Ɉeremi 11:11 - Yálá laawoo hɛɓɛ (dc)

¹¹ Yai-Laa yɛ diɛ: Yii gaa tii, gáá mɛ̨nį ɲąąnwąnąą laai diɛ, yii di hva pɛli di kpɔɔ kulɔi ɉu. Di kaa pai wɔlɔi, diɛ də́li, kɛlaa vá nwə́li tɔɔ di woo ɓa.

Yálá laawoo hɛɓɛ

¹¹ Yai-Laa yɛ diɛ: Yii gaa tii, gáá mɛ̨nį ɲąąnwąnąą laai diɛ, yii di hva pɛli di kpɔɔ kulɔi ɉu. Di kaa pai wɔlɔi, diɛ də́li, kɛlaa vá nwə́li tɔɔ di woo ɓa.

Bible

¹¹ M̀ɛni ma, ŋa pâi pâi a mɛni nyɔ́mɔɔ dîa nyíi dífe pâi pɔrîi kulâi zu. A nɛ̃ɛ ma díwɔlɔ ḿâ, ḿve pâi ŋ́oli tɔɔ̂i dîa.

Ɉeremi 11:11 Iomraidhean Croise

Tɔɔɓɛlaa veelɛ 22:16

Mɛ̨nii Yai-Laa ə mo ya ka, yɛ: Gáá pai mąąwɛli mɛ̨nį laai gɛɛnąą ŋɛ̨i ɓa, da nąą nuą, kpɔlɔɔ yɛ bələi ŋɛ̨i ɉɛɓɛ́i ŋɛ̨i Ɉuda tɔɔmun ə gaa ɉu woo kaa la.

Kɔlɔnikɔ Veerɛi 34:24

‹Yai-Laa woo ka, yɛ: Gáá pai mɛ̨nį ɲąąnwąnąą laai gɛɛnąą ŋɛ̨i ɓa da ɉu nuą; ɉɛɓɛ́i tii di ɉu woo ɓo Ɉuda tɔɔmun ɲɛ̨i ɓa, mɛ̨nį ɲąąnwąnąą bɛ̨ɛ̨i ɉu, gáá gəlee pɔ mɛ̨nį kɛi;

Zôo 35:13

Woo ɲɔ̨n lɔ hva too Yálá wəlii, ya ɓə da mo, Huwalawala Kəlee Nąmu yaan, hva nwəli tɔɔ yili ɓa.

Mąątɛ̨nɛ̨ 18:41

Yá ɲówoɠaa kpowola lɛ mą́ą́, ɛlɛɛ, gɛ́ gɔ́yɔwɔɠaa hu kala.

Mąątɛ̨nɛ̨ 66:18

Əli kɛ kiliŋąhiɛ ɲɔ̨nwɔ̨ɔ̨ ɓə kɛ gwə́i, Nąmu hvəli kɛ nwəli tɔɔ nwóó ɓa.

Hanwon 1:28

Mąą yələ, da də́li, vá di woo mu hon, da gwɛ́li, di hva gáá.

Hanwon 29:1

Nui a gbowo too ɉutɔɔ woo ɓa, a tee lɔ kpə, ɉali hva kɛ.

Azaya 1:15

Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.

Azaya 24:17

Ɲɔw, lɔwa, da ɓaalə, yili ɓə gaa a yɛ́i a nɔi lon ə́ wɛi.

Ɉeremi 11:14

Ɉeremi! Ə́ wɛi, hvó kɛ ə́ kaa nu huwui ŋɛ̨i mąą nɛɛmąą hvəi mą́ą́, hvó kpɛli ə́ woolaa di mąą mɛ̨nį ɓa; hvó vɛ́li di mąą mɛ̨nį ɓa, ɓɛlɔwai mąąwɛli mɛ̨nį kaa pai laai laa diɛ, və́ pai nwə́li tɔɔi di woo ɓa.

Ɉeremi 11:17

Yai-Laa Mɛ̨nį Kəlee ŋą Hééɓomun, yaai ka hin, ya ɓə mo, mɛ̨nį nwąnąą ŋɛ̨i yɛ laa kaa; nɛ̨ŋɛ̨nŋaai Israɛlə nwɔ pɛlɛ́i da Ɉuda nwɔ pɛlɛ́i di ɉəɠə mąą mɛ̨nį ɓa; a yaai di niikələn na gwəi, diɛ halááɠaa kulɔ Baalə ɓa.

