Ifisiɛŋ 2:3 - Yálá laawoo hɛɓɛ (dc)

³ Gu kəlee gu kɛ a di ta, gu kəlee gu kɛi gu kpɔwɔ tɛɛ gu kɔlɔ liiɓa mɛ̨nįɠaa pɔ, guɔ niiɓa mɛ̨nįɠaa kɛ, gu hvilɛnŋąą kɔlɔ liiɓa mɛ̨ni pulu; ɛlɛɛ, gu kaa pələ hu, gu kɛ a nuąi Yálá ŋą liiholui hvilɛnŋąą di pulu, lɔ yɛ nu takpɛliɠaa.

Yálá laawoo hɛɓɛ

³ Gu kəlee gu kɛ a di ta, gu kəlee gu kɛi gu kpɔwɔ tɛɛ gu kɔlɔ liiɓa mɛ̨nįɠaa pɔ, guɔ niiɓa mɛ̨nįɠaa kɛ, gu hvilɛnŋąą kɔlɔ liiɓa mɛ̨ni pulu; ɛlɛɛ, gu kaa pələ hu, gu kɛ a nuąi Yálá ŋą liiholui hvilɛnŋąą di pulu, lɔ yɛ nu takpɛliɠaa.

Bible

³ Ku kɛ̀ nyíi-ŋai ŋí sama a maa-ŋuŋ, diai díkɛ ɣeniɛi kɛ̀ a díkpîŋ-tua-pere-nyɔŋ maa-sɛŋ-wɛliɛi. Ku pîlaŋ kúkili-ŋa-siai da kúkponôi dísɛŋ wɛliɛi pôlu. Mɛni ma kúkpîŋ tua-perei su Ɣâla ŋɔtɔŋ-kpɛ́-maai è kɛ̀ kúmɛni ma nɔ́ yɛ̂ɛ núu kpeli-ŋai.

Ifisiɛŋ 2:3 Iomraidhean Croise

Zɛnɛse 5:3

Adamə kaa kwɛlan ə kɛ a kwɛlan nwun dɔ̨nɔ̨ kwɛlan bow haaɓa, ə lon ɉulɔnu hɔlɔɓo, yai kɛ da yaa di kulaa a di kee. Ə naa hee a Sɛtə.

Zɛnɛse 6:5

Yai-Laa ə gaa yɛ diɛ: Nu lonnii kwəi kiliŋąhiɛ kaa lɔ kɛa mɛ̨nį ɲɔ̨n ma a hvóló kəlee.

Zɛnɛse 8:21

Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.

Zôo 14:4

Gbɛɛ kpɔ ɓə laa yɛ pɛli mɛ̨nį ɲɔ̨nwɔ̨ɔ̨, da nɛlɛɛ gulɔ ɉu kɛi yɛ bələi ə́ kaa la? Mąą nu hvo mą!

Zôo 25:4

Nu a pɛli mɔ̨ɔ̨ gbɔwɔ kɛi a tələnmomun Yálá lííla? Nɛ̨ɛ̨nu kwəi lon a pɛli kɛi a nu haŋąą?

Mąątɛ̨nɛ̨ 51:5

A tɛ̨ą, ŋą́ą́ ɉɔ́n gɔlɔn, nwɔ́ nɛ̨ŋɛ̨n kaa lɔ ɲɛ̨́i mu a yələ kəlee.

Azaya 53:6

Gu kəlee gwaa kɛ lan yɛ ɓɛlaaɠaa, nu kəlee ə kɛi li a niiɓa pələ, ya ka tii Yai-Laa ə gu kəlee gu wɔ túwɔ pələ ɲɔ̨n nwulu lɛɛ nwuɔ̨.

Markə 4:19

Kɛlaa, yɛnɛ̨ɛ̨liihɛlɛnŋąą, da hɛn gɔw nwɔ ɲɛ̨i kulɔ bɔ, ə mą kɛ, yɛnɛ̨ɛ̨ nwɔ ŋąąnɛɛɠaa da kpinįn a diɛ, ə di hvinatɔn, di hva pɛli ɓai.

Ɉaan 1:13

Yiliɠaai di hvo kɛ li a Yálá lonni, yɛ pələi nu nwɔ kiliŋąhiɛ kaa la, a wala kɛ tii, yɛ pələi nu a lon ɉɔlɔɓo la. Kɛlaa, Yálá ɓə yɛnɛ̨ɛ̨ kɛ pələ nįnɛ̨ tɛɛ di pɔ.

Ɉaan 8:44

Ka nąn ɓaa a nąnį, niiɓa ɓə ka káá bɔ kaa gɛ. Ə həɠə kpɔ yɛnɛ̨ɛ̨ kɔ́wɔ tɔɔ yələ ɓa, paa lɔ ɓə nwɛli kaa mą. Hvo ta tɔɔ li tɛ̨ą pələ mɛ̨i, mąąhɔlɔɓo, hvo tɛ̨ą kɔ́lɔn. A kɛi lɛɛ mɛ̨nį ɓo, a gulɔ gbɔwɔ kɛ pələ hu, mąąhɔlɔɓo, gaa a lɛɛmun, yɛ ɓo a lɛɛ nąn.

