Ifisiɛŋ 2:12 - Yálá laawoo hɛɓɛ (dc)

¹² 'ká ká kiliŋąhiɛ, nąąlɔwai, Kristə hvo kɛ ká yəi, ká laa hvo kɛ mɛ̨nį ta hu Israɛlə lɔi hu, ká kɛ a nwɛ̨ąą mɛ̨nįɠaai Yálá ə naakwɛlanmo nwɔ nuą diɛ, ɉu; ká kilitɔɔi hvo kɛ káá, Yálá hvo kɛ ká yəi ɓɛ yɛnɛ̨ɛ̨.

Yálá laawoo hɛɓɛ

¹² 'ká ká kiliŋąhiɛ, nąąlɔwai, Kristə hvo kɛ ká yəi, ká laa hvo kɛ mɛ̨nį ta hu Israɛlə lɔi hu, ká kɛ a nwɛ̨ąą mɛ̨nįɠaai Yálá ə naakwɛlanmo nwɔ nuą diɛ, ɉu; ká kilitɔɔi hvo kɛ káá, Yálá hvo kɛ ká yəi ɓɛ yɛnɛ̨ɛ̨.

Bible

¹² é lɛ́ɛ kákili ŋá a gɛ́ɛ ka kɛ̀ a kákulaa Kôrai maa a maa-tãi ti. Káfe kɛ́ ni a Eezuɛ-ŋai díta. Ka kɛ̀ a ŋɔ̃yâ-ŋa Ɣâla ŋɔkono-teei maa-mɛni kpɛtɛɛi mɛni ma. Kili-kɛ-zu fe kɛ́ ni káyêei, Ɣâla fe tela kɛ́ ni káyêei ŋ̀éniɛi su.

Ifisiɛŋ 2:12 Iomraidhean Croise

Zɛnɛse 15:18

Voló tɔ̨nɔ̨i tii, Yai-Laa da Abramə di mįnɛ̨ həɠə, yɛ mą: «Ə həɠə Eziptə lɔi ɲá lee ɓa, ə li la Eufratə ɓa, gáá nɔi ŋɛ̨i tɛɛi ə́ huwu pɔ.

Kɔlɔnikɔ Veerɛi 15:3

Israɛlə ə lamun, Yálá kpɔ-kpɔ hvo kɛ ɲəi, haláá laa həli mun və kɛ laa yɛ nuą mąąkwɛli, tɔ́n və kɛ laa.

Ɛsdrasə 4:3

Kɛlaa, Zorobabɛlə da Ɉosue, ə mą kɛ, Israɛlə nuą bɛlɛ nąmįną kəlee, di di woo ŋąąpənə, diɛ mą: Mąą hvo nɛ̨ɛ̨li, gwa kaa ni gu hvo kpɔn ku wɔ Yálái nwɔ pɛ́lɛ́i ɓa, gu hvo dɔɔ. Kuɔ tɔ̨nɔ̨ gbən mə mąąnɛ̨ɛ̨, ku Yai-Laa Israɛlə nwɔ Yálá nwɔ pɛ́lɛ́i tɔɔ, yɛ bələi Pɛrsə tɔɔmun Sirusə ə mąą laa tɛɛ la ku pɔ.

Lɛɛ gbɔwɔ ɓa 12:45

«‹Nwɛ̨ą da wali kwɛlimun, di mąą hvo nɛ̨ɛ̨li di hvo da mį́i.

Azaya 14:1

Yai-Laa kaa pai Ɉakɔbə mąąwɛli kaai, gaa nwɔ̨nɔ̨ pai Israɛlə kɛi a niiɓa mun, ə pənə ə ɉee nwɔ lɔi hu; nwɛ̨ąą diɛ pa di pɔ, diɛ kanąn Ɉakɔbə nwɔ pɛlɛ́i ɓa.

Azaya 44:6

Israɛlə nwɔ Mɛ̨nį Kəlee ŋą Hééɓomun Yai-Laa, woo ka, yai a Israɛlə nwun mąąɓomun, Yai-Laa, huwalawala kəlee Nąmu, yɛ diɛ: ɲą́ą́ ɓə a dɔlɔɔ, ɲą́ą́ ɓə a ɲąąkpɛɛi, ə kulɔ ɲą́ą́ búlu, yálá takpɛli hvo laa.

