Ifisiɛŋ 4:14 - Yálá laawoo hɛɓɛ (dc)

¹⁴ A kɛ ti, gu hva kɛa kɛ yɛ lon ɲii gɛi homa, yɛ nui nuą di wɔ gbana lawoo a mowo, yɛ dɔɔ takpa-takpa, yɛ ɉəɠə tɛ̨ą pələ mɛ̨i.

Yálá laawoo hɛɓɛ

¹⁴ A kɛ ti, gu hva kɛa kɛ yɛ lon ɲii gɛi homa, yɛ nui nuą di wɔ gbana lawoo a mowo, yɛ dɔɔ takpa-takpa, yɛ ɉəɠə tɛ̨ą pələ mɛ̨i.

Bible

¹⁴ Gɛ̀ ní kúfe ŋɔ́nɔ pâi kɛ̂i yɛ̂ɛ nîa-pɛlɛɛ. Sɛŋ-lɛɛ nina kélee maa-fãai fe pâi kulâi ƃɛ-pere kpaa manaa-pere, kpaa máŋ e kútinâŋ-tinaŋ. Zɛŋ-lɛɛ ninai ŋí a kûla nûa díwôya-pere su, dítare-kiri, da dínuu-pɛlɛ lɛɛ-ŋai.

Ifisiɛŋ 4:14 Iomraidhean Croise

Mąątɛ̨nɛ̨ 10:9

Aa pələ hɛlɛn dɛ, nooɔ kpɔ kɛnɛ̨, yɛ yala a kɛ nwolo hu; a bələ hɛlɛn dɛ kpɔ kpąąn, yɛ wolo mąąwɛlimun ma. A wolo mą, yɛ ɲala a nwɔ tumɔi.

Mąątɛ̨nɛ̨ 59:3

'Gúlɔ mɛ̨nį ɲɔ̨n gɛ nuą yəi, 'málo, nuąi di hva ɲɔw ɲąmą pui, di yəi.

Azaya 28:9

Diɛ gɛ tii, di woo laa diɛ: «Gbɛɛ ɓə yɛ́ ə́ mɛ̨nį lɛ mą? Mɛ̨nįi ə́ kaa gaai, yɛ́ ə di hukulɔ gbɛɛ ɓa? Yɛ́ ə́ mo lɛapɛɛlɛɛi daa di laa kulɔ ɲįnį ɓa a nįnɛ̨ diɛ?

Mise 7:2

Kulɔ nwooɓamun aa kpɛɛ nɔi hu, tələnmomun və kɛa nuą lɔwai; di kəlee daa hɛlɛn dɛ ɲąmą pu mɛ̨nį ɓa, nu kəlee yɛ ɓaalə tɛ gaayɔwɔ tɔwɔ.

Maafîu 11:7

Yii kɛa Ɉaan nwɔ kalan nɛai di kɛi li, Jesus ə kɛi Ɉaan mąą mɛ̨nį hukulɔ nu kpului tii ɓa, yɛ kɛ diɛ: «Líi ka mo nɔi pun ɉu, lə ɓə ka gaa? Hveen gbaɠa yii hvaŋą a dumo ya ɓə mɔ̨ɔ̨?

Maafîu 24:11

Lɛɛ kɛla tamąą kaa pai di muhəɠəi diɛ nu tamąą ɓowo.

Maafîu 24:24

Mąąhɔlɔɓo, lɛɛ kɛla tamąą kaa pai pai, da lɛɛ nuą tamąą diɛ kɛ diɛ: Nwun mąąɓomun mąą a ɲą́ą́. Ɛlɛɛ diɛ kpalo mɛ̨nį tamąą kɛ, da kwəi pili mąą mɛ̨nįɠaa, ə gɛ, di nuą ɓowo, a kɛ kɛ di yee a pɛli, dəli kɛ Yálá nwɔ nu mąąhəɠɛɛɠaai diɛ kpɛli di ɓowo.

Gɛlaɠaa 23:21

Kɛlaa, da mo yɛ́, hvo laa di la, mąąhɔlɔɓo, di tɛɛi nu pɔw nąąn ɉu, daa di kwɛla diɛ di hva hɛn da mįi, di hva hɛn da kpələ, yii kpɔ di hvo ni Polə paa li. Daa di kpɔwɔ pɛli, ə́ hvaa mɛ̨nį di woo ɓa lɔ ɓə di kaa mąąkpɔn ɉii.»

