Ɉeremi 11:10 - Yálá laawoo hɛɓɛ (dc)

¹⁰ Daa pənə daa hvilɛn di kalani pɔlɔɠaa kɛ nɛ̨ŋɛ̨nŋaa pulu, a diɛi tii di hvo gɛ, di hvo di wəli tɔɔ nwóó ɓa. Ya ka, diɛ kpɛli mąn daa hvilɛn haliɠaa pulu, diɛ kwɛli hvilɛn diɛ. Ɉuda nɔi nuą-o, Israɛlə lɔi hu nuą-o, mįnɛ̨i ŋɛ̨i kwa diɛni ku ɉəɠə, bələ ɓə daa mąą kala la.

Yálá laawoo hɛɓɛ

¹⁰ Daa pənə daa hvilɛn di kalani pɔlɔɠaa kɛ nɛ̨ŋɛ̨nŋaa pulu, a diɛi tii di hvo gɛ, di hvo di wəli tɔɔ nwóó ɓa. Ya ka, diɛ kpɛli mąn daa hvilɛn haliɠaa pulu, diɛ kwɛli hvilɛn diɛ. Ɉuda nɔi nuą-o, Israɛlə lɔi hu nuą-o, mįnɛ̨i ŋɛ̨i kwa diɛni ku ɉəɠə, bələ ɓə daa mąą kala la.

Bible

¹⁰ Da ŋɔ́nɔ tínaŋ dínâŋ pɔlɔ-ŋai dímɛni nyɔ́mɔɔ tɔnɔi pɔ́, nyíi-ŋai dífe wɔ́lɔ díwoli tɔɔ ní ḿâi. Da tínaŋ, dí kɛ́ ɣâla da kpɛ́ni-ŋa fɛli. Eezuɛ-ŋai da Zuda-ƃelai daâ ŋákpanaŋ-wooi kara nyíi ŋáwɔ́lɔ gɛ̀ dínâŋ pɔlɔ-ŋai yêei.

Ɉeremi 11:10 Iomraidhean Croise

Mąątɛ̨nɛ̨ 78:57

Di di pulu tinɛ̨n, di di pulu tɔɔ Yálá ɓa, yɛ di nąnni; di yali di pulu, yɛ kilɛn ɲɛli a tee.

Azaya 24:5

Nɔi nuą ɓə, nɔi kɔ́hɔɓoi, mąąhɔlɔɓo, daa dɔ́n nwooɠaa lɛɛ laa, di hvo díɓoɠaa kɛ li, mįnɛ̨i di ɉəɠə a yələ kəlee mɛ̨nį, daa nɛɛ laa.

Ɉeremi 13:10

Yaan, di kaa a nu huwu ɲɔ̨nwɔ̨ɔ̨, di hvo gɛi di hvo di wəli tɔɔ nwóó ɓa. Di kanąn ŋąą lɔ di wɔ wəlii kpɔlɔi ɓa. Diɛ li diɛ kwɛli hvilɛn haliɠaa diɛ; diɛ di mąąwiɛ, diɛ pɛlɛ di lííla. Di kaa pai kɛi yɛ bələi tii ɉąą yili kɔ́lɔi tii kaa la; tɔ̨nɔ̨ lɔpee hva kɛ mą.

Ɉeremi 17:23

Ka nanii tii, di hvo di wəli tɔɔ, di di kili walawala, di di wəlii kpɔlɔ, mɛ̨nįi ŋį́ kɛi nɛ diɛ, diɛ di wəli kulɔ ɉu.

Ɉeremi 22:9

Di kaa pai kɛi bulu pənəi, diɛ kɛ mą: ‹Mąąhɔlɔɓo, di Yai-Laa di wɔ Yálá nwɔ mįnɛ̨i mąą kala, diɛ pɛlɛ haliɠaa lííla, diɛ di mąąwiɛ.›»

Ɉeremi 31:32

Hvo pai kɛi yɛ mįnɛ̨i kwa di nąnni ku ɉəɠə, ɓɛlɔwai ŋą́ di hon na a di yee, gɛ́ di kulɔ Eziptə lɔi hu. Mįnɛ̨i tii, di ɉukala, kɛlaa, ɲą́ą́n, gáá lɔ a di Nąmu di nwun na. Yai-Laa woo li!»

Ɉeremi 44:16

«Bələi mąn ə́ kaa yili ɓoi la tii ku wɔ Yai-Laa laa hu, ku hvo ku wəli tɔɔi mą.

