Ɉaan 17:8 - Yálá laawoo hɛɓɛ (dc)

⁸ Mąąhɔlɔɓo, nwooɠaai Ə́ dɔ́ɔ́ la, ŋį́ mo diɛ, di di yee hee mu daa laa na diɛ ŋį́ həɠə ə́ pɔ. Yili pulu, daa gɔlɔn diɛ yɛ́ ɓə dɔ́ɔ́.

Yálá laawoo hɛɓɛ

⁸ Mąąhɔlɔɓo, nwooɠaai Ə́ dɔ́ɔ́ la, ŋį́ mo diɛ, di di yee hee mu daa laa na diɛ ŋį́ həɠə ə́ pɔ. Yili pulu, daa gɔlɔn diɛ yɛ́ ɓə dɔ́ɔ́.

Bible

⁸ kpɛ́ni fêi, ŋa ŋ̀óo-ŋai tɛ́ɛ dípɔ nyii í dɛ̀ɛ ḿbɔi, ǹyaŋ da díyee see dímu, da gɔ́lɔŋ a tɔ̃yâ a gɛɛ ŋá kùla íyeêi; da ŋɔ́nɔ láa la a gɛɛ yá ƃe ńdɛ̀ɛ.

Ɉaan 17:8 Iomraidhean Croise

Hanwon 1:23

'Ka pənə ka pa, 'ka nwɔ́ kilaa pɔ̨nɔ̨ wooi mɛ̨n! Akɛtii, gáá pai nwɔ́ Kilii tɛɛi ka pɔ, ŋą́ ka kilaa pɔ̨nɔ̨, ŋą́ gwə́i woo lɛ kaa.

Hanwon 1:3

A nu kilaa pɔ̨nɔ̨, ə nu kɛ a tələnmomun, da tɛ̨ą kɔ́lɔn mun.

Hanwon 2:1

Nón! Akɛ mɛ̨nįi gáá ə́ kalan ɉii la, gili a lɛɛ ə́ ŋą Yii ŋą́ ə́ tí la, a kɛ ə́ ɲɛ̨i ɓa yɛ hɛn gɔw;

Hanwon 4:10

Nón, mɛ̨nįɠaai ŋɛ̨i gáá moi yɛ́ ə́ wə́li tɔɔ mą, ə́ ə́ kili lɛɛ ɉu. Akɛ yá ə́ kili lɛɛ ɉu, ə́ yíi hvóló hu a kwɛa.

Hanwon 8:10

Mɛ̨nįi gáá ka kalan ɉii la, ka yili wɛlilakɛ, ka dɛɛ wali ɓa. Ka mɛ̨nį kɔ́lɔn ŋąą wɛlilakɛ, ka dɛɛ hɛni leelee ɓa.»

Maafîu 13:11

Jesus ə di woo ŋąąpənə yɛ diɛ: «Ka wɛi, Yálá-taa tɔɔlaa hu mɛ̨nį kɔ́lɔnŋąąɠaa, yiiɠaai noɔ, kaa gɔlɔn, da kaa ɉɔlɔɓo, kɛlaa di wɛi di hvo nii ɉɔlɔɓo li.

Ɉaan 12:49

Və́ gbɔ́wɔ́ mąą mɛ̨nį ɓoi, kɛlaa, Ną́n dɔ́ɔ́, nwooi ə bu ná, ya ɓə gáá naa həlii, gɛ́ mo kaa.

Ɉaan 14:10

Hvo laa li ná yɛ diɛ kwa Ną́n ku kaa tɔ̨nɔ̨n? Nwooɠaa ŋɛ̨i ŋį́ kɛ moi kaa, ɲą́ą́ gbinįi váá woo hvəli. Kɛlaa, kwa Ną́n Yálá ku yee lɔɔi gee hu, yɛ nwɔ kólói kɛ ɲą́ą́ ɲéé hu.

Ɉaan 15:15

Va kɛa ka təli a luwɔɠaa, mąąhɔlɔɓo, luwɔ hvo nąmu nwɔ kiliŋąhiɛ kɔ́lɔn, gáá pai kɛa ka laa heei a mɛ́laa, mąąhɔlɔɓo, mɛ̨nįɠaai ŋį́ həɠə la Ną́n pɔ, ŋą́ą́ gəlee lɛ kaa.

Ɉaan 16:27

ka wɛli kaa Ną́n ma, mąąhɔlɔɓo nwɛ́li kaa kaa, ɛlɛɛ, kaa laa na kaa: ŋą həɠə Yálá pɔ.

Ɉaan 16:30

Kwaa gɔlɔn gɛa, kuɔ, Ə́ mɛ̨nį kəlee kɔ́lɔn, nu ta nwɔ mąąni kɛ hvo kɛa yɛ́, yili ɓə gɛi kwaa laa na kuɔ ə́ həɠə Yálá pɔ.»

Ɉaan 17:14

Ŋą́ Ə́ laawoo lɛ diɛ, di wɛli a kpɛɛ yɛnɛ̨ɛ̨ ɓa, mąąhɔlɔɓo, di hvo ɓaa a yɛnɛ̨ɛ̨ nwɔɔ, yɛ bələi ɲą́ą́ və́ la a yɛnɛ̨ɛ̨ nwɔɔ.

Ɉaan 17:18

Yɛ bələi ə́ dɔ́ɔ́ la yɛnɛ̨ɛ̨, ɲą́ą́ gbɛli gáá di tɔɔi tii yɛnɛ̨ɛ̨.

