Ɉeremi 10:16 - Yálá laawoo hɛɓɛ (dc)

¹⁶ Kɛlaa, Ɉakɔbə nwɔ Yálái hvo tii; ya ɓə hɛn gəlee pɛli, Israɛlə ə ɓo a gwɛlin nɔi; naa ɓaa: Yai-Laa Mɛ̨nį Kəlee ŋą Hééɓomun.

Yálá laawoo hɛɓɛ

¹⁶ Kɛlaa, Ɉakɔbə nwɔ Yálái hvo tii; ya ɓə hɛn gəlee pɛli, Israɛlə ə ɓo a gwɛlin nɔi; naa ɓaa: Yai-Laa Mɛ̨nį Kəlee ŋą Hééɓomun.

Bible

¹⁶ Kɛ́lɛ Zeeka Ŋɔɣâlai fé yɛ̂ɛ ŋ̀âla-pɔɔkɔŋ-ŋai ŋí. Kpɛ́ni fêi, ǹya ƃé sɛŋ kélee kpɛ̀tɛ, é pɛlɛ Eezuɛ-ŋai dîa nyíi-ŋai díkaa a bɔɔi. Ǹáa ƃa Ŋ̀wâla-wala kélee Yâwɛɛ.

Ɉeremi 10:16 Iomraidhean Croise

Mąątɛ̨nɛ̨ 119:57

Ŋą́ kɛ kpɔ diɛ: Nwɛ́i ɓaa, ŋį́ lɛɛ ə́ wooɠaa pulu Yai-Laa!

Mąątɛ̨nɛ̨ 135:4

Mąąhɔlɔɓo Yai-Laa ə Ɉakɔbə həɠə ɉu a nwɔɔ, Ə Israɛlə kɛ a gwɛlin nɔi.

Mąątɛ̨nɛ̨ 142:5

Ə́ ɲɛ̨i hee ɓa-mįi-yee hu pələ, gɛɛ kaa, nu ta hvo kɛa gɔ́lɔn! Ɓɛi kpɔ ŋį́ noo laa, nąą hvo mą, mą́ą́ kiliŋąhiɛ hvo nu ta lɔpee ɓa!

Mąątɛ̨nɛ̨ 33:6

Yai-Laa ə yələkɔlɔn bɛli a naa woo, ə ɉu hɛnŋąą kəlee kɛ lɔ a naa wəleen.

Mąątɛ̨nɛ̨ 73:26

Gɔ́lɔ da níí da pɔlɔ, kɛlɛɛ nwɔ́ kilitɔɔmąą, ya lɔ ɓaa a Yálá, a yələ kəlee.

Mąątɛ̨nɛ̨ 74:2

Nu kpului ə́ ɉɔlɔɓo a ə́ wɔɔ a yɛnɛ̨ɛ̨ gɔwɔ tɔɔ yələ, ə́ kili lɛɛ ɉu; a nu huwui tii ə́ kɛ diɛ ə́ kwɛlin ni, a Siɔn yeei tii ə́ gɛ a ə́ hee taai.

Lɛɛ gbɔwɔ ɓa 19:5

Ə həɠə yiihu ɓa, ka ka wəli tɔɔ nwóó ɓa, kaa lɛɛ nwɔ́ mįnɛ̨i pulu, ka kɛ a gwɛ́lin gɛnɛ̨mun, nu huwuɠaa kəlee lɔwai; mąąhɔlɔɓo, ɲą́ą́ ɓə lɔi kəlee kaa a nwɔ́ɔ́.

Lɛɛ gbɔwɔ ɓa 34:9

Yɛ mą: «Yai-Laa nwɔ́ mɛ̨nį Nąmu, akɛ kpɔ ŋą́ą́ ə́ líí hon, Yɛ́ ɓo ku lɔwai, kwa nu huwu nwun nwalawalaa ŋɛ̨i, kɛlaa, ku wɔ túwɔ́ pələ ɲɔ̨n da ku wɔ nɛ̨ŋɛ̨n mąąhvaalɛɛ, ɛlɛɛ, ə́ ku kɛ kɛa a ə́ kwɛlin.»

Hanwon 16:4

Yai-Laa ə mɛ̨nį kəlee kɛ mɛ̨nį nwun gɛ mą. Ə mą kɛ, nwąnąlɔmun mə, ə bɛli mąąwɛli yələ mąą mɛ̨nį ɓa.

Azaya 19:25

Núwɔ́i Yai-Laa Mɛ̨nį Kəlee ŋą Hééɓomun kaa pai dooi nɔi ɓa, ya ka: «Lúwɔ́ ə kɛ nwɔ́ lɔi Eziptə ɓa da ɉu nuą, lúwɔ́ ə kɛ Asiri ɓa, yai ŋą́ bɛli a ɲéé, lúwɔ́ ə kɛ Israɛlə ɓa, yai a gwɛ́lin!»

Azaya 45:7

Ɲą́ą́ ɓə kɛɛpono, gɛ́ kpinį pɛlɛ, ɲą́ą́ ɓə ŋą́ nwun na nɛ̨ɛ̨ kɛ, gɛ́ nwun na ɲɔ̨n gɛ. Ɲą́ą́ Yai-Laa, ɲą́ą́ ɓə hɛn gəlee pɛli.

Azaya 47:4

Nui a ku nwun mąąɓo, naa ɓaa a Yai-Laa Mɛ̨nį Kəlee ŋą Hééɓomun, Israɛlə nwɔ Mąąhəɠəmun.

