Ifisiɛŋ 2:2 - Yálá laawoo hɛɓɛ (dc)

² Ká kɛi ká wɔɔ yɛnɛ̨ɛ̨ kɛ nɛ̨ŋɛ̨n ɉu, a hvilɛn ká mo, ɲɛnɛ̨ɛ̨ ŋɛ̨i nwɔ yálá pulu, a yai ɉeɛ yələkɔlɔn da lɔi di lɔwai, a gilii tii yiihu a kɛ kulɔ nwoo mu nuą ɲąąhɛn ɉi.

Yálá laawoo hɛɓɛ

² Ká kɛi ká wɔɔ yɛnɛ̨ɛ̨ kɛ nɛ̨ŋɛ̨n ɉu, a hvilɛn ká mo, ɲɛnɛ̨ɛ̨ ŋɛ̨i nwɔ yálá pulu, a yai ɉeɛ yələkɔlɔn da lɔi di lɔwai, a gilii tii yiihu a kɛ kulɔ nwoo mu nuą ɲąąhɛn ɉi.

Bible

² Ka sia tɔ̂ŋ karaa su da sɔnyɔ̂ŋ a maa-ŋuŋ. Ka pîlaŋ ŋ̀éniɛi ŋí su tua-perei pôlu, ka pîlaŋ nyînaŋ nyɔ́mɔɔ-ŋai díkâloŋ pôlu, nyíi gáa tíi kɛ̂i diai sama da Ɣâla wóo pìlii.

Ifisiɛŋ 2:2 Iomraidhean Croise

Zôo 1:16

Ə lɛɛ lɔ nwoo hukulɔi, da kpɛli ə pa, yɛ diɛ: «Yələ gbąnąą aa too mɛlaaɠaa diɛ, aa di paa, da di mɛ̨i kaa nuą kəlee, aa di kəlee di kələn; ɲą́ą́ dɔ̨nɔ̨ lɔ ɓə kulɔ ɉu, gɛ́ pa nwɛlɛɛ ɓoi.»

Zôo 1:19

hvaŋą kɛnɛ̨ ta ə həɠə nɔi pun ɉu pələ, ə hee bɛlɛ ɓa nąą kəlee; ə pu di mɛ̨i, gəlee di haa; Ɲą́ą́ dɔ̨nɔ̨ lɔ ɓə kulɔ, gɛ́ pa nwɛlɛɛ ɓoi.»

Zôo 1:7

Yai-Laa yɛ ɓilihi ɓa: «Ə́ həɠə mį pələ?» Yili ə nwoo pulu pənə yɛ mą: «Ŋą́ həɠə gɔ́wɔ hu hiɛi lɔi mɛ̨i, gɛ́ nąą mąątinɛ̨n.»

Zôo 31:7

Akɛ, gɔ́wɔ́ aa ta həɠə bələ mɛ̨i, akɛ gíli a hiɛ a ɲɛ̨́i kɔ́w kpaalə. Akɛ ɲéé aa ta too mɛ̨nį ɲɔ̨n ɉu;

Mąątɛ̨nɛ̨ 17:14

Yai-Laa, ə́ yee ə di kpɛ lɔi mɛ̨i, di həɠə yɛnɛ̨ɛ̨, di kulɔ nu kanŋaa lɔwai. Yili kpɔ ɓə mąąnɛ̨ɛ̨ ə həli diɛ yɛnɛ̨ɛ̨ ɓɛ. 'Di pilɛ a mɛ̨nį ɲąąnwąnąąi ə́ naa di tɔwɔi! Di lonnii di pilɛ ɉu, di da lɛɛ di kwəi lonnii tɔwɔ.

Azaya 30:1

Kpalo ɓɛlaai gulɔ nwoo mu nuąi ŋɛ̨i diɛ! Yai-Laa woo li. Da kɛ kóloɠaa kɛi, kɛlaa di hva di kɛ mą́ą́ mɛ̨nį ɓa, diɛ ɓɛlan naa kɛ, ɛlɛɛ nąą wɛli hva kɛ mą́ą́, diɛ nɛ̨ŋɛ̨n diɛ̨ tii gee mɛ̨i.

