Ɉaan 13:8 - Yálá laawoo hɛɓɛ (dc)

⁸ Piɛrə yɛ mą: «Ə́ gɔ́wɔ́ mąąwaai, a ɲą́ą́! Kpaa!» Jesus yɛ mą: «Ŋą́ wala ə́ waa, ə́ nwɔ nąą hvo nwɔ́ mɛ̨nįi hu.»

Yálá laawoo hɛɓɛ

⁸ Piɛrə yɛ mą: «Ə́ gɔ́wɔ́ mąąwaai, a ɲą́ą́! Kpaa!» Jesus yɛ mą: «Ŋą́ wala ə́ waa, ə́ nwɔ nąą hvo nwɔ́ mɛ̨nįi hu.»

Bible

⁸ Pitɛ e mò ma, ǹyɛɛi, “Ífe pâi wɔ́lɔ ŋ́gɔɔ maa waâi.” Zîsɛ e ŋ̀óo su tòo, ǹyɛɛi, “À kɛ̀ fé íkɔɔ maa waa ni, gɛ̀ ní ḿbôlu nuui da fa yâ.”

Ɉaan 13:8 Iomraidhean Croise

Zɛnɛse 42:38

Ɉakɔbə yɛ mą: «Kpaa-o! Rubɛn, və́ nón ŋɛ̨i tɛɛi ə́ pɔ hvəli la. Niɛ aa haa, yaa tɔ̨nɔ̨ lɔ ɓə aa lɛɛ ɲə́i. Ka diɛni ka lɛɛ nwɔ̨nɔ̨ ɉiɛ pələi, mɛ̨nį ta a kɛ lai, gáá pai haai a liiholi, ka túwɔ́ hɔn mąą mɛ̨nį ɓa.»

Samia Veerɛi 20:1

Nu kpoloon da ə kɛ laa, diɛ kɛ naa ɓa a: Seva, Bɛnɉamɛn mun da li kɛ, nąn naa ɓa kɛ a: Bikri. Seva ə túlú hvɛɛ, yɛ diɛ: Lə mɛ̨nį ɓə gwa Davidə ni gu lɔwai? Gwa Ɉɛse lonni, gu hvo kpɔnni hɛn da ɓa. Israɛlə nuą, nu kəlee ə li ɲəi bɛlɛ́ laaləi.

Tɔɔɓɛlaa dɔlɔɔ 12:16

Israɛlə nuą kəlee di gaa diɛ tɔɔmun və nwəli tɔɔ li di woo ɓa, nuą di nwoo pulu pənə, diɛ mą: «Lə mɛ̨nį ɓə kwa Davidə ni ku lɔwai? Ku kpɔnmąą hɛn və laa, kwa Ɉɛse lonnii. Israɛlə nuą, nu kəlee ə li ɲəi bɛlɛ́ laaləi, Davidə lon ə́ wɛi, Ə́ ɲɛ̨i lɛɛ kɛa ə́ wɔ pɛ́lɛ́i ɓa.» Israɛlə nuą di li di yəi bɛlɛ́ɠaa mu.

Mąątɛ̨nɛ̨ 51:2

Ɓɛlɔwai Yálá kwəi mɛ̨nį hu kulɔ mun Natan ə li ɉɔn moi la mą, yɛ hvilɛn na Bɛtsabe mąą mɛ̨nį ɓa.

Mąątɛ̨nɛ̨ 51:7

Hvo gaai, di gáá mɛ̨nį ɲɔ̨n ɉu, néé ə mą́ą́ koo həɠə nɛ̨ŋɛ̨n ɉu.

Azaya 4:4

Ɓɛlɔwai Ną́mu kaa pai nɔ̨nwɔ̨ waai la Siɔn nɛ̨ɛ̨lɛa diɛ, ɲąmąi di bu Ɉerusalɛmə yɛ nwaa a kiti haŋąą da nwɔ̨n.

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Zakari 13:1

Mąą yələi tii, yá nwun gulɔi ta a kulɔ, Davidə nwɔ pɛlɛ́i mąą mɛ̨nį ɓa, da Ɉerusalɛmə nuą; yɛ kɛ a di wɔ nɛ̨ŋɛ̨nŋaai, da di mąąliɓi mɛ̨nį kəlee hali.

Maafîu 16:22

Yili pulu Piɛrə ə Jesus təli di nu hveelɛi kɛɛnąą, yɛ niɛwoo kɛ, yɛ kɛ mą: «Yálá ə ə́ mɛ̨i kaa, yili hvo pai həli yɛ́.»

