Ifisiɛŋ 4:1 - Yálá laawoo hɛɓɛ (dc)

¹ Gáá kani ká mąąnɛ̨ɛ̨i, gu Nąmu nwɛi hu, ɲą́ą́ ŋɛ̨i gaho ŋą, gɛ́, ká ká wɔɔ yɛnɛ̨ɛ̨ kɛ, a dəliɓo wooi too ká wəlii, mąą hon bələ;

Yálá laawoo hɛɓɛ

¹ Gáá kani ká mąąnɛ̨ɛ̨i, gu Nąmu nwɛi hu, ɲą́ą́ ŋɛ̨i gaho ŋą, gɛ́, ká ká wɔɔ yɛnɛ̨ɛ̨ kɛ, a dəliɓo wooi too ká wəlii, mąą hon bələ;

Bible

¹ Mɛni ma ńyãai ŋ́gaa a pelesinɛ Kúnuu-namui mɛni mai, ŋá m̀ó káa a gbanaŋɔɔ a gɛ́ɛ kátûa-perei é kɛ́ a maa nɛ̃ɛ dòlii mɛni ma Ɣâla è gɛ̀ a káai,

Ifisiɛŋ 4:1 Iomraidhean Croise

Zɛnɛse 17:1

Ɓɛlɔwai Abramə kaa kwɛlan ə kɛ a kwɛlan bow mɛ̨inaa-kɔw mɛ̨inąąn, Yai-Laa ə gbɔwɔ lɛ mą, yɛ mą: «Ɲą́ą́ ɓə gaa a Huwalawala Kəlee Nąmu Yálá, mąąnɛɛ ə́ hiɛ ɲɛ̨́i ɓa a ɉaŋąą, hɔn və kɛ yɛ́.

Zɛnɛse 5:24

Henɔkə da Yálá di nɛ̨ɛ̨yɔwɔ laa kɛ, yili pulu, nu ta hvo kɛa gaa. Mąąhɔlɔɓo, Yálá ə ɉəɠə ə nɛɠɛ mą.

Ɉeremi 38:20

Ɉeremi yɛ mą: «Di hva ə́ tɛɛ di pɔ, Yai-Laa woo mɛ̨n; ya ka ŋɛ̨i, gáá moi yɛ́, yá mɛ̨n, ɉu a nɛ̨ɛ̨ yɛ́, ə́ wɔ yɛnɛ̨ɛ̨ a lɛɛ ə́ yəi.

Gɛlaɠaa 9:31

Nąąlɔwai, ə gɔwɔ tɔɔ Ɉude lɔi hu, Galile lɔi da Samari lɔi hu, gbɔn ə kɛ liilaa hu nąą kəlee, ɉu yɛ walawala, diɛ lɛɛ gu Ną́mu Jesus woo mu, diɛ tɛ tɔwɔ Kili-Mąąhəɠɛɛ háálai.

Lomaŋ 11:29

Mąąhɔlɔɓo, Yálá nwɔ mɛ̨inɛ̨ɛ̨, nwɔ təliɓo hva ɉəɠə mą.

Lomaŋ 12:1

Ną́n nonnii, gáá ká hvaŋąlɔi Yálá nwɔ ɲɛ̨imąąwɛli kaa laa hu, gɛ́; 'Ká ká kpɔwɔ kulɔ a haláá vulú mąą, mąąhəɠɛɛ, nwɛli ə ɓo Yálá ɓa. Yili ɓə gaa a kwɛli hvilɛn ŋąąi viɛlaɓoɔ.

Korɛntə dɔlɔɔ 4:16

Niɛwooi gáá gɛi káá, ya ɓaa, 'Ká bɔ́ɔ́ kɔɔn.

Korɛntə veelɛ 10:1

Ɲą́ą́ Polə, ɲą́ą́ gbínįlee ɓə ká mąąnɛ̨ɛ̨i Kristə ŋą liinɛ̨ɛ̨ gwəilaa da ŋą wɛlikɛmąąlaa hu, ɲą́ą́ ŋɛ̨i ŋą́ kɛ ká ɲɛ̨i ɓa, gɛ́ gbɔ́wɔ́ koloon ká lɔwai, kɛlaa, ŋą́ kɛ kwɛaa la, níikpəlɛɛ káá,

Korɛntə veelɛ 5:20

Yili ɓa, Kristə laa hu ɓə, ku kaa la ɓɛ lɔi mɛ̨i, a ɲɛ̨i kɔw, ɛlɛɛ, ku pɔ pələ ɓə Yálá a ká təli la. Kristə laa hu, ku kaa nɛ̨ɛ̨mąą hvəə káá, kuɔ, 'ká ká kpɔwɔ lɛɛ laa, di ká lɔwai ponnaa kulɔ, ká Yálá ni ká yee ə lɔ gee hu.