Azaya 57:4

Gbɛɛ ɓə ka káá yɛ́lɛ́i mą? Gbɛɛ ɓə ka káá hvaai mɛ̨i yaɠa yaɠa? Kaa ka laa pu ɉu? Gulɔ nwoomu lɛapɛlɛɛi hva mɔ̨ɔ̨ a kaa? A nu ɓowo nuąi?

Ɉeremi 23:10

Di kəlee di kaa a wɛli hon nuą nɔi tii hu, nɔi kaa haa wɔlɔ ɓoi, diɛ nɛ̨ŋɛ̨n naa kɛ, gala tɛlinŋaa daa kpala gbomoi, mɛ̨nį ɲɔ̨n mə da mąą gilɛ həɠə, hulu mɛ̨nį ɓə di hvaŋąlɔɔ mą diɛ gɛ.

Osia 10:9

Ə həɠə Givea nwɔ hvólóɠaai diɛ, ə́ yee kaa lɔ nɛ̨ŋɛ̨n ɉu, Israɛlə di hvo ta həɠə li di tɔɔi. Gɔi da bɛlɛ nɔi kala nuą diɛ, hvo pai di hɔlɔɓoi Givea?

Levetekɔ 11:16

hɔ̨nwɔ̨nɔ̨gɔlɔn, kpaan, kpaan-gwələ-həɠə, da geelə huwu lɔpee gəlee.

Maafîu 11:19

Nu Lon ə pa, yɛ kɔ̨nɔ̨n mį́į́, yɛ gbələ. Diɛ kɛ mą: ‹Nui ŋɛ̨i nwɛi, gwəi kɛnɛ̨i, yɛ lɔɔ kpələ, yɛ ɓo a nįįhɔ̨nwɔ̨ kulɔ nuą da mɛ̨nį ɲɔ̨n gɛ nuą di ɓɛlan.› Kɛlaa, Yálá kɔ́lɔn gili ə lɛ a ɉaŋąą dúwɔ pələɠaa hu.»

Maafîu 13:22

Yiiɠaai too ɲɔ̨w ɉaalən ɉu diɛ ɓaa, nuą da Yálá laawoo mɛ̨n, kɛlaa yɛnɛ̨ɛ̨liihɛlɛnŋąą da nwɔ ŋąąnɛ̨ɛ̨ a kpinįn a diɛ, ə di hvinatɔn, nwoo tii hva kólo kɛ di kili pɔ.

Maafîu 13:38

Díi ɓaa yɛnɛ̨ɛ̨. Ɉihɛn mąą nuąi a Yálá-taa tɔɔlaa hu nuą. Gala kɔ́w ɲɔ̨nwɔ̨ɔ̨ ɓaa a yiiɠaai di kaa a gbąną-gbąną mun nwɔ nuą.

Markə 4:19

Kɛlaa, yɛnɛ̨ɛ̨liihɛlɛnŋąą, da hɛn gɔw nwɔ ɲɛ̨i kulɔ bɔ, ə mą kɛ, yɛnɛ̨ɛ̨ nwɔ ŋąąnɛɛɠaa da kpinįn a diɛ, ə di hvinatɔn, di hva pɛli ɓai.

Lukə 16:8

Ɉɛn gɔw laaikɛ mun vuluɔ tii, nąmu ə mąątɛ̨nɛ̨ nwɔ gbąnąlaa túwɔ́ tii hu. Ɲɛnɛ̨ɛ̨ ŋɛ̨i hu nuą gbąnąąi di kee ni lɔwai mɛ̨nįɠaa kɛɛ hu, ə tɛɛ kɛɛ pono lonnii diɛ.»

Lukə 22:31

Gu Nąmu yɛ diɛ: «Simɔn! Simɔn! Ɓilihi aa ka hu hvɛli, əgɛ, ə ka hiɠi-hiɠiɓo yɛ bələi da mɔ̨nun vɛɛ la.

Ɉaan 12:31

Yiihu, ɲɛnɛ̨ɛ̨ ŋɛ̨i kiti teei lɔwai a həli, di kaa pai gití kalai ɉu tɔɔmun ma, di gbɛ.

