Ɉeremi 14:15 - Yálá laawoo hɛɓɛ (dc)

¹⁵ Yili mąą mɛ̨nį ɓa, ɲą́ą́ Yai-Laa gɛ́ diɛ: Yii hvilɛn na Ɲálá kwəi mɛ̨nį hukulɔ nuą tii diɛ, diɛi tii mɛ̨nį ɓoi a náá və́ di tɔɔ li la, yii daa kɛ diɛ: ‹Kɔ da pulu, da hvo pai tooi nɔi ŋɛ̨i ɓa!› Ə həli kani kɛa diɛ, kɔ́ kɔ́ ɓɔwa, da pulu ɓə pai Ɲálá kwəi mɛ̨nį hukulɔ nuą tii paai.

Yálá laawoo hɛɓɛ

¹⁵ Yili mąą mɛ̨nį ɓa, ɲą́ą́ Yai-Laa gɛ́ diɛ: Yii hvilɛn na Ɲálá kwəi mɛ̨nį hukulɔ nuą tii diɛ, diɛi tii mɛ̨nį ɓoi a náá və́ di tɔɔ li la, yii daa kɛ diɛ: ‹Kɔ da pulu, da hvo pai tooi nɔi ŋɛ̨i ɓa!› Ə həli kani kɛa diɛ, kɔ́ kɔ́ ɓɔwa, da pulu ɓə pai Ɲálá kwəi mɛ̨nį hukulɔ nuą tii paai.

Bible

¹⁵ Ɣâla ŋɔlóno kɛ́ ƃelai nyíi-ŋai mò dîɛ puru da kɔ́ dífe pâi toôi ǹɔii sui, ǹyaŋ ḿve mó ní tíi, Ńyãa Yâwɛɛ ŋa pâi dí paâi a kɔ́ da puru.

Ɉeremi 14:15 Iomraidhean Croise

Tɔɔɓɛlaa dɔlɔɔ 22:25

Mise yɛ mą: «Yɛ́ kpinįi ə kaa pai nąą kaai, a volói ə kaa pai kɛi pui la yɛ ə́ nwun mąąkilɛi kwɛli, ya lɔ bɛlɛ́ yii mu, ə́ kulɔ laa yɛ lɔ dakpɛli mu.»

Ɉeremi 20:6

Ɛlɛɛ, yɛ́ Pasehurə, ka ə́ yəi bɛlɛ́n nuą kəlee ka káá pai lii kɔluwɔlaa hu. Ə́ kpinįi kaa həlii Babilonə, nąą ɓə ə́ kaa pai haai laa; A tɛ̨ą, nąą ɓə di kaa ə́ powa looi laa, yɛ́ ka ə́ ɓɛlaa kpɔ tii ə́ kaa lɛɛ kɛi diɛ, yɛ́ kɛ ə́ kaa mɛ̨nįi pai kɛi ɉukulɔi diɛ.›»

Ɉeremi 23:30

Yai-Laa woo ka, yɛ diɛ: «Yili mąą mɛ̨nį ɓa, Yálá kwəi mɛ̨nį hukulɔ nuą tii, da kɛ nwóó nwuɔ̨i di kee yəi, gáá hvaa pɛlɛi diɛ.»

Ɉeremi 27:15

Yai-Laa yɛi: ‹Ɲą́ą́ hvəi di tɛɛ li, mɛ̨nįi di kaa moi a náá, lɛɛ li. Yili mąą mɛ̨nį ɓa, gáá pai ka taɠa taɠai, ɛlɛɛ, káá haa, káá mąn, da nuąi mąn, ká wɔ Yálá kwəi mɛ̨nį hukulɔ nuąi lɛɛ kɛ káá.›»

Ɉeremi 6:15

Di wɔ túwɔ́ pələ ɲɔ̨n tii kaa pai di ɲɛ̨i paai. Ə mą kɛ tii, yiihu di hva kpɛli nwumɛ̨. Di kili hvo ɉu diɛ kɛ di ɓɛlɛ aa kpɛɛ diɛ; yili mąą mɛ̨nį ɓa, di kaa pai tooi yɛ nu kəlee; ɓɛlɔwai gáá pai múhəɠəi la di laa ɓa, di kaa pai tooi, ɲą́ą́ Yai-Laa nwóó li!

Ɉeremi 8:12

Di kaa pai nwumɛ̨i di wɔ túwɔ́ pələ ɲɔ̨n ɉu. Kɛlaa di hvo mąn kɛa nwumɛ̨ kɔ́lɔn. Di kili hvo ɉu, diɛ kɛ di ɓɛlɛ aa kpɛɛ diɛ. Yili ɓə gaa mą: Yai-Laa yɛ diɛ: Di kaa pai tooi yɛ nutakpɛliɠaa tii kəlee. Di woo hukulɔ yələ di ɲɛ̨i a paa.

Ɉeremi 8:13

Yai-Laa woo ka, yɛ diɛ: Gáá kwa diɛni ku lɔwai mɛ̨nį hutɔɔi tɔ̨nɔ̨; viɲə ɓá hvo kɛa ɉu; ɓɔɔlaa wuluɠaa ta ɓa hvo ɉu. Gəlee laa a kpala mą. Gáá di laakwɛlanmoi di hu kalamun ma.

