Ɉaan 13:10 - Yálá laawoo hɛɓɛ (dc)

¹⁰ Jesus yɛ mą: «Nui a nwaa, di hva pənə di hvo nwaa, mąąhɔlɔɓo, mąąhəɠɛɛi, gɔwɔ lɔ ɓə da waa. Ka mąąhəɠɛɛi, kɛlaa nu kəlee hvəə.»

Yálá laawoo hɛɓɛ

¹⁰ Jesus yɛ mą: «Nui a nwaa, di hva pənə di hvo nwaa, mąąhɔlɔɓo, mąąhəɠɛɛi, gɔwɔ lɔ ɓə da waa. Ka mąąhəɠɛɛi, kɛlaa nu kəlee hvəə.»

Bible

¹⁰ Zîsɛ e mò ma, ǹyɛɛi, “Ǹúui nyii a ŋ̀waâi, maa nɛɛ̂i nɔ a gɛɛ e gɔ́ɔ maa waa a gɛɛ mà kélee e waa; ǹyaŋ kámaa waâi nâa, berei máŋ kákelee fêi.”

Ɉaan 13:10 Iomraidhean Croise

Ikilisiati 7:20

Yaan, nui lɔpee ta hvo ɓɛ lɔi mɛ̨i ɉaŋąą, yɛ mɛ̨nį lɛlɛɛ kɛ, yii hva pɛli lan ɉi.

Wɛli 4:7

Ə́ nąą kəlee lɛlɛɛi tai. Níiɓa nɛ̨ɛ̨nu! Guɔ, ə́ mąą kulɔi hvo yɛ́.

Ɉeremi 50:20

Nąąlɔwai, ɲələ lee lee tii, di kaa pai kɛi di ɲɛ̨i laai a Israɛlə nwɔ túwɔ́ pələ ɲɔ̨n, di hva kɛa gaa, da Ɉuda nwɔ nɛ̨ŋɛ̨nŋaai, di hva kɛa di kaa; Mąąhɔlɔɓo, nuą gbəliɠai da lɛɛ yɛnɛ̨ɛ̨, ŋą di mąąhvaalɛɛ, Ɲą́ą́ Yai-Laa nwóó li!

Levetekɔ 16:26

«Nui di dɔɔ yɛ li a Azazɛlə nwɔ ɓolu hilɛi, a gbɛa mąą hɛnŋąą waa, ə gbinį waa gɛɛ hvo kɛ tɛi taai.

Levetekɔ 16:28

Nui a li ɉɛnŋąąi tii kələn ɉii, a lɛɛ daa pulu ə mąą hɛnŋąą waa, ə gbinį waa, hvo tɛɠa kɛ tɛi taai.

Maafîu 6:12

Ku kɛ nɛ̨ŋɛ̨nŋąą mąąhvaalɛɛ, yɛ bələi yiiɠaai da ɓaɠa ɓo kuɔ kwa di mąąhvaalɛɛ la.

Ɉaan 13:18

Və́ bələi ŋɛ̨i ɓoi a ka kəlee ka mąą mɛ̨nį, yiiɠaa ŋą́ di həɠə ɉu a nííɓa, ŋą́ di kɔ́lɔn. Hvo kɛ li mɛ̨nįi bɛ̨ɛ̨ Yálá laawoo hu bɔ mɛ̨nį ə kɛ; yaai ə kɛ mą: ‹Nui ŋɛ̨i kwa yaa ku yee kaa kɔ́wɔ tɔ̨nɔ̨ hu, aa muɠəɠə náá ɓa.›

Ɉaan 13:9

Simɔn Piɛrə yɛ mą: «Akɛ yili kaa tii, Ną́mu, gɔ́wɔ́ lɔ hvəə, kɛlaa, nwún da ɲééɠaa mąąwaa!»

Ɉaan 15:3

Nwooɠaa ŋɛ̨i gáá moi kaa, a ka mąą həɠə.

Korɛntə veelɛ 5:17

Yili ɓa, nui gaa Kristə hu, gaa kɛa a gulaa-nįnɛ̨, ɲɛnɛ̨ɛ̨ pɔlɔ aa tɛɛ, mąą aa hvalin a nįnɛ̨.

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Korɛntə veelɛ 7:1

Nwɛ́likɛmąą nuą, yii kani Yálá kpinįi aa mɛ̨nį taaləi tii laakwɛlanmo guɔ, 'ká gu gu kpɔwɔ kpinįi mąąhəɠə, hɛn a nu kɔlɔ da nįį kɔhɔɓo gəlee yəi, 'ká gu gu kpɔwɔ mąąhəɠə mɛ̨nį, ɲee laa kulɔ kɛ Yálá ŋą ɲɔwmąąlaa hu.

Tɛsalonikə dɔlɔɔ 5:23

Liilaa Yálá yaa kpinįi, ə ká mąąhəɠə kpɔ tɛ̨ɛ̨tɛ̨ɛ̨, ɛlɛɛ, ká kili, ká nįį, ká kɔlɔ, ə lɛɛ kpɔ a nɛlɛɛ, mąąkulɔi hvo kɛ mą, ə lɛɛ ɉu gu Nąmu Jesus Kristə pa yələ ə ɉəli mą.

Hebreu 9:10

Kɛlaa, yiliɠaai kɔwɔ hvilɛnŋąąi lɔ kɛ, laa mįi mə̨nį, da kpələ hɛn mɛ̨nį, da nu mąą waa pələɠaa diɛ, dɔ́nŋaa tii di kɛ lɔ a ɲɛ̨i kɛ mąą, ə lɛɛ ɉu, ɲələ leelee yɛ həli mą.

Zĩi 3:2

Gu lan bələ huwu tamąąi. Akɛ nu a wala kɛ lan ɉii vaa woo hui, gaa a nui mąą mɛ̨nį pɛliɛ ɉu, ɲee a pɛli ə gbɔwɔ ɓa.