Ifisiɛŋ 1:5 - Yálá laawoo hɛɓɛ (dc)

⁵ Ə gbɛa gu həɠə ɉu, ə gu kɛ a nwɔɔ ɲąąkɔn nonnii Kristə hu, yɛ bələ nwɔ wɛlikɛmąą laa ə kɛ la bɔ;

Yálá laawoo hɛɓɛ

⁵ Ə gbɛa gu həɠə ɉu, ə gu kɛ a nwɔɔ ɲąąkɔn nonnii Kristə hu, yɛ bələ nwɔ wɛlikɛmąą laa ə kɛ la bɔ;

Bible

⁵ A kúlɛ nàa tuɛ a gɛ́ɛ kúkɛ a ǹônii Zîsɛ Kôrai sârai, yɛ̂ɛ berei ŋɔnîa-mɛni lɛ́lɛɛi káa lai,

Ifisiɛŋ 1:5 Iomraidhean Croise

Ɉeremi 3:19

Ɲą́ą́, ŋį́ kɛi mo gwə́i, gɛ́ kɛ diɛ: «Ŋą́ kɛ kpɔ bɔ ŋį́ ə́ kɛ nón ɉinąąlɔwai a lon ɉulɔnu tɔlɔɔ, lɔi yii nu kəlee ɲɛ̨i kaa kulɔi bɔ, ŋį́ dɛɛ kɛ ə́ pɔ; a lɔi yii nɛlɛɛ mɛlaa lɔiɠaa lɔwai. Ə kɛ gwəi, ka káá pai kɛi mą́ą́: ‹Ku Nán!› Ka hva kɛa ka pulu tɔɔ mą́ą́.»

Ɉeremi 3:4

Ə mą kɛ yiihu, ə́ liikpəlɛɛi lɔ yɛ́ kɛ mą́ą́: «Nán! Kɛlɛi yɛ́ lɔ ɓə a gbə́la hulɔnu;

Maafîu 1:25

Kɛlaa, da Mari di hvo haɠa kpɔn, ə lɛɛ ɉu, yili ə non tɔlɔɔ hɔlɔɓo. Ɉosɛfə ə naa hee a Jesus.

Maafîu 11:26

Oowei, Ną́n, gáá ə́ mąątɛ̨nɛ̨i yili hu, mąąhɔlɔɓo, yili ɓə kɛ a ə́ liiɓa.

Lukə 10:21

Nąąlɔwai tii hu kpɔlɔ, Kili-Mąąhəɠɛɛ əgɛ, Jesus kwəi ə nɛɛ kpɔ kɛnɛ̨, ə mo yɛ mą: «Oo Nąn Yálá; yələkɔlɔn da lɔi di pɛli mun, gáá ə́ hɛɠɛɛɓoi, mąąhɔlɔɓo, mɛ̨nįi yaa noo kilimąą nuą da mɛ̨nį kɔ́lɔn nuą diɛ, yaa gulɔ ponoŋą, nɛapɛlɛɛ ŋɛ̨i diɛ. Oo Nąn Yálá, ə́ yili kɛ tii, mąąhɔlɔɓo, yili ɓə kɛ a ə́ liiɓa.

Lukə 11:32

Gití tee lɔwai, Ninivə nuą da di muhəɠə, di gití kala yiihu nuą diɛ. Hvó gaai, ɓɛlɔwai Ɉonasə ə Yálá laawoo laa həli la Ninivə nuą diɛ, di di túwɔ́ pələ ɲɔ̨n mąąhvalin. Ya pa, nui ka káá gaai, gɛnɛ̨i Ɉonasə ɓa.»

Lukə 12:32

«Kaai ka káá a nu kpulu logolo, ka hvo ɲɔw. Mąąhɔlɔɓo, ə laa a ka Nąn ə tɔɔlaai tɛɛ ka pɔ.

Ɉaan 1:12

Kɛlaa, ə mą kɛ tii, nu tɛi-tɛiɠaai di yee hee mui, di laa na, ə huwalawala tɛɛ di pɔ, ə gɛ, di kɛ a Yálá lonni.

Ɉaan 11:52

Hvo lɛɛ lɔ a nɔi tii mąą mɛ̨nį, kɛlaa, Yálá lonni yiiɠaai di taɠa-taɠa, di ŋąąkpɔn mɛ̨nį di kee ɓa di kɛ tɔ̨nɔ̨ mąą haa ɓə ə kɛi pa moi.)

Ɉaan 20:17

Jesus yɛ mą: «Hvó kanąn mą́ą́, mąąhɔlɔɓo, və́ nii tɛ li Ną́n bɔ yələi. Kɛlaa, li ya Ną́n nonnii kaa ə́ mo diɛ, yɛ diɛ: Gáá li Ną́n da ka Nąn bɔ, nwɔ́ Yálá da ka wɔ Yálá pɔ.»

