Ɉeremi 13:27 - Yálá laawoo hɛɓɛ (dc)

²⁷ Əkə́! Ə́ wɔ wɛli hon mɛ̨nįɠaa, ə́ tomą pələ a wɛli ɲąŋą kulaa, ə́ kpɔɔ tɛɛ mɛ̨nį hinąą pɔ, hvá mąn nwumɛ̨ ɉu, ɲeeɠaa nwuɔ̨, da ɲɛa kɔ́ɔɠaa hu, ŋą́ą́ yili kəlee naa kaa. Ə́kə Ɉerusalɛmə! Nwumɛ̨ aa tɛ yɛ́. Hvó bɔ, hvó ə́ gbɔwɔ mąąhəɠə, hvó hvilɛn búlú! Ə́ kaa pai lɛɛi yili hu ə lɛɛɉu lə yələ?

Yálá laawoo hɛɓɛ

²⁷ Əkə́! Ə́ wɔ wɛli hon mɛ̨nįɠaa, ə́ tomą pələ a wɛli ɲąŋą kulaa, ə́ kpɔɔ tɛɛ mɛ̨nį hinąą pɔ, hvá mąn nwumɛ̨ ɉu, ɲeeɠaa nwuɔ̨, da ɲɛa kɔ́ɔɠaa hu, ŋą́ą́ yili kəlee naa kaa. Ə́kə Ɉerusalɛmə! Nwumɛ̨ aa tɛ yɛ́. Hvó bɔ, hvó ə́ gbɔwɔ mąąhəɠə, hvó hvilɛn búlú! Ə́ kaa pai lɛɛi yili hu ə lɛɛɉu lə yələ?

Bible

²⁷ Ŋá íkàa íkɛ ŋumɛ tûa támaa kɛ̀ nyíi m̀ɛlɛ kpɛɛ̂i ŋ́goi. Ŋá íkàa íkɛ ɣâla-da-kpɛni-ŋa fɛ̀li ǹyée-ŋai dîa ǹɔɔi-su, yɛ̂ɛ berei sinaa da kɛ̂ la díƃarâai dínɛyâai pôlui. Kpaa máŋ yɛ̂ɛ berei soo-sîrɛ a kɛ̂ la soo sâa-ŋa pôlui. Káai a Zerusâlɛŋ-ƃelai, kpalo ƃêlaai kâa. Lé tãi ƃé ka pâi kɛ̂i la a ká maa-waai?”

Ɉeremi 13:27 Iomraidhean Croise

Mąątɛ̨nɛ̨ 94:4

Di kaa di nwun dɛi, diɛ hvaa a tɛɠɛɓoɉulaa, mɛ̨nį ɲɔ̨n gɛ nuąi tii, di kaa di pilimoi!

Mąątɛ̨nɛ̨ 94:8

Kaai ka hupuɔ kaa nu kəlee lɔwai! 'Ka gɛ a nɛlɛɛ, kiliŋą pɛlɛ nuą, lə yələ ɓə ka káá pai mɛ̨nį kpaɠala kaai la?

Hanwon 1:22

«Kilikpɛɛgwəimun! Ə́ kaa pai lɛɛi kilikpɛɛgwəilaa hu, ə lɛɛ ɉu lə yələ? Yɛlɛkulɔ ɉumun! Ə́ kaa pai lɛɛi yɛlɛkulɔ ɉu kɛi, ə lɛɛ ɉu lə yələ? Mįnɛ̨ lɔwai ɓə ɓowo nuą kaa pai mɛ̨nį kɔlɔn ŋąą wɛlilakɛi la?

Azaya 57:7

Ya ə́ laa gbin bɛli yee tɔɔɠaa nwuɔ̨, nąą ɓə ya tɛ laa, yɛ́ hɛlaa kulɔ laa.

Azaya 65:7

Ka wɔ túwɔ́ pələ ɲɔ̨n, da ka nąnni di wɛiɠaai, ŋą́ gwələ kulɔ a gee, Yai-Laa woo li. Nuąi kɛi nwulɔ kun nɛ̨ɛ̨ɠaa kələn ɲeeɠaa nwuɔ̨, diɛ mɛ́lɛ too la tii, ɲee kpukpuɠaa mɛ̨i, gáá pai bɔɔ kulɔi diɛ, yɛ bələi wɛi di kɛi túwɔ́ la.

