Ɉaan 15:1 - Yálá laawoo hɛɓɛ (dc)

¹ Jesus yɛ diɛ: «Ɲą́ą́ ɓə gáá a ɉihɛn nwulu kpinį, Ną́n yɛ ɓo a ɉihɛn nąmu.

Yálá laawoo hɛɓɛ

¹ Jesus yɛ diɛ: «Ɲą́ą́ ɓə gáá a ɉihɛn nwulu kpinį, Ną́n yɛ ɓo a ɉihɛn nąmu.

Bible

¹ “Ńyãa ƃa dɔ̃yâ-kpɔmɔi, Ńâŋ ƃa gbɔmɔi mɛi-kaa-nuui.

Ɉaan 15:1 Iomraidhean Croise

Wɛli 7:12

Nwɛ́likɛmąąmun! 'Pa! 'Pa gwəli ɲagbudɛn nwun ɉu, gu yíi laa.

Azaya 4:2

Mąą yələ, Yai-Laa kaa pai Israɛlə mąąpoo nwun ɉii, gaa pai kɛi a ɲɛ̨i pɔ̨nɔ̨ da mąąwiɛ; ɛlɛɛ, ɉɛn pai ɓai nɔi hu, gaa pai kɛi a Israɛlə nu huwu gbəlii ɲɛ̨i pɔ̨nɔ̨ mɛ̨nį da mąąwiɛ mɛ̨nį.

Azaya 60:21

Ə́ wɔ lɔi hu nuą kəlee da kɛ kɛa a tələnmo nuą, nɔi yɛ lɛɛ di yəi a yələ kəlee mɛ̨nį, di ɓo a nwɔ́ tii hu wulu ɓɔn, a golói ɲą́ą́ gbinįlee ŋį́ gɛ, yɛ nwɔ́ mąąwiɛ kulɔ pɔ̨nɔ̨ ną.

Azaya 61:3

Nuąi haa aa too diɛ Siɔn daai, ə gɛ: ŋį́ di wɔ mąąwɛli mąąhvalin a mąąwiɛ, ŋį́ di wɔ háá wɔlɔ ɓoɔ mąąhvalin a kwəinɛ̨ɛ̨ wulɔ, kwəinɛ̨ɛ̨ kulɔ həɠə tɛɛ mɛ̨nį ɓa di pɔ, a mɔ̨nɔ̨ mįi həɠə mąąhvalin. Di kaa pai di laa heei a, tələnmo wulu, Nwuluɠaai Yai-Laa ə di hin a ɲɛ̨i ponɔ̨ mɛ̨nį.»

Ɉeremi 12:10

Nɔi ɲąąkɔn nuą kpulu kɛnɛ̨ɛ, daa nwɔ́ viɲə yɛai lɛan, daa ɓɔlɔɔn diliinŋaa mɛ̨i, daa nwɔ́ tíi lɛlɛɛ ŋɛ̨i kɛ a kpomó mąąwɛliɛ.

Ɉeremi 2:21

Ŋą́ ə́ kɛ a tíi lɛlɛɛ, ŋį́ hihɛn ɉuwu lɛlɛɛ hin yɛ́. Ə kɛ pələ kɛ ləi yaai, mąą aa pənə a hihɛn ɉuwu ɲɔ̨nwɔ̨ɔ̨, yii və́ gɔlɔn?

Izikiɛ 19:10

Ə́ lee ə kɛ yɛ viɲə kpɔmɔ, yii di ɉin tɛɛ ya kwɛlɛ; ə kɛi ɓa, naa hu wiaa, mąąhɔlɔɓo ya kɛnɛ̨i kɛ mą.

Osia 10:1

Israɛlə ə kɛ a viɲə lɛlɛɛ, yɛ ɓa kpɔ kɛnɛ̨. Kɛlaa, ma ə kɛi lɔ tamą, yɛ hali kɔ́iɠaa tamą; Hɛn gɔw ə kɛi lɔ kɛnɛ̨ nwɔ lɔi hu, yɛ nwɔ hali kɔ́iɠaa mąąyili a ɲɛ̨i tɔɔ.

Zakari 3:8

«'Ə́ wəli tɔɔ Ɉosue, yɛ́i a ɉaláá laa həli mun gɛnɛ̨ɛ̨, yɛ́ ka ə́ ɓɛlaai heeni ə́ líílai; nuąi tii kaa a mɛ̨nį ta kɔlɔn ɉɛn; mąąhɔlɔɓo, gáá pai a nwɔ́ tímun, yii gaa yɛ wulu ɓɔn.

