Ɉeremi 11:20 - Yálá laawoo hɛɓɛ (dc)

²⁰ Yai-Laa Mɛ̨nį Kəlee ŋą Hééɓomun, yɛ́i ya mɛ̨nį hutɔɔ a tələnmolaa, yɛ nuą koo kpala mɛ̨nįɠaa da di wɔ kiliŋąhiɛɠaa hu kpɛ; bələi ə́ kaa pai ə́ nwąną kulɔi la diɛ, gɛ tai, ŋį́ nąą kaa! Mąąhɔlɔɓo, yɛ́ ɓə ŋą́ą́ mąą mɛ̨nį lɛɛ ə́ yee kɔ́nma.

Yálá laawoo hɛɓɛ

²⁰ Yai-Laa Mɛ̨nį Kəlee ŋą Hééɓomun, yɛ́i ya mɛ̨nį hutɔɔ a tələnmolaa, yɛ nuą koo kpala mɛ̨nįɠaa da di wɔ kiliŋąhiɛɠaa hu kpɛ; bələi ə́ kaa pai ə́ nwąną kulɔi la diɛ, gɛ tai, ŋį́ nąą kaa! Mąąhɔlɔɓo, yɛ́ ɓə ŋą́ą́ mąą mɛ̨nį lɛɛ ə́ yee kɔ́nma.

Bible

²⁰ Kɛ́lɛ, óo Ŋ̀wála-wâla kélee Yâwɛɛi, yái ya mɛni-ŋa tèe a teniŋ ƃô perei, íkɛ núu líi da gíli su kɔ̀ɔŋ, tɔɔ ŋá í mɛni kpa kuláai pɔ́ɔ káa dîa, kpɛ́ni fêi, ŋ́ɛi káa í mɛni ŋá téɛɛi perêi.

Ɉeremi 11:20 Iomraidhean Croise

Zɛnɛse 18:25

Gílí kaa ɉu gɛ́ diɛ́, hvá pɛli mą. Hvá hvaa mą, nuąi hɔn və diɛ, da hɔn mąą nuą, hvə́ di nwun na pili a gee. Nui ŋɛ̨i a yɛnɛ̨ɛ̨ mɛ̨nįɠaa kəlee kitii tee, hva hvaa mą, hvo tələnmomun nwun na pili.»

Tɔɔɓɛlaa veelɛ 19:14

Nuą ŋɛ̨i pa ɉɛɓɛ́, Ezekiasə ə ɉon di yəi, ə mo, ə lɛɛ, ə li la Yai-Laa yəi bɛlɛ́n. Ezekiasə ə ɉɛɓɛ́ hu hvólóon Yai-Laa lííla.

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Kɔlɔnikɔ Maa-ŋuŋ 29:17

Ną́mu Yálá, gbaɠala kaa mą́ą́, gɛ́: Yá nu kwəi kaa, kwəi kwələlaa yɛ Ə́ lii hon, nwɛ́i, ŋą́ą́ ɉɛnŋąąi tii kəlee tɛɛ kpɔ Ə́ pɔ gbɔ́wɔ́ ɓa, ɛlɛɛ a gwə́inɛ̨ɛ̨. Ya ka nwɔ̨nɔ̨, gáá ə́ nwɔ nuąi ŋɛ̨i ɓɛ di kaai, diɛ pa Ə́ pɔ di kpɔwɔ ɓa a mɛ̨inɛ̨ɛ̨ɠaa.

Zôo 5:8

Nwɛ́i a kɛ a ɲą́ą́, ŋį́ nwóó tɛ kɛ Yálá ɓa: Ya ɓə ŋį́ mą́ą́ mɛ̨nįɠaa ɓo mą.

Mąątɛ̨nɛ̨ 139:23

Yálá! Gwə́i pələ kaa, gwə́i kili kaa, níihɛlɛn gáá mą́ą́, ə́ gɔ́lɔn.

Mąątɛ̨nɛ̨ 35:2

Gɔ kɔ́ hɛnŋąą həɠə, da gɔ́ kɔ́ kpalaɠaa, 'Ə́ muhəɠə, 'ə́ mą́ą́kpɔn mąąɓo!

Mąątɛ̨nɛ̨ 43:1

Yálá, mą́ą́ tɛ̨ą ɓo, nwún mąą kɔ̨nwɔ̨, nuąi di ɲɛ̨iyá hvo di hu, di yəi, gúlɔ, nui a nwoo kala, da ɲɛ̨nimun di yəi.