Ɉeremi 11:15

Lə ɓə nííɓa lonnii kaa pai gwɛlii ɲə́i bɛlɛ́n? Gbili pɛlɛ di koo kpala, wee heɛ di nɛn ɲa! Gaa kaa ka kwəi, wooi ka gwɛlɛ mą́ą́, da ɉaláá huwɔɠaa, di kaa pai mɛ̨nį ŋąą nwąnąą həɠəi ka wəli pulu? Gaa ka kwəi bələ ɓə ka pɛli kulɔi la ɲə́i?

Ɉeremi 3:6

Ɉosiasə nwɔ tɔɔlaa yələ, Yai-Laa ə kɛ maa: Israɛlə tii aa lənə mą́ą́, mɛ̨nįi aa gɛ, yáá nąą kaa! Yaa tii ə kɛi lia li yee tɔɔ kəlee nwuɔ̨, diɛ laa la, da wulu laa hu wiaɠaa kəlee mu.

Izikiɛ 16:23

«Hééɓo kəlee Nąmu woo ka, yɛ: Mɛ̨nį ɲɔ̨nŋaai tii kəlee kɛɛ pulu, ə́ nwun na ɲɔ̨nwɔ̨ɔ̨i, kpalo ɓɛlaai yɛ́.

Izikiɛ 2:10

Ə volóon ɲɛ̨́i ɓa, hɛɓɛ́ pɛ̨ɛ̨i kɛ bələ kəlee hveelɛi, woolaa wooɠaa ɓə kɛ bɛ̨ɛ̨ ɉu, nu ɲiŋɛ̨ woo da tomą wooɠaa.

Izikiɛ 20:28

nɔi tii ŋą́ naakwɛlanmo diɛ, gɛ́ kɛ gáá pai dɛɛi di pɔ, ŋą́ di lɔ ɉu, di di ɲɛ̨i hee yee tɔɔ kəlee ɓa, da wulu laa huwiaa kəlee. Nąąɠaa ɓə di kɛi di wɔ halááɠaai kulɔ laa; diɛ nííholi haláá hɛnŋaa laa laa, diɛ haláá kun nɛ̨ɛ̨ɠaa kulɔ laa, diɛ nɔɔɠaa pu laa.

Izikiɛ 24:12

«Ɓɛnɛ̨ aa kóló hee mą́ą́ tai, ə mą kɛ tii, nwɔ̨n və pai mɛ̨nɛi tii ɉeɛ gwɛli ləɠii tii ɓa, gulɔi mą.

Izikiɛ 24:13

Túwɔ pələ ɲɔ̨n mə a ə́ mąąliɓi, mąąhɔlɔɓo ŋą́ą́ ə́ mąąhəɠə, kɛlaa ə́ mąą hvo həɠə li. Ɛlɛɛ, ə́ mąą hvo pai həɠəi ə́ mąąliɓi hɛn tii yəi. Hvo kɛli ŋą́ níí holi ə́ pɔ, ŋą́ naa kulɔ.

Izikiɛ 24:6

Mąąhɔlɔɓo, Mɛ̨nį kəlee ŋą Hééɓomun Yálá yɛ: Ɲąmą pu taa nɛ̨ŋɛ̨n naai, gɛ pələ kaa yɛ kwɛli ləɠi yii ɓɛ̨nɛ̨ aa hee mą, ɛlɛɛ, di hva pɛli gulɔi ma. Ɉuɓo, yɛ́ ɉuwɔ kpuwulu kulɔ ɉu tɛi tɛi, hvo da lɛɛ ɉu, mąąhɔlɔɓo, hu yɛɠɛ hvo ɉu.

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Izikiɛ 36:37

«Mɛ̨ni kəlee ŋą Hééɓomun Yálá woo ka; yɛ: Yii gáá pai gɛi, ya ka; Gáá pai gbɔ́ɔ́ lɛɛi laa, Israɛlə nwɔ pɛlɛ́i yɛ gwɛ́li, gɛ́ pɛli ɉon ɉii a wɛlikɛmąąlaa, gáá pai di tamąi, yɛ nu taatɛlɛɛ kpulu,

Izikiɛ 6:13

Ká gili kɔ́lɔn nąąlɔwai kaa kɛ Yai-Laa ɓaa a ɲą́ą́; di wɔ nu pɔwaɠaai da pa kɛi pilinin di wɔ haliɠaai lɔwai, di kɔ́iɠaa kwɛlɛ, yee kpu kpu kəlee nwuɔ̨, yee tɔɔ kəlee nwuɔ̨, wulu laa huwiaa kəlee mu; gɛɛnąąɠaai kpɔlɔ ti di kɛli halaa kulɔ laa di wɔ haliɠaai diɛ.

