Izikiɛ 5:2 - Yálá laawoo hɛɓɛ (dc)

² Ə́ ɉeei tɔ̨nɔ̨ kələn daa hɛ̨ąi; ɲələi da kpɛɛ la a gɔ́ həɛ daa ɓa; ə́ ɉeei tɔ̨nɔ̨ həɠə, ə́ ɉu tee a mowa kwɛaa, ə́ daa mąątínɛ̨n na, ə́ doo gee hu. 'Ə́ gbəli taɠa hvaŋą hu, gáá pai ɓɔwa kwəaa kulɔi daa hu di pɔ.

Yálá laawoo hɛɓɛ

² Ə́ ɉeei tɔ̨nɔ̨ kələn daa hɛ̨ąi; ɲələi da kpɛɛ la a gɔ́ həɛ daa ɓa; ə́ ɉeei tɔ̨nɔ̨ həɠə, ə́ ɉu tee a mowa kwɛaa, ə́ daa mąątínɛ̨n na, ə́ doo gee hu. 'Ə́ gbəli taɠa hvaŋą hu, gáá pai ɓɔwa kwəaa kulɔi daa hu di pɔ.

Bible

² Gbua tɔ̂nɔ siɣe í géreŋ Zerusâlɛŋ taa-lee pɔɔkɔŋ sâmai a tãi dí Zerusâlɛŋ soŋ lai maa fôlo kuui kpɛɛ-ŋa tãi. À kɛ̀ tí, í gbulu tɔ̂nɔ siɣe í dáa tâa a m̀óa-sɔ̂kpɔi ítinaŋ la daa lêei ma. Gbua kpéli síɣe í dáa tâa vãai é vɛ́ɛ. Ŋa pâi ŋá ƃóai kulâi daâi ŋ́gɛ ƃò la dípôlu.

Izikiɛ 5:2 Iomraidhean Croise

Ɉeremi 13:24

Gáá pai ka hu taɠai yɛ dɛɛ kpoloon, yɛ bələi hvaŋą a gɛ la nɔi pun ɉu.

Ɉeremi 15:2

Ɛlɛɛ, da kɛ yɛ́: «Minɛ̨ ɓə kwa li laa?» Yá kɛ diɛ: Yai-Laa woo ka, yɛ diɛ: Nui haa pɛ̨ɛ̨i nwuɔ̨, ə li haa pɔ pələ. Nui kɔ́ kɔ́ bowa laa pɛ̨ɛ̨i nwuɔ̨, ə li kɔ́ kɔ́ ɓɔwa pɔ pələ. Nui pulu pɛ̨ɛ̨i nwuɔ̨, ə li pulu pɔ pələ. Nui kɔluwɔlaa pɛ̨ɛ̨i nwuɔ̨, ə li kɔluwɔlaa hu.

Ɉeremi 24:10

Gáá kɔ́ pɛlɛi diɛ, ŋį́ pulu too diɛ, da ɲɔ̨n, əlɛɛ ɉu, di kpɛɛ nɔi ŋɛ̨i hu, yai ŋą́ dɛɛ di pɔ da di nąnni.»

Ɉeremi 38:2

«Yai-Laa woo ka: Nui lɔpee pai lɛɛi daa ŋɛ̨i hu, ɓɔwa kwɛa ɓə pai baai, ɛlɛɛ ɲɔ̨n, da pulu; nui a kulɔ yɛ li Kalde nuą pɔ, nwun na a nɛ̨ɛ̨, ə lɛɛ yɛnɛ̨ɛ̨; a tɛ̨ą a lɛɛ yɛnɛ̨ɛ̨.»

Ɉeremi 39:1

Ɉuda tɔɔmun Sedesiasə nwɔ tɔɔlaa gwelan mɛ̨inąąn, ɲąnin bow nąą, Babilonə tɔɔmun Nabukodonosorə ə kɔ́ pɛlɛ Ɉerusalɛmə ɓa, a nwɔ kɔlaɠaɠaai kəlee. Ə daa mąątinɛ̨n a nwɔ kɔ́kuláá kpulu, ə doo gee hu.