Ɉaan 13:2

Ɓɛlɔwai di kɛi yələ wilii kɔ̨nɔ̨n mį́i la, nąnį aa gbɛa kɛ Jesus lɔwɔ́tɔɔ mɛ̨nį giliŋąhiɛ lɔ Simɔn lon Ɉudasə hu, yai a Iskariɔtə mun.

Ɉaan 13:27

Ɓɛlɔwai tii Jesus ə nɛɠɛ kpuɔ tɛɛ la Ɉudasə pɔ, nąąlɔwai kpɔlɔ ɓə ɓilihi ə lɔ la Ɉudasə hu. Jesus yɛ Ɉudasə ɓa: «Mɛ̨nįi yɛ́i gɛ, gɛ ɉa-ɉa.»

Ɉaan 14:30

Və́ kɛa pai mɛ̨nį tamąą ɓoi kaa, mąąhɔlɔɓo, ɲɛnɛ̨ɛ̨ ŋɛ̨i hu tɔɔ mun gaa pai. A tɛ̨ą, ɲee hvo tɛɛ li mą́ą́.

Ɉaan 15:19

Ka kɛ kɛ a yɛnɛ̨ɛ̨ nwɔɔi, yɛnɛ̨ɛ̨ ə li ka wɛli la kɛ. Nuąi di kaa a yɛnɛ̨ɛ̨ nwɔɔ, diɛ ɓə yɛnɛ̨ɛ̨ a di wɛli la kɛ. Kɛlaa, ɲą́ą́ ka ɉəɠə ɉu, ŋą́ą́ ka kulɔ yɛnɛ̨ɛ̨ hu. Ka hvo kɛa a yɛnɛ̨ɛ̨ nwɔɔ, mɛ̨nįi yɛnɛ̨ɛ̨ hvo pai ka wɛli la kɛi la yaa li.

Ɉaan 16:11

Yii hvilɛn na gití mɛ̨nį ɓa, ɲɛnɛ̨ɛ̨ ŋɛ̨i hu tɔɔmun nwɛi, gití a gbɛa tee.

Ɉaan 7:7

Ka wɛli hva pɛli kpɛɛi yɛnɛ̨ɛ̨ ɓa, kɛlaa nwɛ́i, nwɛ́li a kpɛɛi mą, mąąhɔlɔɓo, gáá ɉɔn doo pono ŋą.

Ɉaan 8:23

Jesus yɛ diɛ: «Ka káá a lɔi mɛ̨i nuą, ɲą́ą́n gɛ́ ɓo a yələkɔlɔn ɉu mun. Ka káá a ɲɛnɛ̨ɛ̨ ŋɛ̨i hu nuą, kɛlaa, nwɛ́i, və́ a ɲɛnɛ̨ɛ̨ ŋɛ̨i hu mun da.

Ɉaan 8:44

Ka nąn ɓaa a nąnį, niiɓa ɓə ka káá bɔ kaa gɛ. Ə həɠə kpɔ yɛnɛ̨ɛ̨ kɔ́wɔ tɔɔ yələ ɓa, paa lɔ ɓə nwɛli kaa mą. Hvo ta tɔɔ li tɛ̨ą pələ mɛ̨i, mąąhɔlɔɓo, hvo tɛ̨ą kɔ́lɔn. A kɛi lɛɛ mɛ̨nį ɓo, a gulɔ gbɔwɔ kɛ pələ hu, mąąhɔlɔɓo, gaa a lɛɛmun, yɛ ɓo a lɛɛ nąn.

Gɛlaɠaa 19:35

Yili pulu, daa hɛɓɛ́ kɛ mun mə ɲee ə pɛli nu kpulu ɲąą yɛɛi, yɛ diɛ: «Efɛsə nuą! Nu ta kaa mɔ̨ɔ̨ laa, kili hvo ɉu yɛ kɛ, Efɛsə taa kaa a Artemisə kɛnɛ̨ɛ̨, da mąąnįnįn kulɔ yələi pələ yɛ too, di wɔɔ taa mąąhəɠɛɛ?

Gɛlaɠaa 5:3

Kɛlaa, Piɛrə ə mo ɉulɔnui ti ɓa, yɛ mą: «Ananiasə, lə ɓə kɛ yai ɓilihi aa lɔ kpɔ ti ə́ lii hu kɛnɛ̨, yɛ́ lɛɛ kɛ Kili-Mąąhəɠɛɛ ɓa? Yɛ́ nɔi hɔ̨nwɔ̨ ta lɛɛ ə́ yee pulu.

