Ɉeremi 13:14 - Yálá laawoo hɛɓɛ (dc)

¹⁴ Gáá di nwun nwoloi gee ɓa; lon ɉulɔnu da nąn ŋį́ di wɛi kɛ a gee. Ɲą́ą́ Yai-Laa nwóóli. Və́ pai nui lɔpee ta mąąwɛli kaai, nɛɛmąą hva kulɔ, mąą hvaalɛɛ mɛ̨nį hva kɛ ɉu. Ŋą́ di hu kala.›»

Yálá laawoo hɛɓɛ

¹⁴ Gáá di nwun nwoloi gee ɓa; lon ɉulɔnu da nąn ŋį́ di wɛi kɛ a gee. Ɲą́ą́ Yai-Laa nwóóli. Və́ pai nui lɔpee ta mąąwɛli kaai, nɛɛmąą hva kulɔ, mąą hvaalɛɛ mɛ̨nį hva kɛ ɉu. Ŋą́ di hu kala.›»

Bible

¹⁴ À kɛ̀ tí, ŋa pâi dítôoi ŋá díwolo yɛ̂ɛ gònoŋ-ŋa da sɔ̀ɔ díkîe-ni dîa. Ŋa m̀ɛni ŋí kɛ̂i a ǹúu pɔ̂lɔ-ŋai da ǹyáŋkpa-ŋai kélee. Ḿve pâi díŋɛi malôŋ kâai a dɔnɔ kpîŋ. Ŋa pâi dípaâi.”

Ɉeremi 13:14 Iomraidhean Croise

Kɔlɔnikɔ Veerɛi 20:23

Amɔn nuą da Moabə nuą, di tinɛ̨n di pɛlɛ Seirə ɲee hu nuą diɛ, diɛ di paa, diɛ di hukala. Yii kɛa di Seirə nuą paa di di kpɛɛ, di tínɛ̨n kɛa, diɛ di kee paa.

Zôo 27:22

Da ɉɛn, di hva mąąwɛli kaa, a gilɛ həɠə, yɛ kɛ ə tee donwą tɔwɔ,

Mąątɛ̨nɛ̨ 2:9

Ə́ kaa pai di kɛlɛi a kwɛli hvaɠa, yɛ́ di wolo yɛ ləɠi tɔɔ mun a kɛi nwɔ ləɠi wolo.»

Azaya 27:11

Ɓɛlɔwai nwulu woŋoɠaa da kpala la, nɛ̨ą da pa di nwɔ̨n naa ɉu, a tɛ̨ą, kili hvo nu huwui ŋɛ̨i ɓa; ya ɓə gɛi, nui di pɛli, hva di mąąwɛli kaa. Nui di kulɔ hva di ɲɛ̨imąąwɛli kaa.

Ɉeremi 15:5

«Ɉerusalɛmə! Gbɛɛ ɓə pai ə́ mąąwɛli kaai? Gbɛɛ ə́ mąą liihɛlɛn gaa mą? Gbɛɛ wolo kpɔ ɓə tii nwoo laai ə́ mąą mɛ̨nį ɓai; yɛ tɔɔ, yɛ ə́ kɛ pələ gɛɛ mąąni kɛ?»

Ɉeremi 15:6

Yai-Laa woo ka; yɛ diɛ: «Yá ɓə nɛ́ɛ́ laa, yɛ́ ə́ pulu tɔɔ mą́ą́; Ŋą́ ɲee kpuwulu kɛ yɛ́, ə́ hu kala mɛ̨nį ɓa. Vį́į́ aa kpɛɛ kɛa ə́ ɲɛ̨i mąą wɛli kaa mɛ̨nį ɓa.

Ɉeremi 16:5

A tɛ̨ą Yai-Laa woo ka, yɛ diɛ: Pɛlɛ́i da di ŋąąkpɔn mu, diɛ haa wɔlɔ ɓo, 'hvó lɔ laa, hvó li haa mɛ̨i, hvó ə́ yee too di yəi a pələ lɔpee ta. Gbalai tɔɔ, nwun na nɛ̨ɛ̨i ŋą́ nuą ŋɛ̨i kɔ́ la, ŋą́ą́ pənə ŋą́ą́ gulɔ di yəi, di wɛli la kɛi ŋį́ mo, gɛ́ di ɲɛ̨imąąwɛli kaa yili aa kpɛɛ. Ɲą́ą́ Yai-Laa nwóó li!

