Ifisiɛŋ 4:30 - Yálá laawoo hɛɓɛ (dc)

³⁰ 'Ká hvo Kili-Mąąhəɠɛɛ liikələn gwəi, yai Yálá ə gɔlɔn ɉii kɛ la káá, káá ká nwun mąąɓo yələ mąąkpɔn na.

Yálá laawoo hɛɓɛ

³⁰ 'Ká hvo Nįį-Mąąhəɠɛɛ liikələn gwəi, yai Yálá ə gɔlɔn ɉii kɛ la káá, káá ká nwun mąąɓo yələ mąąkpɔn na.

Bible

³⁰ Káfe Ɣâla Ŋɔmɔ̂leŋ Maa Waai líi sòli, nyíi kálɛ-mɛnii su kpanaŋ ŋuŋ-ma-ƃo-ɣelei mɛni mai.

Ifisiɛŋ 4:30 Iomraidhean Croise

Zɛnɛse 6:3

Nąąlɔwai, Yai-Laa ə mo gbɔwɔ ɓa yɛ diɛ: «Ɲɛnɛ̨ɛ̨ kɛ hvaŋąi ŋɛ̨i ŋį́ bu nu lonnii hu, mąą hvo nɛ̨ɛ̨li kɛa və́ nɛɛ di yəi. Mąąhɔlɔɓo, di kɛɛ mɔ̨ɔ̨ tii, mąąnɛ̨ɛ̨ lɔ di haa. Ə həɠə kɛa yiihu ɓa, di kaa kwɛlan gaa pai kɛi lɔ kɛa a: kwɛlan nwun dɔ̨nɔ̨ kwɛlan bow hveelɛ, diɛ haa.»

Zɛnɛse 6:6

Yili ə Yai-Laa lii too pulu kpɔ kɛnɛ̨, nu pɛlii ŋɛ̨i ə mo lɔi mɛ̨i mąą mɛ̨nį ɓa, ə viikpɛɛ.

Mąątɛ̨nɛ̨ 78:40

Di kɛi di kwɛli tee mą nɔi pun ɉu! Kpɔ gee mɛ̨i tamąą, Diɛ níikələn gwəi nɔi pun gələn ŋąą ti hu, kpɔ kɛlɛ-kɛlɛ.

Mąątɛ̨nɛ̨ 95:10

Kwɛlan bow nąąn ɲeemu, nu huwui tii kun ə hee ɉú, ya ɓə ŋį́ kɛ diɛ: «Nu huwui ɲɛ̨i kiliŋąhiɛ pələ aa bələ lɛɛ, di hvo nwɔ́ pələɠaai kɔ́lɔn ni.»

Azaya 43:24

Tɛ̨ąą hvaa diɛ kɛ, ə́ kɛli hɛn gun nɛ̨ɛ̨ɠaa ya a ə́ yəi wali, yɛ́ di tɛɛ bɔ́, ɲą́ą́ hvə kɛi pilɛ a ə́ wɔ taatɛlɛɛ wulaaɠaai, gwa mo a mɔlɔ, yɛ́mun mə ə́ wɔ túwɔ́ pələ ɲɔ̨nŋąąi daa gɛ́ a ə́ wɔ luwɔ, yáá vį́ikpɛɛ a ə́ wɔ mɛ̨nį kalaai.

Azaya 63:10

Kɛlaa di wɛi, di kulɔ nwoo mu, di yɛnɛ̨ɛ̨ kpɔlu nwɔ Nįį-Mąąhəɠɛɛi la. Gɛɛ tii yaan, ə pənə ə wolo diɛ, ə kɛ a di yowo, yaa kpinįį, ə kɔ́ pɛlɛ diɛ.

Azaya 7:13

Nąąlɔwai, Esai yɛ mą: «Davidə yəi bɛlɛ́n nuą, ka ka wəli tɔɔ; bələi ka tɛɠɛɓoɔi la nu kanŋaa hvaa woo hu, yili hva ka líí laa, hvo kɛli nwɔ̨nɔ̨ ka gɛ tii a nwɔ́ Yálái?

Izikiɛ 16:43

Hvó gɛ hvó ə́ kili lɛɛ ə́ muhəɠə yələ hu, yɛ́ nwą́nąlɔ lɔ mɛ̨nįɠaai tii hu. Yili ɓə pai gɛi ɲą́ą́ gbɛli mąn, gɛ́ ə́ túwɔ pələi tii gbolo yɛɛ a ə́ nwun. Mɛ̨nį kəlee ŋą Hééɓomun Yálá woo li. Hvo mɔ̨ɔ̨ ɓowo mɛ̨nį kɛi a gili kpɛɛ ɲəi túwɔ pələɠaai tii kəlee?

Osia 13:14

A kɛ tii, hvo kɛli mɔ̨ɔ̨ ŋį́ pa nwun mąąɓo ɲąmuątaa yəi? Hvo kɛi ŋį́ pa gulɔ haa yəi? Haa, ə́ wɔ nu paa ɲɔ̨nŋąąi kaa mį? Ɲąmuątaa, ə́ wɔ nu kɛlɛ gbɔn kaa mį? Nu ɲɛ̨imąąwɛli kaa kilii lɔpee hvo ɲɛ̨i pɔ.

