Ɉaan 7:1 - Yálá laawoo hɛɓɛ (dc)

¹ Yili pulu, Jesus ə kɛi hiɛ Galile lɔi hu, hvo kɛ bɔ hvə hiɛ tii Ɉude lɔi hu. Mąąhɔlɔɓo, Ɉuifəɠaa di kɛi gwɛli baa mɛ̨nį ɓa.

Yálá laawoo hɛɓɛ

¹ Yili pulu, Jesus ə kɛi hiɛ Galile lɔi hu, hvo kɛ bɔ hvə hiɛ tii Ɉude lɔi hu. Mąąhɔlɔɓo, Ɉuifəɠaa di kɛi gwɛli baa mɛ̨nį ɓa.

Bible

¹ Nyiŋi pôlu ma Zîsɛ e kɛ̀ siâi Galalii; ve kɛ́ ni ŋ̀wɛ̂lii e sia Zuda, kpɛ́ni fêi, Zûu-ŋai dí kɛ̀ gɔ́rii a gɛɛ dí bàa.

Ɉaan 7:1 Iomraidhean Croise

Maafîu 10:23

Akɛ da ka ɓɛlɛkpɛɛ kaa daa yiihu, 'ka pu, ka li da kpɛli hu. Gáá tɛ̨ą ɓoi kaa, ka hvo pai kpɛɛi a Israɛlə lɔi taaɠaa kəlee hu hiaa Nu Lon yɛ pa.

Maafîu 21:38

«Kɛlaa, yii lɔ di gaa yɛ pa, di mo di kee lɔwai diɛ kɛ mą: ‹Nui ɉihɛn gaa pai lɛɛ ɲəi a gwɛli hɛn ya ka. Ka gu baa, ɉihɛn ə lɛɛ ka gu yəi.›

Markə 11:18

Yii kɛa ɉaláá laa həli nuą nwun nąmįną da dɔ́n galamɔ̨ɔ̨ɠaa di nwoo tii mɛ̨n, di kɛi gɛ pələ kwɛli mą, əgɛ, di Jesus hon di baa. Kɛlaa, di kɛi ɲɔ̨w mą. Mąąhɔlɔɓo, nwɔ kalan gɛ pələ ə nu kəlee lii hon.

Ɉaan 1:19

Ɓɛlɔwai Ɉuifə nwun nąmįną ŋɛ̨i kɛ Ɉerusalɛmə daai di haláá laa həli nuą kpɛa-kpɛa da Levi huwu hu nuą tɔɔ la diɛ pa Ɉaan mąąni kɛi, diɛ kɛ mą: «Gbɛɛ ɓaa yɛ?»

Ɉaan 4:3

Ɓɛlɔwai Jesus ə nwooɠaa tii mɛ̨n na, ə həɠə Ɉude lɔi hu, yɛ li Galile lɔi hu.

Ɉaan 4:54

Yili ɓə kɛ a Jesus nwɔ kpalo mɛ̨nį kɛɛ veelɛnąą ɉəɠɛɛ Ɉude lɔi hu yɛ pa Galile lɔi hu.

Ɉaan 6:1

Mɛ̨nįɠaa tii kəlee tɛɛ pulu, Jesus ə li Galile gboloyá pulu pələ, yai da kɛ mą Tiberiadə.

Ɉaan 7:11

Di kɛɛ ɉɛli ɓa, Ɉuifəɠaa di kɛi Jesus kwɛli, diɛ kɛ mą: «Ə̨́i, gaa kani mį?»

Ɉaan 7:13

Kɛlaa, nu ta lɔpee hvo kɛi Jesus mąą mɛ̨nį ɓo a pono ŋą, mąąhɔlɔɓo, di kɛi ɲɔ̨w Ɉuifəɠaa diɛ.

Ɉaan 7:19

Kɛlɛi Moisə ɓə dɔ́n ɉɛɓɛ́ tɛɛ ka pɔ ee? Yaan, ka tɔ̨nɔ̨ kpɛli hvə túwɔ́i yɛ pələi dɔ́n tii mąą liɛwoo kaa la. Lə mɛ̨nį ɓa ka káá bɔ kɛ báá?»

Ɉaan 7:25

Ɉerusalɛmə nuą taɠaa di kɛi kɛ diɛ: «Kɛlɛi nui di kaa gwɛli baa mɛ̨nį ya ɓəi?

Ɉaan 7:35

Ə həɠə ɲələ ɓa, Ɉuifəɠaa di kɛi kɛ diɛ kɛ di kee ɓa: «Mįnɛ̨ ɓə gaa pai lííla yai ku hvo pai gaai? Akɛti, Ɉuifəɠaa ŋɛ̨i di taɠa-taɠa hį́i takpɛliɠaa lɔwai nąą pələ ɓə mɔ̨ɔ̨ gaa pai lííla, yɛ ɉį́i takpɛliɠaa tii kalan?

Ɉaan 8:37

Ŋą́ gɔlɔn gbɔ gɛ́ diɛ: Abrahamə huwu ɓaa a kaa, kɛlaa, ka hvilɛn ŋąąi búlú báá mɛ̨nį ɓa; mąąhɔlɔɓo, nwóó wɛli hvo kaa.

Ɉaan 8:40

Kɛlaa, pələi mąn ŋą́ą́ tɛ̨ą ɓo la kaa, yii ŋą́ mɛ̨n Yálá la; ka hvilɛn ŋąąi lɔ búlú kaa ka báá. Abrahamə hvo kɛ túwɔ́ li tii.

Gɛlaɠaa 10:38

Jesus ti həɠə Nazarɛtə, bələi Yálá ə ɉəɠə la ɉu ə maati a Kili-Mąąhəɠɛɛ da huwalawalalaa, ə tɛɛ kɛɛ nąą kəlee ɓa, yɛ mɛ̨inɛ̨ɛ̨ kɛ, nuąi kpɔ kɛ nąnį yee kɔnma yɛ di ɓalo, mąąhɔlɔɓo, Yálá ə kɛ bɔ.