Ɉeremi 39:2

Sedesiasə nwɔ tɔɔlaa gwɛlan bow gɔw tanɔ̨n nąą, a ɲąnin nąąn nwɔ hvóló mɛ̨inąąn, di daa mąąkpɛ hįi wolo nąą ta;

Ɉeremi 9:15

Gáá pai di taɠa taɠai lɔiɠaa hu, ɓɛi di hvo naa kɔ́lɔn, diɛ man-o di nanii-o, ə lɛɛ ŋį́ kɔ́ hvilɛn di pulu, ə lɛɛ ɉu, di haa.

Ɉeremi 9:16

Mɛ̨nį Kəlee ŋą Hééɓomun Yai-Laa woo ka, yɛ diɛ: Ka ka kiliŋąhiɛ kɛa, ka ɉaa wɔlɔ ɓo nɛ̨ąą təli, yiiɠaa kpɔ di wɛlɛɛ, di pa.

Izikiɛ 12:14

Gwɛlɛ nuą kəlee, mąąkpɛ kɔ́kulááɠaa da nwɔ kɔ́kulááɠaa, gáá pai di taɠa-taɠai lɔi kəlee hu. Yili pulu ŋą́ hvilɛn di pulu a kɔ́ kɔ́ ɓɔwa.

Izikiɛ 17:21

Nwɔ kɔlaɠai ɲɛ̨i tɔwɔ-nuą kəlee kaa pai haai a kɔ́ kɔ́ ɓɔwa laa pɔɔ; yiiɠaai pai kulɔi ɉu, di kaa pai di taɠa taɠai lɔi kəlee hu. Bələ ɓə ka gili kɔ́lɔn na kaa, ɲą́ą́ Yai-Laa, ŋą́ mo, ŋą́ gɛ.

Izikiɛ 5:10

Lon-gáá-nuą kaa pai kɛi di lonnii mįi; lonŋąą diɛ di nąnni mįi ə́ wɔ taai ɲɛ̨i hu; gáá pai giti kalai yɛ́, ɛlɛɛ, yɛ́ nuąi gbəlii pai lɛɛi, ŋą́ di hu taɠa taɠa pələ kəlee.

Izikiɛ 5:12

Gáá yɛ́ nuąi hee kpəlina kɛi haaɓa; ɉeei tɔ̨nɔ̨ kaa pai haai a nu paa ɲɔ̨n, awala kɛ ti nwun na a pili a pulu, daa kwəi; ɉeei veelɛnąn gaa pai tooi a kɔ́ kɔ́ ɓɔwa laa pɔɔ, ə́ kwɛlɛ kəlee; ɉeei ɉaaɓanąn nwɛi, ŋą́ ɉu taɠa taɠa pələ kəlee; ɛlɛɛ, ŋą́ hvilɛn di pulu a kɔ́ kɔ́ ɓɔwa.

Izikiɛ 5:3

Kɛlaa ə́ ə́ ləɠaɠaai ti ta wolo həɠə, ə́ gbulon ə́ mąą həɠə ɓa.

Levetekɔ 26:33

Ka wɛi, gáá pai ka taɠa taɠai lɔiɠaa hu, gɛ́ kɔ́ kɔ́ ɓɔwa kulɔ daai gɛ́ ɉee kaa; ka wɔ lɔi a lɛɛ a lɔi pun, ka wɔ taaɠaai di lɛɛ a taa kpoloon.

Amɔsə 9:4

Ə mą kɛ daa li di yowoɠaa pɔ, daa di kpɔɔ tɛɛ yiliɠaai pɔ a luwɔ, ŋį́ mo di yowoɠaa diɛ, di di paa. Ɲɛ̨́i kaa pai kɛi di mɛ̨i, mɛ̨nį lɛlɛɛ kɛ mɛ̨nį ɓa hvəi, Kɛlaa, mɛ̨nį ɲɔ̨n gɛ mɛ̨nį a diɛ ɓə ɲɛ̨́i heɛi la diɛ.

Zakari 13:8

Yai-Laa yɛ diɛ: Mąą yələi tii, nɔi lonnii da kɛ haaɓa, veelɛ a haa, diɛ di kulɔ yɛnɛ̨ɛ̨ nuą lɔwai, Kɛlaa, ɉaaɓanąą tii, a lɛɛ yɛnɛ̨ɛ̨.