Gɛlaɠaa 14:16

Tɔwɔ-tɔwɔ yələ, Yálá ə nuą lɛɛ laa, diɛ ɉon a di liiɓa pələ.

Lomaŋ 1:24

Yili ɓə gɛ, Yálá ə di kwɛlɛ di wɔ ɓowo mɛ̨nįɠaa yee kɔn ma, diɛ nwumɛ̨ túwɔ ɓo di kee lɔwai.

Lomaŋ 11:30

Ká wɔlɔ kulɔ Yálá woo mu; yiihu kɛa, diɛ kpɛlimąn di wɔɔ kulɔ nwoo mu laa aa gɛ, Yálá aa ká ɲɛ̨imąąwɛli kaa.

Lomaŋ 13:14

Kɛlaa, ka gu, gu Ną́mu Jesus Kristə kɛ a gu kwąną həɠə, 'ká hvo ká kpɔwɔ lɛɛ kɔlɔ yeekɔnma, ɲɛ̨ikulɔ bɔ laa yɛ hee la ká mɛ̨i.

Lomaŋ 2:14

Nuąi Moisə ŋą tɔ́n hvə di ɲəi, da dɔ́n ti ɓɔ yíiɓo, diɛ kpinįilee di kaa a tɔ́n di kpɔwɔ ɓa.

Lomaŋ 5:10

Akɛ, ɓɛlɔwai gu kɛ la a Yálá ɲowoɠaa Yálá Lon ə haa ə gu lɔwai pɔnnaa kulɔ gwa Yálá ni, yiihui ŋɛ̨i kɛa, gwa Yálá ni gwaa nɛɛ, gu nwun mąą aa ɓo Non ɉaalai.

Lomaŋ 5:9

Ɛlɛɛ, yiihui ŋɛ̨i, aa gu mąąhəɠə la a ɲąmą, gu hvomun təɠa kɛ yii ŋɛ̨i kɛa, gaa pai gu nwun mąąɓoi la Yálá nwɔ lííholi yəi.

Lomaŋ 6:12

Mąą hvo nɛ̨ɛ̨li nɛ̨ŋɛ̨n və kɛa tɔɔlaa kɛ ka mɛ̨i pələi mɛ̨n ka káá pai haai la, ə gɛ, ka hvo pa hvilɛn kɔ́lɔ liiɓa pulu kaa gɛ.

Lomaŋ 7:18

Mąąhɔlɔɓo, ŋą́ gɔlɔn gwɔ́wɔ́ hu pələ, gɛ́ kɛ: Mɛ̨nį lɛlɛɛ kɛ kili hvo ɉú; mukulaa ɓaa: Yili hvo nwɔ́ nu kɔ́lɔ hu. Bələi mąn mɛ̨nį lɛlɛɛ kɛ kili kaa la ɲą́, gɛ huwalawala hvo ɲə́i.

Lomaŋ 9:22

Bələi mąn, Yálá ə kɛ la bɔ ə nwɔ lííholi lɛ, di nwɔ huwalawalaa kɔ́lɔn; ə yili lɛɛ laa, nuąi mąąnɛ̨ɛ̨ kɛ ə niiɲąnwąną di pɔ, diɛi kɛ di nwun na pili pələ mɛ̨i, ə nii kpələ, ə ɲee hee di mu,

Korɛntə dɔlɔɔ 4:7

Gbɛɛ ɓə ə́ hviɛlaɓo ə ə́ tɛɛ ə́ ɓɛlaa diɛ? Lə ɓə ə́ yəi, yai di hvo ə́ kɔ la? Ɛlɛɛ yaan, akɛ di ə́ kɔ lai, ə́ kpɔwɔ ɲąąkɛnɛ̨ mɛ̨nį nwun maa a lə, yɛ da wala ə́ kɔ la?

Korɛntə veelɛ 7:1

Nwɛ́likɛmąą nuą, yii kani Yálá kpinįi aa mɛ̨nį taaləi tii laakwɛlanmo guɔ, 'ká gu gu kpɔwɔ kpinįi mąąhəɠə, hɛn a nu kɔlɔ da nįį kɔhɔɓo gəlee yəi, 'ká gu gu kpɔwɔ mąąhəɠə mɛ̨nį, ɲee laa kulɔ kɛ Yálá ŋą ɲɔwmąąlaa hu.

Galatə 3:22

Kɛlaa, ɉɛɓɛ́ ə mo yɛ: Nu kəlee kaa nɛ̨ŋɛ̨n ŋą huwalawala yee mu, ə gɛ, nuąi da laa Jesus Kristə la, mɛ̨nįi Yálá ə naakwɛlanmo, di ɉɔlɔɓo.