Mąątɛ̨nɛ̨ 57:1

Nwələ ɲɛ̨itɔwɔmun: «'Hvó ɉu kala.» Davidə ɓə nwələi ŋɛ̨i too, ə kɛi doo kwəi pələ; a ɓɛlɔwai ə kɛi pu la Saulə tɔwɔ.

Mąątɛ̨nɛ̨ 58:10

Gɛɛ ka wɔ ləɠiɠaa di hvo nwɔ̨n nən daŋą, ka kɛ nii a ka nwunu, ka pɔlɔ, líiholi kɛnɛ̨ɛ̨ a ka hu kala!

Mąątɛ̨nɛ̨ 7:10

Nu ɲɔ̨nwɔ̨ɔ̨ɠaa di wɔ kiliŋąhiɛ ɲɔ̨nwɔ̨ɔ̨ ə kpɛla mą, tələnmolon vaŋąlɔ; mąąhɔlɔɓo, yɛ́ ɓə yá nu kwəi kiliɠaa, da nu koo kpala mɛ̨nįɠaa hu kaa, yɛ́i a Yálá tələnmoɔ.

Mąątɛ̨nɛ̨ 7:8

Lɔiɠaa daa di ɲąą kpɔn, ə́ kwɛlɛ, ɛlɛɛ yɛ́n, lɛɛ yələi, ə́ di ɲąąwooɓo.

Mąątɛ̨nɛ̨ 7:9

Yai-Laa ɓə a lɔiɠaa kiti tee, Yai-Laa, gíti tee yɛ bələi də́lənmoɔi la, yɛ bələi gwə́i kwəlɛɛ la.

Mąątɛ̨nɛ̨ 98:9

'Ka gɛ tii Yai-Laa tɔwɔ, mąąhɔlɔɓo, gaa pai lɔi kiti teei, gaa pai yɛnɛ̨ɛ̨ kiti teei a tələnmolaa, ə mą kɛ nu huwuɠaa.

Ɉeremi 12:1

Yai-Laa! Ə́ haŋąąi! Gwa yɛ́ gu hva pɛli kiti kɛi. Kɛlaa, mɛ̨nį ta kaa laa, gɛ́ gu mo; lə ɓə kɛ yaai, nɛ̨ŋɛ̨n ɉəɠə nuą kɛ mɛ̨nį hu a nɛɛ? Lə ɓə kɛ yaai nuą da di woo kala, di kəlee di kaa di nɛɛ hu?

Ɉeremi 12:3

Kɛlaa Yai-Laa! Ə́ gɔ́lɔn; yá ə́ ɲɛ̨i hee mą́ą́, yɛ́ gwə́i mɛ̨nįɠaa hu kaa; nwɔ́ kiliŋąhiɛ kaa ə́ pɔ. Yii ɓaa nu ɲɔ̨nwɔ̨ɔ̨ɠaa, di tɔɔ a di tee, yɛ ɓɛlaaɠaa di paa mɛ̨nį ɓa. Di kulɔ ku lɔwai, ə́ di tɔɔ a dee, di hukala yələ mąą mɛ̨nį ɓa.

Ɉeremi 15:15

Yai-Laa! Gbaɠala kaa yɛ́, yɛ́ kpinįi ə́ kili lɛɛ ɉú, mą́ą́ mɛ̨nį ɲɛ̨i kulɔ, nuąi di kaa mɔ̨nɔ̨ɓoi, 'nwą́ną kulɔ diɛ. Hvó ə́ liilaa kpɔ tii, hvo gɛ, və́ lɛɛ mɛ̨nįi. Ə́ kili kaa ɉu, yɛ́ diɛ, ə́ mąą mɛ̨nį ɓə, gáá níí kpələi la lalan ɲəi.

Ɉeremi 17:10

Ɲą́ą́ Yai-Laa, ɲą́ą́ ɓə ŋį́ nu kwəi kiliŋąhiɛɠaa hu kaa, gɛ́ gwəi kili hu kpɛ. Ŋą́ nu kəlee hvɛla kulɔ yɛ bələi a túwɔ́ la. Yɛ bələi gɛ pələ kaa la.

Ɉeremi 17:18

Nuąi di hvilɛn ŋąą bulú, di ɲɛ̨i ə paa a nwumɛ̨, hvo kɛ tii a ɲą́ą́, hee di hu, kɛlaa hvo kɛ tii a ɲą́ą́, kpalo ɓɛla diɛ, di hu yali gee hu pow lee pow.

