Ɉaan 5:3 - Yálá laawoo hɛɓɛ (dc)

³ Kələ lɔɔli ə kɛ ɲái tii kwɛlɛ. Ɲɔ̨n gɛ nu tamąą di kɛ gələɠaai tii mu laani. Daɠaa diɛ ɓo a: ɲɛ̨ipu nuą, kɔ́wɔ nwąną nuą da kpɛlɛɠɛlɛ ɲɔ̨n gɛ nuą. Di kɛ laa diɛ ɲá tumoɔ mąąkpɔn.

Yálá laawoo hɛɓɛ

³ Kələ lɔɔli ə kɛ ɲái tii kwɛlɛ. Ɲɔ̨n gɛ nu tamąą di kɛ gələɠaai tii mu laani. Daɠaa diɛ ɓo a: ɲɛ̨ipu nuą, kɔ́wɔ nwąną nuą da kpɛlɛɠɛlɛ ɲɔ̨n gɛ nuą. Di kɛ laa diɛ ɲá tumoɔ mąąkpɔn.

Bible

³ Núu kɔ̃liŋɔɔ támaa dí kɛ̀ laa ni dímu, ŋɛi-pu-bela, kɔɔ-pu-ƃela, da mɛ̃lɛ-mɛ̃lɛŋ-ƃela, [díkɛ maa-kpɛŋ kɛ̀ a gɛɛ ǹyái e tumo.

Ɉaan 5:3 Iomraidhean Croise

Tɔɔɓɛlaa dɔlɔɔ 13:4

Mɛ̨nįɠaa tii Yálá nwɔ nu ə mo a nwoo kɛnɛ̨, yɛ hvilɛn na Betɛlə ɉaláá kulɔi ɓa, tɔɔmun Ɉeroboamə ə mɛ̨n nɔ, ɲee tii kɛ ɉaláá kulɔ taɓali ɓa, ə ɉaŋą, yɛ diɛ: «Ka ɉon!» Ɲee ə lɛɛ a ɉaŋąą tii, ə kpala mą, hvo kɛa pɛli nɛɠɛi mą.

Hanwon 8:34

Lúwɔ́ lon maa nui a nwəli tɔɔ nwóó ɓa, dɔɔ ɲə́i bɛlɛ́ laaləi a yələ kəlee, yɛ ɓo a ɲɛ̨i yɛ ɲɛ̨i kɛ ɲə́i bɛlɛ́ laaləi ɓa.

Woolaa 3:26

Viɛlaɓoɔi nu ə kilitɔɔmąąlaa kɛ laa pilɛ hu, yɛ Yai-Laa nwɔ nwun mąąɓo mąąkpɔn.

Zakari 11:17

Kpalo ɓɛlaai taatɛlɛɛ pulumun ɲɔ̨nwɔ̨ɔ̨ ɓa, yai a daatɛlɛɛ kpulu lɛɛ gbɔwɔ ɓa! Mąąnɛ̨ɛ̨ ɓɔwa kwɛaa ə ɲee kɔ́nwɔ̨n ɉu hvala hvala, ə mamįiyee ɲɛ̨i kɔ́w wolo! Ɲee ə kpala mą, ə kpala mą kpɔ a neelee! Mamįiyee ɲɛ̨i kɔ́w ə pɛlɛ mą, ə pɛlɛ mą kpɔ a neelee!

Maafîu 15:30

Nu kpulu kɛnɛ̨ ə həɠə yɛ pa bɔ. Daɠaa diɛ pa a di wɔ kɔ́wɔ nwąną ɲɔ̨n gɛ nuą, daɠaa diɛ ɓo a ɲɛ̨i pu nuą, daɠaa diɛ ɓo a muugbɛ, daɠaa diɛ ɓo a kpɛɠii ɲɔ̨n gɛ nuą, ə lee, da ɲɔ̨n ɉuwu lɔpee gəlee kɛ nuą. Di pa a diɛ di di pu Jesus kɔ́wɔ, mu ɲee kɔ́wɔ la, ə gəlee kɔ́lɔi pono.

Maafîu 4:24

Mąą tin ə too Siri lɔi hu nąą kəlee, diɛ pa bɔ a ɲɔ̨n ɉuwu lɔpee gəlee kɛ nuą, yɛ di kɔ́lɔi pono. Yiiɠaai ɲį́nɛ̨n ə kɛ di pulu, ə mą kɛ, hvɛli-hvɛli ɲɔ̨n gɛ nuą, da kpɛɠi ɲɔ̨n gɛ nuą, ə mą kɛ, kpɛlɛɠɛlɛn ɲɔ̨n gɛ nuą.

Lukə 7:22

Yili pulu, Jesus ə mo Ɉaan nwɔ kalan nɛa tii diɛ, yɛ diɛ: «Ka li, yiiɠaai kpɔ kaa gaa, ə lɛɛ, kaa mɛ̨n, ka li ka gəlee hukulɔ Ɉaan ɓa, kaa mą: ‹Ɲɛ̨ipu nuą kaa kɛɛ kaai, kɔ́wɔ nwąną nuą diɛ hiɛ, hvólóɲɔ̨n gɛ nuą kɔ́lɔi aa pono di mąą aa həɠə, wəli tini nuą diɛ mɛ̨nį mɛ̨n, haaɓɛlaa diɛ di muhəɠə, wɛlɛɛ lɛlɛɛ laa aa həli yeehvowolo nuą diɛ.

Ɉaan 5:2

Ɉįį tii kɛ Ɉerusalɛmə taa ɓa, naaləi ta ə kɛ laa, diɛ kɛ naa ɓa: ɓɛlaaɠaa lɔi. Gɛɛnąąi tii tənə ma, powa ta ə kɛ laa, diɛ kɛ mą: Ɉuifə woo hu: Bɛtzata.

Ɉaan 5:4

Mąąhɔlɔɓo, nąąlɔwai a ɉəli mą, Yálá nwɔ malaka ə kɛi yɛɛ ɲai, yɛ ɲa tumo. Nu tɔlɔɔ a too ɲái, ɲá tumoɔ pulu, ɲɔ̨n kpɔ gaa mą, a kpɛɛ.

Lomaŋ 8:25

Kɛlaa, mɛ̨nįi hvó gaai, ə́ ɲɛ̨i yɛ ɓo dɔwɔ a nwala walaa, ya ɓə a kilitɔɔmąąlaa.

Zĩi 5:7

Ną́n nonnii, ká ká liikpələ, ə lɛɛ la ɉu, gu Ną́mu pai lɔwai ə ɉəli. 'Ká ká ɲɛ̨i hee tai tíi kɛmun ma, a niikpələ, ə hee, yɛ lɔi dɔlɔ mąąkpɔn, a má dɔlɔɔ kulɔ, gili hva həɠə laa, ə lɛɛ ɉu, yɛ nɛɛ bulu mąąkpɔn.