Ɉeremi 14:12

Daa kɛ hin nɔ, vá nwə́li tɔɔ di wɔ nɛɛmąą hvə woo ɓa. Ə mą kpɛli kɛ daa taatɛlɛɛɠaa kulɔ a haláá mą́ą́, diɛ gɔ́, yili hva níí hon. Kɔ, pulu, da ɲɔ̨n ya ɓə gáá pai di mąą mɛ̨nį kpɛɛi la ɉu.»

Ɉeremi 14:2

Ɉuda kaa wɔlɔi, nwɔ taaɠaai kaa kpalai. Di ɲɛ̨i mąą aa liɓi, di nwun vilɛn ŋąą nɔi ɓa pələ. Ɉerusalɛmə taa yɛ wɔlɔ kpɔ hɔɔ.

Ɉeremi 15:2

Ɛlɛɛ, da kɛ yɛ́: «Minɛ̨ ɓə kwa li laa?» Yá kɛ diɛ: Yai-Laa woo ka, yɛ diɛ: Nui haa pɛ̨ɛ̨i nwuɔ̨, ə li haa pɔ pələ. Nui kɔ́ kɔ́ bowa laa pɛ̨ɛ̨i nwuɔ̨, ə li kɔ́ kɔ́ ɓɔwa pɔ pələ. Nui pulu pɛ̨ɛ̨i nwuɔ̨, ə li pulu pɔ pələ. Nui kɔluwɔlaa pɛ̨ɛ̨i nwuɔ̨, ə li kɔluwɔlaa hu.

Ɉeremi 18:11

'Li kɛa yiihu, yɛ́ Ɉuda da Ɉerusalɛmə nuą diɛ: «Yai-Laa yɛ: ‹Gáá mɛ̨nį ɲąąnwąnąą pɛlii, gɛ́ pa naai kaa, ŋą́ą́ kili tee gwə́i. Nu kəlee ə bulu tinɛ̨n nwɔ túwɔ́ pələ ɲɔ̨n ma.›»

Ɉeremi 19:15

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: «Mɛ̨ni ɲąąnwąnąą kpɔ ŋą́ą́ gili tee gwə́i, yɛ hvilɛn na daa ŋɛ̨i ɓa, gáá pai naai mą da gwɛlɛ taaɠaa kəlee. Mąąhɔlɔɓo, daa di kili walawala, di hvo gɛi di hvo di wəli tɔɔ nwóó ɓa.»

Ɉeremi 19:3

Ə́ kaa pai kɛi diɛ: Ka ka wəli tɔɔ Yai-Laa woo ɓa, Ɉuda tɔɔɓɛlaa, da Ɉerusalɛmə hee ɓo nuą; Yai-Laa Mɛ̨nį Kəlee ŋą Hééɓomun, Israɛlə nwɔ Yálá yɛ, gáá pai mɛ̨nį ɲąąnwąnąą laai gɛɛnąą ŋɛ̨i ɓa! Nui lɔpee pai bələ mɛ̨n ɉii, hvo kɛ li nwəli a hvaa nwun ma wee.

Ɉeremi 23:12

Yai-Laa woo ka, yɛ diɛ: «Yili mąą mɛ̨nį ɓa, di kpaalə aa kɛ a niminin, diɛ lan kpinįi, diɛ too, gáá mɛ̨nį ɲąąnwąnąą laai diɛ, a gwɛlan mąąnɛ̨ɛ̨ di pa di woo hukulɔ la.»

Ɉeremi 25:35

Taatɛlɛɛ mɛ̨i kaa nuą mąąkilɛi hvo kɛa mą, taatɛlɛɛ tɔɔ nuą looi hvo kɛa mą.

Ɉeremi 35:17

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun Yálá, Israɛlə nwɔ Yálá woo ka, yɛ diɛ: «Mɛ̨ni ɲąąnwąnąąɠaa kpɔ ŋį́ mąą kili tee gwə́i, yɛ hvilɛn na Ɉuda da Ɉerusalɛmə nuą diɛ, gáá gəlee laai diɛ. Mąąhɔlɔɓo, ŋį́ mɛ̨nį ɓo diɛ, ɛlɛɛ, di hvo mɛ̨n. Ŋą́ di təli, di hvo nwóó mu hon ni.»