Lomaŋ 12:2

'Ká hvo ká kpɔɔ kɔ́ɔn háákələi yɛnɛ̨ɛ̨i ɓa, kɛlaa, ká nɛɛ laa, ka wɔɔ mɛ̨nį kɔlɔn gili ə ká pu ká nįnɛ̨ kɔlɔi, yili ɓə gaa a Yálá liiɓa, nɛlɛɛ, ɲąąnɛ̨ɛ̨, bɛliɛ ɉu.

Korɛntə dɔlɔɔ 5:10

Nwɛlikɛ nuąi ɲɛ̨nɛ̨ɛ̨ ŋɛ̨i hu nuą lɔwai, diɛ hvəə gíli hvilɛnŋąąi diɛ, gɛ́ mɛ̨nįi ŋɛ̨i ɓo la, da hɛn nwɛli nuą, nwuɔ̨ nuą, nuąi da kwɛlihvilɛn hali ɓa. Mąąhɔlɔɓo, hvo kɛli lɔ kɛ, ká kulɔ ɲɛ̨nɛ̨ɛ̨ ŋɛ̨i hu.

Korɛntə dɔlɔɔ 6:11

Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Kilii háálai.

Korɛntə veelɛ 4:4

A diɛi tii di hvo laai nwɛlɛɛ lɛlɛɛ la, diɛi, ɲɛnɛ̨ɛ̨ ŋɛ̨i hu yálá aa di kili ɲɛ̨i wolo, ə gɛ, di hvo pa nəi Kristə ŋą mąąwiɛlaa mąą wɛlɛɛ lɛlɛɛ kaa, a Kristə yai gaa a Yálá mąąnįnįn.

Galatə 1:4

gu Nąmui tii ɓə gbɔwɔ kulɔ a haláá gu wɔɔ nɛ̨ŋɛ̨nŋaa mąą mɛ̨nį ɓa, ə gɛ, ə gu kulɔ ɲɛnɛ̨ɛ̨ ŋɛ̨i hu mɛ̨nį ɲɔn ɲee kɔnma, yɛ bələi Yálá liiɓa kaa la, yai a gu Nąn.

Ifisiɛŋ 1:21

Ɲąąwooɓo laa, Huwalawalalaa, Hvaŋą laa, Hééɓolaa, ɛlɛɛ, da laa huwui lɔpee, ɉeɛi kpɔ gəlee mɛ̨i; hvo lɔ a ɲɛnɛ̨ɛ̨ ŋɛ̨i hu mɛ̨nį, kɛlaa, ə mą kɛ, ɲɛnɛ̨ɛ̨ yii pai, ɉu.

Ifisiɛŋ 2:11

Ká kili ə pu ɉu kani, káá, tɔlɔɔ-tɔlɔɔ, káá ŋɛ̨i kɛ hali yíi hu, ká kaa pələ hu, nuąi wɔlɔ kɛi di kpɔwɔ kaa a kɛ́nɛ̨lɛaa, a gɛ́nɛ̨i tii da gɛ nu kɔlɔ ɓa pələ, nuąi tii di kɛli ká təli a kɛ́nɛ̨ kpoloaɠaa;

Ifisiɛŋ 2:13

Kɛlaa yiihu kɛa, Jesus Kristə hu, káái wɔlɔ kɛ, ká mąąkwɛaa Yálá ɓa, Kristə ɲąmą aa ká mąąkpuɔ mą.

Ifisiɛŋ 2:3

Gu kəlee gu kɛ a di ta, gu kəlee gu kɛi gu kpɔwɔ tɛɛ gu kɔlɔ liiɓa mɛ̨nįɠaa pɔ, guɔ niiɓa mɛ̨nįɠaa kɛ, gu hvilɛnŋąą kɔlɔ liiɓa mɛ̨ni pulu; ɛlɛɛ, gu kaa pələ hu, gu kɛ a nuąi Yálá ŋą liiholui hvilɛnŋąą di pulu, lɔ yɛ nu takpɛliɠaa.

