Ifisiɛŋ 3:10 - Yálá laawoo hɛɓɛ (dc)

¹⁰ Bələ ɓə, ə həɠəla yiihu ɓa, ɲąąwooɓo laa da huwalawala laai yələkɔlɔn ɉu pələ, Yálá ŋą kpɔn háálai ɓə, da Yálá ŋą kilikɛɲəi tamąąi tii gbaɠa la gɔlɔn naa.

Yálá laawoo hɛɓɛ

¹⁰ Bələ ɓə, ə həɠəla yiihu ɓa, ɲąąwooɓo laa da huwalawala laai yələkɔlɔn ɉu pələ, Yálá ŋą kpɔn háálai ɓə, da Yálá ŋą kilikɛɲəi tamąąi tii gbaɠa la gɔlɔn naa.

Bible

¹⁰ a gɛ́ɛ Ɣâla e nâa ŋɔtáre-sii támaai lɛ́ nuu-mɛi-ƃelai dîa da ŋwála-wala-ƃelai díkaa Ɣâla-taai Kôrai-toli-kpɔŋ sârai.

Ifisiɛŋ 3:10 Iomraidhean Croise

Mąątɛ̨nɛ̨ 103:20

Kaai a nwɔ malakaɠaa, 'Ka Yai-Laa laa mąąwiɛ, kaai a nwɔ kuláá kpɛa kpɛaɠaai, 'ka nwoo pɔ mɛ̨nį kɛ, 'ka nwoo mɛ̨n nɔ, 'ka nɛɛ mą ka bɔ mɛ̨nį kɛ.

Mąątɛ̨nɛ̨ 104:24

Yái-Laa! Ə́ kɛ kóloɠaa tamąą ɓə tai! Ə́ gəlee kɛ a kiliŋąlaa kɛnɛ̨, lɔi laahvɛɛi a ə́ wɔ pɛli hɛnŋąąi.

Izikiɛ 3:12

Nąąlɔwai Yálá nwɔ Kilii ə gbə́ŋə; ɛlɛɛ ŋą́ tomą wóó kɛnɛ̨ ta mɛ̨n búlu pələ, woo kɛnɛ̨ ta yɛ mą́ą́: «Mąąwiɛ ə kɛ Yai-Laa kɛnɛ̨ pələ ɓa ɓɛi gaa laa!»

Lomaŋ 11:33

Ee Yálá nwɔ yəi kɛnɛ̨laa kpon ɉu kwɛaa ɓə-e! Nwɔ kili da nwɔ mɛ̨nį kɔ́lɔn ŋąą hu kɛnɛ̨ɛ̨ ɓə! Nu kili hva pɛli nwɔ mɛ̨nį hutɔɔ pələ kpaɠala kaai! Nwɔ pələi hukpinįɛi!

Lomaŋ 8:38

A tɛ̨ą, náái na gɛ́, haa ɓə, yɛnɛ̨ɛ̨ kɛɛ ɓə, malakaɠaa ɓə, heemɛ̨ilaa ɓə, háákələi ɓə, tinąą ɓə, huwalawalaɠaa ɓə,

Korɛntə dɔlɔɔ 1:24

Kɛlaa, diɛi Yálá aa di təli, yɛ ə kɛ a Ɉuifə, yɛ ə kɛ a huwu takpɛli, Kristə kaa di yəi a Yálá nwɔ huwalawalalaa da Yálá ŋą kilikɛɲəi laa.

Korɛntə dɔlɔɔ 2:7

Yálá ŋą kilikɛɲəi laa ɓə ku kaa naa həlii, gaa a kwɛlɛɛn mɛ̨nį, noɔ, yai Yálá ə wɔlɔ bɛli, yɛnɛ̨ɛ̨ kɔ́wɔ hvo ni kɛ tɔɔ li, a guɔi ə gu həɠə ɉu, a gu mąąɲįnɛ̨n.

Ifisiɛŋ 1:21

Ɲąąwooɓo laa, Huwalawalalaa, Hvaŋą laa, Hééɓolaa, ɛlɛɛ, da laa huwui lɔpee, ɉeɛi kpɔ gəlee mɛ̨i; hvo lɔ a ɲɛnɛ̨ɛ̨ ŋɛ̨i hu mɛ̨nį, kɛlaa, ə mą kɛ, ɲɛnɛ̨ɛ̨ yii pai, ɉu.

Ifisiɛŋ 1:23

gbɔn tii ɓə a Kristə kpinį lee, a yai, Yálá kpinįi ə mąą mɛ̨nį laa kulɔi, ə bɛli ɉu, mɛ̨nį ta lɔpee hvo lɛɛ pulu.

Ifisiɛŋ 1:3

Lúwɔ́ ə kɛ gu Ną́mu Jesus Kristə Nąn Yálá ɓa, yai aa yələkɔlɔn ɉu lúwɔ́ɠaa kəlee too guɔ Kristə hu.

Ifisiɛŋ 1:8

Yálá ə gu pilɛ a ɲəi mɛ̨inɛ̨ɛ̨, a mɛ̨nį kɔlɔn gili, da kilikɛɲəi laa.

Ifisiɛŋ 6:12

Nu kan hvə gu kaa kɔ pɛlɛi mą, kɛlaa, ɲɛnɛ̨ɛ̨ hu kpiniɛ ŋɛ̨i ɲąąwooɓo kili, ɉu hvaŋą, ɉu heeɓolaai tɔɔlaa kɛi, mɛ̨nį ɲɔ̨n gɛ kiliɠaai di kaa yələ kwəi, diɛ ɓə.

Kolosə 1:16

Mąąhɔlɔɓo, yaa ɉu ɓə Yálá ə hɛn gəlee pɛli laa, yələ pələ mąn, da lɔi ɓa pələ mąn; hɛnŋaai kpɔ káá kaa mą, da yiiɠaai kpɔ káá hvo mą; tɔɔkpəlin da hééɓolaa, ŋąąwooɓolaa da hvaŋą laa. Ya ɓə gəlee pɛli, ɛlɛɛ, nwɔɔ ɓaa a gəlee.

Kolosə 2:10

Ɛlɛɛ, nui ŋɛ̨i a, hééɓolaa kəlee da huwalawalalaa kəlee, nąmu, ɉu ɓə kɛa, ká mąą mɛ̨nį kəlee ɲąą a pɛli laa.

Kolosə 2:15

Ə ɲąąwooɓolaa da hvaŋąlaa di mąąkpoloon, ə di too nu kəlee ɲɛ̨i ɓa. Ə di pu gɔwɔ mu, a ŋą kolɔwa hvaŋą.

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Piɛrə dɔlɔɔ 1:12

Di nɛ diɛ, diɛ mą, di wɔɔ hvəli kɛ, kɛlaa ká mąą mɛ̨nį ɓə, di kɛli nwɛlɛɛ tii laa həli la, a yai yiihu kɛa, nwɛlɛɛ lɛlɛɛ laa həli nuą da kɛ ká mąąkwɛlii mą, Kili-Mąąhəɠɛɛ yee kɔnma, yai di dɔɔ yɛ həɠə yələi nwɛlɛɛ lɛlɛɛ tii ɓə, malakaɠaa kaa kɛ bɔ, di di ɲɛ̨i tɔɔ ɉu.

Piɛrə dɔlɔɔ 3:22

yai tɛi ə mo yələkɔlɔn ɉu, ə hee Yálá ɓa-mįi-yee hu pələ, a yai, malakaɠaa, hééɓolaa kəlee da hvaŋą laa kəlee kaa ɲee mu.