Ifisiɛŋ 6:9 - Yálá laawoo hɛɓɛ (dc)

⁹ Káái nwɔ̨nɔ̨ nuą kaa ká yee kɔnma, 'ká gɛ lɔ tii a diɛ. 'Ká haŋąmąą mɛ̨nį kulɔ ká lɔwai, ká kili kaa ɉu káá, diɛmąn-o, káámąn-o, ká nwun nąmu kaa yələi pələ, ɛlɛɛ, nwɛi, hva nu huyɛɠɛ.

Yálá laawoo hɛɓɛ

⁹ Káái nwɔ̨nɔ̨ nuą kaa ká yee kɔnma, 'ká gɛ lɔ tii a diɛ. 'Ká haŋąmąą mɛ̨nį kulɔ ká lɔwai, ká kili kaa ɉu káá, diɛmąn-o, káámąn-o, ká nwun nąmu kaa yələi pələ, ɛlɛɛ, nwɛi, hva nu huyɛɠɛ.

Bible

⁹ Nuu-mɛi-ƃela, ka mɛni tɔnɔi ti kɛ́ a dia. Káfe dímaa yao. Ka gɔ́lɔŋ a gɛ́ɛ ǹúui gáa a ka dîa-ni kámɛi-nuui káa Ɣâla-taa. Gáa núu kélee mɛni ma.

Ifisiɛŋ 6:9 Iomraidhean Croise

Nehemi 5:5

Kɛlaa yaan, kwa ku kaayɔwɔɠaa ku kɔ́lɔ ə ɓo lɔ tɔ̨nɔ̨, ku lonnii da di lonnii di kɔ́lɔ ə ɓo tɔ̨nɔ̨. Bələi mąn gaa la tii, mąąnɛ̨ɛ̨ ku ku lon ɉinąą da ku lon nɛ̨ąą taɠaa tɛɛ luwɔlaa hu. Ku lon nɛ̨ąą taɠaa kaa mun kɛa luwɔlaa hu. Ku hva pɛli mɛ̨nįi lɔpee ta kɛi, ku wɔ tíiɠaai da ku wɔ viɲə yɛɛɠaai kaa kɛa nu takpɛliɠaa yəi.»

Zôo 34:19

Yaai hva tɔɔmun non viɛlaɓo nu takpɛliɠaa diɛ, ə lɛɛ, hva hɛn gɔw nąmu hviɛlaɓo yeehvowolomun ma, mąąhɔlɔɓo, nwɔ pɛli hɛnŋąą ɓaa gəlee.

Mąątɛ̨nɛ̨ 140:12

Laa kalanuą di hvo pai lɛɛi nɔi, mɛ̨nį ɲɔ̨nwɔ̨ɔ̨ ə hvilɛn wɛa nuą pulu, ə lɛɛ la ɉu haa ə di həɠə.

Ikilisiati 5:8

Yii viɛlaɓoɔ lɔi nuą diɛ, ya ɓaa: tɔɔmun da ə kɛ di yəi, yɛ tíi yɛa kóló ɓɛlɛ kɛ mą. Mąąhɔlɔɓo, yɛa kóló ɓə tɔɔmun gɔ̨nɔ̨n a kulɔ ɉu.

Azaya 47:6

Nííhvoliɛi kɛ nwɔ́ nu huwui pɔ, ŋą́ą́ kɛ nwɔ́ lɔi ɓɛlɛkpɛɛmą, gɛ́ nwɔ́ nuąi too ə́ yəi ɲą, Kɛlaa, hvo di ɲɛ̨imąąwɛli tai lɔpee kaa li, yáá wiɛ hulɔgoloɠaa mɛ̨i, yáá dɛɛ ɲɛ̨n ɉu.

Danîa 3:15

Yii hu kɛa, ka ka kɛ pələ pɛli, ɓɛlɔwai ka káá pai vɛli kɛ hɛnŋaa tii woo mɛ̨n ɉii la, mąąnɛ̨ɛ̨, ka ka maa pɛlɛ, ka kwɛli hvilɛn mąąnįnįn ɉaɠaa ŋɛ̨i ŋą́ bɛli ma. Ka wala gɛ, ŋaaɓa, daa ma ka pili fuulu nwɔ̨n ɉu. Ə lɛɛ, ala yii pai ka kulɔi ɲə́i, ŋą́ pa ŋą́ gaa.»

Danîa 3:6

Nui a wala gɛ hvo mąa pɛlɛ, hvo kwɛli hvilɛn ma, da bili kpɔlɔɔ yiihu fuulu nwɔ̨n ɉu.»

Levetekɔ 19:13

«Hvó ə yee pənə ə́ ɓɛlan gaa lon ɉu, hvo too mɛ̨i. Kóló kɛ mun vɛla hvo lɛɛ ə́ yəi yələ hvo ɓɔ.

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Maafîu 22:10

«Diɓo kɛ nuą di hɛgɛ də li gwəliɠaa lɔwai, nuą lɔpee di kɛi di kaa, nu lɛlɛɛ ma ə mą kɛ nu ɲɔ̨nwɔ, di kɛi di təli tɔɔmun nwɔ hɛli hu. Gəlee di pa di bɛlɛ́ laa hvɛɛ.

Maafîu 22:8

Tɔɔmun ə mo nwɔ tínuą diɛ, yɛ diɛ: ‹Vúlu lɔ kɔ̨nɔ̨n aa mɔ; kɛlaa, nuąi kɛ mąąnɛ̨ɛ̨ di mįi di hva kpɔ kɛa da mįi.