Gɛlaɠaa 13:48

Nwoo tii ə huwu takpɛliɠaa kwəinɛ̨ɛ̨ kpɔ kɛnɛ̨, diɛ Yálá laawoo mąątɛ̨nɛ̨, ɛlɛɛ, nuąi kpɔ kɛ di təliɛ ɓalo hva kpɛɛ ɓa, di di yee hee Yálá laawoo.

Lomaŋ 8:23

Yɛnɛ̨ɛ̨ yaa tɔ̨nɔ̨ lɔ hvəə, guɔi ŋɛ̨i gwaa Kili-Mąąhəɠɛɛ hɔlɔɓo tɔlɔɔ, guɔ kpɛli gu kaa lɔ mɔ̨nɔ̨ mįi gu hu pələ, guɔ kɛ diɛ: Yálá ə pa kɛa ə gu kɛ a nonnii, ɛlɛɛ, ə gu kɔlɔ nwun mąąɓo.

Korɛntə dɔlɔɔ 1:1

Ɲą́ą́ Polə, ə laa a Yálá lii, ə də́li, əgɛ, ŋą́ kɛ a Jesus Kristə ŋą tímun. Kwa gu nąn non Sostɛnə ɓə ɉɛɓɛ́i ŋɛ̨i tɛɛi,

Korɛntə dɔlɔɔ 1:21

Gbala ə tɔɔ, yɛnɛ̨ɛ̨ ŋą kilikɛɲəi laa hu, hvo kɛ Yálá kɔlɔn ni, Yálá ŋą kilikɛɲəi hu. Hvo gaai, mɛ̨nįi ŋɛ̨i ku kaa naa həli, yɛ ɓo a ɓowo mɛ̨nį nu kanŋaa ɲɛ̨i ɓa, ya ɓə Yálá ə gaa a mɛ̨nį haŋąą, yɛ laa na nuą nwun mąąɓo la.

Korɛntə veelɛ 6:18

Ŋą́ kɛ a ká nąn, ka kɛ a nónnii. Hééɓolaa kəlee Nąmu Yálá woo li!»

Galatə 3:26

Mąąhɔlɔɓo, ká kəlee kpun, laa na laa háálai, káá kɛ kɛa a Yálá lonni Jesus Kristə hu.

Ifisiɛŋ 1:11

Yaa ti ɉu lɔ ɓə, gu gu wɔɔ nąą kɔlɔɓo laa, a nui a mɛ̨nį kəlee hee kpəlin na kɛ, a niiɓa, yɛ bələi ə gbɛa gu həɠə la ɉu.

Ifisiɛŋ 1:9

Nwɔ loo mɛ̨nįɠaai a niiɓa, aa nɛ guɔ, a mɛ̨nįɠaai tii, ə gbɛa mąą kili tee gwəi, gbɔwɔ kpinį hu.

Filipə 2:13

Mąąhɔlɔɓo, Yálá ɓə a, niiɓa gɛ lii, da gɛ wɛli too káá, yɛ bələi gaa la gwəi a nɛlɛɛ.

Kolosə 1:19

Hvo gaai, Yálá ə naa gwəi, ə ɉuɓo ɉu,

Tɛsalonikə veelɛ 1:11

Mɛ̨nįi kwa kɛ Yálá hvɛlii la káá a yələ kəlee, yaa li, ə gɛ, kuɔ Yálá ə ká kaa a nuąi di mąą mɛ̨nį pɛliɛ, dəli ɓoi ə naa həli káá, ɉu; ɛlɛɛ, ŋą huwalawalalaa háálai, ká yee ə pɛli niiɓa mɛ̨nį lɛlɛɛɠaa kɛi, ɛlɛɛ, ká wɔɔ laa na laa bɔ túwɔ́ ə kɛ mą

Hebreu 2:4

Ɛlɛɛ, Yálá kpinįi ə nuą ti di wɔ kɛla woo lɛ a tɛ̨ą, a kwəi pili mąą mɛ̨nįɠaa, da kpalo mɛ̨nį huwu tamąą, ɛlɛɛ, a Kili-Mąąhəɠɛɛ yəi mɛ̨inɛ̨ɛ̨ɠaai ə ɲąąkwɛlɛ diɛ a niiɓa!

Zɔ̂ŋ Maa-ŋuŋ 3:1

Nwɛlikɛmąą laa kɛnɛ̨i Nąn ə gɛ a guɔ, 'ká gaa tai, da gu təli a Yálá lonnii; ɛlɛɛ, gu kaa kpɔ tii la! Yili ɓə aa gɛ, yɛnɛ̨ɛ̨ hva pɛli gu kɔlɔn ɉii; gbala ə tɔɔ, di ɲɛ̨i hvo ni pono li Yálá ɓa.

M̀ɛni-lɛɛi 21:7

Nui lɔpee a yeetɛɛmąą laa kɛ, a gwɛlin tii hɔlɔɓo, ɛlɛɛ, ŋą́ kɛ a nwɔ Yálá, ɛlɛɛ, yɛ ɓo a nón.