Korɛntə veelɛ 6:1

Yii kani, ku kaa Yálá ŋą kóló ɓa, ku kaa ká liɛwoo kɛi, kuɔ; Yálá ŋą mɛ̨inɛ̨ɛ̨ ŋɛ̨i ka ɉɔlɔɓo, ka hvo hee ɉu kpɛli-kpɛli.

Galatə 4:12

Ną́n nonnii, gáá ɉuhvɛlii káá, a nɛ̨ɛ̨mąą woo, gɛ́ ká kɛ yɛ ɲą́ą́, hvo gaai, ŋą́ą́ gbɔ́wɔ́ kɛ yɛ káá. Ká hvo mɛ̨nį ɲɔ̨n lɔpee ta laa li mą́ą́.

Ifisiɛŋ 2:10

Gbala ə tɔɔ, Ya ɓə gu pɛli, ə gu pɛli Jesus Kristə hu, kóló lɛlɛɛɠaa kɛ mɛ̨nį ɓa, a gólóɠaa tii Yálá ə di hee gu tɔwɔ, guɔ pɛli gɛ mɛ̨nį laai gu nwuɔ̨.

Ifisiɛŋ 3:1

Yili mąą mɛ̨nį ɓə, ɲą́ą́ Polə, a Jesus Kristə ŋą gaho nąmu, káái a huwu takpɛliɠaa, ká mąą mɛ̨nį ɓa.

Ifisiɛŋ 4:17

Yii kani gáá moi káá, gɛ́ wiɛ mą gu Nąmu laa hu, ya ka: 'Ká hvo kɛa yɛnɛ̨ɛ̨ kɛ, yɛ bələi nuąi di hvo Yálá kɔ́lɔn da yɛnɛ̨ɛ̨ kɛ la, a diɛi di wɔɔ kiliŋąhiɛ a di lɔ kpɛli-kpɛli mɛ̨nį hu.

Ifisiɛŋ 4:4

Kɔlɔ kaa tanɔ̨n, Kili ə ɓo tanɔ̨n, bələi lɔ, 'ka təliɛ la hɛn dɔ̨nɔ̨ ɓa, ká ɲɛ̨i ə ɓo kilitɔɔlaa tanɔ̨n dɔwɔ;

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Filipə 1:27

Yii lɔ mą, ya ɓaa: 'ká wɔ yɛnɛ̨ɛ̨ kɛ pələ ə pɛli Kristə nwɔ wɛlɛɛ lɛlɛɛi pɔ yííɓoi. Yili ɓə a gɛ, ŋą́ pa ka pɔɔli-o, və́ pa ka pɔɔli-o, ŋą́ pɛli woo lɛlɛɛ mɛ̨n ɉii, yɛ hvilɛn na káá, diɛ kɛ: Ká kwəi kaa tanɔ̨n, káá gɔ tɔ̨nɔ̨i kɔ, a ká laa pələ nwɛlɛɛ lɛlɛɛ la;

Filipə 3:14

Yili ɓa, gáá gilɛ həɠəi, ə gɛ, gu təli ŋɛ̨i Yálá aa mo yələi Jesus Kristə laa hu, ŋį́ dɔ̨nɔ̨ hɔlɔɓo.

Kolosə 1:10

Yili ɓə a gɛ, káá pɛli yɛnɛ̨ɛ̨ kɛi a gu Ną́mu liiɓa, yii gaa bɔ, kaa gwɛli, a kɛ tii, ka kɛ mɛ̨nįɠaa ɲɛ̨i tínɛ̨nŋąą mɛ̨nį lɛlɛɛ pɔ pələ, dɔlɔ ə ɓo mą mɛ̨nį kəlee hu, káá tɛ la tɔwɔ Yálá kɔlɔn mɛ̨nį leelee hu.

Kolosə 2:6

Yili ɓa, ká lɛɛ kani ká ɲɛ̨i tɔwɔ ká wɔɔ pələi mɛ̨i Kristə hu, a Jesus a gu Nąmu, yai ká ɉɔlɔɓo;

Kolosə 4:12

Epafrasə yɛ ka tuwɔ ɓo, yai a ká ta. Jesus Kristə ŋą tímun yili nwɛi, vįi hva kpɛɛ Yálá hvɛlii ká mąą mɛ̨nį ɓa, a Yálá hvɛli, yɛ ka tɔɔ kpąą, ká kɛnɛ̨ Kristə kɔ́lɔnŋąą hu, ɛlɛɛ, ká kɛ a Yálá liiɓa kɛ pələ kɔ́lɔnŋąą.

Tɛsalonikə dɔlɔɔ 2:12

Ku ká hvaŋąlɔ, ku ká liikpələ, ku ká liɛwoo ɓo, kuɔ: 'ká túwɔ́ pələ ə Yállá lii hon, yai ka təli, ŋą tɔɔlaai ɓa da ŋą mąąwiɛlaa.

