Ɉeremi 12:11 - Yálá laawoo hɛɓɛ (dc)

¹¹ Daa mąą pənə a lɔi pun. Daa nɛɛ ɲə́i a húwɔ kpili, a mąąwɛli lɔi. Ɛlɛɛ, nu ta mąą kpaan və ɉu.

Yálá laawoo hɛɓɛ

¹¹ Daa mąą pənə a lɔi pun. Daa nɛɛ ɲə́i a húwɔ kpili, a mąąwɛli lɔi. Ɛlɛɛ, nu ta mąą kpaan və ɉu.

Bible

¹¹ A pâi kɛ̂i a lɔii nyíi núu fé pâi kɛ̂i zu, gɛ́ wɔ̀lɔ ḿâ a gɛɛ da ǹɛɛ a lɔii nyɔ́mɔɔ. Ǹɔii a lɛɛ a bûŋ, núu da fé naa, é kpáaŋ maa mɛ̂ni ma.

Ɉeremi 12:11 Iomraidhean Croise

Ikilisiati 7:2

Pɛlɛ́i di kaa haa wɔlɔ ɓoi mu, nu liɛ laa hviɛlaɓoɔi, ə tɛɛ, pɛlɛ́i di kaa kulɔ-yɛnɛ̨ɛ̨ kɛi mu, ma. Mąąhɔlɔɓo nu kəlee ɲąąkpɛɛi ɓaa haa, viɛlaɓoɔi nu kəlee di di gili lɛɛ ɉu.

Azaya 42:25

Yili ɓə gɛ yɛ nwɔ lííholi kɛnɛ̨ɛ̨i hiɛ Israɛlə mɛ̨i, kɔ́ mɔ̨nɔ̨ɠaa diɛ hee ɉu; diɛ nwɔ̨n doo ɉu nąą kɔ́lɔ kəlee, ə mą kɛ tii, Israɛlə hvo tí hvo gɔlɔn, Yálá ə gələn, ə diɠi kɛ, ə həli ɉɛ̨ąi, ə mą kɛ tii, yili hvo kɛ Israɛlə ɓa a mɛ̨nį.

Azaya 57:1

Tələnmo lon a haa, nu ta hva yili kaa a mɛ̨nį wala wala, da nu lɛlɛɛɠaa həɠə di yəi bɛlɛ́n, ɛlɛɛ, nu ta hva gaa yɛ kɛ, kili ɲɔ̨nwɔ̨ɔ̨ ka tii a gɛ, diɛ tələnmomun nwuɔ̨.

Ɉeremi 10:22

Ka ka wəli tɔɔ din ŋɛ̨i ɓa; gaa yɛ nu kpulu kɛnɛ̨, di kaa həɠəi ɲanwuɔ̨ pələ, di kaa pai Ɉuda taaɠaa mąą pənəi a pun. Naa ə lɛɛ a góɓəɠaa pɛlɛi.

Ɉeremi 10:25

Yai-Laa! Ə wɔ liiholi ɲąątɔɔ nuą tii di hvo ə́ kɔ́lɔn diɛ; a diɛi tii di hva ə́ təli a ə́ laa; gbalai tɔɔ di kaa Ɉakɔbə mįi. Di kaa ɉuwu kpɛɛi, diɛ nwɔ lɔi hukala.

Ɉeremi 14:2

Ɉuda kaa wɔlɔi, nwɔ taaɠaai kaa kpalai. Di ɲɛ̨i mąą aa liɓi, di nwun vilɛn ŋąą nɔi ɓa pələ. Ɉerusalɛmə taa yɛ wɔlɔ kpɔ hɔɔ.

Ɉeremi 19:8

Gáá pai daa ŋɛ̨i mąą pənəi a lɔi mąąwɛliɛ, nuąi pai kɛi tɛɛi nąą kwɛlɛ, ɲɔw yɛ too di hu, di kwəi yɛ pili diɛ; da gɛɛ kalaa taaləi tii kaa, hvo kɛ li da tomą a ɲɔw.

Ɉeremi 23:10

Di kəlee di kaa a wɛli hon nuą nɔi tii hu, nɔi kaa haa wɔlɔ ɓoi, diɛ nɛ̨ŋɛ̨n naa kɛ, gala tɛlinŋaa daa kpala gbomoi, mɛ̨nį ɲɔ̨n mə da mąą gilɛ həɠə, hulu mɛ̨nį ɓə di hvaŋąlɔɔ mą diɛ gɛ.

Ɉeremi 25:11

Nɔi ŋɛ̨i naa kəlee kaa pai lɛɛi a kpomó, da lɔi pun. Ɛlɛɛ, ɉu nuą kəlee da kɛ Babilonə tɔɔmun ɲee mu əlɛɛɉu, kwɛlan bow mɛ̨ihveelɛ.