Ɉeremi 21:7

Yili pulu, ŋį́ Ɉuda tɔɔmun Sedesiasə tɛɛ Babilonə tɔɔmun bɔ, yaa da daa ŋɛ̨i hu nuą, yiiɠaai pai kulɔi ɲɔ̨n ɲəi, da kɔ́ kɔ́ ɓɔwa, ə mą kɛ, pulu. Yiliɠaa da too Babilonə tɔɔmun ɲəi, da di yowoɠaa, yiiɠaa di hvilɛn ŋąą di pulu di paa mɛ̨nį ɓa. Gaa pai di paai, hva di mąąwɛli kaa, hva di mąą hvaalɛɛ, di ta lɔpee hva kulɔ a ɲee wolo.›» Ɲą́ą́ Yai-Laa nwóó li!

Ɉeremi 25:16

Di kaa pai gbələi, diɛ tɔɔ la takpa-takpa, ɓɛlɔwai gáá pai kɔ́ kɔ́ ɓɔwa pilii la di lɔwai, da gaa yɛ di hu pu diɛ.»

Ɉeremi 47:3

Mąąhɔlɔɓo, di kaa nwɔ hooɠaa kɔ́wɔ mu tin mɛ̨n ɉii, da gɔ́ kɔ́ wotoloɠaa tii, da nwotolo kɔwɔɠaa hiɛ tin. Lon gaa nuą yee hu aa haa, di lonnii mąą mɛ̨nį niihɛlɛn hvo kpɛli kɛa diɛ

Ɉeremi 48:12

Yili mąą mɛ̨nį ɓa, Yai-Laa yɛi: Yələ ta kaa pai həlii, gɛ́ ɉuɓo nuą tɔɔ, diɛ ɉuɓo, diɛ ɉɛnɲąŋąɠaa huɓo, diɛ nɔɔ yáləɠiɠaa wolo.

Ɉeremi 6:21

Yili mąą mɛ̨nį ɓa! Yai-Laa woo ka, yɛ diɛ: Gáá hɛn da laai nu huwui ŋɛ̨i tɔwɔ, di kaa pai kalin ɉii la, lon da nąn, heeyɔwɔ da di ɓɛlaa, gəlee di haa kpɔ kpai.

Woolaa 2:21

Nu nwunuɠaa da ɉulɔgoloɠaa di powa kaa puuni gwəli hąąiɠaa ɓa, nɛ̨ɛ̨lɛa da ɉilɛlɛa daa gəlee nwun dee a ɓɔwa kwɛa. Yai-Laa! Ə́ wɔ liiholi hu, yáá di nwun dee, yáá di hukala hvo kpɛli di mąąwɛli kaa li.

Izikiɛ 24:14

Ɲą́ą́ Yai-Laa váá woo li, ɛlɛɛ, gəlee kaa pai kɛi; gáá gɛi vá hviikpɛɛlaa too ɉu, və́ pai nu mąąwɛli kaai, və́ pai nwóó yalii bulu. Di kaa pai ə́ kiti teei ə́ túwɔ pələ ɓa, ə́ kɛ mɛ̨nįɠaa pɔ pələ, Mɛ̨nį kəlee ŋą Hééɓomun Yálá woo li.»

Izikiɛ 7:3

Ə́ wɔ yɛnɛ̨ɛ̨ aa həli kɛa ɲąąkpɛɛi: Gáá pai níiholii ə́ pɔ, gɛ́ ə́ kiti tee yɛ bələi ə́ tuwo la, gɛ́ ə́ mąąni kɛ yɛ́ ɓowo tuwoɠaai kəlee mąą mɛ̨nį ɓa.

Izikiɛ 7:4

Və́ pai ə́ ɲɛ̨imąąwɛli kaai; və́ pai ə́ mąąhvaalɛɛi; gáá pai ə́ hɔn dooi yɛ́; yɛ́ ɓowo tuwoɠaai kaa lɔ pai lɛɛi nɔi hu; ɛlɛɛ, ka gili kɔ́lɔn a mąą yələ kaa kɛ Yai-Laa ɓaa a ɲą́ą́.»

