Ɉaan 3:13 - Yálá laawoo hɛɓɛ (dc)

¹³ Mąąhɔlɔɓo, nu ta hvo ta tɛ li yələi, hvo kɛ li lɔ Nu Lon yii həɠə yələkɔlɔn ɉu.

Yálá laawoo hɛɓɛ

¹³ Mąąhɔlɔɓo, nu ta hvo ta tɛ li yələi, hvo kɛ li lɔ Nu Lon yii həɠə yələkɔlɔn ɉu.

Bible

¹³ Núu da fe tá tɛ ni Ɣâla-taa, fɛ̂ɛ nyii kula Ɣâla-taai, núu-kpune Ǹóŋ, nyii gáa Ɣâla-taai.

Ɉaan 3:13 Iomraidhean Croise

Hanwon 30:4

Gbɛɛ ɓə aa ta tɛ yələi, aa pənə aa yɛɛ? Gbɛɛ ɓə aa ta hvaŋą hon aa ɲee laa kpulu mą? Gbɛɛ ɓə aa ta yá pu mąą həɠə hu, aa gbulɔn? Gbɛɛ lɔi ɲɛn naa? Mąą nu laa ɓaa gbɛɛ? Non naa ɓaa pai kɛi a gbɛɛ? Gbaɠala lɛ mą́ą́ akɛ ə́ gɔlɔn?

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Maafîu 8:20

Jesus ə mo mą yɛ mą: «Kɛlɛnŋąa lɔ wolo kaa di yəi, ə mą kɛ nwɛ̨nįɠaa taa kaa di yəi. Kɛlaa, kɛɛnąą ta hvo kpɛli Nu Lon yəi ɓɛi a vįitɔɔ laa.»

Ɉaan 1:18

Nu ta hvo ta Yálá kaa li, kɛlaa, Yálá Lon dɔ̨nɔ̨ gbən yii da Nąn di kɛ di kee pɔ, ya ɓə Nąn nɛ nuą diɛ.

Ɉaan 13:3

Jesus ə gɔlɔn gɛ yɛ ə həɠə Yálá pɔ, Yálá aa hɛn gəlee tɛɛ bɔ, ɛlɛɛ, Yálá pɔɔli ɓə gaa lii laa.

Ɉaan 17:5

Ną́n! Yiihu kɛa mąąwiɛi ŋɛ̨i kɛ ɲə́i gɛɛ yɛnɛ̨ɛ̨ kɔ́wɔ hvo tɔɔ, dɛɛ bɔ́.

Ɉaan 3:12

Akɛ ŋą lɔi mɛ̨i mɛ̨nį ɓo kaa, ka wala laa na, ŋą yələi mɛ̨nį ɓo kaa, ka pɛli laa pələ kɛi ləi na?

Ɉaan 3:31

Nui həɠə yələkɔlɔn ɉu ə pa, ya ɓə gaa hɛn gəlee nwun mɛ̨i. Nui gaa lɔi mɛ̨i, lɔi mɛ̨i mun ni lɔi mɛ̨i mɛ̨nį ɓə, a mo. Nui həɠə yələkɔlɔn ɉu, ya ɓə gaa hɛn gəlee nwun mɛ̨i.

Ɉaan 6:33

Mąąhɔlɔɓo, gɔ̨nɔ̨n Yálá a dɛɛ nu pɔ, ya ɓaa yii həɠə yələi ə pa yɛnɛ̨ɛ̨, əgɛ, ə yɛnɛ̨ɛ̨ hva kpɛɛ tɛɛ nuą pɔ.»

Ɉaan 6:38

Mąąhɔlɔɓo, Və́ həɠə li yələi və́ pa nííɓa kɛ mɛ̨nį ɓa, kɛlaa nui dɔ́ɔ́ niiɓa kɛ mɛ̨nį ɓə.

Ɉaan 6:42

Yili pulu diɛ di kee ɓa: kɛlɛi Ɉosɛfə lon məi; gu nee kɔ́lɔn gu nąn gɔlɔn! A həɠə pələ kɛ ləi yɛ kɛ diɛ: «Ŋą́ həɠə Yálá-taa?»

Ɉaan 6:46

Nu ta hvo ta ną́n kaa li, hvo kəli lɔ nui həɠə Yálá-taa, ya ɓə gaa.

Ɉaan 6:51

Ɲą́ą́ ɓə gáá a kɔ̨nɔ̨n vúlu mąą, yai həɠə yələi. Nui a da mįi, a yɛnɛ̨ɛ̨ hva kpɛɛ hɔlɔɓo. Yaan, gɔ̨nɔ̨n ŋį́ dɛɛ nuą pɔ ya ɓaa a gbį́nį́, yai ŋį́ gwɛlɛ yɛnɛ̨ɛ̨ nuą ɓola mɛ̨nį ɓa.»

Ɉaan 6:62

Akɛti, yələi ka Nu Lon kaa la, yɛ tɛ yələi ɓɛi ə həɠə laa, kaa gɛ ləi?

Ɉaan 8:42

Jesus yɛ diɛ: «Akɛ ka nąn ɓaa a Yálái, ka li nwɛ́li la kɛ. Mąąhɔlɔɓo, ŋą́ həɠə Yálá pɔ, naa hu ɓə gáá la ɓɛ. Və́ kɛ pa li gbɔ́wɔ́ ɓa, kɛlaa, yaa tii ɓə dɔ́ɔ́.

Gɛlaɠaa 2:34

Mąąhɔlɔɓɔ, Davidə kpinį, hvo tɛ yələkɔlɔn ɉu, kɛlaa, ə mo yɛ mą: «‹Námu Yálá ə mo Ną́mu ɓa yɛ mą: Pa ə́ hee ɲéé lɛlɛɛ mɛ̨i.

Gɛlaɠaa 20:28

'Ka ká kpɔɔ mɛ̨i kaa, nu kpului ŋɛ̨i Kili-Mąąhəɠɛɛ aa ká hee a mɛ̨i kaa nuą, 'ka ká kili kɛ ɉu, 'ká gbɔn ɲąąkɔn a nɛlɛɛ, yai ə ɲá a gbɔkpɔɔ ɲąmąi.

Lomaŋ 10:6

Kɛlaa, tələnmolaai a kulɔ laa na hu, nwoo ka: 'Hvó kɛ mą ə́ kwəi pələ, gbɛɛ ɓə pai tɛi yələi? Gaa yɛ yá kɛli kɛ ə́ Kristə kulɔ yələi ə́ ɲɛɛ.

Korɛntə dɔlɔɔ 15:47

Nu kan dɔlɔɔi kulɔ pɔlɔ hu, gaa a pɔlɔ; veelɛnąąn ə həɠə yələi.

Ifisiɛŋ 1:23

gbɔn tii ɓə a Kristə kpinį lee, a yai, Yálá kpinįi ə mąą mɛ̨nį laa kulɔi, ə bɛli ɉu, mɛ̨nį ta lɔpee hvo lɛɛ pulu.

Dutɛrɔnome 30:12

Hvo a mɛ̨nįi gaa yələi, mąą kwɛaa kaa, əgɛ, ka hvo pa kɛ diɛ: ‹Gbɛɛ ɓə pai tɛi yələi ə ɉəɠə ə paa la, ə ɉukulɔ kuɔ, əgɛ, ku mɛ̨n?›