Ɉeremi 11:13 - Yálá laawoo hɛɓɛ (dc)

¹³ Ɉuda lɔi! Ə́ wɔ haliɠaa daa tamą lɔ, yɛ bələi ə́ wɔ taaɠaa tamąą la. Ɉerusalɛmə taa yɛ kpɛli, ɉaláá kulɔiɠaai gaa gwəliɠaa lɔwai, damąąi dɛɛ bələɠaa diɛ, ɓɛi da kɛ haláá hɛnŋaa kələn ɉii laa Baalə-Nwumɛ-Hali ɓa.

Yálá laawoo hɛɓɛ

¹³ Ɉuda lɔi! Ə́ wɔ haliɠaa daa tamą lɔ, yɛ bələi ə́ wɔ taaɠaa tamąą la. Ɉerusalɛmə taa yɛ kpɛli, ɉaláá kulɔiɠaai gaa gwəliɠaa lɔwai, damąąi dɛɛ bələɠaa diɛ, ɓɛi da kɛ haláá hɛnŋaa kələn ɉii laa Baalə-Nwumɛ-Hali ɓa.

Bible

¹³ Kpɛ́ni fêi, káai kákaa Zudai, káɣâla-ŋai tâmaai yɛ̂ɛ berei kátaa lêe-ŋai díkaa lai. Ká ŋumɛ ɣâla-teƃele-ŋai ká dɔ̀ɔ Bêe ɣalai mɛni mai, dâmaai yɛ̂ɛ bere-ŋai díkaa Zerusâlɛŋ.

Ɉeremi 11:13 Iomraidhean Croise

Tɔɔɓɛlaa veelɛ 23:13

Ɉaláá kulɔiɠaa ŋɛ̨i Salomɔn ə dɔɔ ɉɛɠɛ pələ Olivə yee ɓa, Ɉerusalɛmə tənən mą, ɉaláá kulɔiɠaa tii, da ə kɛ a: Astarte nwɔ, yai kɛ a Sidɔn nuą di wɔ hali nwɔnwɔɔ. Da ə ɓo a: Kemɔsə nwɔ, yai kɛ a Moabə nuą di wɔ hali nwɔnwɔɔ; dɔ̨nɔ̨ ə ɓo a: Milkomə nwɔ, yai kɛ a Amɔn nuą di wɔ hali ɓɛlɛ kpɛɛ mą, gɔhɔɓoɔ; Ɉosiasə ə gəlee nąą wolo.

Kɔlɔnikɔ Veerɛi 28:25

Ə hali kɔ́iɠaa pɛli Ɉuda taaɠaa kəlee hu, diɛ lansan kələn naa haliɠaa diɛ. Bələ ɓə ə nąnni di wɔɔ Yálái Yai-Laa nwąnąlɔ la.

Azaya 2:8

Nɔi laahvɛɛi a haliɠaa, ɉɛnŋaa tii diɛ kpinįi di bɛli a di yee, diɛ kwɛli hvilɛn mą.

Ɉeremi 11:17

Yai-Laa Mɛ̨nį Kəlee ŋą Hééɓomun, yaai ka hin, ya ɓə mo, mɛ̨nį nwąnąą ŋɛ̨i yɛ laa kaa; nɛ̨ŋɛ̨nŋaai Israɛlə nwɔ pɛlɛ́i da Ɉuda nwɔ pɛlɛ́i di ɉəɠə mąą mɛ̨nį ɓa; a yaai di niikələn na gwəi, diɛ halááɠaa kulɔ Baalə ɓa.

Ɉeremi 17:1

Nɛ̨ŋɛ̨n Ɉuda aa ɉəɠə; a tɛ̨ą! Bɛ̨ɛ̨i a kwɛli hɛɓɛ́ kpɔw, a wala kɛti a Kúwɔ́-kwɛni hunwɔla. Bɛ̨ɛ̨i di lii hu! Bɛ̨ɛ̨i di wɔ haláá kulɔ kəhi wəli la!

Ɉeremi 18:15

Kɛlaa yaamun, nwɔ́ nuąi di wɛi, daa lɛ̨ą mą́ą́, diɛ haláá kulɔ ɉɛnŋaai di hvo a hɛn da diɛ. Daa lan di wɔ pələɠaai ɓa, diɛ ɉon a pələ puɔɠaa.

Ɉeremi 19:4

Yii daa lənə mą́ą́, diɛ gɛɛnąą ŋɛ̨i laa pu, a halááɠaa kulɔi di kaa moi haliɠaa diɛ, yá pa yaan, ɉaliɠaa tii ta hvo ta di ta mąą mɛ̨nį ɲɛ̨i kulɔ li, ə kɛ a di nąnni, ə kɛ a diɛ kpinįi, ə kɛ a Ɉuda tɔɔɓɛlaa; daa gɛɛnąą ŋɛ̨i laahvɛɛ a lɛapɛlɛɛi di hvo ta mɛ̨nį ɲɔ̨n gɛ li di ɲąmą.

Ɉeremi 19:5

Yii daa haláá kulɔi pɛli Baalə ɓa, diɛ di lonnii kələn naa Baalə ɓa; ɛlɛɛ yaan, ɲą́ą́ hvəi di tɔɔ la, yili kili hvo ta too li ɲą́.