Izikiɛ 7:9

Və́ pai nu ɲɛ̨imąąwɛli kaai, vá nu mąąhvaalɛɛ. Ŋą́ naa yɛ́, yɛ bələi ə́ gwɛli la; ɛlɛɛ, mowo túwɔɠaa da kɛ lɔ nɔi hu, nąąlɔwai, ka gili kɔ́lɔn kaa ɲą́ą́ Yai-Laa, ɲą́ą́ ɓə gɛlɛɓo kɛi.

Izikiɛ 8:18

Nwɔ́ɔ́ yələ aa həli, gɛ́ gɛ́ mɛ̨nį kɛ ɉu a líiholi kɛnɛ̨. Ɲɛ́iyá hvo pai kɛi ɉú; və́ pai nu mąąwɛlikaai; di kaa pai kɛi tómąi nwə́lii; kɛlaa və́ pai nwəli tɔɔi di woo ɓa.»

Izikiɛ 9:10

Yili mąą mɛ̨nį ɓa, ɲɛ́i ya hvo pai kɛi ɉú, və́ pai nu ɲɛ̨imąąwɛli kaai; gáá di túwɔ pələ pulu mɔ̨nɔ̨ laai di nwuɔ̨.»

Izikiɛ 9:5

Yili pulu, ŋą́ nwoo mɛ̨n; yɛ kɛ nuą yiiɠaai ti diɛ: «'Ka hvilɛn daa pɔ, nui ɲɛ̨i pulu; ɛlɛɛ, ka paa ɓo kɛ; ka hvo nu ɲɛ̨́i mąąwɛli kaa, ka hvo nu mąą hvaa lɛɛ.

Osia 2:4

'Ka ka lee təli kiti ɓa, 'ka li kiti haɠa ɓa; mąąhɔlɔɓo nɛ̨́ą hvəli, ɛlɛɛ, ɉilɛ hvaa a ɲą́ą́. Ə kpəla wɛli hon ŋąą ɓa, nwɔ wɛli mɛ̨nį pɔɔ kaa ɲįnį lɔwai, ə gulɔ laa.

Zakari 11:6

A tɛ̨ą, vá kɛa yɛnɛ̨ɛ̨ nuą ɲɛ̨imąąwɛli kaa, Yai-Laa woo li. Yɛ diɛ: gáá pai nu tɛi tɛi tooi mɛlan ɲee ŋą, da nwɔ tɔɔmun ɲee ŋą. Tɔɔɓɛlaa kaa pai tooi lɔi mɛ̨i, kɛlaa, və́ pai nuą kulɔi di yei.»

Maafîu 10:21

«Nuą kaa pai kɛi di kpɔ-kpɔɔ ləɠəni paai, nu taɠaa diɛ yili ɲɔ̨nwɔ̨mąn gɛ a di lonnii. Lon yɛ pɛlɛ gaamun ma, baa mɛ̨nį ɓa.

Markə 13:12

Nuą kaa pai kɛi di kaayɔɠaa tɛŋɛ̨n gwɛlɛi, ə gɛ, di di paa. Lon gaa nuą diɛ kpɛli diɛ gɛ tii a di lonni. Lon yɛ muhəɠə gaa mun naa ɓa, baa mɛ̨nį ɓa.

Dutɛrɔnome 29:20

Yai-Laa a mąą nu huwu kulɔ Israɛlə nuhuwuɠaa kəlee lɔwai, ə nwun na pili, bələ ɓə, mįnɛ̨i ŋɛ̨i bɛ̨ɛ̨ dɔ́n ɉɛɓɛ́i ŋɛ̨i hu, ɉu mɛ̨nįɠaa a nɛɛ la ma.

Samuɛlə dɔlɔɔ 14:16

Saulə nwɔ nuąi kɛ bələ nwun na Givea daai Bɛnɉamɛn lɔi hu, diɛ di ɲɛ̨i kɛ bələ ɓa, di Filisti nuą kaa diɛ taɠa-taɠa a bələ kəlee.