Ifisiɛŋ 4:18 - Yálá laawoo hɛɓɛ (dc)

¹⁸ Di wɔ kiliŋąhiɛ kaa a kpinį ŋą hon, diɛ ɓo a nwɛ̨ąą, Yálá nwɔ yɛnɛ̨ɛ̨ kɛ pələ hu, tɛɠii-yɛnɛ̨ɛ̨i tii di kaa ɉui, aa di kili walawala.

Yálá laawoo hɛɓɛ

¹⁸ Di wɔ kiliŋąhiɛ kaa a kpinį ŋą hon, diɛ ɓo a nwɛ̨ąą, Yálá nwɔ yɛnɛ̨ɛ̨ kɛ pələ hu, tɛɠii-yɛnɛ̨ɛ̨i tii di kaa ɉui, aa di kili walawala.

Bible

¹⁸ díkaa kpinîi dímɛni ŋa-kaai su, dí kúlaa Ɣâla ŋɔfúlu-laai ma, kpɛ́ni fêi, maa-tare fe diɛ, kpɛ́ni fêi ŋɔ́nɔ dílii kpanaŋɔɔ̂i;

Ifisiɛŋ 4:18 Iomraidhean Croise

Mąątɛ̨nɛ̨ 74:20

Ə́ kiliŋąhiɛ ə́ wɔ mįnɛ̨i ɓa, nuą puɔi lɔ di kee mɛ̨i, di loo pələ hvo mą nɔi, nąą aa lɛɛ a wɛa nuą di wɔ lɔi.

Azaya 25:7

Ɉəɠə ɓɛlai kɛ pɛlɛ ni nu huwu kəlee ɲɛ̨i, ɉəɠəi kɛ pɛlɛ ni lɔi kəlee mɛ̨i, gaa pai gəlee həɠəi di mɛ̨i ɲee ŋɛ̨i nwuɔ̨.

Izikiɛ 14:5

Gɛ́ pɛli nɛ̨́ɛ̨́i gwɛlii Israɛlə lonnii hu; a diɛi ti daa di mąą kwɛa mą́ą́, di wɔ haliɠaai mąą mɛ̨nį ɓa.

Danîa 5:20

Kɛlaa, ɉu mɛ̨nį ə kɛnɛ̨, yɛ gbɔwɔ ɲąą kɛnɛ̨, gili walawalaa, yili ɓə gɛ, Yálá ə gulɔ dɔɔ kpəlin ɉu, ə mąąyɛɛ.

Levetekɔ 11:16

hɔ̨nwɔ̨nɔ̨gɔlɔn, kpaan, kpaan-gwələ-həɠə, da geelə huwu lɔpee gəlee.

Maafîu 13:15

Mąąhɔlɔɓo, nuą ŋɛ̨i kili aa walawala, di wəlii aa kpɔlɔ, daa di ɲɛ̨i laakpulu, əgɛ, di hvo pa kɛɛ mąą kpɛɛ, di wəli hvo mɛ̨nį mɛ̨n, di kilaa hvo pa pono, di hvo pa tinɛ̨n di hvo kpəla mɛ̨nį ɲɔ̨n mą, və́ pa di kɔ́lɔi pono.›

Markə 3:5

Jesus ə di kaa, níí ə holi di wɔ kiliŋąhiɛ ɲɔ̨nwɔ tii kɛ di diɛ mąą mɛ̨nį ɓa. Ə nɛ̨ɛ̨mą, ə mo ɉulɔnu tii ɓa yɛ mą: «Ə yee haŋą.» Ɉulɔnui tii ə́ ɲee haŋą, ɲee ŋąą ə́ pɛli.

Ɉaan 12:40

«Ə di ɲɛ̨i pu, ə di kili walawala, əgɛ, di ɲɛ̨i hvo pa kɛɛ kaa, ɛlɛɛ, di kili hvo pa mɛ̨nį hukpɛ; diɛ pɛli di hɔn mɛ̨ɛ̨ pənəi. Və́ pa di mąą ɲɔ̨nŋąą kpɛɛ.»