Ɉeremi 2:28

Israɛlə! Ɉaliɠaai ə́ di pɛli, di kaa mį? Mo diɛ, di di muhəɠə, akɛ da pɛli ə́ kulɔi ə́ wɔ mąąwɛli laa hu. Ékə́ Ɉuda! Hvo gaai, ə́ wɔ haliɠaa daa tamą lɔ yɛ Ɉuda taaɠaa.

Ɉeremi 3:24

Ə həɠə ku lokolo yələ ɓa, kwɛli hvilɛn ŋɛ̨i kuɔ nuą di kɛi mo Baalə ɓa, yili aa kuɔ nuą kwɛlin gəlee mį́i; di wɔ taatɛlɛɛɠaa bɛlɛɛɠaa-oo, ə mą kɛ gbɛa-kpɛa, di lon ɉinąą, ə mą kɛ di lon nɛ̨ąą.

Ɉeremi 3:25

Ka gu pɛlɛ, mąąhɔlɔɓo, gwaa nwumɛ̨! Ka guɔ ɓɛlɛkpɛɛmąą túwɔ́ aa gu ɲɛ̨i paa! Hvo gaai, kwaa nɛ̨ŋɛ̨n ɉəɠə Yai-Laa kuɔ Yálái ɓa; kuɔ mąn, ku nąnni mąn, ə həɠə ku muhəɠə yələ ɓa, ə həli la háákələi ɓa. Ku hvo ku wəli tɔɔ li Yai-Laa kuɔ Yálái woo ɓa.

Ɉeremi 32:35

Daa haláá kulɔi pɛli Baalə ɓa, Bɛn-Hinɔmə moloon ɉu, diɛ di lon ɉinąą da lon nɛ̨ąą kələn nąą nwɔ̨n ɉu; Molɛkə ɓa. Ɲą́ą́ hvəi di tí la, mɛ̨nį ɲɔ̨nwɔ̨ɔ̨ taaləi tii, mąą kili hvo ta hɔlɔ too li gwə́i, gɛ́ Ɉuda yee lɔ tii nɛ̨ŋɛ̨n ɉu.

Ɉeremi 44:21

«Ɉalááɠaa ka kɛi gulɔ Ɉuda taaɠaa hu, da Ɉerusalɛmə kwəliɠaa pɔ, kaa, ka kálaɓɔlɔni, ka wɔ tɔɔɓɛlaa, ka ɲɛ̨itɔwɔ nuą, da nɔi nąmįną kəlee, kɛlɛi yili ɓə a giliŋąhiɛ mą, yɛ yali niiɓa-ee?

Ɉeremi 44:5

'Ká hvo ká wəli tɔɔ li, ká hvo mɛ̨n, əgɛ, ka ka pulu tɔɔ ka wɔ kiliŋąhiɛ ɲɔ̨nŋaa tii diɛ, a ka kpɛla mɛ̨nį haláá kulaa ɓa haliɠaa diɛ.

Ɉeremi 48:35

Yai-Laa woo ka, yɛ diɛ: «Nui lɔpee a haláá kulɔ ɲaɠaa kɔ́i, yɛ lansan kələn ɲaɠaa tii diɛ, Moabə lɔi hu, ŋą́ mąą nu kulɔ nɔi.»

Ɉeremi 7:9

ɛlɛɛ, kaa li kpɔ, kaa tɔɔ kaa nwuɔ̨ kɛ, kaa nu paa, kaa ka kpɔɔ hvilɛn wɛli kɛɛ ɓa, kaa ka kwɛla a lɛɛ, kaa haláá kulɔ Baalə ɓa, ka hvilɛn ŋąą haliɠaa pulu, a diɛi tii di hvo ta ka mąą mɛ̨nį ɲɛ̨i kulɔ li.

Izikiɛ 16:24

Ə́ haláá kulɔi tɔɔ, ə́ hali kɔ́i pɛli kwəli hą́ą́ kəlee ɓa.

Osia 10:1

Israɛlə ə kɛ a viɲə lɛlɛɛ, yɛ ɓa kpɔ kɛnɛ̨. Kɛlaa, ma ə kɛi lɔ tamą, yɛ hali kɔ́iɠaa tamą; Hɛn gɔw ə kɛi lɔ kɛnɛ̨ nwɔ lɔi hu, yɛ nwɔ hali kɔ́iɠaa mąąyili a ɲɛ̨i tɔɔ.

Osia 12:11

Gɛ́ pələ ɓo gwəi mɛ̨nį hu kulɔ nuą diɛ, gɛ́ mɛ̨nį tamąą lɛ diɛ a hįį pələ, gɛ́ hanwonŋaa pu gwə́i mɛ̨nį hu kulɔ nuą la diɛ mo.

Osia 9:10

Ŋą́ Israɛlə kaa lɔ, yɛ bələi da towələ kaa la, wɛla pun ɉu, ŋį́ ka nąnni kaa lɔ, yɛ bələi ɓolaa a ɓa la mɛlaa tɔwɔ, da gaa la. Kɛlaa, di pa lɔ Baalə-Peɔrə, diɛ di yee pɛlɛ nwumɛ̨ mɛ̨nį ɓa, diɛ kɛ la a nu kɔ́hɔɓoɔɠaa, lɔ yɛ bələi di liiɓa hɛn tii kaa la.