Ifisiɛŋ 5:15 - Yálá laawoo hɛɓɛ (dc)

¹⁵ 'Ká ká yíi pələ mąą kpɛɛ a nɛlɛɛ, 'ká hvo túwɔ́ yɛ kilikpɛɛɲəi-nuą, kɛlaa yɛ kilimąą nuą;

Yálá laawoo hɛɓɛ

¹⁵ 'Ká ká yíi pələ mąą kpɛɛ a nɛlɛɛ, 'ká hvo túwɔ́ yɛ kilikpɛɛɲəi-nuą, kɛlaa yɛ kilimąą nuą;

Bible

¹⁵ Mɛni ma ka kásia-pere maa kpɛɛ a ǹɛ́lɛɛ. Káfe sia yɛ̂ɛ ƃoo-ƃela, kɛ́lɛ, ka sia yɛ̂ɛ táre-ƃela.

Ifisiɛŋ 5:15 Iomraidhean Croise

Samia Veerɛi 24:10

Ɲąąɓa, Davidə kpɛɛ a nuą lonoɔ, níi ə ɓɛla mą. Davidə yɛ Yai-Laa ɓa: «Nɛ̨ŋɛ̨n gɛnɛ̨ ka tii ŋą́ą́ ɉəɠə; Yai-Laa, gɛ́ ə́ ə́ ɲɛ̨i həɠə ə́ wɔ luwɔ kɛ hɔn ma, mąąhɔlɔɓo, ŋą́ą́ túwɔ́ yɛ ɓowomun.»

Zôo 2:10

Ɉobə yɛ nɛ̨ą ɓa: «Yɛ́ hvaa yɛ nɛ̨ɛ̨nui hva mɛ̨nį ɲąąkaa. Mɛ̨inɛ̨ɛ̨ lɔ ɓə gwa ɉɔlɔɓo Yálá yəi, a nwɔ nu kpɔɔ laa hɛn, mɛ̨nį ɲąąnwąnąą yaan, lə mɛ̨nį ɓa gu hva pɛli gu yee heei yili mu?» Mɛ̨nįɠaai ti kəlee hu, woo ɲɔ̨n və kulɔ Ɉobə la.

Mąątɛ̨nɛ̨ 73:22

ŋį́ kɛ lɔ hviliwɔlɔn, və́ kɛi mɛ̨nį ta kpaɠala kaa; ŋį́ kɛ lɔ yɛ taatɛlɛɛ, kɛlɛɛ vílɛn ŋąąi lɔ kɛ ə́ pulu.

Lɛɛ gbɔwɔ ɓa 23:13

«‹Mɛ̨niɠaa kpɔ ŋą́ mo kaa, ka gəlee hon a nɛlɛɛ, ka hvo kwɛli hvilɛn haliɠaa diɛ, nu ta hvo kpɛli di laa mɛ̨n ka la.

Hanwon 14:8

Kilimąą mun gwəi pələ, kili kɛ ɲəi laa, ɓaa: nu ə gbɔwɔ hiɛ pələ ɲɛlɛ kɛ. Kɛlaa, kilikpɛɛgwəi nuą di wɔ ɓowo laa a nu lan.

Hanwon 15:21

Nui gili hvo ɲəi, ɓowo mɛ̨nį ɓə a gwəinɛ̨ɛ̨, Kɛlaa, kilimąą mun nwɛi, a ɉiɛ pələ tənən dɔɔ a ɉaŋąą.

Maafîu 10:16

Jesus ə mo nwɔ kalan nɛai diɛ, yɛ diɛ: «Ka ka wəli tɔɔ! Gáá ka tɛɛi yɛ ɓɛlaa lonnii kwɛliɠaa lɔwai. Ka kɛ gili-gili yɛ kaalə, ka kɛ a ka wɔ mɛ̨nį lɛlɛɛ, yɛ gbohvoló-hvoló.

