Ɉeremi 14:10 - Yálá laawoo hɛɓɛ (dc)

¹⁰ Yai-Laa woo ka yɛ hvilɛn na nu huwui tii ɓa: «Gilɛ həɠə wɛli kaa diɛ, di hva di lii kili ɓo» yili nwɛli hvo Yai-Laa ɓa, gíli kaa di kɛ nɛ̨ŋɛ̨n ɉu, yɛ pa ɉutɔɔi

Yálá laawoo hɛɓɛ

¹⁰ Yai-Laa woo ka yɛ hvilɛn na nu huwui tii ɓa: «Gilɛ həɠə wɛli kaa diɛ, di hva di lii kili ɓo» yili nwɛli hvo Yai-Laa ɓa, gíli kaa di kɛ nɛ̨ŋɛ̨n ɉu, yɛ pa ɉutɔɔi

Bible

¹⁰ Zɛlemaya è ŋɔ́nɔ mò nyɛɛ Yâwɛɛ è lòno é pîlaŋ ǹûai dîa ǹyɛɛi, “Díkaa nɔ́ a pìlaŋ gɔ́ɔ-ma-ƃela. Dífa kpîŋ dísia pere maa kpɛ̂ɛ. M̀ɛni ma, ǹíi fé láa ní díyêei. Dí mɛni nyɔ́mɔɔ-ŋai kíli a pâi lɛɛ̂i ŋ̀á. Ǹyaŋ a pâi díkula-maa kɛ̂i dísɔnyɔ̂ŋ-ŋai mɛ̂ni ma.”

Ɉeremi 14:10 Iomraidhean Croise

Tɔɔɓɛlaa dɔlɔɔ 17:18

Nokoloi nee yɛ Eli ɓa: «Yálá nwɔ nu! Lə mɛ̨nį ɓə gwa yɛ́ gu lɔwai? Ə́ lɔ ɲə́i bɛlɛ́n nwɔ́ nɛ̨ŋɛ̨nŋąą kili too mɛ̨nį ɓa Yálá ŋą, da nón nwun napili mɛ̨nį?»

Mąątɛ̨nɛ̨ 119:101

Ŋą́ nɛ̨ŋɛ̨n bələ kəlee mąąlaa, gɛ́ pɛli lɛɛi ə́ woo pulu.

Mąątɛ̨nɛ̨ 95:10

Kwɛlan bow nąąn ɲeemu, nu huwui tii kun ə hee ɉú, ya ɓə ŋį́ kɛ diɛ: «Nu huwui ɲɛ̨i kiliŋąhiɛ pələ aa bələ lɛɛ, di hvo nwɔ́ pələɠaai kɔ́lɔn ni.»

Lɛɛ gbɔwɔ ɓa 32:34

'Li kɛa yiihu a nuą, ɓɛi ŋį́ naa hvaa ɓo yɛ́, ɛlɛɛ, nwɔ́ malaka ɓə pai hvilɛn ɉi ə́ tɔwɔ. Kɛlaa, gáá pai di hutɔɔi a yələ ta, di wɔ nɛ̨ŋɛ̨nŋąąi mąą mɛ̨nį ɓa.»

Ɉeremi 2:36

A tɛ̨ą yáá ə́ wɔ nu kpoloon naa lɛ, a ə́ kpaalə mąąhvalin ə́ mo. Eziptə lɔi, da Asiri lɔi da nwumɛ̨ yɛ́.

Ɉeremi 3:13

Kɛlaa, ə mą kɛ tii, hvaa ə́ wɔ túwɔ́ pələ ɲɔ̨n ma. Yai-Laa ə́ wɔ Yálái ka tii ə́ ə́ kwɛli tee mą. Ə́ hvilɛn ŋąą nwɛ̨ąą pulu, kaa li pələ kəlee pɔ; kaa li wulu laa huwia kəlee mu; hvó kɛ ə́ wəli tɔɔ li nwóó ɓa. Ɲą́ą́ Yai-Laa nwóó li!

Ɉeremi 31:34

Di hvo kɛa pai kɛi di kee ni mąąkwɛlii di kee lɔwai. Nu ta hva kɛa kɛ nąn non ma: ‹Ka Yálá kɔ́lɔn bələ mąąkwɛli›. Mąąhɔlɔɓo, di kəlee di kaa pai gɔ́lɔn ɉii; nu kpɛa kpɛaa mąn, nɛapɛlɛɛ mąn. Ɲą́ą́ Yai-Laa nwóó li! Ŋą́ di wɔ nɛ̨ŋɛ̨nŋaa mąą hvaalɛɛ, ŋį́ gíli kulɔ di hɔn ɉu.»

Ɉeremi 6:20

Lansan ŋɛ̨i ka həɠə la Saba, kaa paa la mą́ą́ mɛ̨nį ɓa, lə ɓə ŋį́ gɛ la? Lə ɓə ŋį́ gɛ a ɉɛn mąą kun nɛ̨ɛ̨i tii, ka həɠə la kwɛala lɔiɠaa hu? Ka wɔ haláá yiiɠaa da gəlee kələn, wɛli hvo mą́ą́. Ka wɔ haláá ɓɛlɛ hvo gwə́i.

