Ɉeremi 14:14 - Yálá laawoo hɛɓɛ (dc)

¹⁴ Yili ɓə gɛ, Yai-Laa ə nwóó pulu pənə, yɛ mą: «Lɛɛ ka tii di gɛ a náá, ɲą́ą́ hvəi di tɔɔ la, və́ mɛ̨nį ta ɓo li diɛ. Di kɛ diɛ: daa kɛɛ kaa, daa mɛ̨nį mɛ̨n, lɛɛ ka tii di gɛ, di kwəi kiliŋąhiɛ lɔ li, diɛ mɛ̨nį kulɔ di nwun ɉu, diɛ mo. Bələ ɓə diɛ da kɛ gwə́i mɛ̨nį hukulɔi la a lɛɛ.

Yálá laawoo hɛɓɛ

¹⁴ Yili ɓə gɛ, Yai-Laa ə nwóó pulu pənə, yɛ mą: «Lɛɛ ka tii di gɛ a náá, ɲą́ą́ hvəi di tɔɔ la, və́ mɛ̨nį ta ɓo li diɛ. Di kɛ diɛ: daa kɛɛ kaa, daa mɛ̨nį mɛ̨n, lɛɛ ka tii di gɛ, di kwəi kiliŋąhiɛ lɔ li, diɛ mɛ̨nį kulɔ di nwun ɉu, diɛ mo. Bələ ɓə diɛ da kɛ gwə́i mɛ̨nį hukulɔi la a lɛɛ.

Bible

¹⁴ Kɛ́lɛ Yâwɛɛ è mò ḿâ ǹyɛɛi, “Ɣâla ŋɔlóno kɛ́-ƃelai tí da lɛ́ɛ kɛ̂i a ńaa. Ḿve dítɛɛ ní, kpaa máŋ ŋá mɛni da ƃó dîa a gɛɛ dí m̀ó ńaai su. Zĩ̂a-ŋai díkaa lônoi é pîlaŋ mai, ńyãa fé dɛ̀ɛ ní. M̀ɛnii da m̀ôi, tɔ̃yâ fé zu. Díkpɔɔi kili-ŋa-sia ká tí da m̀ôi.

Ɉeremi 14:14 Iomraidhean Croise

Azaya 56:10

Ɲɛ̨ipu nuą ɓə di ɲɛ̨i kɛi Israɛlə taa ɓa, nu kəlee di pɛlɛɛ di kee ɓa, di ta hvo mɛ̨nį kɔ́lɔn, munųgbɛ yilɛɠaa ɓaa diɛ, di hva pɛli kpəɠii, di kaa puuni, diɛ di kiliŋąhiɛ lɔ tii, yii mɛ̨nį lɔ ɓə nwɛli kaa diɛ,

Azaya 9:15

Di ɲɛ̨itɔwɔ nuą daa di lan, nuą diɛ kpɛli daa ɉon a pələ ɲɔ̨nwɔ̨ɔ̨, di nwun na aa pili.

Ɉeremi 20:6

Ɛlɛɛ, yɛ́ Pasehurə, ka ə́ yəi bɛlɛ́n nuą kəlee ka káá pai lii kɔluwɔlaa hu. Ə́ kpinįi kaa həlii Babilonə, nąą ɓə ə́ kaa pai haai laa; A tɛ̨ą, nąą ɓə di kaa ə́ powa looi laa, yɛ́ ka ə́ ɓɛlaa kpɔ tii ə́ kaa lɛɛ kɛi diɛ, yɛ́ kɛ ə́ kaa mɛ̨nįi pai kɛi ɉukulɔi diɛ.›»

Ɉeremi 28:11

Yili pulu, Hanania ə mo nɔi lonnii kəlee ɲɛ̨i ɓa, yɛ diɛ: «Yai-Laa woo ka, yɛ diɛ: ‹Gɛɛ kwɛlan veelɛ hvo tɛɛ, kpɔlɔɔ ɲą́ą́lee, bələ ɓə gáá pai Babilonə tɔɔmun Nabukodonosorə nwɔ kpɔ̨nɔ̨i hu yalii la, gɛ́ ɉəɠə nɔi kəlee mɛ̨i!›» Yai-Laa kwəi mɛ̨nį hukulɔ mun Ɉeremi ə li!