Azaya 45:20

'Ka ka ɲąąkpɔn, 'ka pa, 'ka lɛɠɛɓɛ a gee, kaai ka nwun ə kulɔ, lɔiɠaa hu. Nuąi tii nwuluɠaa haɠa, diɛ kɛ, di wɔ yálá li, diɛ ɉaliɠaai tii tɛ yələi, ɛlɛɛ, hɛn hva nu ɓalo, diɛ vɛli.

Azaya 61:5

Nuą kaa pai həɠəi pələ kəlee, diɛ daa mąąkpɛ, diɛ di ɲɛ̨i kɛ ka wɔ taatɛlɛɛɠaai diɛ, nwɛą lonnii ɓə pai kɛi ka wɔ tííɠaai kɛi, da ka wɔ hihɛnŋąąi.

Ɉeremi 14:8

Israɛlə kilitɔɔi ɓaa yɛ́, mąąwɛli mɛ̨nį a həli kuɔ, yɛ́ ɓə yá kulɔ ɉu, lə ɓə kɛ, yaai, ə́ kaa túwɔ́i yɛ yá kɛ a nwea nɔi? Yɛ ya kɛ a hiɛ kulɔ mun, yii gaa lɔ kpinį tɔ̨nɔ̨ kɛ?

Ɉeremi 17:13

Yai-Laa! Yɛ́ ɓə Israɛlə kilitɔɔ yɛ́; nuąi da ə́ lɛɛ laa, nwumɛ̨ a di ɲɛ̨i paa; nuąi da di mąą kwɛa mą́ą́, kiti a kala diɛ. Mąąhɔlɔɓo, Yai-Laa a tɛɛyá nwun gulɔi, daa nɛɛ.

Izikiɛ 13:9

Ɲéé kaa pai həlii nɛɛ kɛɛ kaa nuąi tii diɛ, a diɛi tii da nuą ɓowo wo ɓoi; di hvo pai kɛi nwɔ́ lɔi nwɔ nwun dɔɔ hu, di laa hvo pai pɛ̨ɛ̨i Israɛlə pɛlɛ́ nwɔ hɛɓɛ́i hu. Di hvo pai lɔi Israɛlə lɔi hu, bələ ɓə ka gili kɔ́lɔn na káá kɛ, ɲą́ą́ ɓə gáá a Mɛ̨nį kəlee ŋą Hééɓomun Yálá.

Izikiɛ 37:26

Kwa diɛni ku kaa pai liilaa mįnɛ̨ həɠəi, gáá pai di heei kulɔi, ŋą́ di ɓuwu ɓo; gáá pai nwɔ́ pɛlɛ́ mąąhəɠɛɛi tɔɔi di lɔwai yɛ lɛɛ laa a yələ kəlee da nwɔɔ.

Izikiɛ 47:22

Ka nɔiɠaa kɔ́ a kpɛɛn, ka wɛi da nweai da hee ka kɔ́wɔ mɛ̨i; ɛlɛɛ, da lonŋąąi di di kaa ka lɔwai. Mąąnɛ̨ɛ̨ ka di hon yɛ nɔi lon da Israɛlə nu huwui lɔwai. Ka diɛni ka nɔi kɔ́ a kpɛɛn, da Israɛlə nu huwu kəlee.

Osia 3:4

Bələ ɓə Israɛlə lonnii kaa pai lɛɛi la a ɉukwɛaa, tɔɔmun va kɛ di yəi, da di ɲɛ̨itɔwɔ mun, da haláá kulɔ mɛ̨nį, da haláá həɠə mɛ̨nį, ɛlɛɛ da haláá kulɔi, da Yálá mąąnikɛ hɛnŋąą.

Lonon mo 18:19

«Ka yíi pələ li, hva ɉəɠə mą, yɛ́ ə́ lon ɉinąą da ə́ nonnii nɛ̨ąą. Hɛn lɔpee Israɛlə lonnii da gulɔ haláá hɛn ɉu a Yai-Laa nwɔɔ, gáá di tɛɛi ka pɔ. Mįnɛ̨ ka tii ɲilɛɛ a kpolo a yələ kəlee mɛ̨nį, Yai-Laa ɲɛ̨i ɓa, yɛ́ ka ə́ huwu ka mąą mɛ̨nį ɓa.»

Lukə 1:72

Mąąhɔlɔɓo, Yálá ə naakwɛlan mo ku kalaɓɔlɔni diɛ, yɛ diɛ: Ŋą́ nwɔ́ mɛ̨inɛ̨ɛ̨ lɛ kaa ponoŋą, yaan, əgɛ tii. Yaan mįnɛ̨i Yálá ə ɉəɠə diɛ, ə gili lɛɛ ɉu.

