɠaa di wɛi, ə mą kɛ, ɉaláá laa həli mun, da Yálá kwəi mɛ̨nį hukulɔ nuą di wɛi, ə lɛɛ, da Ɉerusalɛmə nuą kɔ́wɠaa.

Ɉeremi 8:2

Di kaa pai gəlee huhiɛi hvóló mu, di ɉuhiɛ ɲąnin voló ɓa, da yələkɔlɔn ɉu hɛnŋaa kəlee ɲɛ̨i ɓa. Ɉɛnŋaa tii ɓə di wɛli ə́ kɛ diɛ, diɛ di mąąwiɛ; diɛ kwɛli hvilɛn diɛ, diɛ di nwun dɔɔ a diɛ. Di kɔ́wɠaa da lɛɛ a ɉu taɠaa, di hva pənə di hvo di loo a nįnɛ̨. Da lɛɛ nɔi mɛ̨i yɛ tulun bɔlɔ.

Ɉeremi 9:20

nwɔlɔ kpɔ ka: «Haa kaa tɛi a bɛlɛ́ nwąną; aa lɔ gu wɔ pɛlɛ pɛlɛɛɠaai mu, yɛ lon nwun napili gwəliɠaa lɔwai, yɛ muhəɠə nįnɛ̨ɠaa paa gwəli heaiɠaa ɓa.»

Ɉeremi 9:22

Yai-Laa yɛ diɛ: Kilimąą mun və gbɔwɔ ɲąąkɛnɛ. Nwɔ kili mɛ̨nį hu. Huwalawala mun hvo gbɔwɔ ɲąą kɛnɛ̨, nwɔ huwalawala laa hu. Hɛn Nąmu hvo gbɔwɔ ɲąą kɛnɛ̨, nwɔ hɛn gɔw mɛ̨nį hu.

Izikiɛ 39:14

Nuą kaa pai kɛi laa, yili ə ɓo a di mąą kolo; diɛ tɛɛ nɔi mɛ̨́i diɛ nu pɔwaɠaa loo, a nu pɔwaɠaai tii pai lɛɛi toonin nɔi ɓai; ə gɛ diɛ pɛli nɔi mąąhəɠəi, nuąi lɛɛ lɔi mɛ̨́i di mąą mɛ̨nį ɓa. Di kaa pai kɛi nuą kwɛlii tii ɲąnin mɛ́ihveelɛ yee mu.

Amɔsə 7:17

yɛ diɛ: «‹Yɛ́ Amasia, ə́ nɛ̨ą kaa pai kɛi a wɛlikɛnɛ̨ɛ̨nu kɛnɛ̨ ɓɛ daa lee hu. Ə́ lon ɉinąą da ə́ lon nɛ̨ɛ̨ą di kaa pai lɛɛi kɔ́ hu; di kaa pai ə́ wɔ lɔi ŋąąkwɛlɛi a yɛli. Ə́ wɛi tii nwɛi, lɔi yii di hvo Yálá kɔ́lɔn ɉu, naa ɓə ə́ kaa pai haai laa, yili pulu, di kaa pai Israɛlə nu huwu kəlee hon ɉi a luwɔ, di li a diɛ lɔi takpɛli hu.›»

Maafîu 15:14

Ka di lɛɛ laa, ɲɛ̨ipunuą ka tii di ɓɛlaa di wɔ tunwɔ̨n ɉon ɉii. Ɲɛipumun lɔpee a mɛlan nwɔ tunwɔ̨n ɉon, di nu hveelɛ da too lɔwai.»

M̀ɛni-lɛɛi 16:1

Yili pulu, ŋį́ woo kɛnɛ̨ ta mɛ̨n yɛ həɠə Yálá hee pɛlɛ́ mu, yɛ kɛ malaka mɛ̨ihveelɛi tii diɛ: «'Ká li, 'ká Yálá ŋą liiŋąnwąną kpələ-kɔ́wɔ mɛ̨ihveelɛi tii hu ɓo lɔi mɛ̨i.»