Ɉeremi 12:5 - Yálá laawoo hɛɓɛ (dc)

⁵ Akɛ nuąi di kaa gilɛ həɠəi di kɔ́wɔ ŋą, ə́ kɔ́wɔ a wala lɔ di pɔ, yá tɔɔ pələ kɛ ləi, yɛ́ kɛ, ka hoo mɛ̨i nuą ka gilɛ həɠə? Akɛ ə́ wəli pulu a wala kɛ a naɠiɛ liilaa lɔi hu, ə́ kaa pai gɛi ləi Ɉurdɛn ya hvɛɛ hu?

Yálá laawoo hɛɓɛ

⁵ Akɛ nuąi di kaa gilɛ həɠəi di kɔ́wɔ ŋą, ə́ kɔ́wɔ a wala lɔ di pɔ, yá tɔɔ pələ kɛ ləi, yɛ́ kɛ, ka hoo mɛ̨i nuą ka gilɛ həɠə? Akɛ ə́ wəli pulu a wala kɛ a naɠiɛ liilaa lɔi hu, ə́ kaa pai gɛi ləi Ɉurdɛn ya hvɛɛ hu?

Bible

⁵ Yâwɛɛ è mò ǹyɛɛi, “À kɛ̀ í ǹûai kpɛ́ dí kɛ̀ ƃò dí kɔ́ɔ ŋá ífe dísoŋ ní, ya pɔ̂ri soo kpɛ̂i í zòŋ? À kɛ̀ íkaa siâi kwaa ponoɔɔ ma, íkɛ tòo, Lé ƃé yà pâi gɛ̂i ŋ̀olâai su Zɔdiŋ Ya-leei kɔlɛi?

Ɉeremi 12:5 Iomraidhean Croise

Kɔlɔnikɔ Maa-ŋuŋ 12:15

Gadə lonnii tii lɔwai, diɛ ɓə kɛ a kɔlaɠa nwun nąmįną. Nui kɛ di lɔwai nwɔ kɔlaɠai tiikpə, nu ə kɛ ɉu a nu nwundɔ̨nɔ̨. Nui kɛ nwɛi kɛnɛ̨, nu ə kɛ ɉu a nu waa tɔ̨nɔ̨.

Mąątɛ̨nɛ̨ 42:7

Nwɔ́ Yálá! Níi mąą aa wɛli gwəi! Yili ɓə gɛi, gɛ́ ə́ təli la, ə həɠə kpɔ Ɉurdɛn lɔi hu, Hɛrmɔn yee nwuɔ̨, da Misearə yee nwuɔ̨.

Hanwon 24:10

Ɲələi líitoo pulu mɛ̨nį a həli la yɛ́, yá wala ə́ liikpələ, hvaŋą hva lɛɛ ə́ yəi.

Hanwon 3:11

Nón, Yai-Laa a ə́ hutɔɔ, ə́ yee hee mu, a ə́ kilaa pɔ̨nɔ̨ mɛ̨nį ta hu, 'hvó nwąną yɛ́.

Ɉeremi 11:21

Yili mąą mɛ̨nį ɓə gɛ, Yai-Laa yɛ kɛ mą́ą́: Anatotə nuą, a diɛi tii ə́ paa pələ kwɛlii, di kaa kɛi yɛ́: Hó mɛ̨nį lɛɛ kwɛa la, hvó ɉukulɔ kuɔ Yai-Laa laa hu, yá gɛ tii, kwa ə́ paa.

Ɉeremi 26:8

Mɛ̨nįɠaa kpɔ tii Yai-Laa ə Ɉeremi tí la, yɛ hvilɛn na nɔi lonnii diɛ, gbɛɛ a gəlee ɓoɔ, ɉaláá laahəli nuą, da Yálá kwəi mɛ̨nį hukulɔ nuą, da nɔi lonnii kəlee di ɉon, diɛ kɛ mą: «Yáá haa kwɛli a ə́ kpɔwɔ!

Ɉeremi 36:26

Yili pulu, ə mo Yerahmeɛlə ɓa, yai kɛ a tɔɔmun non, da Serayahu yai kɛ a Azriɛlə lon, da Selemyahu yai kɛ a Avdeɛlə lon yɛ diɛ: di ɉɛɓɛ́ kɛ mun Barukə da Ɉeremi di hon. Kɛlaa, Yai-Laa ə kɛi di loo.

Ɉeremi 49:19

Bələi lɔ yala a kulɔ la Ɉurdɛn kpomói, yɛ tɛ la taatɛlɛɛ kwənąnŋaa hu, diɛi di laa hvɛɛ a yələ kəlee, bələ lɔ ɓə gáá pai di kulɔi la mą́ą́ tɔ̨nɔ̨, di tɛɠii pələ. Gɛ́ laŋa kɔ́kulááɠaa ɲąątɔɔ diɛ. Mąąhɔlɔɓo, gbɛɛ ɓə gaa yɛ ɲą́ą́? Gbɛɛ ɓə a pɛli də́lii kiti haɠa ɓa? Taatɛlɛɛ ɲɛ̨itɔwɔ mun nɛlɛ ɓə a pɛli tɔɔi ná?»

Ɉeremi 50:44

«Bələi lɔ yala a kulɔ la Ɉurdɛn kpomó hu, yɛ tɛ taatɛlɛɛ kwənąnŋaa hu, ɓɛi taatɛlɛɛ kaa laa a yələ kəlee, bələ lɔ ɓə gáá pai kulɔi la Babilonə nuą tɛɠii, gɛ́ laŋą kɔ́kulááɠaa ɲąątɔɔ diɛ, Mąąhɔlɔɓo, gbɛɛ ɓə gaa yɛ Ɲą́ą́? Gbɛɛ ɓə a pɛli də́lii kiti haɠa ɓa? Taatɛlɛɛ mɛ̨i kaa mun nɛlɛ ɓə a pɛli tɔɔi ná?.»

Zasua 3:15

Ə kɛ a di wɔ hihɛnŋąą ɓá kulɔi lɔwai, yaan, nąąlɔwai Ɉurdɛn ə kɛ a vɛɛ naŋin ŋąą gahin mɛ̨i; kɛlaa, ɓɛlɔwai mįnɛ̨ kəhi həɠə nuą kɔ́wɔ ə hvilɛn na ɲái,

Piɛrə dɔlɔɔ 4:12

Nwɛ́likɛmąą nuą, hukɔɔn mɛ̨nį kpɛa-kpɛaa yiiɠaai da həli káá, yii a kɛ ka ɲɛ̨i ɓa yɛ mɛ̨nįi mąą hvo nɛ̨ɛ̨li hvo kɛ, yili hvo ka kwəi pili kaa.