Ɉeremi 8:5

Lə ɓə kɛ yaai, nu huwui ŋɛ̨i Ɉerusalɛmə, gaa lɔ nwun gulɔi nwóó mu diɛ nɛ́ɛ́ laa a ɉu kwɛa? Diɛ ka, daa kanąn nɔ hali mɛ̨nį ɓa, di hvo gɛi di hvo tinɛ̨n di hvo pa bɔ́.

Izikiɛ 29:16

Hva kɛa kɛ a hɛn da di kilitɔɔ mą; yili ɓə kɛi gɛ Israɛlə nwɔ pɛlɛ́i yɛ ɲɛ̨i tinɛ̨n bɔ pələ, yɛ nɛ̨ŋɛ̨n ɉəɠə la ti; bələ ɓə da gili kɔ́lɔn na diɛ kɛ Yai-Laa ɓaa a ɲą́ą́.»

Osia 11:7

Nwɔ́ nu huwui, di yee kanąn ŋąą kpɔlɔ di wɔ hali mɛ̨nįi ɓa, di kaa di təlii diɛ kɛ di tɛ Hɛn Gəlee Nąmu pɔ, kɛlaa, di ta lɔpee hvo gɛi hvo tɛ.

Osia 11:9

Və́ pai ɲéé ɓoi nwɔ́ liiholii ɓa, və́ pai Ɛfraimə hu kalai, mąąhɔlɔɓo, gáá a Yálá, və́ a nu; Mąąhəɠəmun maa a ɲą́ą́ ka lɔwai, və́ pai pai a liiholi.

Osia 7:13

Kpalo ɓɛlaai diɛ, mąąhɔlɔɓo di kaa pui mą́ą́, di yee aa lɛɛ ɉu, mąąhɔlɔɓo di di nwun dɛ a ɲą́ą́; ɓɛlɔwai ŋį́ kɛi di nwun mąąɓo la, diɛi da kɛ lɛɛ pɛlɛi a náái.

Osia 7:2

Ɛlɛɛ di hvo kɛ gɔlɔn di kwəi pələ diɛ kɛ mɛ̨nį ɲɔ̨n di kaa gɛi, gáá gəlee kili lɛɛi ɲą́; yiihu, di kɛ mɛ̨nįɠaa daa di yili, di kaa ɓɛ ɲɛ̨́i mu.

Osia 8:13

Yii di yəi a haláá ya ka; ɉuwɔi da gulɔ a haláá, da pənə di mįi; Kɛlaa, yili hva nɛ̨ɛ̨ Yai-Laa ɓa, yiihu, gaa giliŋąhiɛi di wɔ nɛ̨ŋɛ̨nŋąąi ɓa, yɛ di wɔ túwɔ́ pələ ɲɔ̨nŋąąi lonon. Hvo kɛli nwɔ̨nɔ̨ di pənə di li Eziptə lɔi hu.

Osia 9:9

Di yee aa ɓɔ nɔgwəi mɛ̨nį hu, yɛ bələi ə kɛ la Givea, di hɔn gɛnɛ̨i tii, kili kaa pai lɛɛi Yai-Laa ɲą, gaa pai di wɔ nɛ̨ŋɛ̨nŋąą i kwələ kulɔi diɛ.

Amɔsə 3:2

«Lɔi mɛ̨i heeɓo nuą kəlee lɔwai, kaa tɔ̨nɔ̨ gbən ɓə ŋį́ ɲɛ̨́i lɛlɛɛ hee kaa, yili mąą mɛ̨nį ɓa, mɛ̨nį ɲɔ̨nŋąąi kpɔ kaa gɛ, ka káá pai gwɛlan mo kɛi mą́ą́.»

Amɔsə 5:22

Haláá hɛn yiiɠaai ka gəlee kələn, da ka wɔ kɔ́ɓo hɛnŋąąi ka kɛ naa həli mą́ą́, nąą wɛli hva ɉón. Niŋɛ̨ gbɔn nwulaaɠaai ka kɛ gulɔi mą́ą́ a haláá, ə gɛ, gwa kaani gu yee ə kɛ a nɔɔ gee hu, vá kpɛli yili naa kaa.

Hebreu 8:12

Gbala ə tɔɔ, ŋą́ mɛ̨inɛ̨ɛ̨ kɛ diɛ, ŋį́ di kɛ mɛ̨nį ɲɔ̨nŋaa mąąhvaalɛɛ, ŋį́ di wɔɔ nɛ̨ŋɛ̨nŋąa kəlee naa kili kpɛɛ ɲą́.»

Samuɛlə dɔlɔɔ 15:2

Yai-Laa Mɛ̨nį Kəlee ŋą Hééɓomun yɛ: ‹Gaa Amalɛkə hutɔɔi, mɛ̨nįi ə naa Israɛlə nuą diɛ mąą mɛ̨nį ɓa, ɓɛlɔwai, Israɛlə ə kulɔ la Eziptə lɔi hu, yɛ pa, ə pələ too dɔwɔ.