Ɉaan 10:16

Ɓɛlaa takpɛliɠaa kaa ɲéi yiiɠaai di hvo ɓɛ mɛlaa kwənąn ɉu. Yiliɠaa tii, hvo kɛ li ŋį́ di kwɛli ŋį́ pa a diɛ. Di kaa pai nwóó mɛ̨n ɉi, di pɛlɛ di kee ɓa di kɛ a kpulu tɔ̨nɔ̨, di mɛ̨i kaa mun ə kɛ tɔ̨nɔ̨.

Ɉaan 15:5

«Ɲą́ą́ ɓə gáá a nwulu, kaa ɓo a nwonwoɠaa. Nui a kanąn mą́ą́, ɲą́ą́ gbɛli ŋą kanąn mą, a ɓa a damąą. Mąąhɔlɔɓo, ka wala kanąn mą́ą́, ka hva pɛli mɛ̨nį lɔpee ta kɛi.

Ɉaan 4:22

Hɛn ka kwɛli hvilɛn ma, ka hvo gɔlɔn. Ku wɛi, yii kwa kwɛli hvilɛn ma, ku gɔlɔn. Mąąhɔlɔɓo, nwun mąąɓo ə həɠə Ɉuifəɠaa pɔ pələ.

Gɛlaɠaa 2:39

Mąąhɔlɔɓo, kaa ɓə Yálá ə naakwɛlan mo kaa, da ka lonnii, ə mą kɛ nuą yiiɠaai di heɛ kaa kwɛa la, ə mą kɛ nuą yiiɠaai ku Ną́mu Yálá kaa pai di təlii.»

Gɛlaɠaa 28:20

Mɛ̨nįi gɛ, ŋį́ ɉuhvɛli, gɛ́ kɛ ŋį́ ɲɛ̨́i tɔɔ káá, ɛlɛɛ, ŋį́ ɉukulɔ kaa, yaa li. Kɛlaa, a tɛ̨ą leelee, mɛ̨nįi Israɛlə kilitɔɔi mą, mąą mɛ̨nį ɓə ɲɔwɔn ŋɛ̨i kaa la ɲéé ɓa.»

Gɛlaɠaa 3:25

Ka káá a Yálá kwəi mɛ̨nį hukulɔ nuą lonnii, da mįnɛ̨i Yálá da ka nąnni di ɉəɠə ɉu lonnii. A ɲələi ə kɛ la Abrahamə ɓa: ‹Yɛnɛ̨ɛ̨ nu huwu kəlee kaa pai lúwɔ́ hɔlɔɓoi ə́ huwu háálai.›

Lomaŋ 9:8

Yili mukulaa ɓaa: Lonŋąai da hɔlɔɓo lɔ a kɔ́lɔ liiɓa, diɛ hvəə a Yálá lonni, hvə kɛi yiiɠaai da hɔlɔɓo yɛ bələi Yálá ə naakwɛlanmo la, diɛ ɓə a Yálá lonni leeleeɠaa.

Galatə 4:8

Tɔlɔɔ tɔlɔɔ, ká hvo ni kɛ Yálá kɔ́lɔn, ká kɛ a haliɠaa di wɔɔ luwɔ, a diɛi tii di hvo kpɛli a Yálái.

Ifisiɛŋ 2:19

Yili ɓa, ká hvo kɛa a nwɛ̨ąą, ká hvo a tɛɛ nuą, ká káá a taa tɔ̨nɔ̨ hu nuą, a Yálá yəi bɛlɛ́n nuą.

Ifisiɛŋ 4:18

Di wɔ kiliŋąhiɛ kaa a kpinį ŋą hon, diɛ ɓo a nwɛ̨ąą, Yálá nwɔ yɛnɛ̨ɛ̨ kɛ pələ hu, tɛɠii-yɛnɛ̨ɛ̨i tii di kaa ɉui, aa di kili walawala.

Kolosə 1:21

Ɛlɛɛ, káái tɔlɔɔ kɛ a nwɛ̨ąą, káá kɔ́ pɛlɛ mą a ká wɔɔ túwɔ́ pələ ɲɔ̨nŋaa.

Kolosə 1:27

Bələ ɓə ə kɛ la tii bɔ, ə mɛ̨nįi tii ŋą yəi-kɛnɛ̨laa da ŋą mąąwiɛlaa lɛ la huwu takpɛliɠaa lɔwai, a Kristə kɛ mɛ̨nį ká lɔwai, a kilitɔɔmąą laa, a mąąwiɛlaa!