Maafîu 25:2

Nɔɔli ə kɛ ɉu diɛ ɓo a kilimąą nuą, nɔɔli kilaa hvo kɛ pono li.

Maafîu 27:24

Yii kɛa Pilatə ə gaa yɛ diɛ, mɛ̨nįi gaa moi, di hvo nwoo hon ɉi, kɛlaa yaamun, nuą huluun nwoo lɔ ɓə ɉu ə kɛi kɛnɛ̨; ə ya həɠə, ə ɲəi waa nu kəlee ɲɛ̨i ɓa, yɛ diɛ: «Nui ŋɛ̨i hɔn və mą, ɲə́ə́ hvo baa mɛ̨nį hu gɔ́wɔ́ hvo ɉu; ka nwuɔ̨ tiɛ̨ li.»

Maafîu 27:4

«Ŋą́ą́ nɛ̨ŋɛ̨n ɉəɠə mun, mąąhɔlɔɓo, nui hɔn və mą ŋą́ą́ dɛɛ diɛ li baai.» Kɛlaa, yiliɠaai di mo mą diɛ mą: «Ku mąą kpaan və ɉu! Ə́ kpɔɔ mɛ̨nį li.»

Maafîu 8:4

Yili pulu Jesus yɛ mą: «'Hvó mɛ̨nįi ŋɛ̨i ɓo nu ta ɓa. Kɛlaa, li ə́ ə́ kpɔɔ lɛ ɉaláá laa həli mun ma, yɛ mą: Gɔ́lɔi aa pono. Ɛlɛɛ, ɉaláá yii Moisə ə vaaɓo, ə́ gulɔ. Ə gɛ, nu kəlee di gɔlɔn diɛ: Ə́ kɔ́lɔi aa pono, ə́ mąą aa həɠə.»

Lukə 24:25

Nąąlɔwai, Jesus ə mo diɛ, yɛ diɛ: «Ee kə́! Ka hva mɛ̨nį kpaɠala kaa ɉa, ə lɛɛ, mɛ̨nį Yálá kwəi mɛ̨nį hukulɔ nuą di mo ka laa la walai yili la!

Korɛntə dɔlɔɔ 14:20

Ną́n nonnii, yii hvilɛn na mɛ̨nį hutɔɔ ɓa, 'ká kɛ yɛ lɛapɛlɛɛ, yii ɓaa mɛ̨nį ɲɔ̨n nwɛi, 'ká kɛ ɉu, a lɛapɛlɛɛ, kɛlaa, mɛ̨nį hutɔɔ mɛ̨nį hu, 'ká kɛ a nu mąąpɔlɔɔɠaa.

Galatə 3:1

Ee kə! Galatə nuą, ɓowo kpɔlɔɔ ɓe tii ká moi! Gbɛɛ ɓə ŋɛ̨i wulu kɛ káái? Ka ɲɛ̨i ɓa, di Jesus Kristə haa mɛ̨nį kolɔwa ɓa ɓo káá a ɉuponoɔ.

Galatə 3:3

Akɛtii, ká ɓowoɔ kpɔlɔ ɓə tii mɔ̨ɔ̨i! A káái ká gbala tɔɔ a Yálá nwɔ Kilii, akɛtii nu túwɔ́ pələ ɓə mɔ̨ɔ̨ pai ká mąą mɛ̨nį laa kulɔi?

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Ifisiɛŋ 5:33

Ə kɛ a pələi lɔpee, vilɛnŋąą káá kpɛlimąn káá: ká ká nɛ̨ąni wɛlilakɛ yɛ gbɔwɔ kpinįlee, nɛ̨ɛ̨nu ə ɉilɛ mąąwiɛ.