Ifisiɛŋ 2:2

Ká kɛi ká wɔɔ yɛnɛ̨ɛ̨ kɛ nɛ̨ŋɛ̨n ɉu, a hvilɛn ká mo, ɲɛnɛ̨ɛ̨ ŋɛ̨i nwɔ yálá pulu, a yai ɉeɛ yələkɔlɔn da lɔi di lɔwai, a gilii tii yiihu a kɛ kulɔ nwoo mu nuą ɲąąhɛn ɉi.

Ifisiɛŋ 4:22

Hvo kɛli, ká ká yee kulɔ ká yíi pələ pɔlɔ-pɔlɔ hu, ɲíi pɔlɔ-pɔlɔ kɔlɔi tii kɛ káá, 'ká gulɔ káá, a yai ɉu a kala; a ɓowo ɲɛ̨i kulɔ bɔ, laa pɔɔ;

Kolosə 1:21

Ɛlɛɛ, káái tɔlɔɔ kɛ a nwɛ̨ąą, káá kɔ́ pɛlɛ mą a ká wɔɔ túwɔ́ pələ ɲɔ̨nŋaa.

Tɛsalonikə dɔlɔɔ 4:13

Ku hvo bɔ, ną́n nonnii, ká hvo lɛɛ kwəi pili mąą hu, yii hvilɛn na haa nuą diɛ, əgɛ, ká hvo pa kɛ liikələn gwəi hu, yɛ nuą yiiɠaa ti, kilitɔɔ mąą laa hvo di yəi.

Tɛsalonikə dɔlɔɔ 5:6

Yili ɓa, ká gu hvo yíi yɛ nu takpɛliɠaa, kɛlaa, 'ká gu kɛ a gu ɲɛ̨i, gu kɛ gili-gili.

Timote dɔlɔɔ 6:9

Yii ɓaa nuąi diɛ di kɛ a hɛn gɔw nąmįną, diɛ ɓə da too ɲąąhɛn mɛ̨nį ŋą hɛlɛn ɲą, kilikpɛɛɲəi, hɛn nwɛlilaa tamąą, da di kpɔwɔ kala mɛ̨nįɠaa, mɛ̨nįɠaa tii ɓə da nu kanŋaa lɔ di kala mɛ̨nį hu, da di nwun napili mɛ̨nį.

Taitɔ 3:3

Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni.

Piɛrə dɔlɔɔ 1:14

Ká gɛ yɛ woo mɛ̨n nɛapɛlɛɛ, ɲɛ̨i kulɔ bɔ laa tɔlɔɔi ká kɛ ɉu ká tɛɠii, 'ká hvo kɛa ká kɔɔn mą;

Piɛrə veelɛ 2:14

Wɛli hon nɛ̨ą ɓə di kaa bɔ diɛ di kaa, nɛ̨ŋɛ̨n ɉəɠɛɛ hva di hviikpɛɛ, nuąi hvaŋą hvo di yəi, diɛ ɓə da too di mɛ̨i. Hulu hɛn Ɉɔlɔɓoɔ mąą gbana laa ɓə gaa di yəi. Yálá nwɔ nɛ̨ŋɛ̨nnaa kaa di mɛ̨i.

Piɛrə veelɛ 2:18

Da kpɔɔ ɲąą kɛnɛ̨ wooɠaa ɓo da kili kpɛɛ yəi woo. Nuąi daa gɛ pələ kwɛli mą daa kulɔ mɛ̨nį ɲɔ̨n gɛ nuą yee mu, nɛɛ kalan gɛ nuą ti, da gɛ pələ kwɛli mą, di pənə nwɔ̨nɔ̨ diɛ di hon bələ kwɛli a mɛ̨nį ɲɔ̨n giliŋąhiɛi gaa diɛ.

Zɔ̂ŋ Maa-ŋuŋ 2:16

Gbala ə tɔɔ, mɛ̨nįɠaai ɲɛnɛ̨ɛ̨ ŋɛ̨i hu diɛ ɓaa: kɔlɔ liiɓa mɛ̨nįɠaa, ɲɛ̨i kɔw nwɛiɠaa ɛlɛɛ, da nu kilitɔɔ mɛ̨nį, ɲəi hɛnŋaa diɛ, a kpɔwɔ ɲąąkɛnɛ̨, di hva həɠə Nąn Yálá pɔ pələ, yɛnɛ̨ɛ̨ ɓɛ mɛ̨nįɠaa li.

Zɔ̂ŋ Maa-ŋuŋ 2:8

Ə mą kɛ tii, gaa a tíɓo nįnɛ̨, yii gaa bɛ̨ɛ̨ gɛ dɛɛ káá, yili kaa a tɛ̨ą, yaa tii ɉu, ə mą kɛ ká hu, mąąhɔlɔɓo, kpini aa tɛɛ, ɛlɛɛ, kɛɛ pono leelee kaa hvələi.