Ɉeremi 28:13

«Lí, yɛ Hanania ɓa: Yai-Laa woo ka, yɛ diɛ: ‹Wulu kpɔ̨nɔ̨ ka tii ə́ ɉu yali, ə́ kaa pai kwɛli kpɔ̨nɔ̨ kɛi a mąąhvalin.›»

Ɉeremi 28:15

Nąąlɔwai, Yálá kwəi mɛ̨nį hukulɔ mun Ɉeremi yɛ Yálá kwəi mɛ̨nį hukulɔ mun Hanania ɓa: «Ə́ wəli tɔɔ Hanania, Yai-Laa hvə ə́ tɔɔ li, yɛ́ ɓə gɛi, nuą ŋɛ̨i diɛ di kpɔɔ ŋąąkolon a lɛɛ mɛ̨nįɠaa.

Ɉeremi 29:21

«Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka, yɛ hvilɛn na Kolaya lon Akabə ɓa, da Maaseya lon Sedesiasə diɛ, yɛ nu hveelɛi tii, di kaa di kpɔɔ kɛi a Yálá kwəi mɛ̨nį hukulɔ nuą, diɛ mɛ̨nį ɓo a náá, a lɛɛ. Gáá pai di tɛɛi Babilonə tɔɔmun Nabukodonosorə pɔ, yɛ di paa ka ɲɛ̨i ɓa.

Ɉeremi 29:31

«Nuą kpɔ luwɔlaa hu, mɛ̨nįi ŋɛ̨i ɓo, diɛ, yɛ́ diɛ: ‹Mɛ̨nii Yai-Laa kaa moi a Nehelamə mun Semaya laa, ya ka, yɛ diɛ: Semaya kaa mɛ̨nįɠaa ɓoi kaa a náá, yaan, ɲą́ą́ hvəi dɔɔ la, gaa ka kili nwɔ pɛlɛ́i a lɛɛ woo.

Ɉeremi 37:19

Ɛlɛɛ, ka wɔ lɛɛ mɛ̨nį hukulɔ nuąi kɛi kɛ kaa: ‹Ə kɛ a káá-oo, ə kɛ a nɔi ŋɛ̨i-yoo, Babilonə hvo pai kɔ́ pɛlɛi káá› di kaa mį?

Ɉeremi 5:31

Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Ɉeremi 8:10

Yili ɓə gaa mą, Yai-Laa yɛ diɛ: Gáá di nɛ̨ąni tɛɛi nu takpɛliɠaa pɔ, di wɔ tííɠaa di lɛɛ nui a ɉəɠə ɲəi. Mąąhɔlɔɓo, di kəlee di hɛn nwɛliɛi, ə kɛ a lokolo, ə kɛ a nu kɛnɛ̨, gəlee túwɔ́ pələ kaa lɔ a lɛɛ, Yálá kwəi mɛ̨nį hukulɔ nuą mąn ə mą kɛ ɉaláá laa həli nuą mąn.

Ɉeremi 8:11

Di kaa nwɔ́ nuą di wɔ mąąwɛli mɛ̨nį hali kɛi a hviikpɛɛ, diɛ kɛ diɛ: «Ka ka liilaa! Ka ka lilaa.»

Woolaa 2:14

Yálá kwəi mɛ̨ni ɓo nuąi di kaa ə́ yəi, ɓowo hįi ɓə di gaa ə́ mąą mɛ̨ni ɓa, yɛ ɓo a kpɛli-kpɛli mɛ̨ni. Di hvo kɛ ə́ hɔn nɛ li yɛ́, yii kɛ a pɛli nuwɔlaa ŋɛ̨i hvolói yɛ́. Nwɛlɛɛi di kɛi mo yɛ́, ə kɛ a lɛɛ woo da nu ɓowo woo

Woolaa 2:9

Siɔn kponŋaa kəlee daa lɛɛ pɔ́lɔ mu, naa kpulu kwɛliɠaa kəlee hu aa yali yali. Dɔɔmun da nwɔ kalanɉonŋaa daa lɛɛ nu takpɛliɠaa yee mu. Yálá kwəi mɛ̨ni hukulɔ mɛ̨ni hvo kɛa ɉu laa. Yálá hvo kpɛli kɛa gwəi mɛ̨ni lɛi gwəi mɛ̨ni hukulɔi nuą diɛ.