Korɛntə dɔlɔɔ 12:2

'Ká kili kaa ɉu, káá, ká kɛɛ hali yíi hu, ká kɛli lɔ li ká nwun ɉu kun ma, ɉaliɠaa tii di hva hvaa, di pɔ pələ.

Korɛntə dɔlɔɔ 14:20

Ną́n nonnii, yii hvilɛn na mɛ̨nį hutɔɔ ɓa, 'ká kɛ yɛ lɛapɛlɛɛ, yii ɓaa mɛ̨nį ɲɔ̨n nwɛi, 'ká kɛ ɉu, a lɛapɛlɛɛ, kɛlaa, mɛ̨nį hutɔɔ mɛ̨nį hu, 'ká kɛ a nu mąąpɔlɔɔɠaa.

Korɛntə dɔlɔɔ 3:19

Hvo gaai, ɲɛ̨nɛ̨ɛ̨ hu kilikɛɲəi laa, gaa a ɓowo Yálá ɲɛ̨i ɓa. Yɛ bələi bɛ̨ɛ̨ la, diɛ mą: «A kilikɛɲəi nuą hon di kpɔ-kpɔɔ gbąnąlaaɠaa hu.»

Korɛntə veelɛ 2:17

Ku hvo yɛ nuąi da kɛ Yálá lawoo kɛi a hɛn gwɛli hɛn. Kɛlaa yaamun, kwa gɛ a kwəi kwələlaa, Yálá ɓə ku tɔɔ la, kwa gɛ Yálá ɲɛ̨i ɓa, kwa kɛ pələ ɓoi Kristə laa hu.

Korɛntə veelɛ 4:2

Nwumɛ̨ mɛ̨nįɠaai noɔ, kwaa lənə yiliɠaa diɛ, ku hva túwɔ́ a nuą ɓowo pələ, ɛlɛɛ, ku hvo nwɔ̨nɔ̨ Yálá laawoo mąąhvalin, kɛlaa yaamun, nwumɛ̨ mɛ̨nį, kwaa yiliɠaai lɛɛ laa, ku hvo gbąnąlaa túwɔ́ ɓoi, ku hvo Yálá lawoo ɲɛ̨ilaai mąą hvalin Ɉii. Kɛlaa yaamun, tɛ̨ą yii gaa ɉu, ya ɓə kwa nɛ a ɉuponoɔ, ə gɛ, nu kəlee di kilitɔɔ mąą laa hɔlɔɓo Yálá ɲɛ̨i ɓa.

Galatə 3:1

Ee kə! Galatə nuą, ɓowo kpɔlɔɔ ɓe tii ká moi! Gbɛɛ ɓə ŋɛ̨i wulu kɛ káái? Ka ɲɛ̨i ɓa, di Jesus Kristə haa mɛ̨nį kolɔwa ɓa ɓo káá a ɉuponoɔ.

Ifisiɛŋ 6:11

'Ká Yálá ŋą kuláá hɛnŋaa kɛ káá, káá pɛli tɔɔi la nąnį ŋą ɲąąhɛn mɛ̨nįɠaa kəlee tɔwɔ

Timote dɔlɔɔ 3:6

Hvo kɛ a nui aa lɔ kalan ɉu a nįnɛ̨, əgɛ, ɲɛ̨ihvalai di naa nąnį tɔwɔ, kpɔwɔ ɲąąkɛnɛ̨ laa hvo ɲɛ̨i wolo, hvo too ɉu.

Timote veelɛ 1:15

Timote, yɛ́ kpinįi ə́ kili kaa ɉu, nuąi kpɔ Asi lɔi hu, daa di kili kulɔ ɉú, ə mą kɛ, Figɛlə da Hɛrmozɛnə.

Timote veelɛ 3:13

Nu nwun ɉu lan nuą da laa nɛ̨ɛ̨ mąą nuą, da kɛnɛ̨ mɛ̨nį ɲɔ̨n ɉu, diɛ nu takpɛliɠaa ɓowo, diɛ nwɔ̨nɔ̨ di kpɔwɔ ɓowo.

