Ɉeremi 12:6 - Yálá laawoo hɛɓɛ (dc)

⁶ Yaan, ə mą kɛ, ə́ nąn nonnii, a ə́ yəi bɛlɛ́n nuą kpɔ-kpɔɔ daa kulɔ ə́ pulu. A tɛ̨ą, di kaa nu kpulu ɲąą tɛi yɛ́ ə́ tɛɠii, hvó ə́ kili lɛɛ diɛ, ə mą kɛ di kaa pələ nɛɛ ɓoi yɛ́.

Yálá laawoo hɛɓɛ

⁶ Yaan, ə mą kɛ, ə́ nąn nonnii, a ə́ yəi bɛlɛ́n nuą kpɔ-kpɔɔ daa kulɔ ə́ pulu. A tɛ̨ą, di kaa nu kpulu ɲąą tɛi yɛ́ ə́ tɛɠii, hvó ə́ kili lɛɛ diɛ, ə mą kɛ di kaa pələ nɛɛ ɓoi yɛ́.

Bible

⁶ Ílîa-ni kpaa máŋ íkpɔɔi kaayɔɔ-ŋai, da ípɛlɛ̂i. Da ǹûai tóli a gɛɛ dí tɔ́ɔ yâ. Ífe íkili tɔ̀ɔ dîa a nɛ̃ɛ ma kpîŋ dí wóo lɛ́lɛɛ ƃó yâ.”

Ɉeremi 12:6 Iomraidhean Croise

Zôo 6:15

Gááyɔwɔa daa mówo, yɛ ya yii da kɛ mą: Pawɛɛ, yɛ ya yii hvóló a lɛɛ lɔ dooi, aa ma kpala.

Mąątɛ̨nɛ̨ 12:2

Yai-Laa, 'pa kilɛ-mą́ą́! Tələnmo nuą daa kpɛɛ, tələnmo mɛ̨nį aa kpɛɛ nu kanŋaa lɔwai.

Mąątɛ̨nɛ̨ 12:3

Lɛɛ lɔ ɓə da gɛ di kee ɓa: Di laawulun yɛ ɲąątɛ kɛ, di nɛ̨n ə ɓo di la hveelɛ.

Mąątɛ̨nɛ̨ 69:8

Ə́ mąą mɛ̨nį ɓə ŋą́ nííkpələ la lalan mu, ɲɛ̨́i mąą yɛ luwu, diɛ ɓáá kulɔ mą́ą́.

Hanwon 23:8

Yi woloi tii ə́ mįi, naa dai a gɛ, yá maɠi, ə́ woo lɛlɛɛi tii ə mo, gəlee da lɛɛ a kpɛli.

Hanwon 26:25

A kɛi wɛlikɛmąą woo ɓo, 'hvó ə́ kili kɛ mą. Mąąhɔlɔɓo, kiliŋąhiɛ ɲɔ̨nwɔ̨ɔ̨ tamąą kaa gwəi.

Azaya 31:4

Mɛ̨nįi Yai-Laa ə mo mą́ą́ ya ka, yɛ diɛ: Akɛ yala hilɛ, a wala kɛti yala lon, a kɛi kpəɠi gɔ̨nɔ̨n mɛ̨i, taatɛlɛɛ pulu nuą di mą pa a di kpulu kɛnɛ̨, di tómą woo hva mąąɲɔw, di tín va nii kulɔ mą. Bələ ɓə Yai-Laa Mɛ̨nį Kəlee ŋą Hééɓomun kaa pai yɛɛi la Siɔn yee nwuɔ̨, nwɔ yee kpu kpui mɛ̨i, kɔ́ kɔ́ mɛ̨nį ɓa.

Ɉeremi 11:19

Nwɛ́i, ŋį́ kɛ lɔ di yəi yɛ ɓɛlaa lon, yii hva mąąkɔ̨nwɔ̨, yaai di kaa lííla baa mɛ̨nį ɓa. Gíli hvo kɛ ɉu, gɛ́ kɛ mɛ̨nį ɲɔ̨nwɔ̨ɔ̨ɠaa di kɛi mo, vilɛnŋaa kɛ mą́ą́; yaai di kɛi kɛ la mą: «Ka gu nwulu lɛɛ nwunu kɔ́lɔi, ka gu gulɔ a ɉamu, ka gu gulɔ yɛnɛ̨ɛ̨, əgɛ, nu ta hvo kɛa naa mɛ̨n.»

