Ɉaan 4:41 - Yálá laawoo hɛɓɛ (dc)

⁴¹ Nu tamąą di laa Jesus la, nwooɠaa ŋɛ̨i yaa kpinįi ə kɛi mo mąą mɛ̨nį ɓa.

Yálá laawoo hɛɓɛ

⁴¹ Nu tamąą di laa Jesus la, nwooɠaa ŋɛ̨i yaa kpinįi ə kɛi mo mąą mɛ̨nį ɓa.

Bible

⁴¹ Ǹyaŋ ǹúui dámaa dí làa la ŋɔwóoi mɛni ma.

Ɉaan 4:41 Iomraidhean Croise

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Lukə 4:32

Jesus nwɔ kalan gɛ pələ ə nuą kəlee kwəi pili diɛ. Mąąhɔlɔɓo, ə kɛi galan gɛ kpɔ a huwalawala.

Ɉaan 4:40

Yili ɓə gɛ, ɓɛlɔwai Samari nɔi nuą di pa la Jesus pɔ, di nɛ̨ɛ̨mąą hvə mą, diɛ mąą: gu lɛɛ nii ɓɛ. Jesus ə hvaa mą ə hvoló hveelɛ kɛ laa.

Ɉaan 4:42

Nɔi nuą di mo nɛ̨ɛ̨nui tii ɓa, diɛ mą: «Kwaa laa na, yii ŋɛ̨i ə́ mo kuɔ mąą mɛ̨nį ɓa; ə lɛɛ, da yiiɠaai kuɔ kpinįi ku mɛ̨n mąą mɛ̨nį ɓa. Yili pulu, kwaa gɔlɔn gbɔ a tɛ̨ą kuɔ: ya ɓə gaa a yɛnɛ̨ɛ̨ ɓalo mun.»

Ɉaan 6:63

Kili a nu kɛ a vulú, kɛlaa, nu hvo ɓaa hɛn da. Nwooɠaai ŋɛ̨i ŋį́ mo kaa ya ɓə gaa a Kili da yɛnɛ̨ɛ̨.

Ɉaan 7:46

Ɉolahiɠaa diɛ diɛ: «Ku hvo ta nu ta kaa li yɛ hvaa yɛ ɉulɔnui tii.»

Gɛlaɠaa 1:8

Kɛlaa, ka káá pai huwalawala hɔlɔɓoi, ɓɛlɔwai Kili-Mąąhəɠɛɛ a yɛɛ la ka mɛ̨i. Nąąlɔwai, ka kɛ kɛa a nwɔ́ kɛlaɠaa, kaa mą́ą́ mɛ̨nį ɓo: Ɉerusalɛmə, Ɉude lɔi hu nąą kəlee, ə həli la Samari, yɛ li kpɔ la lɔi kpəlai.»

Gɛlaɠaa 15:3

Antiɔsə kalan gbɔn ə ɉiɛ kulɔ wali kɛ. Di tɛɛ Fenisi lɔi da Samari lɔi hu pələ. Diɛ huwu takpɛliɠaa lɔ mɛ̨nį kalan ɉu, hukulɔ, diɛ gu nąn nonnii kəlee kwəinɛ̨ɛ̨ a yili.

Gɛlaɠaa 8:12

Kɛlaa, laai kɛa di kɛli mo Filipə la, yai kɛi Yálá ŋą tɔɔlaa mąą wəlɛɛ lɛlɛɛ laa həli, da Jesus Kristə laa, di di mąąwaa, hinąą mąn nɛ̨ąą mąn,

Gɛlaɠaa 8:25

Piɛrə da Ɉaan di kpɛɛ a gɛla hvaa ɓoɔ da gu Ną́mu lawoo laa həliɛ, di di pulu pənə diɛ li Ɉerusalɛmə, diɛ nwɛlɛɛ lɛlɛɛ laa həli Samari lɔi hu taa tamąą hu nuą diɛ.

Hebreu 4:13

Hɛn nɔpee ta hvo yɛnɛ̨ɛ̨, noɔ mą, hɛn gəlee mąąkpoloonŋąąi ɲɛ̨i mu, gəlee laa niila. Yai gu kaa lii gu kwɛlanmoi mą.