Ɉeremi 13:23 - Yálá laawoo hɛɓɛ (dc)

²³ Akɛti, nu a pɛli mɔ̨ɔ̨ gɔlɔ mąą hvalin ɉii? Kwɛ́li a pɛli mɔ̨ɔ̨ gɔlɔ mąą hvalin ɉii? Kpaa-o! Ɛlɛɛ, kaa ŋɛ̨i mɛ̨nį ɲɔ̨n aa ɓɔ ka hui, ka pɛli kɛa mɛ̨nį lɛlɛɛ kɛi?

Yálá laawoo hɛɓɛ

²³ Akɛti, nu a pɛli mɔ̨ɔ̨ gɔlɔ mąą hvalin ɉii? Kwɛ́li a pɛli mɔ̨ɔ̨ gɔlɔ mąą hvalin ɉii? Kpaa-o! Ɛlɛɛ, kaa ŋɛ̨i mɛ̨nį ɲɔ̨n aa ɓɔ ka hui, ka pɛli kɛa mɛ̨nį lɛlɛɛ kɛi?

Bible

²³ Núu-kpune a pɔ̂ri gɔlɔ maa fálenîi, kpaa máŋ kɔ́li é bɔ̃yɛɛ maa fáleŋ? À kɛ̀ da pɔ̂ri gɛ̂i tí, gɛ̀ ní yái íkaa a sɔnyɔ̂ŋ kɛ́tɛ kɛ́ nuui, ya pɔ̂ri ísɔŋ maa fálenîi.

Ɉeremi 13:23 Iomraidhean Croise

Tɔɔɓɛlaa veelɛ 17:40

Di hvo gɛ, di hvo di wəli tɔɔ Yai-Laa woo tii ɓa, yaamun, di yee ə kɛ lɔ di yíi pələ pɔlɔɠaa hu, diɛ gɛ.

Hanwon 27:22

Ə́ ma kilikpɛɛgwəi mun ɉiɠɛ kwənąi da mɔ̨nun, mɔ̨nun gala a kulɔ mą, Kɛlaa, yili hva kilikpɛɛgwəi mun ŋą kilikpɛɛgwəilaa kulɔ mą.

Ikilisiati 1:15

Mąąhɔlɔɓo, hɛn gbinįn ŋąą, nu hva pɛli ɉaŋai, hɛn hvo yɛnɛ̨ɛ̨, nu nwɔ kiliŋąhiɛ hva hvilɛn mą.

Azaya 1:5

Mįnɛ̨ kpɔ ɓə kɛa da ka kɛlɛ laa? Kaa ŋɛ̨i ka kwɛliteɛ lɔ Yálá yəi a yələ kəlee? Ɲɔ̨n gaa ka nwun galən ma nąą kəlee, ka lii yɛ mɔ̨nɔ̨ mįi ka kwəi.

Ɉeremi 17:9

Nu kwəi kili ɲɔ̨nwɔ̨ɔ̨i hɛn gəlee ɓa, gbəlaan ŋąą, ɉu hva pɛli tɔɔi, gbɛɛ ɓə a pɛli gɔlɔn ɉii.

Ɉeremi 2:22

Ə mą kɛ yáá ə́ waa a kpolon kɔ́w, yɛ haahvinɛ lɔ yɛ́ ɓɔlɔɔ-ɓɔlɔɔ, ə́ wɔ túwɔ́ pələ ɲɔ̨n a lɛɛ lɔ yɛ́ ɲɛ̨i mu. Ɲą́ą́ Hɛn Gəlee Nąmu Yai-Laa nwóó li.

Ɉeremi 2:30

Ŋą́ą́ ka lonnii kɛlɛ, aa lɛɛ a kpɛli-kpɛli, di hvo di wəli tɔɔ li niɛwoo ɓa. Kaa Yálá kwəi mɛ̨nį hukulɔ nuą paa a ɓɔwa kwɛa, yɛ bələi kɛɛ kala yala a gɛ la.

Ɉeremi 4:22

A tɛ̨ą, nwɔ́ nuąi kili hvo di kwəi! Di hvo kpɛli gɔ́lɔn. Di hva mɛ̨nį kpaɠala kaa. Di yɛlɛɛi mɛ̨nį ɲɔ̨n gɛi, di hva pɛli nɛlɛɛ kɛi.

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Ɉeremi 9:5

Hulu mɛ̨nį, too mɛ̨i, yili lɔ ɓə kɛa di yee pɔ, di hva kɛa tɛ̨ą ɓo, di hvo bɔ di hvo Yai-Laa kɔ́lɔn. Ɲą́ą́ Yai-Laa nwóó li.

Samuɛlə dɔlɔɔ 19:21

Nuą də li di yili hukulɔ Saulə ɓa, ə nu takpɛliɠaa tɔɔ, diɛ kpɛli mąn, di hvo lɛɛ di kpɔɔ yee kɔ́nma. Saulə ə nuą tɔɔ gee mɛ̨i ɉaaɓa naa, yiliɠaa kpɛli mąn di hvo lɛɛ di kpɔɔ yee kɔ́nma.