Filipə 1:27

Yii lɔ mą, ya ɓaa: 'ká wɔ yɛnɛ̨ɛ̨ kɛ pələ ə pɛli Kristə nwɔ wɛlɛɛ lɛlɛɛi pɔ yííɓoi. Yili ɓə a gɛ, ŋą́ pa ka pɔɔli-o, və́ pa ka pɔɔli-o, ŋą́ pɛli woo lɛlɛɛ mɛ̨n ɉii, yɛ hvilɛn na káá, diɛ kɛ: Ká kwəi kaa tanɔ̨n, káá gɔ tɔ̨nɔ̨i kɔ, a ká laa pələ nwɛlɛɛ lɛlɛɛ la;

Kolosə 1:9

Yili ɓə gɛ, ɲələi ku ká mąą mɛ̨nį mɛ̨n na, ə həɠə ɲələ ɓa, ə həli la yiihu ɓa, ku hva kpɛla Yálá hvɛlii káá. Kwa vɛli Yálá ɓa, kuɔ, ká niiɓa kɔ́lɔn gbɔ kɛnɛ̨, a kilikɛɲəi laa kɛnɛ̨, yɛ hee la ká nįį pɔ.

Kolosə 4:5

Nuąi di hvo a Kristalɛa, 'ká túwɔ́ pələ ə kɛ a nɛlɛɛ di ɲɛ̨i ɓa. Yíikuu kpuɔlon ká yəi, 'ká ɉon a nɛlɛɛ.

Tɛsalonikə dɔlɔɔ 5:15

Ka gɛ a nɛlɛɛ, nu ta hvo mɛ̨nį ɲɔ̨n gwələ kulɔ a mɛ̨nį ɲɔ̨n, kɛlaa, ka túwɔ́ a nɛlɛɛ ká kee lɔwai, ə mą kɛ, a nui lɔpee gəlee.

Timote dɔlɔɔ 6:9

Yii ɓaa nuąi diɛ di kɛ a hɛn gɔw nąmįną, diɛ ɓə da too ɲąąhɛn mɛ̨nį ŋą hɛlɛn ɲą, kilikpɛɛɲəi, hɛn nwɛlilaa tamąą, da di kpɔwɔ kala mɛ̨nįɠaa, mɛ̨nįɠaa tii ɓə da nu kanŋaa lɔ di kala mɛ̨nį hu, da di nwun napili mɛ̨nį.

Hebreu 12:25

Ká gɛ a nɛlɛɛ, ká hvo ká wəli walawala nui ká təli nwoo tɔwɔ! Mąąhɔlɔɓo, akɛ, nuąi di wəli walawala di kilaa ponomun nwoo tɔwɔ ɓɛ lɔi mɛ̨i, di hvo kulɔ li nwun napili hui, gu hvomun kɛ guɔ kpɛlimąn, gu hva pɛli kulɔi nwun napili tɔ̨nɔ̨i ti hu, akɛ, nui yələi pələ, yɛ pələ ɓo guɔ, gwa gu pulu tɔɔ mą.

Zĩi 3:13

Gbɛɛ ɓə ká lɔwai a kilimąą mun, a nwun gɛ-ɉumun? Mąą nu ə nwɔ kili mɛ̨nį lɛ dúwɔ́ pələ hu, a kpɔɔ mąą yɛɛ laa.

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

M̀ɛni-lɛɛi 19:10

Ya ɓə, ŋą́ pɛlɛ gɔ́wɔ mu, gɛ́ kɛ ŋį́ gwɛli hvilɛn mą, kɛlaa, yɛ mą́ą́: «'Hvo kɛ ə́ kaa gɛi tii! Gáá lɔ a tímun, ə́ mąą mɛ̨nį ɓa, ɛlɛɛ, da ə́ nąn nonnii, diɛi di yee kąnąnŋąą Jesus ŋą kɛla wooi ɓa.» Yálá ɓə mąąnɛ̨ɛ̨i ə́ gwɛli hvilɛn mą, gbala ə tɔɔ, Jesus ŋą kɛla wooi, ya ɓaa a mɛ̨nįi pai kɛi ŋą kili.