Ɉeremi 11:21 - Yálá laawoo hɛɓɛ (dc)

²¹ Yili mąą mɛ̨nį ɓə gɛ, Yai-Laa yɛ kɛ mą́ą́: Anatotə nuą, a diɛi tii ə́ paa pələ kwɛlii, di kaa kɛi yɛ́: Hó mɛ̨nį lɛɛ kwɛa la, hvó ɉukulɔ kuɔ Yai-Laa laa hu, yá gɛ tii, kwa ə́ paa.

Yálá laawoo hɛɓɛ

²¹ Yili mąą mɛ̨nį ɓə gɛ, Yai-Laa yɛ kɛ mą́ą́: Anatotə nuą, a diɛi tii ə́ paa pələ kwɛlii, di kaa kɛi yɛ́: Hó mɛ̨nį lɛɛ kwɛa la, hvó ɉukulɔ kuɔ Yai-Laa laa hu, yá gɛ tii, kwa ə́ paa.

Bible

²¹ Nya ƃe Yâwɛɛ è ŋ́oo su tòo é pîlaŋ ǹûai díkaa Anatɔi nyíi-ŋai kɛ̀ ŋ̀wɛ̂lii dí ḿbaa dîa ǹyɛɛi, “Ífe ɣâla-woo ƃò dîa Yâwɛɛ láai su, ya gɛ̀ tí, da pâi í paâi.”

Ɉeremi 11:21 Iomraidhean Croise

Azaya 30:10

Nuąi ŋį́ mɛ̨nį lɛ diɛ, da kɛ kɛi diɛ: «Ka hvo kɛɛ kaa.» Nuąi ŋį́ mɛ̨nį ɓo diɛ, diɛ yiliɠaai diɛ: «Ka hvo tɛ̨ą mɛ̨nį ɓo kuɔ. Mɛ̨nįɠaai lɔ ku kaa bɔ, ka yiliɠaai ɓo lɔ kuɔ, ka kpɛli kpɛli mɛ̨nįɠaa hu kulɔ lɔ kuɔ.

Ɉeremi 1:1

Ɉeremi yai kɛ a Hilkiyahu lon ɉulɔnu, nwoo ka. Ɉeremi nąn Hilkiyahu ə kɛ a ɉaláá laa həli nuąi kɛ heeni Anatotə daai di ta; yii kɛ Bɛnɉamɛn nwɔ lɔi hu.

Ɉeremi 1:19

Di kaa pai kɔ́ pɛlɛi yɛ́, kɛlaa di yee hvo pai pɛlii yɛ́. Mąąhɔlɔɓo, gáá ə́ pulu, gɛ́ ə́ nwun mąąkɔ̨nwɔ̨. Yai-Laa woo li.»

Ɉeremi 20:10

Gáá nu kpulu nwɔ lalan nwoo mɛ̨n ɉii, ɲɔw kaa həɠəi pələ kəlee. Diɛ kɛ diɛ: «'Ká ɉɔn nwolo mą, ka gu ɉɔn doo mą.» Mɛ́laaɠaa kpɔ kwa diɛni ku kɛ yɛnɛ̨ɛ̨ ɓa, di kaa dóói lɔwai mąąhɛŋii, diɛ kɛ diɛ: «Gaa pai kiɛ gbɔwɔ lɛɛi laa di mowo yɛ nu tunun, gu yee a pɛli kɛa mą; guɔ kɛa gu nwąną kulɔ ma.»

Ɉeremi 26:8

Mɛ̨nįɠaa kpɔ tii Yai-Laa ə Ɉeremi tí la, yɛ hvilɛn na nɔi lonnii diɛ, gbɛɛ a gəlee ɓoɔ, ɉaláá laahəli nuą, da Yálá kwəi mɛ̨nį hukulɔ nuą, da nɔi lonnii kəlee di ɉon, diɛ kɛ mą: «Yáá haa kwɛli a ə́ kpɔwɔ!

Ɉeremi 32:7

Ə́ kálá Salumə lon Hanameɛlə kaa pai pai, yɛ kɛ yɛ́: ‹Nwɔ́ tíi tii Anatotə, ɲá. Mąąhɔlɔɓo, bələi ɉɛnŋaa nwun mąąɓo tɔ́n gaa la gu yíi pələ hu, yɛ́ ɓə mąąnɛ̨ɛ̨ ə́ ɲa.›»

Ɉeremi 34:20

gáá di tooi di yowoɠaa yee kɔ́nma, nuąi di kaa bɔ di di paa, di yee kɔ́nma; di powa a lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Amɔsə 2:12

Yai-Laa yɛ nwɔ̨nɔ̨ diɛ: Kɛlɛɛ yaamun, nuąi tii kɛ mąą hvo nɛ̨ɛ̨li di hvo lɔɔ kpələ, ka lɔɔ tɔɔ di la. Ɛlɛɛ, kaa kɛ nwɔ́ loloɓo nuąi tii diɛ: «Ka hvo kɛa Yálá mąą mɛ̨nį noloɓo.»

Mise 7:6

Mąąhɔlɔɓo, lon ɉulɔnu a nąn gaa yɛ ɓowomun, lon nɛ̨ɛ̨nu yɛ tɔɔ nee la. Lon nɛ̨ą yɛ tɔɔ ɉilɛ lee la, nu ɲowo ə ɓo gɔwɔ ɓaa mɛ̨i.

Maafîu 10:21

«Nuą kaa pai kɛi di kpɔ-kpɔɔ ləɠəni paai, nu taɠaa diɛ yili ɲɔ̨nwɔ̨mąn gɛ a di lonnii. Lon yɛ pɛlɛ gaamun ma, baa mɛ̨nį ɓa.

Maafîu 21:35

Kɛlaa, góló kɛ nuą di wóló gəlaɠaa diɛ, di dɔ̨nɔ̨ paa a kwɛli hɛn di dɔ̨nɔ̨ paa a kwɛni kpuwulu.

Maafîu 22:6

Daɠaa dinuą tii hon di di paa.

Lukə 4:24

Yili pulu, ə mo nwɔ̨nɔ̨ diɛ, yɛ diɛ: «Gáá tɛ̨ą ɓoi kaa, Yálá kwəi mɛ̨nį hukulɔ mun lɔpee ta mąą hvo wiɛ li bɔ taai.