Maafîu 21:29

Yili yɛ mą: ‹Və́ lii.› Kɛlɛ naa tawolo ə gɛ lɔ, ə nwɔ kiliŋąhiɛ mąąhvalin. Yili pulu ə həɠə yɛ li góló kɛi ɲɛa.

Maafîu 26:33

Piɛrə yɛ Jesus ɓa: «Ə mą kɛ nu kəlee daa lənə yɛ́, nwɛ́i, vá lənə yɛ́ tɔ̨nɔ̨ kpɛli.»

Maafîu 26:35

Piɛrə yɛ mą: «Akɛ ɲą́ą́ mun ŋą haa, ŋą haa; kɛlaa, ɲą́ą́ mun vá lənə yɛ́.» Galan nɛa kəlee di mo di diɛ kpɛli.

Ɉaan 13:6

Ə həli Simɔn Piɛrə ɓa, yili yɛ mą: «Ną́mu, yɛ́ ɓə yɛi gɔ́wɔ́ mąąwaa?»

Ɉaan 13:9

Simɔn Piɛrə yɛ mą: «Akɛ yili kaa tii, Ną́mu, gɔ́wɔ́ lɔ hvəə, kɛlaa, nwún da ɲééɠaa mąąwaa!»

Ɉaan 3:5

Jesus ə nwoo pulu pənə yɛ mą: «Gáá moi yɛ a tɛ̨ą, nu hva pɛli lɔi Yálá-taa tɔɔlaa hu, akɛ a wala hɔlɔɓo a yá da Kili.

Gɛlaɠaa 22:16

Lə mɛ̨nį ɓa gaa ə́ hu? 'Ə́ muhəɠə ə́ li, di ə́ mąąwaa, ə́ mąą ə həɠə ə́ wɔ nɛ̨ŋɛ̨nŋaai yəi, a Naa hvɛlii yá mo.›»

Korɛntə dɔlɔɔ 6:11

Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Kilii háálai.

Ifisiɛŋ 5:26

Bələ ɓə ə kɛ la tii bɔ, ə mąąhəɠə, a nwaai a mo a yá, ə yili kɛ tii a Nwoo.

Dutɛrɔnome 12:12

Nąą ɓə ka káá pai kɛi kwəinɛ̨ɛ̨ kulɔi laa Yai-Laa ka wɔ Yálái lííla; kaa mąn, ka lon ɉinąą mąn, ka lon nɛ̨ąą mąn, ka wɔ luwɔ hinąą da ka wɔ luwɔ nɛ̨ąą, ə mą kɛ Levi lonnii di kaa ka wɔ taaɠaai hu. Mąąhɔlɔɓo, Levi lonnii tii lɔi hvo di yəi, di kwɛlin və di yəi yɛ kaa.

Kolosə 2:18

'Ká hvo ká kpɔwɔ lɛɛ laa, ɲɛ̨imąą-nɛ̨ɛ̨ nuą hvo ká ɲąąnɛ̨nɛ̨n, di hvo ká ɲɛ̨i tínɛ̨n di pɔ pələ: A kalan gɛ pələ huwu ta, a malakaɠaa hvɛli pələ huwu ta; da lɔ di kpɔɔ kiliŋąhiɛ hu, di wɔ mɛ̨nį kɔlɔn bələ yɛ di hu hvɛɛ a ɓowo pələ.

Kolosə 2:23

Di mąn kpɔ dɔn nwooɠaa ti heekpəlin na kɛ a kilikɛɲəi laai, gaa lɔ a: di kpɔ-kpɔɔ kalan bələ, a kalan bələ huwu ta, a di kɔlɔ mɔ̨nɔ̨ ɓo pələ; nwun nɔ pee ta hvo mą, gaa lɔ a kɔlɔ liiɓa kɛ mɛ̨nį.

Taitɔ 3:5

ə gu nwun mąąɓo; yili hvo kulɔ li gu wɔɔ tələnmolaa ŋą túwɔ́ pələ lɛlɛ hvan ɉu, kɛlaa ə kulɔ Yálá ŋą nɛ̨ɛ̨laa hvan ɉu, ə gu kaa a lon, ə gu mąąwaa a nįnɛ̨, ə gu pu gu nįnɛ̨ kɔlɔi Kili-Mąąhəɠɛɛ yee kɔnma.

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.