Ɉaan 15:8 - Yálá laawoo hɛɓɛ (dc)

⁸ Yii a Ną́n mąąwiɛ ya ɓaa: ka ɓa a damąą, kaa ɓo a nwɔ kalan nɛa.

Yálá laawoo hɛɓɛ

⁸ Yii a Ną́n mąąwiɛ ya ɓaa: ka ɓa a damąą, kaa ɓo a nwɔ kalan nɛa.

Bible

⁸ Nyíŋi mɛni ƃé Ńâŋ ŋɔfólo-laai maa tɛ̂ɛi la a gɛɛ ká ƃá a dámaa, ǹyaŋ à kɛ̀ tí, ká kɛ́ a ḿbôlu-ƃela.

Ɉaan 15:8 Iomraidhean Croise

Azaya 60:21

Ə́ wɔ lɔi hu nuą kəlee da kɛ kɛa a tələnmo nuą, nɔi yɛ lɛɛ di yəi a yələ kəlee mɛ̨nį, di ɓo a nwɔ́ tii hu wulu ɓɔn, a golói ɲą́ą́ gbinįlee ŋį́ gɛ, yɛ nwɔ́ mąąwiɛ kulɔ pɔ̨nɔ̨ ną.

Azaya 61:3

Nuąi haa aa too diɛ Siɔn daai, ə gɛ: ŋį́ di wɔ mąąwɛli mąąhvalin a mąąwiɛ, ŋį́ di wɔ háá wɔlɔ ɓoɔ mąąhvalin a kwəinɛ̨ɛ̨ wulɔ, kwəinɛ̨ɛ̨ kulɔ həɠə tɛɛ mɛ̨nį ɓa di pɔ, a mɔ̨nɔ̨ mįi həɠə mąąhvalin. Di kaa pai di laa heei a, tələnmo wulu, Nwuluɠaai Yai-Laa ə di hin a ɲɛ̨i ponɔ̨ mɛ̨nį.»

Egaa 1:8

Ka tɛ ɲeeɠaa tona, ka wulu tee, ka pa ka bɛlɛ́i ŋɛ̨i muhəɠə la, yili ɓə a gwə́inɛ̨ɛ̨, ŋą́ mąąwiɛ hɔlɔɓo, ɲą́ą́ Yai-Laa, nwóó li.

Maafîu 5:16

Bələ ɓə mąąnɛ̨ɛ̨ ka wɔ kɛɛpono ə kɛ la nuą lɔwai, ə gɛ nuą di ka wɔ túwɔ́ pələ lɛlɛɛ kaa, di mąąwiɛ tɛɛ ka Nąn Yálá pɔ, yai gaa yələi.»

Maafîu 5:44

Nwɛ́i gáá moi kaa, ka ka yowo wɛli la kɛ, nuąi da ɓɛlɛkpɛɛ kaa, ka Yálá hvɛli diɛ.

Maafîu 9:8

Yii kɛa nu kpului tii ə yili kaa, di ɲɔ̨w, diɛ mąąwiɛ tɛɛ Yálá pɔ, yaai a ɉuwalawalai taaləi tii tɛɛ nuą pɔ.

Lukə 6:35

Yaamun, ka ka yowoɠaa wɛli la kɛ, ka mɛ̨inɛ̨ɛ̨ kɛ diɛ, ka kwələ tɔɔ diɛ ka hvo gbɛ. Akɛti, ka wɔ hvɛla kulɔ kaa pai kɛnɛ̨i, ə lɛɛ, ka kɛ a Yálá lonni. Mąąhɔlɔɓo, nuąi di hvo mɛ̨inɛ̨ɛ̨ kɔ́lɔn, a mɛ̨inɛ̨ɛ̨ kɛ diɛ; ə mą kɛ túwɔ́ pələ ɲɔ̨n gɛ nuą.

Ɉaan 13:35

Yili ɓə a gɛ, nu kəlee di gɔlɔn diɛ ka káá a nwɔ́ kalan nɛa, a ka kee wɛlila kɛi ka mo.»

Ɉaan 15:5

«Ɲą́ą́ ɓə gáá a nwulu, kaa ɓo a nwonwoɠaa. Nui a kanąn mą́ą́, ɲą́ą́ gbɛli ŋą kanąn mą, a ɓa a damąą. Mąąhɔlɔɓo, ka wala kanąn mą́ą́, ka hva pɛli mɛ̨nį lɔpee ta kɛi.

Ɉaan 8:31

Ɉuifəɠaai laa Jesus la, ə mo diɛ, yɛ diɛ: «Akɛ ka kanąn nwɔ́ liɛwooɠaa diɛ, ka káá kpɔ a nwɔ́ kalan nɛa leeleeɠaa.

Korɛntə dɔlɔɔ 10:31

Ká kɛ kɔ̨nɔ̨n mįi-o ká kɛ ká kpələi-o, yii lɔpee ka káá gɛi, 'ká gəlee kɛ Yálá mąąwiɛ mɛ̨nį ɓa.

Korɛntə dɔlɔɔ 6:20

Nu ta ɓə ka nwun mąąɓo a ɉɔ̨nwɔ̨ kɛnɛ̨. 'Ká Yálá mąąwiɛ kan a ka kɔlɔ.

Filipə 1:11

yili ɓə a gɛ, ká pilɛ kɛa a tələnmolaai a həɠə Jesus Kristə yəi, yɛ pa gu pɔ, guɔ Yálá mąąwiɛ la, guɔ Naa tɛ.

Taitɔ 2:10

di hvo nwuɔ̨ kɛ diɛ. Di gɛ pələ kwɛli mą, diɛ kulɔ di woo ɓa da diɛni di lɔwai, bələ ɓə da pɛli di ɓáálɔ la gu ɓalo Yálá mąą mɛ̨nį ɓa.

Taitɔ 2:5

Di kɛ a tɛ̨ą kɔ́lɔn nuą mąąhəɠə laa hu, diɛ pɛlɛ́n góló kɛ a nɛlɛɛ, di ɲɛ̨i ponoɔ di yəi bɛlɛ́n, di liinɛ̨ɛ̨ di kwəi, diɛ ɓo di hilɛni woo mu; əgɛ, ɓɛlɛ hvo pa kpɛɛ Yálá laa woo ɓa.

Piɛrə dɔlɔɔ 2:12

Ká túwɔ́ pələ ə kɛ a nɛlɛɛ, hali pulu nuą lɔwai, ə mą kpɛli kɛ di kaa ká laamąą hiɛi yɛ tuwɔ pələ ɲɔ̨n gulɔ nuą, ká wɔ tuwɔ pələ lɛlɛɠaa ə di kilaa pono, ɛlɛɛ, diɛ Yálá mąąwiɛ a yələi gaa pai di nąą kaai la.

Piɛrə dɔlɔɔ 4:11

Nu ta a kɛli pələ ɓo, ə kɛ a Yálá laa woo laa həli mɛ̨nį; nu ta a kɛli ə́ wɔɔ mąątíi kɛ, gɛ a hvaŋąi Yálá a dɛɛ bɔ, ya ɓə a gɛ, Jesus Kristə háálai, Yálá ə mąąwiɛ laa hɔlɔɓo kpɔ a neelee, yai, mąąwiɛ laa, hee mɛ̨i laa kaa a nwɔɔ a yələ kəlee mɛ̨nį. Yálá ə kɛ ti!