Ɉeremi 10:5 - Yálá laawoo hɛɓɛ (dc)

⁵ Ɉaliɠaa tii, kaa yɛ nwɛ̨nį kpɛ gbala, a nwɛ̨nį mąą ɲɔw, hva hɛn da kɛ mą; di hva hvaa, di hva hiɛ, hvo kɛ li daa kɛi di kpəŋə. Ka hvo kpɔ tai ɲɔw ɉaliɠaa tii diɛ. Di hva pɛli mɛ̨nį ɲąą nwąnąą laai nu ɓa; di tɔlɔ hvo kpɛli diɛ nu ta ɓa.»

Yálá laawoo hɛɓɛ

⁵ Ɉaliɠaa tii, kaa yɛ nwɛ̨nį kpɛ gbala, a nwɛ̨nį mąą ɲɔw, hva hɛn da kɛ mą; di hva hvaa, di hva hiɛ, hvo kɛ li daa kɛi di kpəŋə. Ka hvo kpɔ tai ɲɔw ɉaliɠaa tii diɛ. Di hva pɛli mɛ̨nį ɲąą nwąnąą laai nu ɓa; di tɔlɔ hvo kpɛli diɛ nu ta ɓa.»

Bible

⁵ Díɣâla-pɔɔkɔŋ ŋai díkaa yɛ̂ɛ maa-yao sɛŋ nyíi da dɔ̀ɔ zûai sui. Dífa lôno. Fɛ̂ɛ núu é lí a dia, kpɛ́ni fêi, dífa pɔ̂ri siâi. Káfe yao dîa, kpɛ́ni fêi, dífa pɔ̂ri mɛni nyɔ́mɔɔ kɛ̂i a káa, kpaa máŋ dí mɛni lɛ́lɛɛ kɛ́ kâa.”

Ɉeremi 10:5 Iomraidhean Croise

Tɔɔɓɛlaa dɔlɔɔ 18:26

Di di wɔ nįŋɛ̨i həɠə, ɛlɛɛ di baa; yili pulu, di di woo tɛ Baalə pɔ pələ, ə həɠə yələwala ɓa, ə lɛɛ ɉu hvóló ə haŋą; diɛ kɛ mą: «Baalə, ku woo pulu pənə!» Kɛlaa woo ta hvo tɔɔ, nu ta hvo kpɛli mɛ̨nį ta ɓo, di kɛi mąną di wɔ haláá kulɔi di bɛli níila.

Kɔlɔnikɔ Veerɛi 25:15

Yai-Laa lii ə holi Amasiasə pɔ, ə nɛɛmą ə gwəi mɛ̨nį hukulɔ mun dɔ̨nɔ̨ tɔɔ bɔɔli, yɛ mą: «Lə mɛ̨nį ɓa ə́ li pɛlɛi, yɛ́ kwɛli hvilɛn nɔi ŋɛ̨i hu haliɠaa diɛ, a diɛi tii di hvo pɛli li di kulɔi ə́ yee ŋą?»

Azaya 16:12

Di kaa pai Moabə kaai, vinna tɔ́n ŋąą, yɛ tɛ nwɔ haliɠaai kɔ́i, yɛ li nɛ̨ɛ̨mąą hvəi nwɔ haláá kulɔ pɛlɛ́i mu, Kɛlaa, ɲee hvo pai lɔi mɛ̨nį ta kɛi.

Azaya 45:20

'Ka ka ɲąąkpɔn, 'ka pa, 'ka lɛɠɛɓɛ a gee, kaai ka nwun ə kulɔ, lɔiɠaa hu. Nuąi tii nwuluɠaa haɠa, diɛ kɛ, di wɔ yálá li, diɛ ɉaliɠaai tii tɛ yələi, ɛlɛɛ, hɛn hva nu ɓalo, diɛ vɛli.

Azaya 46:1

Bɛlə aa pu ɉimįnįn ma, Nebo aa hviən: huwɔɠaa ɓə da di mąąnįnįn gbəŋə, daa kɛ a tiɛ̨ wiaa, ɉuwɔɠaa hvįi aa kpɛɛ di mu.

Azaya 46:7

Diɛ ɓə da ɉaliɠaa tii kpəŋə di kalan ɲą, diɛ hiɛ la, diɛ vilɛn ɓɛi gaa pai kɛi laa, yɛ vįitɔɔ, yaamun hvo di kɔ́ li a hvįitɔɔ! A lɛɛ lɔ kɛa laa tɔɔni, hva həɠə dɔɔi! Nu ta ə mą nwoo pili mą, hva mun hvaa, gu hvo mun kɛ yɛ li gulɔi mɛ̨nįi.

Ɉeremi 10:14

Nu kəlee daa tɔɔ lɔ tupɛɛ, di hva mɛ̨nį ta ɲąą kaa, diɛ nwumɛ̨ di wɔ haliɠaai di bɛli mąą mɛ̨nį ɓa. Ɉɛn mąąnįnįnŋaa tii kaa a lɛɛ, di nɔ̨ɔ̨ hvo di hu.

Habakukə 2:19

Kpalo ɓɛlaai kaa! Kaa ɓə ka hee, kaa kɛ kwɛi kpuwɔ ɓa: «Ə́ ɲɛ̨ilaa ɓo!» Kaa kɛ kwɛni kpuwulu ɓa: «Ə́ muhəɠə!» Yaan, ɉɛnŋąą tii di hva pɛli mɛ̨nį ta lɛi kaa. Ə mą kpɛli kɛ, kaa hɛni ya, da wali ya hiɛ diɛ, di hvo a di hvulú!

Korɛntə dɔlɔɔ 12:2

'Ká kili kaa ɉu, káá, ká kɛɛ hali yíi hu, ká kɛli lɔ li ká nwun ɉu kun ma, ɉaliɠaa tii di hva hvaa, di pɔ pələ.

Korɛntə dɔlɔɔ 8:4

Akɛtii, huwɔi daa gulɔ a haláá hali ɓa, gwa pɛli da mįi? Gu gɔlɔn guɔ, hali lɔpee ta hvo yɛnɛ̨ɛ̨, ɛlɛɛ, yálá takpɛli hvo laa, ə kulɔ Yálá yaa tanɔ̨n gbən bulu.

Dutɛrɔnome 4:28

Ka kɛ laa haliɠaa yee mu yii nuą di bɛli a di yee, di ɓo a wulu, a kwɛni; di hva pɛli kɛɛ kaai, di hva pɛli mɛ̨nį mɛ̨n ɉii, di hva pɛli kɔ̨nɔ̨n mįi, di hva pɛli hɛn gun mɛ̨n ɉii.