Gɛlaɠaa 17:30

Kɛlaa, ɓɛlɔwai ti nuą kiliŋą hvo kɛ pono li la, Yálá hvo gili lɛɛ li yili hu, yiihu kɛa, gaa moi nu kanŋaa diɛ, yɛ nu kəlee, ɓɛi lɔpee nąą kəlee, di di hɔn mąą pənə.

Gɛlaɠaa 3:17

«Kɛlaa yaamun, nąn nonnii, gílí kaa ɉu gɛ́ ká tuwɔ́ tii, ká tɛɠii, ə mą kɛ ka ɲɛ̨itɔwɔ nuą.

Lomaŋ 1:28

Yii di hvo gɛ li di hvo Yálá kɔ́lɔn, ya ɓə gɛ, Yálá ə di lɛɛ laa di lɔ di kpɔkpɔɔ kili ɲɔ̨nwɔ̨ɔ̨ ti hu, yii kɛ mąą hvo nɛ̨ɛ̨li nu hvo gɛ, diɛ gɛ.

Lomaŋ 11:25

Nąn nonnii, və́ bɔ ká hvo lɛɛ kwəi pilimąą hu, mɛ̨nį looŋąą ŋɛ̨i mąą mɛ̨nį ɓa, ə gɛ, ka hvo pa ka kpɔɔ kaa yɛ kilimąą nuą; Israɛlə lonnii bələ tɔ̨nɔ̨ kili walawala pələ kaa pai lɛɛi ɉu, ə lɛɛ ɉu, huwu takpɛliɠaa di di lɔi hɔlɔɓo.

Lomaŋ 11:7

Gwa pɛli kɛi lə? Mɛ̨nį Israɛlə lonnii di kɛi gwɛli, di hvo ɉɔlɔɓo li. Kɛlaa, nuąi ə di həɠə ɉui, daa ɉɔlɔɓo. Nuą yiiɠaa ti di hvo mɛ̨nį ti kpa Yálá kaa li.

Lomaŋ 2:19

Yɛ́ ə́ kpɔwɔ kɛ a ɲɛ̨ipu nuą tənən dɔɔ mun, ɛlɛɛ, yɛ́ ə́ kpɔwɔ kɛ a nuąi di kaa kpinį hu di wɔ kɛɛpono.

Korɛntə dɔlɔɔ 1:21

Gbala ə tɔɔ, yɛnɛ̨ɛ̨ ŋą kilikɛɲəi laa hu, hvo kɛ Yálá kɔlɔn ni, Yálá ŋą kilikɛɲəi hu. Hvo gaai, mɛ̨nįi ŋɛ̨i ku kaa naa həli, yɛ ɓo a ɓowo mɛ̨nį nu kanŋaa ɲɛ̨i ɓa, ya ɓə Yálá ə gaa a mɛ̨nį haŋąą, yɛ laa na nuą nwun mąąɓo la.

Korɛntə dɔlɔɔ 2:8

Ɲɛnɛ̨ɛ̨ ŋɛ̨i hu tɔɔɓɛlaa danɔ̨n gbɛli hvo kɛ gɔlɔn; hvo gaai, da gɔlɔn gɛ, di hvo li kɛ mąąwiɛlaa Ną́mu kpɔn kolɔwa ɓa.

Korɛntə veelɛ 3:14

Kɛlaa, di kili hu ə kpinį, ə mą kɛ yiihu ɓə, da kɛli mįnɛ̨ həɠɛɛ tɔlɔɔ hu woo ɓo, ɉəɠə ɓɛlai tii kaa lɔ ni laa, hvo ni həɠə li laa; mąąhɔlɔɓo, Kristə hu ɓə a həɠə la laa.

