Ifisiɛŋ 2:14 - Yálá laawoo hɛɓɛ (dc)

¹⁴ Gbala ə tɔɔ, Kristə ɓə a gu wɔ liilaa; aa nu huwu hveelɛ kɛ a nu huwu tɔ̨nɔ̨, galai tii kɛ dɔɔ di lɔwai, ya ɓaa a yowolaa, aa gulɔ di lɔwai gɔlɔ hu.

Yálá laawoo hɛɓɛ

¹⁴ Gbala ə tɔɔ, Kristə ɓə a gu wɔ liilaa; aa nu huwu hveelɛ kɛ a nu huwu tɔ̨nɔ̨, galai tii kɛ dɔɔ di lɔwai, ya ɓaa a yowolaa, aa gulɔ di lɔwai gɔlɔ hu.

Bible

¹⁴ Kpɛ́ni fêi, ǹyaa ƃe gáa a kulii-sêei. A Zûu-ŋai da Zɛ̃tai-ŋai kɛ́ zu tɔnɔɔ. E gbɔara-getii wòlo díloai.

Ifisiɛŋ 2:14 Iomraidhean Croise

Mise 5:5

Di kaa pai Asiri ɲąąkɔn ɉii a kɔ́ kɔ́ ɓɔwa, diɛ Nɛmrɔdə nwɔ lɔi ɲąąkɔn a ɓɔwa kwɛa, kɛlaa nwɛi, gaa pai ku kulɔi Asiri yəi; yili a tɔɔ yɛ pili ku wɔ lɔi hu, yɛ gɔwɔ ɓɔlɔn ku ɲɛ̨n ɉu.

Zakari 6:13

A tɛ̨ą, ya ɓə pai Yai-Laa hvɛli pɛlɛ́ tɔɔi, mąąwiɛ kaa pai kɛi mą, gaa pai heei nwɔ tɔɔkpəlin hu, yɛ nuą ɲąąwooɓo. Haláá laa həli mun dakpɛli kaa lɔ pai kɛi heeni yaakpɛli, nwɔ ɲąąwooɓo kpəlin hu, ɛlɛɛ, woo laa mąą kɛnɛ̨ɛ̨ kaa pai kɛi di nu hveelɛi di lɔwai.›

Lukə 1:79

Ə gɛ, nuą yiiɠaai di kaa kpinį hu, di ɓo haa nįnįn mu, ə di mąą pono; ə lɛɛ, ə tɔɔ ku tɔwɔ liilaa pələ mɛ̨i.»

Lukə 2:14

«Mąąwiɛ kaa Yálá ɓa yələkɔlɔn mɛ̨i pələ; Nuąi Yálá aa di wɛli la kɛ lɔi mɛ̨i, liilaa aa tɛɛ di pɔ.»

Ɉaan 10:16

Ɓɛlaa takpɛliɠaa kaa ɲéi yiiɠaai di hvo ɓɛ mɛlaa kwənąn ɉu. Yiliɠaa tii, hvo kɛ li ŋį́ di kwɛli ŋį́ pa a diɛ. Di kaa pai nwóó mɛ̨n ɉi, di pɛlɛ di kee ɓa di kɛ a kpulu tɔ̨nɔ̨, di mɛ̨i kaa mun ə kɛ tɔ̨nɔ̨.

Ɉaan 11:52

Hvo lɛɛ lɔ a nɔi tii mąą mɛ̨nį, kɛlaa, Yálá lonni yiiɠaai di taɠa-taɠa, di ŋąąkpɔn mɛ̨nį di kee ɓa di kɛ tɔ̨nɔ̨ mąą haa ɓə ə kɛi pa moi.)

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Gɛlaɠaa 10:28

yɛ diɛ: «Ká kili kaa ɉu kaa kɛ, tɔn nwalawala kaa Ɉuifəɠaa mɛ̨i, di ta hva pɛli lɔi huwu takpɛli yəi bɛlɛ́n, di hvo nulaa kɛ. Kɛlaa, nwɛ́i, Yálá aa gilaa pono, yɛ, mąą hvo nɛ̨ɛ̨li və́ nui lɔpee ta kaa a nu kɔ́hɔɓoɔ, a wala kɛ ti a nu ɲɔ̨nwɔ̨ɔ̨.