Ɉeremi 44:5

'Ká hvo ká wəli tɔɔ li, ká hvo mɛ̨n, əgɛ, ka ka pulu tɔɔ ka wɔ kiliŋąhiɛ ɲɔ̨nŋaa tii diɛ, a ka kpɛla mɛ̨nį haláá kulaa ɓa haliɠaa diɛ.

Ɉeremi 7:28

Mo kani diɛ, yɛ́ diɛ: Kaa kɛ a nu huwu yii hva nwəli tɔɔ Yai-Laa di wɔ Yálái woo ɓa, ə lɛɛ, mɛ̨nįi a ka kalan na, ka hva ɉon; kulɔ nwoo ɓa laa nwun na aa pili, aa kpɛɛ di lɔwai.

Ɉeremi 9:6

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: Gáá pai di mąąhəɠəi a nwɔ̨n, ŋį́ di mąą waa. A tɛ̨ą, gáá pai gɛ́ mɛ̨nį kɛi nwɔ́ nuą kili ɲɔ̨nwɔ pələi ŋɛ̨i hu.

Izikiɛ 16:59

«Mąąhɔlɔɓo, mɛ̨nįi Mɛ̨nį kəlee ŋą Hééɓomun Yálá kaa moi ya ka: Gáá lɔ ə́ hon ɉii yɛ bələi ə́ túwɔ la, yɛ́i ŋɛ̨i tɛɠɛ ɓo nɛ̨ŋɛ̨n naa woo hu a mįnɛ̨ hukalai ə́ moi.

Izikiɛ 44:7

Kɛ́nɛ̨ kpolɔwaɠaai di kili mąą kuu hvo kɛ li, da di kɔ́lɔ hvo hee li kɛ́nɛ̨ ɓa, diɛi a nwɛ̨ą, ká kɛ lɔi a diɛ nwɔ́ kɛɛnąą mąąhəɠɛɛi ɓa, diɛ nwɔ́ pɛlɛ́i laa pu. Ká kɛ gɔ́nɔn naa həli, ɉuwɔ wulɔ da ɲąmą, ká kɛ nwɔ́ mįnɛ̨i hukalai a ka wɔ ɓowo túwɔɠaai tii.

Izikiɛ 5:6

Ə kulɔ nwɔ́ tɔ́n nwooɠaai mu a kili ɲɔ̨nwɔ̨ɔ̨ dɛɛ nɔiɠaai ti diɛ; ə nwɔ́ tiɓoɠaa lɛɛ laa dɛɛ nɔiɠaai ti gwɛlɛ diɛ. Di nwɔ́ tɔ́n nwooɠaai pili di pulu; di hvo gɛ di hvo lɛɛ nwɔ́ tiɓoɠaai pulu.

Osia 6:4

Lə ɓə ŋą́ pɛli gɛi a yɛ́ Ɛfraimə? Lə kpɔ ɓə ŋą́ pɛli gɛi a yɛ́ Ɉuda? Ka wɔ tələnmolaa kaa lɔ yɛ nąląąn a pu yələ wala pɔ, ə ɓo yɛ yələ ɓɔi nɛ̨n ɲá, yai hva lamun laakpala ŋą.

Osia 6:7

Kɛlaa di wɛi, yɛ nu kanŋaa, daa mįnɛ̨ həɠɛɛ hu kala, bələi di mówo la bələ li.

Osia 7:16

Da tinɛ̨n, di hvo pai tɛi yələi pələ, di kaa yɛ kilɛn daa ɉu yali, kɔ́ kɔ́ ɓɔwa kaa pai di ɲɛ̨itɔwɔ nuą tooi, di woo ɲɔ̨nwɔ̨ bələ di la; di kaa pai yɛ́lɛ́i diɛ Eziptə lɔi hu.

Levetekɔ 26:15

ka nwɔ́ tɔ́n nwooɠaai pili, nɔi hu yíi ɓo pələi ŋį́ nɛ kaa, nwɛli a wala kɛ kaa, ɛlɛɛ ka wala nwɔ́ tíɓoɠaai ta lɔpee kɛ, kaa nwɔ́ mįnɛ̨i hu kala la tii,

Sofoni 1:6

Nuąi daa di pulu tɔɔ Yai-Laa ɓa, di hva gɛ di hvo ɲɛ̨ilaa kwɛli mɛ̨nį ta hu, di hva mąąnikɛ, Gáá gəlee nwun napilii.