Tɛsalonikə veelɛ 1:11

Mɛ̨nįi kwa kɛ Yálá hvɛlii la káá a yələ kəlee, yaa li, ə gɛ, kuɔ Yálá ə ká kaa a nuąi di mąą mɛ̨nį pɛliɛ, dəli ɓoi ə naa həli káá, ɉu; ɛlɛɛ, ŋą huwalawalalaa háálai, ká yee ə pɛli niiɓa mɛ̨nį lɛlɛɛɠaa kɛi, ɛlɛɛ, ká wɔɔ laa na laa bɔ túwɔ́ ə kɛ mą

Timote veelɛ 1:9

Yai gu nwun mąąɓo, ə gu təli, a təli ɓo mąąhəɠɛɛ; yili hvo kulɔ, gu wɔɔ túwɔ́ pələ lɛlɛ laa hvan ɉu, kɛlaa ə kulɔ, yaa kpinį lee ŋą mɛ̨nį pɛliɛ, da ŋą nɛ̨ɛ̨laa hu. Nɛ̨ɛ̨laa tii, ə gbɛa gɛ guɔ Jesus Kristə hu, gɛɛ hvo yɛnɛ̨ɛ̨ pɛli,

Taitɔ 2:10

di hvo nwuɔ̨ kɛ diɛ. Di gɛ pələ kwɛli mą, diɛ kulɔ di woo ɓa da diɛni di lɔwai, bələ ɓə da pɛli di ɓáálɔ la gu ɓalo Yálá mąą mɛ̨nį ɓa.

Hebreu 13:21

Yálái tii ə gɛ, káá pɛli niiɓa mɛ̨nį lɛlɛɛ lɔpee gəlee kɛi, yii a laa a nii, ə gɛ ká hu, Jesus Kristə háálai, yai, mąąwiɛlaa kaa mą a yələ kəlee kpɛɛ hvo mą. Mįiną!

Hebreu 3:1

Yili ɓa tii kani, Kristalɛa mąąhəɠɛɛɠaa, káái Yálá aa ká təli, 'ká ká ɲɛ̨i hee Jesus ɓa, yai a ká wɔɔ laa na laa nwun, a kɛla, da ɉaláá laa həli mun gɛnɛ̨i;

Piɛrə dɔlɔɔ 2:11

Nwɛ́likɛmąą nuą, gáá ká hvaŋąlɔ, káái yɛ tɛɛ nuą da nwɛ̨ąą, 'ka hvo ká ɲɛ̨i kulɔ yɛnɛ̨ɛ̨ hɛn da pɔ, yai a kɔ́ pɛlɛ nu nįį ɓa.

Piɛrə dɔlɔɔ 3:9

'Ká hvo mɛ̨nį ɲɔ̨n gwələ kulɔ a mɛ̨nį ɲɔ̨n, 'ká hvo lalan gwələ kulɔ a lalan; kɛlaa yaamun, 'ká kɛ a lúwɔ́ too nuą, mąąhɔlɔɓo, yili ɓə di ká təli gɛ mɛ̨nį ɓa, ya ɓə a gɛ, ká lúwɔ́ hɔlɔɓo a ká kwɛlin.

Piɛrə dɔlɔɔ 5:10

Mɛ̨inɛ̨ɛ̨ kəlee Nąmu Yálá, yai ká təli Kristə hu a ŋą mąąwiɛlaai hva kpɛɛ mą, yaa ɓə pai ká heei kulɔi, ká kpɛɛ a mɔ̨nɔ̨ tawolo mįɛ, a ká huwalawala, ə ká hvaŋą kɛnɛ̨, ə ká tɔɔ gbilin, túmo hva kɛ káá.

Piɛrə veelɛ 1:3

Yiiɠaa kpɔ bɛliɛ guɔ yɛnɛ̨ɛ̨ kɛ hɛn ma, Ną́mu nwɔ huwalawala aa gəlee tɛɛ ka pɔ, guɔ kanąn Yálá ɓa laa hu, yaai gu təli, ə gɛ, gu guɔ naa hɔlɔɓo nwɔ mąąwiɛ, da nwɔ mɛ̨inɛ̨ɛ̨ hu.

Zɔ̂ŋ Veerɛi 1:5

Yiihu kɛa, Bɛlɛ́-lee-nɛ̨ą, və́ tíɓo nįnɛ̨ mąą mɛ̨nį pɛ̨ɛ̨i, gɛ́ dɛɛ yɛ́, kɛlaa yii gaa kɛ gu yəi a gɔwɔ tɔɔ yələ, yaa lɔ ɓə, gáá ɉu vɛlii yɛ́, 'ká gu gu keeni wɛlila kɛ,