Markə 3:5

Jesus ə di kaa, níí ə holi di wɔ kiliŋąhiɛ ɲɔ̨nwɔ tii kɛ di diɛ mąą mɛ̨nį ɓa. Ə nɛ̨ɛ̨mą, ə mo ɉulɔnu tii ɓa yɛ mą: «Ə yee haŋą.» Ɉulɔnui tii ə́ ɲee haŋą, ɲee ŋąą ə́ pɛli.

Lukə 21:28

«Ɓɛlɔwai mɛ̨nįɠaai tii kaa pai gɔwɔ tɔɔi la yɛ kɛi, ka ka nwun muhəɠə ka yələi kaa, mąąhɔlɔɓo, Yálá kaa pai kɛa ka nwun mąąɓoi ɉu hvo kwɛa li.»

Ɉaan 3:33

Nui a ɲee hee nwɔ kɛla hvaa mu, ya ɓə a kɛ diɛ: Yálá a tɛ̨ą ɓo.

Gɛlaɠaa 7:51

«Ká wəlii kpɔlɔ nu huwui ŋɛ̨i, ká kili da ka wəli mąą kuu hvo kɛ li, yələ kəlee, ká tɔɔ lɔ tai-tai kilaa pono Kili-Mąąhəɠɛɛ la, ka káá kpɔlɔ yɛ ka nąnni.

Lomaŋ 8:11

Akɛ Yálá nwɔ Kilii ŋɛ̨i Jesus nwun haa ɓɛlaa lɔwai, gaa ka hui, Yaa ti lɔ Jesus Kristə nwun yɛ gulɔ haa nuą lɔwai, yaa lɔ ɓə pai yɛnɛ̨ɛ̨ tɛɛi ká kɔlɔi ŋɛ̨i haa mɛ̨nį pɛ̨ɛ̨i nwuɔ̨, bɔ; nwɔ Kilii ti ka hu, ɉáálai.

Lomaŋ 8:23

Yɛnɛ̨ɛ̨ yaa tɔ̨nɔ̨ lɔ hvəə, guɔi ŋɛ̨i gwaa Kili-Mąąhəɠɛɛ hɔlɔɓo tɔlɔɔ, guɔ kpɛli gu kaa lɔ mɔ̨nɔ̨ mįi gu hu pələ, guɔ kɛ diɛ: Yálá ə pa kɛa ə gu kɛ a nonnii, ɛlɛɛ, ə gu kɔlɔ nwun mąąɓo.

Korɛntə dɔlɔɔ 1:30

Yai ɉáálai ɓə ka káá la Jesus Kristə hu, yai gaa a ku wɔ kilikɛɲəi laai həɠə Yálá pɔ, a təlimolaa, a mąąhəɠəlaa da ɓalo mɛ̨nį,

Korɛntə dɔlɔɔ 15:54

Ɓɛlɔwai gɔlɔ kɔ́hɔɓoɔ ŋɛ̨i mąą kaa pai hvalin ɉi la, a mąąhəɠɛɛ, ɉaa kɔ́lɔi ŋɛ̨i mąą ə hvalin a yii haa hvo mą, a kɛ tii, ɉɛɓɛ́ hu woo pɔ mɛ̨nį a kɛ, yai ə kɛ mą: Yee tɛɛmąą aa haa kpələ.

Tɛsalonikə dɔlɔɔ 5:19

'Ká hvo Kili-Mąąhəɠɛɛ hvįkpɛɛ,

Hebreu 10:29

Gu hvomun kɛ, nui a Yálá lon mąą mɛ̨nį too gɔwɔ pɔ, mįnɛ̨ nįnɛ̨ ɲąmąi ŋɛ̨i pu, nɛ̨ŋɛ̨n nwaa mɛ̨nį ɓa, ə yili hviiɓo, ə ɓáá kulɔ nɛ̨ɛ̨laai a həɠə Kili-Mąąhəɠɛɛ pɔ, mą, ká wɔɔ kwəi, ŋą mɔ̨nɔ̨i hva kɛnɛ̨ kpɔ ə tɛɛ gɛi ɓa?

Hebreu 3:10

kwɛlan bɔw nąąn ɲee mu. Yili ɓə gɛ, gɛ́ nííɲąnwąną diɛ, gɛ́ kɛ diɛ: Yələ kəlee ká káá lɔ lan bələ mɛ̨i, nuą ŋɛ̨i, di hvo kpɛli nwɔ́ pələɠaai kaa li,

Hebreu 3:17

Gbɛɛ nuą ɓə Yálá ə niiɲąąnwąną diɛ kwɛlan bow nąąn ɲee mu? Kɛlɛi nuąi nɛ̨ŋɛ̨n ɉəɠə, diɛ ɓə-é! Diɛ ɓə di powa ə pu nɔi pun ɉu.

Nwun mąąɓo 10:16

Yili pulu, ɉaliɠaai kpɔ kɛ Israɛlə nuą yəi, di di yee kulɔ gəlee hu, di tínɛ̨n di kwɛli hvilɛn Yai-Laa ɓa. Mɛ̨nį ɲąąnwąnąąi tii kɛ naa di mɛ̨i, Yai-Laa hvo pɛli gili kulɔi ɉu.