Azaya 47:6

Nííhvoliɛi kɛ nwɔ́ nu huwui pɔ, ŋą́ą́ kɛ nwɔ́ lɔi ɓɛlɛkpɛɛmą, gɛ́ nwɔ́ nuąi too ə́ yəi ɲą, Kɛlaa, hvo di ɲɛ̨imąąwɛli tai lɔpee kaa li, yáá wiɛ hulɔgoloɠaa mɛ̨i, yáá dɛɛ ɲɛ̨n ɉu.

Azaya 51:15

Ɲą́ą́ ɓə gáá a Yai-Laa ə́ wɔ Yálá, yai a wəleen ɉee gboloyá hu, yilinŋąą diɛ huluun, naa ɓaa Yai-Laa Mɛ̨nį Kəlee ŋą Hééɓomun.

Azaya 54:5

Mąąhɔlɔɓo, Yálái ə́ pɛli, ya ɓə a ə́ hilɛ, naa ɓaa Yai-Laa Mɛ̨nį Kəlee ŋą Hééɓomun; Israɛlə nwɔ mąąhəɠə mun ɓə ə́ nwun mąąɓooi, naa ɓaa yɛnɛ̨ɛ̨ piliɛ gee mɛ̨i nwɔ Yálá.

Ɉeremi 10:12

Yai-Laa ɓə nwɔ huwalawala lɛ lɔi pɛli mɛ̨nį hu, ə́ yɛnɛ̨ɛ̨ hee kpəlin na kɛ a kili, ə́ yələkɔlɔn ɉu hvólóon a nwɔ mɛ̨nį kɔ́lɔn ŋąą.

Ɉeremi 10:6

Yai-Laa! Nu ta hvo laa gulaa yɛ́! Ə́ kɛnɛ̨i, ə́ laa kɛnɛ̨i, Ə́ kɛ mɛ̨nį ɲɛ̨i kɛnɛ̨ɠaai ə́ di kɛ, mąą mɛ̨nį ɓa.

Ɉeremi 31:35

Gbɛɛ ɓə hvóló kulɔ, yɛ kɛɛ pɔ̨nɔ̨ kulɔ a yələ ɓɔɔ, ə ɲąnin da pɛmɛ̨lɛ̨n-gɔwɠaa kɛ, a kpinį hu pɔ̨nɔ̨ hɛnŋaa, gəlee da nwɔ kɛ pələ; a yaai a gboloyá tumo, yɛ nwoo kulɔ? Ɲálái tii mɛ̨nįɠaa kɛ, naa ɓaa: Yai-Laa Mɛ̨nį Kəlee ŋą Hééɓomun. Ɲálái tii nwoo ka, yɛ diɛ:

Ɉeremi 32:18

Yá nuą ɲɛ̨imąąwɛli kaa, gee mɛ̨i waa tamąą. Kɛlaa, yá lon gaa nuą di wɔ nɛ̨ŋɛ̨nŋaai kwələ kulɔ di lonnii diɛ. Yɛ́i a Yálá kɛnɛ̨, Kɔlaɠa Ną́mu, ə́ laa ɓaa: Yai-Laa Mɛ̨nį Kəlee ŋą Hééɓomun.

Ɉeremi 33:2

Yálái, yai hɛn gəlee pɛli, yɛ ɉee tin, naa ɓaa a Yai-Laa, nwoo ka, yɛ diɛ:

Ɉeremi 46:18

Akɛ kpɔ gáá a vulú, dɔɔmun da kɛ mą: Yai-Laa Mɛ̨nį Kəlee ŋą Hééɓomun nwoo li! Gáá pai yɛ bələi Tabɔrə yee kaa la yeeɠaa lɔwai, yɛ bələi Karmɛlə yee hɛlɛn ŋąą la gboloyá mɛ̨i.

Ɉeremi 50:34

Kɛlaa, Israɛlə mąąkɔ̨nwɔ̨ mun vaŋa kɛnɛ̨i; di mąąkɔ̨nwɔ̨ mun tii laa ɓaa: Yai-Laa Mɛ̨nį Kəlee ŋą Hééɓomun. Ya ɓə a di mąą mɛ̨nį ɲɛ̨i kulɔ, yɛ liilaa hee nɔi tin-tin; ɛlɛɛ, yɛ Babilonə nuą hu kpɛlin.

Ɉeremi 51:19

Ɉakɔbə nwɛ̨i hvo tii, ya ɓə hɛn gəlee kɛ, ə lɛɛ, Israɛlə lɔi kaa a gwɛlin nɔi, naa ɓaa a: Yai-Laa; Yai-Laa Mɛ̨nį Kəlee ŋą Hééɓomun.

Woolaa 3:24

Gɛ́ diɛ: Yai-Laa ɓə gaa a nwɔ́ hɛn gɔw. Mɛ̨nii gɛi, gilitɔɔ la mą, yaa li.

Amɔsə 4:13

Mąąhɔlɔɓo, Yálái ŋɛ̨i yeeɠaa tɔɔ, ə hvaŋą kulɔ, ya ɓə a nwɔ kiliŋąhiɛ loɔ lɛ nu ɓa, Ya ɓə a yələwala mąą pənə a kpinį, yɛ hiɛ yeeɠaa ton na, mąą Yálái tii laa ɓaa: Yai-Laa Mɛ̨nį Kəlee ŋą Hééɓomun Yálá.

Zakari 2:12

Yai-Laa Mɛ̨nį Kəlee ŋą Hééɓomun woo li, Ya ɓə dɔ́ɔ́ a nwɔ heeɓolaa, nɔiɠaai tii too ka mɛ̨i di mąą mɛ̨nį ɓa. Nui lɔpee a tunwɔ̨n kaa, aa tunwɔ̨n ɲɛ̨́ilon ma.

Dutɛrɔnome 32:9

Kɛlaa Yai-Laa nwɛi ɓaa a nwɔ nu huwui, Ɉakɔbə ə lɛɛ a gwɛlin.