Korɛntə veelɛ 4:4

A diɛi tii di hvo laai nwɛlɛɛ lɛlɛɛ la, diɛi, ɲɛnɛ̨ɛ̨ ŋɛ̨i hu yálá aa di kili ɲɛ̨i wolo, ə gɛ, di hvo pa nəi Kristə ŋą mąąwiɛlaa mąą wɛlɛɛ lɛlɛɛ kaa, a Kristə yai gaa a Yálá mąąnįnįn.

Galatə 4:8

Tɔlɔɔ tɔlɔɔ, ká hvo ni kɛ Yálá kɔ́lɔn, ká kɛ a haliɠaa di wɔɔ luwɔ, a diɛi tii di hvo kpɛli a Yálái.

Ifisiɛŋ 2:1

Tɔlɔɔ, ka wɔɔ nɛ̨ŋɛ̨nŋaa da ká hɔnŋaa mąą mɛ̨nį ɓa, ka haai kɛ.

Ifisiɛŋ 2:12

'ká ká kiliŋąhiɛ, nąąlɔwai, Kristə hvo kɛ ká yəi, ká laa hvo kɛ mɛ̨nį ta hu Israɛlə lɔi hu, ká kɛ a nwɛ̨ąą mɛ̨nįɠaai Yálá ə naakwɛlanmo nwɔ nuą diɛ, ɉu; ká kilitɔɔi hvo kɛ káá, Yálá hvo kɛ ká yəi ɓɛ yɛnɛ̨ɛ̨.

Kolosə 1:21

Ɛlɛɛ, káái tɔlɔɔ kɛ a nwɛ̨ąą, káá kɔ́ pɛlɛ mą a ká wɔɔ túwɔ́ pələ ɲɔ̨nŋaa.

Tɛsalonikə dɔlɔɔ 4:5

hvo gbɔwɔ lɛɛ laa kiliŋąhiɛ ɲɔ̨nwɔ̨ɔ̨ yee hvo tɛɛ mą, yɛ bələi hali yíi hu nuą da gɛ la, diɛi di hvo Yálá kɔ́lɔn,

Hebreu 5:2

Ɉaláá laa həli mun gbinįi tii, vįikpɛɛi, a pɛli mą, nuąi di tɛɠii, nuąi da lan di mąą mɛ̨nį kpaɠala kaai,

Hebreu 9:7

Kɛlaa, bɛlɛ́ veelɛnąą mu nwɛi, ɉaláá laa həli mun gɛnɛ̨, a lɔ laa, taanɔ̨n gbən yaa tɔ̨nɔ̨, kwɛlan mą; ɛlɛɛ, a kɛi lɔ laa, a lɔ a huwɔ ɲąmą, ə gulɔ a haláá, gbɔwɔ mąą mɛ̨nį ɓa, da nɛ̨ŋɛ̨n nwɔ lɔi nuą hu di ɉəɠə, di mąą mɛ̨nį ɓa.

Zĩi 4:4

Ká kwəi hvo kwələ li! Ká hvo gbaɠala kɔlɔn, káá kɛ, yɛnɛ̨ɛ̨ wɛli la kɛɛ, kaa a kɔ́ pɛlɛɛ Yálá ɓa? Nui a yɛnɛ̨ɛ̨ wɛlila kɛ, gaa a Yálá ɲowo.

Piɛrə dɔlɔɔ 1:14

Ká gɛ yɛ woo mɛ̨n nɛapɛlɛɛ, ɲɛ̨i kulɔ bɔ laa tɔlɔɔi ká kɛ ɉu ká tɛɠii, 'ká hvo kɛa ká kɔɔn mą;

Zɔ̂ŋ Maa-ŋuŋ 2:11

Kɛlaa, nui nąn non nwɛli kpɛɛ mą, gaa kpini hu, yɛ hiɛ kpini mu, hvo nií pələ kɔlɔn; mąąhɔlɔɓo, kpini aa ɲɛ̨i pu.