Gɛlaɠaa 10:36

Ə mɛ̨nįɓo Israɛlə lonnii diɛ, yɛ liilaa wəlɛɛ lɛlɛɛ laa həli diɛ, a Jesus Kristə yai a nu kəlee di Ną́mu.

Lomaŋ 5:1

Laa na laa háálai, gwaa kɛ a tələnmo nuą Yálá ɲɛ̨i ɓa. Liilaa aa kɛ gwa diɛ ni gu lɔwai gu Nąmu Jesus Kristə laa hu.

Galatə 3:28

Ɉuifə mɛ̨nį hvo kɛa ɉu, Grɛkə mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛgbɔwɔ ɓa mɛ̨nį hvo kɛa ɉu, hulɔnu mɛ̨nį hvo kɛa ɉu, nɛ̨ɛ̨nu mɛ̨nį hvo kɛa ɉu; gbala ə tɔɔ, ká kəlee káá kɛ kɛa tanɔ̨n Kristə hu

Ifisiɛŋ 2:15

Kristə aa dɔn nwoo həɠə mą, da ɉu tíɓoɠaa ə mą kɛ, mąą tɔnŋaa; bələ ɓə ə paa la a liilaa, Ɉuifəɠaa da nuąi di hvo kɛ Yálá kɔlɔn di pɔ, a di kɛi ə mo a nu tanɔ̨n, a nu nįnɛ̨, gbinį lee hu.

Ifisiɛŋ 2:17

Kristə ə pa liilaa mąą wɛlɛɛ lɛlɛɛ laa həlii káá, a káá tii kɛ kwɛaa la káá, da nuąi kɛ kpuɔ la diɛ.

Ifisiɛŋ 3:15

Yai huwu mɛ̨nį kəlee a həɠə bɔ pələ, lɔi mɛ̨i da yələkɔlɔn ɉu.

Ifisiɛŋ 4:16

Ɉáálai ɓə gɔlɔ tɔɔ-tɔɔiɠaa kəlee yiliɛ la gee ɓa kpąą, ə lɛɛ gbulɔnaɠaa kəlee heɛi gee ɓa a nwalawalaa, yɛ kɛnɛ̨ la wɛlikɛmąąlaa háálai. Gólói di tɛitɛi da pɛli gɛi, ə ɓo a ɲąąkwɛlɛɛ di lɔwai a wɛlikɛmąąlaa.

Kolosə 1:20

ɛlɛɛ Yaa tii mąą mɛ̨nį ɓa, ə da hɛn gəlee di yee lɔ geei, Yaa tii ɉáálai, ə kɛ a lɔi ɓa pələ, ə kɛ a yələi pələ; ə liilaa hee di mɛ̨i, a ɲąmąi pu kolɔwa ɓa.

Kolosə 2:20

Yii kɛa ká Kristə ni kaa haa, ɛlɛɛ, káá kulɔ yɛnɛ̨ɛ̨ hɛnŋaa yəi. Lə mɛ̨nį ɓa, ká dɔn bɔ yíiɓo, yɛ ká kɛ ni, a ká hɛlɛnŋąą yɛnɛ̨ɛ̨ ɓa?

Kolosə 3:11

Yiihu kɛa, Grɛkə mɛ̨nį hvo kɛa ɉu, Ɉuifə mɛ̨nį hvo kɛa ɉu, kɛ́nɛ̨-lon mɛ̨nį hvo kɛa ɉu, kɛ́nɛ̨-kpoloaa mɛ̨nį hvo kɛa ɉu, huwu takpɛli mɛ̨nį hvo kɛa ɉu, lɔwɔ-pɔmun mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛ gbɔwɔ ɓamun mɛ̨nį hvo kɛa ɉu, kɛlaa, Kristə ɓə a gəlee, gəlee hu.

Kolosə 3:15

Gɛ́! Kristə nwɔ liilaa yii Yálá ə ka təli mą, əgɛ, ka kɛ a nu tɔ̨nɔ̨, ə ɉeei kaa ka nįį hu, 'ká kɛ a mɛ̨inɛ̨ɛ̨ hu kɔ́lɔn nuą.

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Hebreu 7:2

Melkisedɛkə ɓə Abrahamə ə ɲəi hɛnŋąa kəlee bow nąą tɛɛ bɔ. Naai tii mą, mukulaa ɓaa: «Tələnmo tɔɔmun», yili pulu, yɛ ɓo a Salɛmə tɔɔmun, mukulaa ɓaa: «Liilaa tɔɔmun».