Ɉeremi 12:15 - Yálá laawoo hɛɓɛ (dc)

¹⁵ Kɛlaa ŋį́ di kulɔ tii a di nwun, gáá pai pənəi ŋį́ di mąąwɛli kaa, ŋį́ pənə ŋį́ pa a di kəlee gwɛ́lin nɔi hu, ŋį́ nu kəlee hee nwɔ lɔi hu.

Yálá laawoo hɛɓɛ

¹⁵ Kɛlaa ŋį́ di kulɔ tii a di nwun, gáá pai pənəi ŋį́ di mąąwɛli kaa, ŋį́ pənə ŋį́ pa a di kəlee gwɛ́lin nɔi hu, ŋį́ nu kəlee hee nwɔ lɔi hu.

Bible

¹⁵ Kɛ́lɛ, tãi ŋa pâi kpɛɛ̂i la a díkulaa naai, ŋa pâi ŋɔ́nɔ dímalôŋ kâai, ŋá pá a dia pôlu díkpɔɔi lɔii su tɛi-tɛi.

Ɉeremi 12:15 Iomraidhean Croise

Ɉeremi 16:15

Kɛlaa, di kaa pai kɛi diɛ: Yai-Laa tii Israɛlə nuą kulɔ ɲələi pələ lɔiɠaa hu da nɔi kpɔ ə di taɠa taɠa gəlee hu, gaa a vulú. A tɛ̨ą, ŋą́ pənə ŋą́ pa a diɛ, nɔi ŋɛ̨i ŋą́ dɛɛ di nąnni pɔ ɉu. Ɲą́ą́ Yai-Laa nwóó li!

Ɉeremi 24:6

Gáá ɲɛ̨́i lɛlɛɛ heei diɛ a wɛlikɛmąąlaa. Gáá pai pənəi ŋį́ pa a diɛ nɔi ŋɛ̨i hu, ŋį́ di tɔɔ, vá kɛa di kala. Ŋą́ di hin, vá kɛa di kulɔ a di nwun.

Ɉeremi 29:14

Ɛlɛɛ, gáá pai nɛɛi laa, káá gáá. Ɲą́ą́ Yai-Laa nwóó li! Gáá pai pənəi ŋį́ ka kulɔ ɓɛɠaa kpɔ ŋą́ ka hutaɠa kaa li laa, ŋą́ ka ŋąąkpɔn, ŋą́ ka tɔɔ. Ɲą́ą́ Yai-Laa nwóó li! Ŋą́ pənə ŋį́ pa a kaa ɓɛi ŋą́ ka həɠə laa.

Ɉeremi 3:12

Ɉeremi! Li kani, ə́ wooɠaa ŋɛ̨i ɓo a lolo ɲanwuɔ̨ pələ, yɛ diɛ: Yai-Laa woo ka! Yɛ: Israɛlə, pənə ə́ pa! Yɛ́i yáá nɛ́ɛ́! A tɛ̨ą, ŋį́ kulɔ nwóó ɓa; vá ə́ hɔn ɉee gwə́i! Ɲą́ą́ Yai-Laa nwóó li!

Ɉeremi 3:17

Mąą yələi tii a pa həlii; da Ɉerusalɛmə taa laa hee, diɛ kɛ mą: «Yai-Laa nwɔ tɔɔkpəlin.» Nąąlɔwai, lɔi kəlee kaa pai pai Ɉerusalɛmə pɔ, Yai-Laa laa tii di ɉee mą, mąą mɛ̨nį ɓa; ə lɛɛ, di hva kɛa di pulu pənə, di hva kɛa kanąn di wɔ nwąnąlɔɔ túwɔ́ɠaa diɛ.

Ɉeremi 4:2

Akɛ, yá ə́ woo kwɛlɛ mɛ̨nį ta hu a Yai-Laa, ə́ gɛ a tɛ̨ą, a tələnmoɔ laa, a ə́ kwəi kwɛlɛɛ; lɔiɠaa kaa pai lúwɔ́ tooi di kpɔɔ ɓa náá hu, diɛ di kpɔɔ mąątɛ̨nɛ̨ náá hu.

Ɉeremi 48:47

Kɛlaa, ɲɛnɛ̨ɛ̨ tɔwɔ pələ, gáá pai Moabə tɔɔi Ɲą́ą́ Yai-Laa nwóó li! Moabə nwɔ kiti kpɛlai ka.

Ɉeremi 49:39

«Kɛlɛɛ tinąą tɔwɔ pələ, ŋą́ pənə ŋą́ Elamə tɔɔ. Yai-Laa woo li.»

Ɉeremi 49:6

Yili pulu, ŋą́ pənə ŋą́ Amɔn lonnii hee di nwun ɲa.»

Danîa 11:4

Ɓɛlɔwai gaa pai nwɔ tɔɔlaai heei la, nwɔ tɔɔlaai tii kaa pai woloi ə taɠa-taɠa yɛnɛ̨ɛ̨ nwono nąąn gəlee hu. Ɉuwuhu mun da hvo pai heei dɔɔ kpəlin ɉu, dɔɔlaa ŋąą a kwɛlɛ nu takpɛliɠaa diɛ, kɛlaa, yiliɠaa di wɔ tɔɔlaa hva həli nwɛi pɔ.

Amɔsə 9:14

Israɛlə nu huwui di kaa luwɔlaa hu, ŋį́ gəlee nwun mąąɓo, di pa di pɔ lɔi. Di wɔ taa yiiɠaai daa wɔlɔ wolo, da pənə di dɔɔ, di hee ɉu. Da viɲə yɛaɠaa laa, Diɛ nɔɔ kulɔ, diɛ gbələ, Da hihɛn ɲɛaɠaa laa, diɛ mą kulɔ, diɛ mįi.

Lonon mo 32:18

Ku hvo pai pənəi ku hvo pa ku wɔ pɛlɛ́ɠaai mu, hvo kɛi Israɛlə lonnii kəlee da lɔ di hɔlɔɓo lɔiɠaa hu.

Gɛlaɠaa 15:16

«‹Yili pulu, gáá pənəi ŋį́ pa, Davidə nwɔ pɛlɛ́i ŋɛ̨i pui, ŋį́ pənə ŋį́ dɔɔ ŋį́ bɛlɛ́ kpoloon ɲą tɔɔ, ŋį́ ɉaŋą ŋį́ dɔɔ.

Dutɛrɔnome 3:20

Ka kpɔmąą tɛɛ ka nąn nonnii pɔ ə lɛɛ ɉu, Yai-Laa ə hvįįtɔɔ tɛɛ diɛ kpɛli mąn di pɔ yɛ bələi kaa ɉɔlɔɓo la. Nɔi Yai-Laa ka wɔ Yálái kaa dɛɛi di pɔ Ɉurdɛn pulu pələ, di lɔ ɉu. Ka kəlee ka li kɛa ka hee ka wɔ lɔi ŋį́ dɛɛ ka pɔ ɉu.»

Dutɛrɔnome 30:3

Nąąlɔwai, Yai-Laa ka wɔ Yálá a ka wɔ yɛnɛ̨ɛ̨ ɲɛ̨ilaa mąąhvalin, ə nwɔ liinɛɛ gwəi laa lɛ kaa. Nɔiɠaa kpɔ tii ə ka taɠa taɠa ɉu, a pənə ə ka kulɔ laaɠaa, ə ka ɲąą kpɔn nwɔ̨nɔ̨.