Woolaa 1:19

Ŋą́ nwɔ́ wɛliɠaa təli, diɛ kpɛli daa mówo nwɔ́ haláá laa həli nuą, daa nwɔ́ kalanɉonŋaa diɛ mɔ̨nɔ̨ mįi daa kwəi a pulu, diɛ kɔ̨nɔ̨n gwɛli, ə gɛ, di nɔ̨ɔ̨ ə lɛɛ di hu.

Woolaa 2:20

Yai-Laa! 'Ə́ ɲɛ̨i hee tai, ə́ kɛɛ kaa! Gbɛɛ ɓə yá ta ɉon bələ kɛ kpɔ ŋɛ̨i-yoo? A kɛ tii, hvo kɛli kɛ nɛ̨ąą di di kwəi lonnii mįi? A di kpɔwɔ lonnii ŋɛ̨i laani di ɲįnį mui? Akɛti, hvo kɛli kɛ da ə́ wɔ haláá laa həli nuą, da ə́ kwəi mɛ̨ni hukulɔ nuą nwun dee, ə́ wɔ haláá kulɔi ɓa?

Izikiɛ 13:14

Bɛlɛ́ nwąnąi ti ka dɔɔ, gáá pai bui; gwɛniɠaai ka bu mu, ŋį́ gəlee kulɔ. Gaa pai tooi, ɛlɛɛ ka káá pai haai mu. Ka gili kɔ́lɔn nąą lɔwai kaa kɛ Yai-Laa ɓaa a ɲą́ą́.

Izikiɛ 13:15

Gáá pai nwą́ną́ kəlee kulɔi bɛlɛ́ nwąną ɓa, da nuąi ti dɔɔ a ɲɔ̨ŋɔ̨i; gɛ́ kɛ kaa: pɛlɛ nwąną mɛ̨nį hvo kɛa ɉu, dɔɔ-nuą mɛ̨nį hvo ɉu.

Izikiɛ 13:9

Ɲéé kaa pai həlii nɛɛ kɛɛ kaa nuąi tii diɛ, a diɛi tii da nuą ɓowo wo ɓoi; di hvo pai kɛi nwɔ́ lɔi nwɔ nwun dɔɔ hu, di laa hvo pai pɛ̨ɛ̨i Israɛlə pɛlɛ́ nwɔ hɛɓɛ́i hu. Di hvo pai lɔi Israɛlə lɔi hu, bələ ɓə ka gili kɔ́lɔn na káá kɛ, ɲą́ą́ ɓə gáá a Mɛ̨nį kəlee ŋą Hééɓomun Yálá.

Izikiɛ 14:10

Di wɔ nɛ̨ŋɛ̨nŋąąi wulu a lɛɛ di nwuɔ̨; nui a pa kɛɛmąąni kɛi, nwɔɔ nɛ̨ŋɛ̨n a kɛ lɔ yɛ pələi nu gaa Yálá kwəi mɛ̨nį hu kulɔi nwɔɔ nɛ̨ŋɛ̨n a kɛ la.

Izikiɛ 14:9

Yálá kwəi mɛ̨nį hu kulɔmun lɔpee da mowo yɛ mɛ̨nį ta ɓo, a kɛ ti ɲą́ą́ ɓə mąą nu ɓowo; ŋį́ hee ɉu, ɛlɛɛ ŋį́ gulɔ nwɔ́ nu huwui Israɛlə lɔwai.

Izikiɛ 33:6

Kɛlaa bələi mąąkpɛɛ mun a gɔ́ kaa yɛ pa, a wala dúlú hvɛɛ, gɔ́ a pa, nu ta a lɛɛ ɉu, nui tii haa mɛ̨nį wulu a lɛɛ bələi mąąkpɛɛ mun nwuɔ̨.

Amɔsə 7:17

yɛ diɛ: «‹Yɛ́ Amasia, ə́ nɛ̨ą kaa pai kɛi a wɛlikɛnɛ̨ɛ̨nu kɛnɛ̨ ɓɛ daa lee hu. Ə́ lon ɉinąą da ə́ lon nɛ̨ɛ̨ą di kaa pai lɛɛi kɔ́ hu; di kaa pai ə́ wɔ lɔi ŋąąkwɛlɛi a yɛli. Ə́ wɛi tii nwɛi, lɔi yii di hvo Yálá kɔ́lɔn ɉu, naa ɓə ə́ kaa pai haai laa, yili pulu, di kaa pai Israɛlə nu huwu kəlee hon ɉi a luwɔ, di li a diɛ lɔi takpɛli hu.›»

Mise 3:5

Nwooi Yai-Laa ə mo yɛ hvilɛn na, nuąi da nwɔ nuąi ɓowo diɛ, ya ka, yɛ diɛ: Gbɛɛ ɓə nwɔ́ nuąi ɓowoi? Nuąi da kɔ̨nɔ̨n dɛɛ di pɔ, da liilaa wɛlɛɛ laa həli diɛ. Kɛlaa nuąi di hva di kɔ́, da kɔ́ muhəɠə yiliɠaai ɓa.

Dutɛrɔnome 18:20

Kɛlaa, nu ta a niikpələ, yɛ kɛ yɛ gaa mɛ̨nį ta ɓoi a náá, yii və́ dí li la, a wala kɛ tii, yɛ hvaa haliɠaa laa hu, mąą nu a haa.»

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.