Ɉeremi 11:21

Yili mąą mɛ̨nį ɓə gɛ, Yai-Laa yɛ kɛ mą́ą́: Anatotə nuą, a diɛi tii ə́ paa pələ kwɛlii, di kaa kɛi yɛ́: Hó mɛ̨nį lɛɛ kwɛa la, hvó ɉukulɔ kuɔ Yai-Laa laa hu, yá gɛ tii, kwa ə́ paa.

Ɉeremi 20:10

Gáá nu kpulu nwɔ lalan nwoo mɛ̨n ɉii, ɲɔw kaa həɠəi pələ kəlee. Diɛ kɛ diɛ: «'Ká ɉɔn nwolo mą, ka gu ɉɔn doo mą.» Mɛ́laaɠaa kpɔ kwa diɛni ku kɛ yɛnɛ̨ɛ̨ ɓa, di kaa dóói lɔwai mąąhɛŋii, diɛ kɛ diɛ: «Gaa pai kiɛ gbɔwɔ lɛɛi laa di mowo yɛ nu tunun, gu yee a pɛli kɛa mą; guɔ kɛa gu nwąną kulɔ ma.»

Ɉeremi 9:2

Da di nɛn ɲala ɉu yɛ kilɛn, tɛ̨ą ɓo mɛ̨nį hvəi, lɛɛ mɛ̨nį vaŋa kɛnɛ̨i nɔi ŋɛ̨i hu, di kaa lɔ nɛ̨ŋɛ̨n bɛlɛi gee mɛ̨i. Ə lɛɛ ɲą́ą́ ŋɛ̨i a Yai-Laa di hvo gɔ́lɔn. Ɲą́ą́ Yai-Laa nwóó li.

Ɉeremi 9:3

Nu kəlee ə gbɔwɔ mɛ̨i kaa mɛlan dɔwɔ. Ka hvo ka kili lɛɛ ka nąn non ma, mąąhɔlɔɓo, nąn non gəlee kaa gee ɓa a kɔ́. Nui ka yáá ka káá ka kee pɔ yɛ ə́ laa mąą hiɛ.

Ɉeremi 9:4

Diɛ di kee ni ɓowo. Nu ta hva tɛ̨ą ɓo, daa di nɛn mąą kwɛli lɛɛ kɛɛ ɓa. Daa kala, di hva kɛa pɛli pənəi di hvo pa bɔ́. Di hɔn mąą hva kɛa hvalin.

Ɉeremi 9:5

Hulu mɛ̨nį, too mɛ̨i, yili lɔ ɓə kɛa di yee pɔ, di hva kɛa tɛ̨ą ɓo, di hvo bɔ di hvo Yai-Laa kɔ́lɔn. Ɲą́ą́ Yai-Laa nwóó li.

Maafîu 10:21

«Nuą kaa pai kɛi di kpɔ-kpɔɔ ləɠəni paai, nu taɠaa diɛ yili ɲɔ̨nwɔ̨mąn gɛ a di lonnii. Lon yɛ pɛlɛ gaamun ma, baa mɛ̨nį ɓa.

Markə 12:12

Ɉaláá laa həli nwun nąmįną, da Farisiɛ̨ɠaa di kɛi Jesus hon gbaɠala kwɛli mą, mąąhɔlɔɓo, di gɔlɔn diɛ diɛ: Jesus ə ɉanwon tii hɔɔ di mąą mɛ̨nį ɓa. Kɛlaa, di kɛi ɲɔ̨w nu kpulu ɓa. Ya ɓə gɛ di nɛɛ laa, diɛ li.

Ɉaan 7:5

Yaan, kaayɔwɔɠaa di hvo kpɔ kɛi laa na.

Gɛlaɠaa 16:22

Nu kpulu ə muhəɠə di pɔ a hvaa, daa nwun nąmįną di mo, di Polə da Silasə di wɔ həɠəɠaai kulɔ di kwąną, ɛlɛɛ, di di kɛlɛ a galakpa.

Gɛlaɠaa 18:12

Galiɔn nwɔ ɲąąwooɓo yələ, Akaiə lɔi hu, Ɉuifəɠaa di wɔɔ yowolaa ə hvilɛn Polə ɓa, di ɉon di li la gití haɠa ɓa.