Ɉeremi 36:31

Gáá pai nwą́ną kulɔi mą, da ɉuwu; da nwɔ tínuą, di wɔ nɛ̨ŋɛ̨nŋąąi mąą mɛ̨nį ɓa. Mɔ̨nɔ̨ kpɛa-kpɛai ŋį́ vaa ɓo diɛ, ɛlɛɛ, di hvo gɛ li di hvo nwóó mɛ̨n, ŋą́ gəlee laa Ɉerusalɛmə nuą da Ɉuda lɔi hu nuą diɛ.›»

Ɉeremi 6:19

Lɔi mɛ̨i hee ɓo nuą! Ka ka wəli tɔɔ! Gáá pai mɛ̨nį nwąnąą laai nuą ŋɛ̨i diɛ: Yii gaa di wɔ lii ɲɔ̨n gwəi laa tii vɛla. Kpaaləi ŋį́ nɛ diɛ, daa tɛɠɛ ɓo ɉu, daa di ɲɛ̨i laɠin nwɔ́ liɛwoo mɛ̨i.

Woolaa 2:22

Yáá liiholi kəlee təli mą́ą́ yɛ́ nu aa kɛi mɛlaa təli hɛli ɓa. Yai-Laa nwɔ liiholi yələ nu ta hvo pu, nu tɔ̨nɔ̨ kpɛli nwun və kulɔ ɉu. Nuąi kpɔ ŋą́ ɲįnį tɔɔ di la, ɲówo aa gəlee huwu pu.

Izikiɛ 14:3

Hulɔnu lon, nuąi ɲɛ̨́i daa di wɔ haliɠaai lɔ di nį́į́ pɔ, ɉɛn pai di tooi nɛ̨ŋɛ̨n ɉu daa di yee kąnąn mą. A kɛ ti ŋą́ pɛli mɔ̨ɔ̨ di lɛɛi laa diɛ di nwun dɔɔ a ɲą́ą́?

Izikiɛ 7:5

Yai-Laa woo ka, yɛ diɛ: «Ə́kə! Mɛ̨nį ɲąąnwąnąą kɛnɛ̨, ɲɔ̨nwɔ̨mąn və ta kaa li, ya ka ti pai-o.

Izikiɛ 8:18

Nwɔ́ɔ́ yələ aa həli, gɛ́ gɛ́ mɛ̨nį kɛ ɉu a líiholi kɛnɛ̨. Ɲɛ́iyá hvo pai kɛi ɉú; və́ pai nu mąąwɛlikaai; di kaa pai kɛi tómąi nwə́lii; kɛlaa və́ pai nwəli tɔɔi di woo ɓa.»

Amɔsə 5:19

Volói tii kaa yɛ: nu aa kɛi gilɛ həɠə Yala tɔwɔ, ə li ə kwiɛn a Kwɛ́li. Gaa yɛ: nu a lɔ pɛlɛ́n, aa kɛi kɛ ə ɲee pɛlɛ bɛlɛ ɓa, kaalə ə ɲin.

Mise 3:4

Ɓɛlɔwai di kaa pai tómąi la Yai-Laa pɔ pələ, gaa pai ɲɛ̨ilaai looi diɛ, hvo pai di woo mu hon ɉii, nɛ̨ŋɛ̨nŋąąi di ɉəɠə mąą mɛ̨nį ɓa.

Zakari 7:13

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: «Bələi lɔ ŋį́ di təli la di hvo gɛ di hvo mɛ̨n, bələ lɔ ɓə diɛ kpɛli di də́li la, ɛlɛɛ, ɲą́ą́n gbɛ́li mąn, və́ nwə́li tɔɔ di woo ɓa.

Tɛsalonikə dɔlɔɔ 5:3

Ɓɛlɔwai nu kəlee kaa pai kɛi la diɛ: «Liilaa, wəlipululaɠi», nąąlɔwai kpɔlɔ ɓə nwun napili a kulɔ la di tɛɠii, ə yɛɛ di mɛ̨i, yɛ bələi kwəinwąną a nɛ̨ɛ̨nu hon na; ɛlɛɛ, di nwun hva kulɔ ɉu.

Hebreu 1:3

Non ti ɓə a Yaa kpinįi ŋą mąąwiɛlaa too pono ŋą, bələi lɔ gaa la, bələ lɔ ɓə Non gaa la, ɛlɛɛ Naa woo ŋą hvaŋą ɓə ɉeɛ yɛnɛ̨ɛ̨ kəlee mu. Yii kɛa, ə nuą kəlee di wɔɔ nɛ̨ŋɛ̨nŋaa waa diɛ, ə tɛ ə hee Hééɓolaa ɓa-mįi-yee hu.