Ɉaan 17:21

Ə gɛ, di kəlee di kɛ ɉu tɔ̨nɔ̨, yɛ pələi gu kaa la ɉu tɔ̨nɔ̨. Gwa diɛni gu kɛ ɉu tɔ̨nɔ̨, ə gɛ, yɛnɛ̨ɛ̨ nuą di gɔlɔn diɛ: yɛ́ ɓə dɔ́ɔ́.

Ɉaan 17:23

Kwa diɛni ku kɛ ɉu tɔ̨nɔ̨, yɛ pɛlɛi gu kaa la ɉu tɔ̨nɔ̨, ə gɛ, di wɔ yee lɔ gee hu laa ə kɛ tɔ̨nɔ̨, yɛnɛ̨ɛ̨ nuą di gɔlɔn diɛ: yɛ́ ɓə dɔ́ɔ́, ə lɛɛ, yáá di wɛli la kɛ, yɛ pələi ə́ nwɛ́li la kɛ la.

Ɉaan 17:3

Yaan, yɛnɛ̨ɛ̨ hva kpɛɛ ɓaa, di ə́ kɔ́lɔn a Yálá tanɔ̨n, yai a kpɔ-kpɔ, da Jesus Kristə yai Ə́ dɔɔ.

Ɉaan 3:17

Yálá hvo kɛ non dɛɛ li yɛnɛ̨ɛ̨, ə gɛ, ə yɛnɛ̨ɛ̨ nuą mąą ɲąba lɔ, kɛlaa, ə dɛɛ, ə gɛ, yɛnɛ̨ɛ̨ nuą nwun mąą ə ɓo Ɉaalai.

Ɉaan 3:33

Nui a ɲee hee nwɔ kɛla hvaa mu, ya ɓə a kɛ diɛ: Yálá a tɛ̨ą ɓo.

Ɉaan 6:68

Simɔn Piɛrə ə nwoo pulu pənə yɛ mą: «Ną́mu, gbɛɛ takpɛli ɓə kwa pɛli lii bɔ? Mąąhɔlɔɓo, nwooɠaai gaa ə́ la, da yɛnɛ̨ɛ̨ kpɛɛ hvo mą tɛɛ nu pɔ.

Ɉaan 8:42

Jesus yɛ diɛ: «Akɛ ka nąn ɓaa a Yálái, ka li nwɛ́li la kɛ. Mąąhɔlɔɓo, ŋą́ həɠə Yálá pɔ, naa hu ɓə gáá la ɓɛ. Və́ kɛ pa li gbɔ́wɔ́ ɓa, kɛlaa, yaa tii ɓə dɔ́ɔ́.

Korɛntə dɔlɔɔ 11:23

Hvo gaai nwɛ́i, yii ŋį́ ɉɔlɔɓo gu Ną́mu yəi, ya ka, ɛlɛɛ, ya ɓə gáá dɛɛi ká pɔ: Gbįnįi ŋɛ̨i di gu Ną́mu lɔ́wɔ́tɔɔ la, mąą kpįnįi tii, ə lɛɠɛ həɠə,

Korɛntə dɔlɔɔ 15:1

Ną́n nonnii, gáá gili tooi ká ɲą gɛ́ kaa: Nwɛlɛɛ lɛlɛɛi ŋą́ naa həli káá, yai ka ká yee hee mu, ka kąnąnŋąą mai,

Dutɛrɔnome 18:18

Gáá pai gwə́i mɛ̨nį hukulɔ mun da kulɔi di kaayɔwɔɠaa lɔwai, ə kɛ yɛ bələi ə́ kaa la. Gáá pai nwóóɠaa pui na, ɛlɛɛ, yii lɔpee ŋą́ dí la, yɛ mo diɛ.

Tɛsalonikə dɔlɔɔ 2:13

Yili ɓə gɛ, ku wɛi, ku pɔ pələ, kwa hva kpɛla Yálá mąmąɓo a yələ kəlee; ɓɛlɔwai ká Yálá laa woo hɔlɔɓo la, a yai kwa kɛ ká wəli tɔɔi mą, ká ká yee hee mu, ká hvo gɛli yɛ nu kan vaa woo, kɛlaa, yɛ bələi lɔ tii gaa la, a Yálá laa woo, yai gɛ-mɛ̨nį kɛi ká hu, káái a laa na nuą.

Tɛsalonikə dɔlɔɔ 4:1

Ną́n nonnii, yii lɛɛ pulu, ya ka; mɛ̨nįi ku kaa ɉuhvɛlii, kuɔ gɛ a ká hvaŋąlɔ pələ gu Nąmu Jesus hu, ya ɓaa: Bələi mąąnɛ̨ɛ̨ ká túwɔ́ la káá pɛli Yálá lii hon ɉii, kwaa ká mąąkwɛli yili ɓa, ɛlɛɛ yaan, bələ kpɔ ɓə ká káá túwɔ́i la, 'ká ká yee mąą tɛ ká ɉon nwɔ̨nɔ̨ a nįnɛ̨.

Zɔ̂ŋ Maa-ŋuŋ 4:14

Ku wɛi, kwa mąą kɛla hvaa ɓo, kuɔ, ku gaa, ɛlɛɛ, kuɔ, Nąn ə Non dɔɔ, ə kɛ a yɛnɛ̨ɛ̨ ɓalomun.

M̀ɛni-lɛɛi 1:1

Mɛ̨nį loɔɠaai Jesus Kristə ə nɛ a kwɛlɛɛ gɛɛ, yai Yálá ə dɛɛ bɔ, yɛ nɛ nwɔ tínuą diɛ, a mɛ̨nįɠaai pai kɛi, ɉu hvo kwɛa li. Ə nwɔ malaka tɔɔ yɛ pa nɛi ŋą tímun Ɉaan ɓa,