Ifisiɛŋ 4:17

Yii kani gáá moi káá, gɛ́ wiɛ mą gu Nąmu laa hu, ya ka: 'Ká hvo kɛa yɛnɛ̨ɛ̨ kɛ, yɛ bələi nuąi di hvo Yálá kɔ́lɔn da yɛnɛ̨ɛ̨ kɛ la, a diɛi di wɔɔ kiliŋąhiɛ a di lɔ kpɛli-kpɛli mɛ̨nį hu.

Ifisiɛŋ 4:22

Hvo kɛli, ká ká yee kulɔ ká yíi pələ pɔlɔ-pɔlɔ hu, ɲíi pɔlɔ-pɔlɔ kɔlɔi tii kɛ káá, 'ká gulɔ káá, a yai ɉu a kala; a ɓowo ɲɛ̨i kulɔ bɔ, laa pɔɔ;

Ifisiɛŋ 5:6

Nu ta hvo ka ɓowo a ká kili ɲąą pɛlɛ wooɠaa, yili kəlee ɓə a pa a Yálá ŋą liiholui, nuąi da di nwun gulɔ ɲee mu di mɛ̨i.

Ifisiɛŋ 5:8

Tɔlɔɔ yələ, ká kɛ a kpinį, kɛlaa, yiihu, káá kɛ a kɛɛ pono gu Nąmu hu. 'Ká ɲɛnɛ̨ɛ̨ kɛ kɛa, a kɛɛ pono lonnii di wɔɔ yɛnɛ̨ɛ̨ kɛ pələ.

Ifisiɛŋ 6:12

Nu kan hvə gu kaa kɔ pɛlɛi mą, kɛlaa, ɲɛnɛ̨ɛ̨ hu kpiniɛ ŋɛ̨i ɲąąwooɓo kili, ɉu hvaŋą, ɉu heeɓolaai tɔɔlaa kɛi, mɛ̨nį ɲɔ̨n gɛ kiliɠaai di kaa yələ kwəi, diɛ ɓə.

Kolosə 1:21

Ɛlɛɛ, káái tɔlɔɔ kɛ a nwɛ̨ąą, káá kɔ́ pɛlɛ mą a ká wɔɔ túwɔ́ pələ ɲɔ̨nŋaa.

Timote veelɛ 4:10

Mąąhɔlɔɓo, Demasə aa nɛ́ɛ́ laa yɛnɛ̨ɛ̨ hɛnŋaa ŋą wɛlikɛmąąlaa mąą mɛ̨nį ɓa, aa li Tɛsalonikə. Krɛsansə aa li Galatə lɔi hu, Titə aa li Dalmati.

Zĩi 1:27

Yálá kɔ́lɔn bələi mąąhəɠɛɛ, ɉaŋąa gu Ną́n Yálá ɲɛ̨i ɓa, ya ɓaa: Nu yɛ kpɔnmąą tɛɛ təlilɛaa da galaninŋaa pɔ di wɔ mɔ̨nɔ̨ hu; yɛ gbɔwɔ huhon yɛnɛ̨ɛ̨ hu, hvo pa kɔhɔɓo.

Zĩi 1:7

Nu taaləi ti, hvo giliŋąhiɛ yɛ kɛ, gaa pai hɛn da hɔlɔɓoi gu Nąmu ɲəi;

Zĩi 4:4

Ká kwəi hvo kwələ li! Ká hvo gbaɠala kɔlɔn, káá kɛ, yɛnɛ̨ɛ̨ wɛli la kɛɛ, kaa a kɔ́ pɛlɛɛ Yálá ɓa? Nui a yɛnɛ̨ɛ̨ wɛlila kɛ, gaa a Yálá ɲowo.

Piɛrə dɔlɔɔ 1:14

Ká gɛ yɛ woo mɛ̨n nɛapɛlɛɛ, ɲɛ̨i kulɔ bɔ laa tɔlɔɔi ká kɛ ɉu ká tɛɠii, 'ká hvo kɛa ká kɔɔn mą;

Piɛrə dɔlɔɔ 4:3

A tɛ̨ą, yii tii kɛ, aa pɛli ɉu, a yai wɔlɔ ká gɛ hali pulu yíi hu, káá tuwɔ pələ ɲɔ̨n ɉuwu kəlee kulɔ, ɲɛ̨i kulɔ bɔɠaa, lɔɔ hon naa, kwəi kɛnɛ̨ laa, lɔɔ kpələ kpɔn naa, da hali ŋą mąąliɓi mɛ̨nįɠaa.

