Ifisiɛŋ 6:2 - Yálá laawoo hɛɓɛ (dc)

² Ə nąn da ə́ lee di mąąwiɛ, dɔn dɔlɔɔ ka tii, mɛ̨nį laakwɛlanmoɔ ə ɓo bɔ, ya ɓaa:

Yálá laawoo hɛɓɛ

² Ə nąn da ə́ lee di mąąwiɛ, dɔn dɔlɔɔ ka tii, mɛ̨nį laakwɛlanmoɔ ə ɓo bɔ, ya ɓaa:

Bible

² “Bâa kɛ́ ínâŋ ma da ílee” (dɔ̂ŋ maa-ŋuŋ ká ŋí nyíi gono-tee-wooi káa mai),

Ifisiɛŋ 6:2 Iomraidhean Croise

Lɛɛ gbɔwɔ ɓa 20:12

«'Ə́ lee da ə́ nąn di mąąwiɛ; ya ɓə a gɛ, nɔi ŋɛ̨i Yai-Laa ə́ wɔ Yálá ə dɛɛ ə́ pɔ, ə́ yíi ə kwɛa ɉu.

Hanwon 20:20

Nui a nąn da nee di nɛ̨ŋɛ̨n naa, nwɔ nwɔ̨n kaa pai luwun ɉii kwii hąą ton-ton.

Ɉeremi 35:18

Ɉeremi yɛ Rekavə kwəlii nuą diɛ: «Yai-Laa Mɛ̨nį Kəlee ŋą Hééɓomun, Israɛlə nwɔ Yálá nwoo ka, yɛ diɛ: Yii kpɔ ka lɛɛ ka kála ɓɔlɔ Yonadavə nwɔ tɔ́n nwooɠaa pulu, niɛwooɠaai ə gɛ kaa kaa gəlee hon, mɛ̨nįɠaa ə mo kaa, ka di pɔ túwɔ́ ɓo,

Ɉeremi 35:7

'Ká hvo pɛlɛ́ tɔɔ, 'ka hvo tíi kɛ, 'ka hvo ɓá wulu hin, 'ka hvo da yá. Kɛlaa, 'ka kɛ yíi həgə pɛlɛ́ɠaa mu ka yɛnɛ̨ɛ̨ kəlee hu, ya ɓə a gɛ, ká lamu nɔi ŋɛ̨i ka káá ɉu, mɛ̨i.

Izikiɛ 22:7

Ə́ pɔɔli, nuą da tɛɠɛɓo di nąnni da di leeni di hu. Da nweą hon a wea mɛ̨nį ə́ pɔɔli, diɛ di yee pənə, təli da kalanin di hu ə pɔɔli.

Malasi 1:6

Ɲą́ą́ Yai-Laa Mɛ̨nį Kəlee ŋą Hééɓomun, mɛ̨nįi gáá moi ɉaláá laa həli nuą diɛ, ya ka, gɛ́ diɛ: «Lon a nąn mąąwiɛ, luwɔ yɛ nąmu mąąwiɛ. Akɛtii, ɲą́ą́, və́ mɔ̨ɔ̨ a ka nąn, da ka Nąmu? Gɛ pələ kaa ləi, yai, ka hva mą́ą́wiɛ? Ka kɛ mɛ́lɛkpɛɛi mą́ą́, kaa kɛ mą: ‹Lə mɛ̨nį ɓə ku ɓɛlɛkpɛɛ yɛ́ ɉu?›

Lomaŋ 13:7

'Ká nu kəlee nwɔ tɛɛ bɔ. 'Ká nįįhɔ̨nwɔ̨ tɛɛ nįįhɔ̨nwɔ̨ hon nuą pɔ, ka hɛn gɔw tee nąmu pɔ, nuąi nwumɛ̨ mąą kaa diɛ, 'ká nwumɛ̨ mąą tɛɛ di pɔ, nui mąąwiɛlaa, ka mąąwiɛ.

Ifisiɛŋ 6:3

Əgɛ, yɛ́ pɛli nwun na nɛ̨ɛ̨, da yíipɔɔ hɔlɔɓoi yɛnɛ̨ɛ̨.

Dutɛrɔnome 27:16

«‹Nui a tɛɠɛɓo nee da nąn di hu! Yálá! Nɛ̨ŋɛ̨n ə laa!› Ɛlɛɛ nɔi lonnii kəlee di mu hon, diɛ mą: ‹Mįįną!›

Dutɛrɔnome 5:16

«Ə́ lee da ə́ nąn di mąąwiɛ, yɛ bələi Yai-Laa ka wɔ Yálái ə ka tí la, ə gɛ, ə́ yíi ə kwɛa, ə́ nwun na ə nɛ̨ɛ̨, nɔi ŋɛ̨i Yai-Laa ka wɔ Yálái ə dɛɛ ka pɔ ɉu.

Timote dɔlɔɔ 5:4

Akɛ lonŋaa da kɛ galanin da yəi, a wala kɛ ti mąnįnni, diɛi ti ɓə tɔlɔɔ mąąnɛ̨ɛ̨ di Yálá mɛ̨nį lɛ di yəi bɛlɛ́n nuą diɛ, gwələi di kaa-nuą di bili diɛ, di da kulɔ. Yili kpɔ ɓə nɛlɛɛ Yálá ɲɛ̨i ɓa.