Kolosə 1:5

Gilitɔɔmąą laai gaa ká mąąkpɔn ɉii yələkɔlɔn ɉu, mąą kilitɔɔmąą laai tii ɓə di naa həli káá, a tɛ̨ą woo, ya ɓaa, nwɛlɛɛ lɛlɛɛ,

Tɛsalonikə dɔlɔɔ 4:13

Ku hvo bɔ, ną́n nonnii, ká hvo lɛɛ kwəi pili mąą hu, yii hvilɛn na haa nuą diɛ, əgɛ, ká hvo pa kɛ liikələn gwəi hu, yɛ nuą yiiɠaa ti, kilitɔɔ mąą laa hvo di yəi.

Tɛsalonikə dɔlɔɔ 4:5

hvo gbɔwɔ lɛɛ laa kiliŋąhiɛ ɲɔ̨nwɔ̨ɔ̨ yee hvo tɛɛ mą, yɛ bələi hali yíi hu nuą da gɛ la, diɛi di hvo Yálá kɔ́lɔn,

Tɛsalonikə veelɛ 2:16

Gu Ną́mu Jesus Kristə yaa kpinįlee da gu Ną́n Yálá, diɛi gu wɛlila kɛ, ɛlɛɛ, ə gu liilaa, a yii kpɛɛ hvo mą, da kilitɔɔmąą laa lɛlɛɛ,

Timote dɔlɔɔ 1:1

Polə, Jesus Kristə ŋą kɛla, yɛ bələi gu nwun mąąɓomun Yálá ə dí la, da Jesus Kristə yai a gu wɔ kilitɔɔi.

Hebreu 11:34

diɛ nwɔ̨n gbɔluɠaa luwun, diɛ kulɔ ɓɔwa kwɛaaɠaa yee mu, diɛ kulɔ ɲɔ̨n nwalawalaɠaa hu, diɛ kuláálaa kɛ kɔ́ hu, di yee yɛ tɛɛ kɔlaɠaɠaa diɛ.

Hebreu 6:18

Mɛ̨nį hveelɛ ka ti, hva ɉəɠə mą, lɛɛ mɛ̨nį hvo ɉu Yálá pɔ pələ, yili a hvaŋąlɔ tɛɛ gu pɔ, a guɔi gwaa mɛ̨nį kəlee lɛɛ laa, gu kilitɔɔ mɛ̨nį laakwɛlanmoɔ tii ɓa.

Hebreu 8:6

A tɛ̨ą, Jesus nwɛi, mɛ̨nį mąąlaai dɛɛ bɔ, gɛnɛ̨i ɲee lanŋąą gəlee mɛ̨i, gbala ə tɔɔ, gaa a mįnɛ̨ pɛlɛ́i di naakwɛlanmo gɔwɔ hvilɛn gwɛnį.

Piɛrə dɔlɔɔ 1:21

Yaa ɉáálai, káá laa Yálá la, yai nwun, ə gulɔ haa yəi, ə gɔ a mąąwiɛlaa, gɛ pələi tii, ká wɔɔ laa na laa, da wɔɔ kilitɔɔmąą laa kɔwɔ hvilɛnŋąąi la Yálá ɓa.

Piɛrə dɔlɔɔ 1:3

Lúwɔ́ ə kɛ Yálá ɓa, yai a gu Nąmu Jesus Kristə Nąn: nwɔ ɲɛ̨imąąwɛli kaa laa kɛnɛ̨ɛ̨ hu, aa pənə aa gu kaa nwɔ̨nɔ̨ a nįnɛ̨, kilitɔɔmąą laa walawala mąą mɛ̨nį ɓa, a Jesus Kristə nwun ə mo haa nuą lɔwai,

Piɛrə dɔlɔɔ 3:15

Kɛlaa, 'ká Kristə mąąhəɠə ká nįį hu, yai a gu Nąmu. 'Ká hɛ̨ą ə kɛ lɔ a ɲiliɛ a yələ kəlee, káá pɛli ká wɔɔ kilitɔɔmąą laa hukulɔi nuąi da ka mąąni kɛ diɛ.

Zɔ̂ŋ Maa-ŋuŋ 3:3

Nui a gilitɔɔmąą laa taaləi tii kɔwɔ hvilɛn mɛ̨i, a gbɔwɔ mąąhəɠə, yɛ bələi Yaa tii a Jesus, mąąhəɠɛɛi la.