Maafîu 15:13

Ə́ di woo ŋąąpənə yɛ diɛ: «Wulu yii kpɔ, Ną́n Yálá gaa yələkɔlɔn ɉu hvo ɉi li, da gulɔ.

Maafîu 20:1

«Yálá-taa tɔɔlaa kaa yɛ; hulɔnu ta yii kólo ə kɛ ɲei. Ə kulɔ yələ wala pɔ yɛ kólo kɛ nuąa kwɛli, ə gɛ, ə di tɛɛ ɲei ɉihɛn ɲɛa.

Maafîu 21:33

Jesus ə mo diɛ yɛ diɛ: «Gáá hanwon da kpɛli hɔɔi kaa. Hulɔnu ta ə kɛ laa ə hihɛn ŋɛ̨i da kɛ mą viɲə, ə ɲɛa laa, ə mąąkwəli a hį́i ə viɲə ya kulɔi pɛli, ə pɛlɛ́ tɔɔ Ɉį́i ɲɛ. Ə viɲə yɛa həɠə ə dɛɛ nuą pɔ, ə gə di kólo kɛ ɉu, diɛ gulɔ.

Markə 12:1

Yili pulu, Jesus ə hanwon ɉɔɔ diɛ yɛ diɛ: «Hulɔnu ta ə kɛ laa, ə ɉihɛn ŋɛ̨i da kɛ mą viɲə; ə ɲɛa laa; ə mąą tinɛ̨n a hį́i, ə viɲə ya kulɔi pɛli, ə pɛlɛ́ tɔɔ ɉíí ŋą. Ə tínuą həɠə, ə di tɛɛ ɲəi viɲə yɛa, yili pulu ə li hiɛ ɓa.

Lukə 13:6

Yili pulu, Jesus ə ɉanwon ŋɛ̨i hɔɔ diɛ, yɛ diɛ: «Hihɛn ɲɛa ə kɛ hulɔnu ta yəi, ɓoláá wulu yɛ ɓo ɉu. Hvóló ta, ə pa, əgɛ, ə moláá tii ma kulɔ. Kɛlaa, hvo hɛn da kaa ɉu.

Ɉaan 1:17

Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Ɉaan 1:9

Nwoo tii, ə kɛ a kɛɛ pono kpɔ-kpɔɔ, yii pa yɛnɛ̨ɛ̨, ə gɛ, ə nu kəlee mąą pono.

Ɉaan 15:2

Nwónwoi lɔpee hva ɓa, Ną́n a dee mą́ą́. Yii nwɔ̨nɔ̨ a kɛi ɓai, a naahɔnmo, əgɛ, ə ɓa kɛnɛ̨.

Ɉaan 6:32

Jesus ə di woo pulu pənə, yɛ diɛ: «A tɛ̨ą kpɔ-kpɔ gáá moi kaa, Moisə hvo kɔ̨nɔ̨n dɛɛ ka pɔ yɛ həɠə yələi. Kɛlaa, Ną́n Yálá ɓə a dɛɛ ka pɔ.

Ɉaan 6:55

Mąąhɔlɔɓo, ɉúwɔ kaa a kɔ̨nɔ̨n gbɔ-kpɔ, ɛlɛɛ, ŋą́mą ə ɓo a hɛn da kpələ.

Lomaŋ 11:17

Akɛ yɛ́i ŋɛ̨i a lɔwɔ wulu, di ə́ tee di ə́ kanąn hin-nwulu kpaɠa pala ɲą, yá kɛ kɛa kɔ̨nɔ̨n ɉɔlɔɓo ɉin-nwului tii háálai.

Korɛntə dɔlɔɔ 3:9

Gbala ə tɔɔ, ku kaa kólo kɛi gii ɓa Yálá yəi ɲɛa, káá ɓə a Yálá ŋą tíi, a Yálá ŋą pɛlɛ́i.

Zɔ̂ŋ Maa-ŋuŋ 2:8

Ə mą kɛ tii, gaa a tíɓo nįnɛ̨, yii gaa bɛ̨ɛ̨ gɛ dɛɛ káá, yili kaa a tɛ̨ą, yaa tii ɉu, ə mą kɛ ká hu, mąąhɔlɔɓo, kpini aa tɛɛ, ɛlɛɛ, kɛɛ pono leelee kaa hvələi.