Ɉeremi 20:12

Yai-Laa Mɛ̨nį Kəlee ŋą Hééɓomun, yɛ́i ya tələnmomun mąąkpɛɛ, yɛ́ goo kpala mɛ̨nį, da gwəi kiliŋąhiɛ kaa. Ə́ nwąną kulɔ mɛ̨nį nuą ŋɛ̨i diɛ, gáá pai naa kaai. Mąąhɔlɔɓo, yɛ́ ɓə ŋą́ą́ mą́ą́ mɛ̨nį lɛɛ ə́ yee kɔ́nma.

Woolaa 3:58

Hɛn gəlee Nąmu! Yáá nį́i mąąkɔ̨nwɔ̨. Yáá nwɔ́ yɛnɛ̨ɛ̨ nwun mąąɓo.

Woolaa 3:59

Yai-Laa! Mɛ̨ni daa naa mą́ą́, yɛ́ kpįnįi gbaɠala kaa yɛ́! Mą́ą́ mɛ̨ni hutɔɔ kani a ɉaŋąą kɛa wɛ!

Woolaa 3:64

Yai-Laa! Di túwɔ́ pələi tii kwələ kulɔ diɛ.

Izikiɛ 11:5

Yai-Laa ə nwɔ Kilii tɛɛ bɔ́, yɛ mą́ą́: «'Mo yɛ́ diɛ: Mɛ̨nii Yai-Laa kaa moi ya ka, yɛ: Israɛlə nuą, mɛ̨nįi ka kɛi moi ŋą́ gɔlɔn, ɛlɛɛ, giliŋąhiɛi a kɛ tooi kaa ŋą́ gɔlɔn.

Gɛlaɠaa 17:31

Hvo gaai, aa kuu ta hee, yɛ gaa pai yɛnɛ̨ɛ̨ nuą kəlee kiti teei a ɉaŋąa, a Nui ə ɉəɠə ɉu. Ə nɛ nu kəlee ɓa, yɛ mɛ̨nįi tii hvo pai ɉəɠəi mą, a nui ə nwun, ə gulɔ haa nuą lɔwai.»

Filipə 4:6

'Ká hvo ka liihɛlɛn a mɛ̨nį lɔpee ta, kɛlaa mɛ̨nį kəlee hu, ká ká mąąkąnŋaa laa həli Yálá ɓa, a nɛ̨ɛ̨mąą woo, 'káá mąąnɛ̨ɛ̨, 'káá mąątɛ̨nɛ̨, káá ɉɛɠɛɛ ɓo.

Timote veelɛ 4:14

Alɛsandrə, gwɛli-yɔwmun, aa túwɔ́ kpɔ a ɲą́ą́ a ɲɔ̨nwɔ̨ɔ̨, gu Ną́mu Jesus kpinįi kaa pai vɛla kulɔi yɛ pələi dúwɔ́ pələ kaa la.

Piɛrə dɔlɔɔ 2:23

yai di nalan, hvo gwələ kulɔ li a lalan, mɔ̨nɔ̨i di naa mą, hvo woo ɲɔ̨n mo, kɛlaa, ə gbɔwɔ lɛɛ giti haŋąą tee mun ɲəi;

M̀ɛni-lɛɛi 18:20

Yələkɔlɔn, 'kwəinɛ̨ɛ̨ kulɔ ɉukala mɛ̨nį hu! Ɛlɛɛ, káá kpɛlimąn a, nu mąąhəɠɛɛɠaa, a gɛlaɠaa, ɛlɛɛ, a Yálá kwəi mɛ̨nį hukulɔ nuą, mąąhɔlɔɓo, giti teei Yálá ə mo, aa ká mąą mɛ̨nį hu haŋąn.

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.

Samuɛlə dɔlɔɔ 16:7

Kɛlaa, Yai-Laa yɛ Samuɛlə ɓa: «Hvo ə́ kili lɛɛ nui ŋɛ̨i koloon ma, da dɔɔmɛ̨i, yili hvəi gáá bɔ. Yii nuą da gaa, yili hvəi; nuą di wɛi, da nu kɔ́lɔ ɓa kaa, Yai-Laa yɛ nu líí hu kaa.»

Samuɛlə dɔlɔɔ 24:15

Gbɛɛ ɓə tii Israɛlə tɔɔmun gaa kɔ́ pɛlɛi mąi? Gbɛɛ ɓə tii vilɛn ŋąą bulu yɛ gbɛi? Yilɛ powai li mɔ̨ɔ̨, a wala kɛ tii, kpə-kpə ta li!