Ɉeremi 13:9 - Yálá laawoo hɛɓɛ (dc)

⁹ «Ɲą́ą́ Yai-Laa nwóó ka; gɛ́ diɛ: Bələ ɓə gáá pai Ɉuda nwɔ kpɔɔ ɲąą kɛnɛ̨i hu kalai la, da Ɉerusalɛmə nwɔ kpɔɔ ɲąą kɛnɛ̨ mɛ̨nį.

Yálá laawoo hɛɓɛ

⁹ «Ɲą́ą́ Yai-Laa nwóó ka; gɛ́ diɛ: Bələ ɓə gáá pai Ɉuda nwɔ kpɔɔ ɲąą kɛnɛ̨i hu kalai la, da Ɉerusalɛmə nwɔ kpɔɔ ɲąą kɛnɛ̨ mɛ̨nį.

Bible

⁹ “Bere ƃé ŋa pâi Zuda da Zerusâlɛŋ ŋáa yeniî la dí su mɛni kɛ̂tɛi mɛni ma.

Ɉeremi 13:9 Iomraidhean Croise

Hanwon 16:18

Kpɔwɔ ɲąą kɛnɛ̨ a kɛɛ kala, ɲɛ̨itɛ yɛ nu hukala.

Azaya 16:6

Kwaa Moabə nwɔ kpɔwɔ ɲąą kɛnɛ̨ ɲɔ̨nwɔ̨ɔ̨ bələ mɛ̨n, nwɔ ɲɛ̨i tɛ mɛ̨nį, nwɔ kpɔwɔ ɲąą kɛnɛ̨i, nwɔ ɓələn, vilɛn ŋąą la kpɛli kpɛli mɛ̨nį pulu.

Azaya 23:9

Yai-Laa Mɛ̨nį Kəlee ŋą Hééɓomun ɓə, yili mąą kili tee gwəi, ɉɛnŋąąi diɛi tii da di mąąwiɛ, yɛ di wɔ kpɔwɔ ɲąą kɛnɛ̨ ɲɛ̨i paa yɛ ɓɛlɛkpɛɛ lɔi mɛ̨i nu kpɛa-kpɛaɠaa diɛ.

Ɉeremi 13:8

Ya ɓə Yai-Laa a kɛ mą́ą́:

Ɉeremi 25:18

Ɉerusalɛmə taa, da Ɉuda taaɠaa, da nwɔ tɔɔɓɛlaa, da di wɔɔ kalanɉonŋaa; yɛ di kɛ a lɔi pun, a taa kpoloon. Nu ta a gaa hvo kɛli a tomą, yɛ nɛ̨ŋɛ̨n naa. Bələ kpɔlɔɔ ɓə gaa la yiihu.

Ɉeremi 48:29

Kwaa Moabə nwɔ kpɔwɔɲąą kɛnɛ̨ mɛ̨nį bələ mɛ̨n kɛnɛ̨, ə kɛi nwun dɛ tai! Dɛɠɛɓo ɉuɔ, ɲɛ̨i piliɛ yələi, hvo kɛi nwumɛ̨ nu ta ɓa, ɉu mɛ̨nį kɛnɛ̨.

Izikiɛ 16:50

di di lii muhəɠə mɛ̨nį kpɛa kpɛa pɔ, mɛ̨nįi mɛlɛ kpɛɛ gwə́i, diɛ gɛ. Yili mąą mɛ̨nį ɓə ŋą́ą́ di pili la, yili kaa ə́ ɲɛ̨i ɓa.

Izikiɛ 16:56

Kɛlɛi ə́ kɛi ə́ laa pu ə́ ləɠə Sodomə hu, ɓɛlɔwai ə́ kɛi ə́ wɔ ɓələn kulɔ la,

Levetekɔ 26:19

Ŋą́ ka wɔ kpɔwɔɲąą kɛnɛ̨laa hu kala, gɛ́ yələkɔlɔn nwalawala ka mɛ̨i yɛ kwɛli, gɛ́ ka wɔ lɔi walawala yɛ ɓala kwɛli.

Nahumə 2:2

Kɔ kpulu ka tii pai woloi yɛ́. Nuą tɔɔ daa kwɛlɛ, nuą tɔɔ diɛ bələi mąąkpɛɛ, ə́ hąą yili ə́ tɔɔ a ə́ nwąnąi.

Sofoni 3:11

Mąą yələi tii, hvó pai nwumɛ̨i, ə́ kɛ mɛ̨nį ɲɔ̨nwɔ̨ɔ̨ɠaa mąą mɛ̨nį ɓa, yɛ́ kɔ́ pɛlɛ mą́ą́. Gbala ə tɔɔ, nąąlɔwai, gbɔwɔ ɲąą kɛnɛ̨ nuąi tii, da kɛ di nwun dɛi, ŋą́ kɛ kɛa, a di hukalaa ə́ lɔwai, ɛlɛɛ, hvá kɛa humɛ̨ni kɛnɛ̨ kulɔ nwɔ́ yee mąąhəɠɛɛ nwuɔ̨.

Lukə 18:14

Jesus yɛ diɛ: «Gáá moi kaa, nįįhɔ̨nwɔ̨ kulɔ mun tii, ɓɛlɔwai ə kɛi li la bɛlɛ́ laaləi, da Yálá di lɔwai pɛliɛ kɛa kɛ. Kɛlaa, Farisiɛ̨ tii nwɛi hvo kɛ tii, mąąhɔlɔɓo, nui lɔpee a nwun dɛ, da nwun ɲɛ̨ɛ̨, nui a gbɔwɔ mąą yɛɛ, da mąą tɛ.»

Zĩi 4:6

Kɛlaa yaamun, Yálá aa mɛ̨inɛ̨ɛ̨ kɛnɛ̨ kɛ guɔ nwɔ̨nɔ̨. Ɉɛɓɛ́ yɛ mą: «Kpɔwɔ ɲąąkɛnɛ̨mun nwɛli hvo Yálá ɓa, kɛlaa, nui a gbɔwɔ mąąyɛɛ, a ɲɛ̨i lɛlɛɛ hee mą.»

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»