Piɛrə veelɛ 2:14

Wɛli hon nɛ̨ą ɓə di kaa bɔ diɛ di kaa, nɛ̨ŋɛ̨n ɉəɠɛɛ hva di hviikpɛɛ, nuąi hvaŋą hvo di yəi, diɛ ɓə da too di mɛ̨i. Hulu hɛn Ɉɔlɔɓoɔ mąą gbana laa ɓə gaa di yəi. Yálá nwɔ nɛ̨ŋɛ̨nnaa kaa di mɛ̨i.

Zɔ̂ŋ Maa-ŋuŋ 3:10

Mɛ̨nįi a Yálá lonnii da nąnį lonnii di lowai tɔɔ, ya ka: Nui lɔpee hva tələnmo laa kɛ Yálá nwɛi ta hvə li, ə mą kɛ, nui nwɔ̨nɔ̨, nąn non nwɛli hvo mą.

Zɔ̂ŋ Maa-ŋuŋ 3:8

Nui a kɛi nɛ̨ŋɛ̨n ɉəɠəi nąnį nwɛi ta li, mąąhɔlɔɓo, ə həɠə kpɔ gɔwɔ tɔɔ yələ ɓa, nąnį kaa lɔ nɛ̨ŋɛ̨n ɉu. Yili mąą mɛ̨nį ɓə, Yálá Lon ə paa la, ə pa, ə nąnį yee pɔɔɠaa hukala.

Zɔ̂ŋ Maa-ŋuŋ 4:4

Ká wɛi, nónnii pɛlɛɛɠaa, ká káá a Yálá nwɛiɠaa, káá yeetɛɛmąą laa kɛ nɛɛ-nuą tii mɛ̨i, mąąhɔlɔɓo, nui gaa ká lɔwai, gɛnɛ̨i dɛɛ yii gaa yɛnɛ̨ɛ̨ hu mą.

Zɔ̂ŋ Maa-ŋuŋ 5:19

Gu gbaɠala kɔlɔn guɔ Yálá nwɔɔ ɓaa a guɔ, kɛlaa, yɛnɛ̨ɛ̨ nąą kəlee kaa Mɛ̨nį-ɲɔn ɲee kɔnma.

Zɔ̂ŋ Maa-ŋuŋ 5:4

hvó gaai, nui a Yálá lon, ɲee aa tɛɛ yɛnɛ̨ɛ̨ ɓa. Ɛlɛɛ, yeetɛɛmąą laai yɛnɛ̨ɛ̨ hon, ya ɓə a gu wɔɔ laa na laa.

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

M̀ɛni-lɛɛi 13:14

Ə kɛli lɔi mɛ̨i nuą nwun ɉu lan a gbalo mɛ̨nįɠaai di gɛɛ mąą laa tɛɛ bɔ, yɛ gɛ ɉuwɔi tii ɲɛ̨i mu. Ə mo diɛ, yɛ kɛ, ɉuwɔi tii di nwąną a ɓowa kwɛaa, ɛlɛɛ, bala ə kpɛɛi, di mąąnįnįn bɛli, di dɔɔ.

M̀ɛni-lɛɛi 13:8

Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.

M̀ɛni-lɛɛi 16:17

Malaka mɛ̨ihveelɛnąą ə nwɛi hu ɓo vaŋą hu. Ɛlɛɛ, woo kɛnɛ̨ ta ə kulɔ Yálá hee pɛlɛ́ mu, yɛ həɠə dɔɔkpəlin ɉu, yɛ kɛ mą: «Aa kɛ tii-o!»

M̀ɛni-lɛɛi 20:2

Ə mąąɲɔw-hɛn tii hon, a gaaləi tii wɔlɔ kɛi, yai, nąnį da ɓilihi. Ɛlɛɛ, ə ɲili a ɲɔwɔn, a kwɛlan nwaa-tɔnɔ mɛ̨nį.