Maafîu 24:48

Kɛlaa, akɛ a nui ɉɔn ɲɔ̨nwɔ̨ɔ̨, yɛ giliŋąhiɛ yɛ kɛ diɛ: ‹Nwɔ́ mɛ̨nį nąmu hvo pai pai ɉa.›

Maafîu 24:51

A pa, a góló kɛmun tii hon ə doo gaho ŋą, ɓɛi nui ti da mɛ̨nį ɲɔ̨n gɛ nuą di wɔ laanɔ̨nwɔ̨ a kɛ laa a bɛliɛ, wɔlɔ da ɲį́n ɲa mįi hu.»

Maafîu 7:12

«Mɛ̨nįi ə́ kaa bɔ nuą di gɛ yɛ́, mąąnɛ̨ɛ̨ ə́ yili ɲɔ̨nwɔ̨mą gɛ diɛ. Yili ɓə gaa Yálá laawoo hu, yii Moisə ə bɛ̨ɛ̨ da Yálá kwəi mɛ̨nį hukulɔ nuą.»

Lukə 6:31

Mɛ̨nįi yɛ nuą di gɛ yɛ, gbɛa yili ɲɔ̨nwɔ̨mąn gɛ diɛ.

Ɉaan 13:13

Ka kɛ kɛi mą́ą́ ‹Mąąkwɛli kɛmun› da ‹Ną́mu›, ka kɛ moi a nɛlɛɛ, mąąhɔlɔɓo, ɲą́ą́ ɓə.

Gɛlaɠaa 10:34

Nąąlɔwai, Piɛrə ə mo kɛa diɛ yɛ diɛ: «A tɛ̨ą, ŋą́ą́ gɔlɔn gɛ́ diɛ Yálá hva nu hu yɛɠɛ.

Lomaŋ 2:11

Mąąhɔlɔɓo, Yálá pɔɔli, huyɛɠɛɓo mɛ̨nį hvo laa.

Korɛntə dɔlɔɔ 1:2

gbɔn ɓa, yai gaa Korɛntə daai, da nuąi Yálá aa di mąąhəɠə, Jesus Kristə hu, diɛi di təliɛ di kɛ mɛ̨nį ɓa a nu mąąhəɠɛɛɠaa, ə pɛlɛ la nuąi kpɔ da kɛ gu Nąmu Jesus hvɛlii a naa, ɓɛi lɔpee, yɛ ɓo a di Nąmu da kuɔ kpɛlimąn ku wɔɔ;

Korɛntə dɔlɔɔ 7:22

Mąąhɔlɔɓo, luwɔ yii gu Ną́mu ə dəli, ə nwun mąąɓo gaa a gu Ną́mu nwɔɔ. Nui yaan kɛ gbɔwɔ ɓa diɛ dəli, gaa a Kristə nwɔ luwɔ.

Dutɛrɔnome 10:17

Mąąhɔlɔɓo, Yai-Laa ka wɔ Yálái ɓə gaa a yáláɠaa di wɔ Yálá; a tɔɔɓɛlaa di wɔ Tɔɔmun; Yálá yii gɛnɛ̨, vaŋą kɛnɛ̨ mąą ɲɔuwɔ, ɉaŋąą, di hva lɔ gwəi.

Kolosə 3:25

Kɛlaa, nu a túwɔ́ a ɲɔ̨nwɔ̨ɔ̨, a vɛla hɔlɔɓo yɛ bələi ə túwɔ́ la, mąąhɔlɔɓo, hu yɛɠɛɓo hvo ɉu.

Kolosə 4:1

Luwɔ nąmįną, káá kpəlimąn, ká ká wɔɔ luwɔɠaai hon a tələnmolaa, a ɉaŋąą. Ká kili ə pu ɉu káá kpɛlimąn, káá, ká Nąmu kaa yələkɔlɔn ɉu.

Zĩi 2:13

A tɛ̨ą, gitii laa, nui a wala nu ɲɛ̨imąąwɛli kaa, hva mąą nu ɲɛ̨imąąwɛli kaa. Ɲɛ̨imąąwɛli yee tɛɛi kiti ɓa.

Zĩi 2:8

A tɛ̨ą, akɛ ká dɔɔlaa hu tɔ́n bɔ túwɔ́ ɓo, yɛ bələi ɉɛɓɛ́ ə mo la, yɛ kɛ: «Ə́ ɓɛlan gaalon nwɛli la kɛ yɛ ə́ kpɔwɔ kpinįi, ká túwɔ́ tii, akɛtii, káá gɛ a nɛlɛɛ.»

Zĩi 5:4

'Ká ɓɛ kaa tai! Nuąi kɛi kólo kɛ ka yəi ɲɛa, di halai ká ká yee kanąn mą, gaa tomąi, góló kɛ nuą wɔlɔ woo aa too Mɛ̨nį Kəlee ŋą Hééɓomun nwəlii.

Samuɛlə dɔlɔɔ 15:17

Samuɛlə yɛ mą: «Pələi mąn hvo kɛnɛ̨ li la ə́ kpɔɔ ɲɛ̨i ɓa, hvo mɔ̨ɔ̨ heeni Israɛlə nuą kəlee nwun na? Yai-Laa ə́ ə́ mąątí, ə́ ə́ kɛ a Israɛlə tɔɔmun.