Ɉeremi 10:22 - Yálá laawoo hɛɓɛ (dc)

²² Ka ka wəli tɔɔ din ŋɛ̨i ɓa; gaa yɛ nu kpulu kɛnɛ̨, di kaa həɠəi ɲanwuɔ̨ pələ, di kaa pai Ɉuda taaɠaa mąą pənəi a pun. Naa ə lɛɛ a góɓəɠaa pɛlɛi.

Yálá laawoo hɛɓɛ

²² Ka ka wəli tɔɔ din ŋɛ̨i ɓa; gaa yɛ nu kpulu kɛnɛ̨, di kaa həɠəi ɲanwuɔ̨ pələ, di kaa pai Ɉuda taaɠaa mąą pənəi a pun. Naa ə lɛɛ a góɓəɠaa pɛlɛi.

Bible

²² Ka káwoli tɔ́ɔ dùŋ-ŋai dîa. Tùŋ káa kulâi yá-ŋua-pere lɔii su. Ǹyaŋ Zuda taa-ŋai kélee da pâi lɛɛ̂i a bûŋ. Da pâi kɛ̂i nɔ́ a fɛnɛ-sãa kɛ̂i.”

Ɉeremi 10:22 Iomraidhean Croise

Azaya 34:13

Ɲąąlən gaa pai ɓɔn ɉii daaɠaa hu, tɛ̨ɛ̨tɛ̨ɛ̨ da didi-hɔ̨ɔ̨-hɔ̨ɔ̨ diɛ tiliin daa mąąkpɛ pɛlɛ́ɠaa mu, nąą a lɛɛ a goɓəɠaa pɛlɛi, haɉaliɠaa diɛ pɛlɛ laa.

Ɉeremi 1:14

Yai-Laa ə mɛ̨nįi tii hukulɔ mą́ą́, yɛ mą́ą́: «Ɲanwuɔ̨ pələ ɓə mɛ̨nį ɲąąnwąnąą kaa pai həɠəi la yɛ pa laai nɔi lonnii kəlee diɛ.

Ɉeremi 1:15

Gáá pai ɲanwuɔ̨ pələ tɔɔɓɛlaa kəlee təlii, di kaa pai, nu kəlee kaa pai nwɔ tɔɔkpəlin hvilɛn ɉii Ɉerusalɛmə taa bələ nwun na; daa mąąkpɛ hįį tənən ma, da Ɉuda taaɠaa kəlee tənən ma. Ɲą́ą́ Yai-Laa, Nwóó li.

Ɉeremi 2:15

Diɛ huluun mɛ̨i yɛ yala lonnii daa kɛi kɔ̨nɔ̨n mį́i, diɛ kpəɠi mą, diɛ nwɔ lɔi lɛɛ a lɔi pun. Diɛ nwɔ taaɠaa kələn, yɛ lɛɛ a taa kpoloonŋaa.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 4:15

Ə́ wə́li tɔɔ tai, di kaa loloɓoi yɛ həɠə Dan huwuhu, di kaa mɛ̨nį ɲąąnwąnąą pa mɛ̨nį hukulɔi, yɛ həɠə Ɛfraimə yee ɓa.

Ɉeremi 4:6

Ka huu pili nuą diɛ Siɔn pələ! Ka lí, ka ka mąą kilɛ! Ka hvo tɔɔ pələi nu ta hvo kɛ gaa lɛɛi ɉeei! Kpalo ka tii Yai-Laa aa ɉəɠə ɲanwuɔ̨ pələ, yɛ paa la, ə kə! Kɛɛ kala mɛ̨nį kɛnɛ̨!»

Ɉeremi 49:33

Hasɔrə aa lɛɛ a yalaɠaa pɛlɛi, aa lɛɛ a lɔi pun a yələ kəlee mɛ̨nį. Nu ta hva kɛa hee laa. Nu ta hva kɛa daa tɔɔ laa.»

Ɉeremi 5:15

Kaai ɓaa Israɛlə nuą, gáá pai nuą ɲąątɔɔi kaa diɛ həɠə kwɛa la. Da kɛ a nu huwu yii ka yee hva lɔ diɛ. A tɔwɔ-tɔwɔ nu huwuɠaa. Ka hvo kpɛli di lawoo kɔ́lɔn. Di woo hu kpinɛ̨ɛ̨ kaa. Ɲą́ą́ Yai-Laa nwóó li!

Ɉeremi 6:1

Ka kulɔ Ɉerusalɛmə daai. Bɛnɉamɛn huwuhu nuą ka ka mąąkilɛi kwɛli pələ takpɛli. Ka kɔ́ tulu hvɛɛ Tekoa ka huu pili Bɛtə-Kɛrɛmə, mɛ̨nį ɲąą nwąnąą kaa ka mąą hɛɠii, gaa a lɔi kala mɛ̨nį kɛnɛ̨, gaa həɠəi ɲanwuɔ̨ pələ ɲeeɠaa hu.

Ɉeremi 6:22

Yai-Laa woo ka, yɛ diɛ: Nu huwu ta ka ŋɛ̨i həɠəi ɲanwuɔ̨ pələ yɛ pa! Lɔi ta li yii ɉu kɛnɛ̨, aa muhəɠə aa hvilɛn pələ ɓa, yɛ həɠə lɔi kpon ɉeei pələ.

Ɉeremi 9:11

Gbɛɛ ɓə kilí kaa mą, yɛ pɛli mɛ̨nį kpaɠaa la kaai, ə lɛɛ nwoo Yai-Laa a nɛ mą, ə nolo ɓo? Lə ɓə kɛ, yaai nɔi aa kala? Kɛɛnaa kəlee daa kələn. Nu hva tɛɛ laa?

Woolaa 1:4

Siɔn daa pələɠaa kəlee daa kpɔlɔɔn. Nu ta hvo kɛa lii laa hɛli ɓa. Gwəli hɛ̨ąiɠaa kəlee daa kpɔlɔɔn. Ɉaláá laa həli nuą diɛ di woolaa. Siɔn halakpɛlaɠaa kwəi aa pili diɛ. Siɔn aa lɔ liikələn gwəi hu.

Izikiɛ 12:19

'Kɛ nɔi hu nuą diɛ: Mɛ̨ni kəlee ŋą Hééɓomun Yálá ɓə mɛ̨nįi ŋɛ̨i ɓoi Ɉerusalɛmə nuąi Israɛlə lɔi hu diɛ; di kaa pai kɛi di laa mįi liihɛlɛn ɉu, diɛ ya kpələ ɲɔw ə ɓo di hu, mąąhɔlɔɓo, di kaa pai nɔi hu woloi, diɛ ɉu hɛnŋąą kəlee kulɔ ɉu; a nɔi hu nuą di wɔ hulu mɛ̨nį laa pɔɔ.

Malasi 1:3

ɛlɛɛ, ɲee ɓa lɔiɠaa ŋɛ̨i Edɔmə nuą kaa heeni ɉu, ŋą́ di kpɛ laa, kilitɔɔmąą hvo kɛa laa, ŋą́ą́ di wɔ lɔi kwɛlɛ nɔi pun ɉu lɔwɔ-yilɛɠaa diɛ.