Zakari 1:4

'Ka hvo hvilɛn ka nąnni pulu, diɛi tii wɔlɔ Yálá kwəi mɛ̨nį hukulɔ nuą di kɛli kɛ diɛ: ‹Yai-Laa Mɛ̨nį Kəlee ŋą Hééɓomun woo ka: 'Ka pənə wɛ ka pa, 'ka həɠə ka wɔ pələ ɲɔ̨nwɔ̨ɔ̨ɠaai mɛ̨i, da ka wɔ túwɔ́ pələ ɲɔ̨nŋaai pulu.› Kɛlaa, di hvo kɛi mąn, di hvo mą kɛi di ɲɛ̨i hee bɔ́ pələ Yai-Laa woo li.

Zakari 7:11

Kɛlaa, di hvo gɛ di hvo di wəli tɔɔ, di di nwun dinɛ̨n, di di wəli walawala, ə gɛ di hvo pa nəi mɛ̨nį mɛ̨n.

Zakari 7:13

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: «Bələi lɔ ŋį́ di təli la di hvo gɛ di hvo mɛ̨n, bələ lɔ ɓə diɛ kpɛli di də́li la, ɛlɛɛ, ɲą́ą́n gbɛ́li mąn, və́ nwə́li tɔɔ di woo ɓa.

Dutɛrɔnome 31:16

Yai-Laa yɛ tɔlɔɔ Moisə ɓa: «Ə́ laa hiɛ ka ə́ nąnni kwɛlɛ. Ə́ haa pulu, Israɛlə nuą kaa pai tɔɔi diɛ kwɛli hvilɛn haliɠaa diɛ nɔi tii di kaa lii ɉu. Di kaa pai nɛ́ɛ́i laa, mįnɛ̨i ŋɛ̨i kwa diɛni ku ɉəɠə, di həɠə bulu, di mąą kala.

Dutɛrɔnome 9:7

Ka kili ə kɛ ɉu kaa diɛ, ka Yai-Laa ka wɔ Yálái liiholi nɔi pun ɉu, ka hvo lɛ̨ą mɛ̨nįi tii ɓa. Ə həɠə ka kulɔ yələ ɓa Eziptə lɔi hu, ə lɛɛ ɉu ka həli la ɓɛ, ka kɛi lɔ tɔɔ Yai-Laa la.

Hebreu 8:9

Yili hvo pai kɛi yɛ bələi ə kɛ la kwa di nąnni ku lɔwai, a ɲələi ŋą́ di hon na a di yee, gɛ́ di kulɔ Eziptə lɔi hu, mąąhɔlɔɓo, diɛi tii, di hvo lɛɛ di woo pulu, Ɲą́ą́n, ŋą́ ɓo di yee ɓa, Ną́mu woo li.

Nwun mąąɓo 2:11

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə Israɛlə lonnii di di yee lɔ ɉu, di kwɛli hvilɛn Baalə haliɠaa diɛ.

Nwun mąąɓo 2:17

Kɛlaa, di hvo kpɛli kɛi di wəli tɔɔ di nwun mąąɓo nuąi woo ɓa, mąą hɔlɔɓo, di kɛi lɔ kwɛli hvilɛn haliɠaa diɛ, di lɛ̨ą kpɔlɔ tii, bələi di nąnni di kɛi hiɛ mɛ̨i, mą; diɛi kɛi Yai-Laa nwɔ liɛwooɠaai hon.

Nwun mąąɓo 2:19

Kɛlaa, ɓɛlɔwai guláái yili a haa la, da lan gbɔ, di tɛɛ di nąnni diɛ, diɛ haliɠaa həɠə, diɛ kwɛli hvilɛn diɛ, di hvo kɛi kpɛla túwɔ́ pələ ɲɔ̨n ma, di wɔ kili walawala laa ta hvo kɛi kulɔ mą.

Samuɛlə dɔlɔɔ 15:11

«Saulə heei ŋɛ̨i ŋą́ mo a tɔɔmun, ŋą́ą́ nwóó yali bulu. Mąąhɔlɔɓo, aa bulu tɔɔ mą́ą́, wooi ŋą́ mo mą, hva ɉon.» Samuɛlə kwəi ə pili mą, gbinįi tii yee mu, yɛ nwoo tɛ Yai-Laa ɓa.