Timote veelɛ 4:3

Mąąhɔlɔɓo, yələ ta kaa pai ɉəli, nuą wəli kaa pai walawalai, di hva kɛa di wəli tɔɔ tɛ̨ą woo hu həɠəənŋąą ɓa. Kɛlaa, di kaa pai hvilɛn ɉii di kpɔwɔ liiɓa mɛ̨nįɠaa pulu, di wəlii yɛ di təɠən, diɛ di liiɓa mąąkwɛli kɛ nuą tamąą həɠə di bu di kwɛlɛ.

Hebreu 13:9

'Ká hvo ka kpɔwɔ lɛɛ laa, kalan bələ takpɛli hu wooɠaa di hvo ká həɠə tɛ̨ą pələ mɛ̨i. Mąąhɔlɔɓo, viɛlaɓoɔi, nu lii ə pilɛ a Yálá yəi mɛ̨inɛ̨ɛ̨, ə tɛɛ la, koolon gɔ̨nɔ̨n ma, yai, ŋą tɔn ɉon nuą di hvo ta dɔlɔ kaa lii.

Zĩi 1:6

Kɛlaa, mąą nu ə vɛli a laa na laa, ɲinɛ̨n-ɲinɛ̨n və kɛ ɉu; mąąhɔlɔɓo, nui a ɲinɛ̨n-ɲinɛ̨n gɛ pələ kaa yɛ, laakpala yii hvaŋą a ɲɛ̨i pənə ɓɛ pələi lɔpee gaa bɔ.

Zĩi 3:4

'Ká yá-ɲą-kələnŋaa kaa tai, bələi mąn tii di kpɛa-kpɛaa la, ɛlɛɛ, bələi mąn dúlɔ́-hvaŋąɠaa tii da hee la di hu, di kpɛa-kpɛaa la, ɲɛ̨i tənən dɔɔ hɛn gaa lɔ a nogolo tiikpə, da pɛli di lii a diɛ, ɓɛi ɉiɛ nuą da kɛ bɔ.

Piɛrə veelɛ 2:18

Da kpɔɔ ɲąą kɛnɛ̨ wooɠaa ɓo da kili kpɛɛ yəi woo. Nuąi daa gɛ pələ kwɛli mą daa kulɔ mɛ̨nį ɲɔ̨n gɛ nuą yee mu, nɛɛ kalan gɛ nuą ti, da gɛ pələ kwɛli mą, di pənə nwɔ̨nɔ̨ diɛ di hon bələ kwɛli a mɛ̨nį ɲɔ̨n giliŋąhiɛi gaa diɛ.

Zɔ̂ŋ Maa-ŋuŋ 2:19

Gu pɔɔli ɓə di kulɔ laa, kɛlaa di hvo kɛli a gu ta. Də li kɛ a gu tai, də li lɛɛ gu pɔ. Kɛlaa, hvo kɛli kɛ di kəlee di too tii pono ɲą, di nɛ kpɔ tii, diɛ di hvo a gu ta.

Zɔ̂ŋ Maa-ŋuŋ 2:26

Yili ŋą hɛɓɛ́ ɓə ŋą́ kɛ bɔ, ŋą́ dɛɛ káá, yɛ hvilɛn na nuą di kaa bɔ di ká lan, di mąą mɛ̨nį ɓa.

Zɔ̂ŋ Maa-ŋuŋ 4:1

Nwɛ́likɛmąą nuą, 'ká hvo laa mąąkwɛli kɛ nuą kəlee woo la, kɛlaa, 'ká di mąąkpɛɛ, ə gɛ, ká gaa, akɛ ə həɠə Yálá pɔ; mąąhɔlɔɓo, lɛɛ nuą tamąą daa di kpɔwɔ kɛ a Yálá kwəi mɛ̨nį hukulɔ nuą daa taɠa-taɠa yɛnɛ̨ɛ̨ nąą kəlee.

Zûu 1:12

Nuą tii da kɛi di yee lɔ ka yee pɔ Ną́mu nwɔ kɔ́wɔi hu, da mąąliɓi. Da kɛ ka pɔ ɉɛli hu, nwumɛ̨ hva kɛ diɛ, di kpɔwɔ mɛ̨nį lɔ ɓə da mo. Di kaa yɛ tulɔ kpinįn hvaɉa a ɉəɠə, tulɔ hva lɛɛ bulu; yɛ wului hva ɓá, ə mą kɛ mái lɔwai aa ɉəli. Di kaa yɛ wului gulaai gbala ɉaa kpɔ tɛ̨ɛ̨ tɛ̨ɛ̨?.

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.