Izikiɛ 12:24

Mąąhɔlɔɓo, di hvo kɛa pai lɛɛ hįį kaai; di hva kɛa nuą ɓowo mɛ̨nį ɓo Israɛlə nwɔ lɔi hu.

Izikiɛ 13:2

«Hulɔnu lon! Mɛ̨nįi ŋɛ̨i ɓo Yálá kwəi mɛ̨nį hukulɔ nuąi Israe lɔi hu diɛ, diɛi tii da kɛ di kaa mɛ̨nį ɓoi a Yai-Laa laa, A nuąi da mɛ̨nį kulɔ di kwəi diɛ mo. 'Kɛ diɛ; 'ka ka wəli tɔɔ Yai-Laa woo ɓa.

Izikiɛ 13:23

Yili mąą mɛ̨nį ɓa, ká hvo kɛa pai lɛɛ kɛɛ kaai; ká hvo kɛa pai mɛ̨nį ta ɓoi. Gáá pai nwɔ́ nu kan gulɔi ka yəi. Bələ ɓə, ká gili kɔ́lɔn gɛaa kaa kɛ ɲą́ą́ ɓə gáá a Yai-Laa, Hééɓo kəlee Nąmu.»

Izikiɛ 21:29

Yili ɓə gɛ Yai-Laa yɛ kɛ diɛ: ka wɔ nąŋąŋąąi kili tooi ka mo ka ɲą, a ɓɛlɔwai ka wɔ kulɔ nwoo mu laa ə too la pɔ̨nɔ̨ ɲą, nuą diɛ ka wɔ nɛ̨ŋɛ̨nŋąą kaa, ka kɛ mɛ̨nįɠaa kəlee hu, ɛlɛɛ nuą ɲɛ̨́i tinɛ̨n ka mo ka pɔ pələ, yili mąą mɛ̨nį ɓa, di kaa pai ka hon ɉii gɔ́ hu lɔ poto poto.

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Zakari 10:2

Hvo gaai, haliɠaa daa hvaa, nu hvo ɲąą kaa li, ɛlɛɛ, dɔlu kpɛ nuą daa lɛ́ɛ́ tɔlu kpɛ, ɉįi nwooɠaai da ɉu kulɔ, nwun va kɛ mą, diɛ nuą lii laa woo ɓo, a di ɓowo pələ. Yili ɓə gɛi, nɔi lonnii daa lan, yɛ ɓɛlaa kpulu, di mąąwɛliɛ, gbala ə tɔɔ, di ɲąą kɔ́n nąn və mą.

Zakari 13:3

Nąąlɔwai nui a tɔɔ, yɛ kɛ gaa Yálá kwəi mɛ̨nį hu kulɔi, gaa nuą kpįnįi kpɔ-kpɔɔ da kɛ mą: «Mąą hvo kɛa nɛ̨ɛ̨li hvó lɛɛ yɛnɛ̨ɛ̨, lɛɛ ka tii ə́ kaa gɛi a Yai-Laa laa!» Ɛlɛɛ, gaa nąn gbinįi kpɔ-kpɔɔ da gaa lee kpįnįi kpɔ-kpɔɔ, di kaa pai ɓɔi ɉu a kpala, ɓɛlɔwai gaa pai kɛi nwɔ lɛɛ hvaa tii ɓoi la.

Dutɛrɔnome 18:20

Kɛlaa, nu ta a niikpələ, yɛ kɛ yɛ gaa mɛ̨nį ta ɓoi a náá, yii və́ dí li la, a wala kɛ tii, yɛ hvaa haliɠaa laa hu, mąą nu a haa.»

Timote dɔlɔɔ 4:2

a nɛɛi di pai moi laa, huhveelɛ nuą da lɛɛ nuą, diɛ lan, a diɛi, daa di pɔɔ kɛ di kili ɓa a kwɛli kpɔlu.

Zɔ̂ŋ Maa-ŋuŋ 4:1

Nwɛ́likɛmąą nuą, 'ká hvo laa mąąkwɛli kɛ nuą kəlee woo la, kɛlaa, 'ká di mąąkpɛɛ, ə gɛ, ká gaa, akɛ ə həɠə Yálá pɔ; mąąhɔlɔɓo, lɛɛ nuą tamąą daa di kpɔwɔ kɛ a Yálá kwəi mɛ̨nį hukulɔ nuą daa taɠa-taɠa yɛnɛ̨ɛ̨ nąą kəlee.