Ɉeremi 4:20

Di kaa kɛi diɛ: «Kɛɛ kala mɛ̨nį ɓə-o, kɛɛ kala mɛ̨nį ɓə-o.» Nɔi kəlee aa lɛɛ a lɔi pun. Daa nwɔ́ pɛlɛ́ɠaa pu lɔ tɔ̨nɔ̨, kpulú! Daa ku nwun mąąkilɛi lɛɛ a hvea ŋą.

Ɉeremi 4:27

Yai-Laa woo ka, yɛ diɛ: Gáá nɔi kəlee kalai. Kɛlaa, ə mą kɛ tii, gáá ɲéé pulu lɛɛi naa ta.

Ɉeremi 4:28

Yili mɛ̨nį ɓə nɔi kaa mąąwɛli hee ɓoi la; yələ kwəi yɛ kpinį, mąąhɔlɔɓo, mɛ̨nįi ŋą kili tee gwə́i, ŋą́ą́ mo; və́ pai ɉəgəi mą.

Ɉeremi 6:8

«Ɉerusalɛmə, ə́ yee hee niɛwoo mu. A wala kɛ tii, gwa yɛ́ hvəi kɛa gu tɔɔ! Ŋą́ ə́ mąą pənə a mąąwɛli lɔi, a lɔi kpoloo.»

Ɉeremi 9:10

Yai-Laa yɛ diɛ: Gáá Ɉerusalɛmə daai lɛɛi a kwɛni hįi, a lɔwɔ huwɔɠaa pɛlɛi, ŋį́ Ɉuda taaɠaa lɛɛ a lɔi pun, Nui lɔpee ta hva lɛɛ daaɠaa tii hu.

Ɉeremi 9:11

Gbɛɛ ɓə kilí kaa mą, yɛ pɛli mɛ̨nį kpaɠaa la kaai, ə lɛɛ nwoo Yai-Laa a nɛ mą, ə nolo ɓo? Lə ɓə kɛ, yaai nɔi aa kala? Kɛɛnaa kəlee daa kələn. Nu hva tɛɛ laa?

Ɉeremi 9:9

Nwɔ́lɔ woo kaa tɔɔi ɲeeɠaa ton na. Gɛ́ nwóó laa ɓɛi daatɛlɛɛɠaa di di laa mį́i laa, ɲɛa kɔ́ɔɠaa hu. Mąąhɔlɔɓo, daa gɛɛnąąɠaa tii kələn, nu ta hva kɛa tɛɛ laa. Nwɛniɠaa-o, daatɛlɛɛɠaa, gəlee daa pu, hɛn da hvo laa.

Zooɛ 1:10

Daa ɲɛɛ kɔ́ɠɔi hɛnŋąą kəlee mį́i kpɔ kpun, nɔi aa lɛɛ a gboloon. Gbalai ə tɔɔ, daa mɔ̨nun gəlee mį́i, lɔɔ hvo kɛa hɔlɔɓoi, nwulɔ nįnɛ̨ɠaa kəlee daa kpɛɛ.

Levetekɔ 26:32

Ɲą́ą́ gbinįi ŋą́ mąąwɛli mɛ̨nį hee nɔi, ka yowoɠaai pai heei laa, yili a di kwəi pili diɛ.

Zakari 7:5

'Kɛ nɔi lonnii kəlee da ɉaláá laa həli nuą diɛ: «Ɉin ka kɛi nɔ kaa wɔlɔ la, ɲąnįn nɔɔli yələ da ɲąnįn mɛ̨ihveelɛ yələ, kwɛlan bow mɛ̨ihveelɛ yeemu, ɉin tii, ka kɛi mɔ̨ɔ̨ nɔ mą́ą́ mɛ̨nį ɓa?

Malasi 2:2

Ɲą́ą́ Yai-Laa Mɛ̨nį Kəlee ŋą Hééɓomun, ka wala ka wəli tɔɔ, ka hvo gɛ pələ kwɛli mą, ka hvo náá mąąwiɛ mɛ̨nį həɠə a ka lii kəlee, gáá pai mɛ̨nį ɲąąnwąnąą laai kaa, mɛ̨inɛ̨ɛ̨ɠaai wɔlɔ ŋą́ naakwɛlanmo kaa, ŋą́ mąą pənə a nɛ̨ŋɛ̨n naa; ŋą́ gɛ tii, mąąhɔlɔɓo, ka hva mɛ̨nį ta kɛ a gɛ pələ.

Lomaŋ 8:22

Gu gɔlɔn, Yálá nwɔ pɛli hɛnŋąa kaa mɔ̨nɔ̨ mįi yɛ pələi Nɛ̨ɛ̨nu a mɔ̨nɔ̨ mįi la kwəi nwąną hu.