Ifisiɛŋ 6:5 - Yálá laawoo hɛɓɛ (dc)

⁵ Luwɔɠaa, ká nąmįnąi di kaa ɓɛ lɔi mɛ̨i, 'ká lɛɛ ká woo mu a ɲɔwmąąlaa da mąąkpɛlin, a ká kwəi kwɛlɛɛ, yɛ ká kɛli gɛ Kristə ɓa;

Yálá laawoo hɛɓɛ

⁵ Luwɔɠaa, ká nąmįnąi di kaa ɓɛ lɔi mɛ̨i, 'ká lɛɛ ká woo mu a ɲɔwmąąlaa da mąąkpɛlin, a ká kwəi kwɛlɛɛ, yɛ ká kɛli gɛ Kristə ɓa;

Bible

⁵ Luɛ-ŋa, ka diai wóo mɛni díkaa a kámɛi-ƃela ǹɔii ma ƃɛi. Ka yao dîa ka ƃaa kɛ́-maa tɛɛ dípɔ a kálii kélee, yɛ̂ɛ berei ka Kôrai wóo mɛni lai.

Ifisiɛŋ 6:5 Iomraidhean Croise

Zɛnɛse 16:9

Yai-Laa nwɔ malaka yɛ mą: «Pənə ə́ li, ə́ nąmu Sarai pɔ, ə́ ə́ kpɔɠɔmąąyɛɛ ɲee mu.

Kɔlɔnikɔ Maa-ŋuŋ 29:17

Ną́mu Yálá, gbaɠala kaa mą́ą́, gɛ́: Yá nu kwəi kaa, kwəi kwələlaa yɛ Ə́ lii hon, nwɛ́i, ŋą́ą́ ɉɛnŋąąi tii kəlee tɛɛ kpɔ Ə́ pɔ gbɔ́wɔ́ ɓa, ɛlɛɛ a gwə́inɛ̨ɛ̨. Ya ka nwɔ̨nɔ̨, gáá ə́ nwɔ nuąi ŋɛ̨i ɓɛ di kaai, diɛ pa Ə́ pɔ di kpɔwɔ ɓa a mɛ̨inɛ̨ɛ̨ɠaa.

Mąątɛ̨nɛ̨ 123:2

A tɛ̨ą, bələi lɔ luwɔɠaa ɲɛ̨i kaa la di nąmįną yee ɓa, əlɛɛ bələi lɔ tinɛ̨ɛ̨nu ɲɛ̨i kaa la neenɛ̨a yee ɓa; bələ kpɔlɔ ɓə ku ɲɛ̨i kaa la Yai-Laa ku wɔ Yálái ɓa, ə lɛɛ la ɉu, ə ku ɲɛ̨imąąwɛlikaa.

Mąątɛ̨nɛ̨ 86:11

Yai-Laa, ə́ wɔ pələi lɛ mą́ą́, akɛtii ŋą pɛli hiɛi yɛ bələi ə́ wɔ tɛ̨ąi kaa la. Gíliŋąhiɛ pələ kɛ lɔ tanɔ̨n, əgɛ, gɛ́ pɛli ɲɔwii ə́ laa ɓa.

Malasi 1:6

Ɲą́ą́ Yai-Laa Mɛ̨nį Kəlee ŋą Hééɓomun, mɛ̨nįi gáá moi ɉaláá laa həli nuą diɛ, ya ka, gɛ́ diɛ: «Lon a nąn mąąwiɛ, luwɔ yɛ nąmu mąąwiɛ. Akɛtii, ɲą́ą́, və́ mɔ̨ɔ̨ a ka nąn, da ka Nąmu? Gɛ pələ kaa ləi, yai, ka hva mą́ą́wiɛ? Ka kɛ mɛ́lɛkpɛɛi mą́ą́, kaa kɛ mą: ‹Lə mɛ̨nį ɓə ku ɓɛlɛkpɛɛ yɛ́ ɉu?›

Maafîu 6:22

«Nu ɲɛ̨i kɔ́w kaa a nu kpinį nwɔ kɛɛpono. Ə́ ɲɛ̨i kɔ́w a kɛ a nɛlɛɛ, ə́ kpinį nąą kəlee a kɛ kɛɛpono hu.

Maafîu 6:24

«Nu hva pɛli tíi tɔɔmun veelɛ ɓa a gee. Ya dɔ̨nɔ̨ wɛli la kɛ, dɔ̨nɔ̨ wɛli ə kpɛɛ yɛ́. A wala kɛti, yá lɛɛ dɔ̨nɔ̨ woo mu, ə́ dɔ̨nɔ̨ hviiɓo. Ka hva pɛli kɛi a Yálá nwɔ tí mun, kaa ɓo nwɔ̨nɔ̨, a wali nwɔ tí mun.»