Osia 1:2

Yai-Laa ə pələ ɓo Ose ɓa, Yai-Laa yɛ Ose ɓa: «'Li nɛ̨ɛ̨nui a gbɔwɔ lɔwɔ́tɔɔ hinąą diɛ, bɔ, ɉəɠə a ə́ nɛ̨ą, ə́ wɛli lonnii kaa mą, mąąhɔlɔɓo nɔi yee kaa lɔ túwɔ́ pələ ɲɔ̨n ɉu; a bulu tinɛ̨n aa mo Yai-Laa ɓa.»

Osia 4:2

Nu woo kala mɛ̨nį, lɛɛ, nu paa mɛ̨nįɠaa, nwuɔ̨, wɛli mɛ̨nį, di laa aa too; ɲąmą kpoloon yɛ ɉeei kaa.

Osia 8:5

Yai-Laa aa lənə ə́ wɔ nįŋɛ̨ lon ɓa, Samari. Nwɔ́ líiholii aa muhəɠə di laa ɓa, lə yələ kpɔ ɓə hɔn gaa pai kpɛɛi la kaa?

Sofoni 3:1

Kpalo ɓɛlaai gulɔ nwoo mu taa ŋɛ̨i ɓa, a yaa ŋɛ̨i gɔhɔɓoɔ, yɛ nwąnąlɔɔ kulɔ!

Maafîu 11:21

Ə mo diɛ, yɛ diɛ: «Kpalo ɓɛlaai yɛ́, Korazɛn taa! Kpalo ɓɛlaai yɛ́, Bɛtsaida taa! Mąąhɔlɔɓo, gbalo mɛ̨nįɠaai kɛ ka hu, akɛ tii kɛ Tirə da Sidɔn, yɛ nąą nuą də li kɛ di hɔn mąąhvalin di mąąwɛli hee ɓo, di too muluun ɉu diɛ wɔlɔ, di həɠə haɠa kɛ diɛ, diɛ hiɛ di luwu ɓa, ə gɛ, di nɛ diɛ mą, daa di túwɔ́ pələ mąąhvalin.

Korɛntə veelɛ 12:21

Ɲɔw kaa ɉú, ŋą́ pənə ŋą́ pa, nwɔ́ Yálá hvo pa nwúmɛ̨ ká ɲɛ̨i ɓa, gɛ́ wɔlɔ nu tamąą mąą mɛ̨ni ɓa, a diɛi tii daa nɛ̨ŋɛ̨n ɉəɠə, ɛlɛɛ, di hvo di hɔn mąą hvalin ni, di wɔɔ wɛli mɛ̨nį, di wɔɔ túwɔ́ pələ ɲɔ̨n, da di mąąliɓi mɛ̨nįɠaa hu.

Korɛntə veelɛ 7:1

Nwɛ́likɛmąą nuą, yii kani Yálá kpinįi aa mɛ̨nį taaləi tii laakwɛlanmo guɔ, 'ká gu gu kpɔwɔ kpinįi mąąhəɠə, hɛn a nu kɔlɔ da nįį kɔhɔɓo gəlee yəi, 'ká gu gu kpɔwɔ mąąhəɠə mɛ̨nį, ɲee laa kulɔ kɛ Yálá ŋą ɲɔwmąąlaa hu.

Zĩi 4:4

Ká kwəi hvo kwələ li! Ká hvo gbaɠala kɔlɔn, káá kɛ, yɛnɛ̨ɛ̨ wɛli la kɛɛ, kaa a kɔ́ pɛlɛɛ Yálá ɓa? Nui a yɛnɛ̨ɛ̨ wɛlila kɛ, gaa a Yálá ɲowo.

M̀ɛni-lɛɛi 8:13

Ya ɓə, ŋą́ ɲɛ̨́i hee, ŋį́ kúwɔ ta koon ɉu tin mɛ̨n kpɔ ɲələi kwɛa la, yɛ mo kpɔ a nwoo kɛnɛ̨, yɛ kɛ: «Kpalo-o, kpalo-o! Kpalo-o, aa ɓɛla lɔi da ɉu heeɓo nuą diɛ, malaka haaɓai daa lɛɛ pulu, diɛ pai di wɔɔ tuluɠaa hvɛɛi mąą mɛ̨nį ɓa!»