Maafîu 8:9

Hvó gaai, ɲą́ą́ gbɛli, gáá nuą yeemu, əlɛɛ, holahiɠaa di ɓo ɲéému. Ŋą́ kɛ da ɓa: ‹'Li!›, a li. Ŋą́ kɛ dakpɛli ɓa: ‹'Pa!›, a pa. Ŋą́ kɛ nwɔ́ luwɔi ɓa: ‹'Yii kɛ!›, a gɛ.»

Gɛlaɠaa 2:46

Di hvaŋąlɔɔ kɛ, diɛ di ɲąąkpɔn Yálá hee pɛlɛ́ mu, diɛ kɔ̨nɔ̨n mįi gee ɓa di yəi bɛlɛ́nŋąą, a kwəinɛ̨ɛ̨ da lii nɛ̨ɛ̨ gwəi.

Lomaŋ 9:3

A tɛ̨ą, yii gáá bɔ, a nɛ̨ɛ̨mąn, nɛ́ŋɛ̨n ə laa, ŋį́ gulɔ Kristə nwɔ wɛlikɛmąąlaa hu, nąn nonniii, a diɛi a ɉúwu hu nuą di mąą mɛ̨nį ɓa.

Korɛntə dɔlɔɔ 2:3

Yili ɓə gɛ, ŋą́ kɛ ka lɔwai yɛ nu hvįikpɛɛ, gɛ́ ɲɔw, mąą yɛ kpɛlin.

Korɛntə dɔlɔɔ 7:22

Mąąhɔlɔɓo, luwɔ yii gu Ną́mu ə dəli, ə nwun mąąɓo gaa a gu Ną́mu nwɔɔ. Nui yaan kɛ gbɔwɔ ɓa diɛ dəli, gaa a Kristə nwɔ luwɔ.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Korɛntə veelɛ 7:15

A giliŋąhiɛ a vilɛn ká wɔɔ lɛɛ nwoo mu laa kəlee ɓa, ká wɛlii gaa mą, da lɔ ɓə a pɛlɛ mą, ɛlɛɛ, bələi ká ká yee hee la mu, a ɲɔw mąą yɛ kpɛlin.

Ifisiɛŋ 5:22

Nɛ̨ąą, 'ká lɛɛ ká hilɛni woo ɲą, yɛ bələi ká gɛ la gu Nąmu ɓa.

Ifisiɛŋ 6:24

Nuąi kpɔ gu Nąmu Jesus Kristə wɛli kaa diɛ ɲɛ̨n deei hvo mą, Yálá ŋą nɛ̨ɛ̨laai ə kɛ di kəlee diɛ.

Filipə 2:12

Yili ɓa, nwɛ́likɛmąą nuą, bələ ká kɛi lɛɛ nwoo mu laa kɛ la, a yələ kəleei, 'ká lɛɛ lɔ ka yee yili ɓa, yiihu, ə mą kɛ və́ laa ká pɔ, ká túwɔ́ pələ ə ká nwun mąąɓo mɛ̨nį too pono ɲą, káá ɲɔwu la, ká mąą yɛ kpɛlin.

Filemɔn 1:16

Mąąhɔlɔɓo, hvo kɛa a luwɔ kpɛli-kpɛli, kɛlaa, aa hviɛlaɓo aa tɛɛ luwɔ ɓa. Aa kɛ kɛa a gu nąn non yii mąąnɛ̨ɛ̨ gu nwɛli la kɛ. Ɲą́ą́ Polə, Onesimə wɛli kaa mą́ą́ kpɔ a mɔlɔɔ, mąąnɛ̨ɛ̨ yɛ́ kpɛli nwɛli ə kɛ ti yɛ́, ə́ wɔ luwɔ li kpɔ, kɛlaa nwɛli la kɛ yɛ kristalon.

Zasua 24:14

Ɉosue yɛ diɛ: «Ə həli kɛa kaa! Ka ɲɔw Yai-Laa ɓa, ka tí mą a ka kwəi kwɛlɛɛ, ka lɛɛ nwoo mu. Ɉaliɠaai ka nąnni di kɛi mąąwiɛ Efratə yá pulu pələ, da Eziptə lɔi hu, ka di kulɔ ka lɔwai, ɛlɛɛ, ka tí Yai-Laa ɓa.

Piɛrə dɔlɔɔ 3:2

diɛ ká tuwɔ pələ mąąhəɠɛɛ tii mąąwiɛ.