Hebreu 9:4 - Yálá laawoo hɛɓɛ (dc)

⁴ Nąą ɓə lansan kələn ə kɛ laa a hɛni, ɛlɛɛ, mįnɛ̨ kon yɛ ɓo laa mɛ̨ikpulɔɔ a hɛni. Gon ti hu, hɛn ɲąŋą ə kɛ laa, manə yɛ ɓo ɉu, ə mą kɛ, Aarɔn nwɔ tunwɔ̨n kɛ ɲəi, yai powa; da mįnɛ̨ gwɛni ɓɛlaɠaa.

Yálá laawoo hɛɓɛ

⁴ Nąą ɓə lansan kələn ə kɛ laa a hɛni, ɛlɛɛ, mįnɛ̨ kon yɛ ɓo laa mɛ̨ikpulɔɔ a hɛni. Gon ti hu, hɛn ɲąŋą ə kɛ laa, manə yɛ ɓo ɉu, ə mą kɛ, Aarɔn nwɔ tunwɔ̨n kɛ ɲəi, yai powa; da mįnɛ̨ gwɛni ɓɛlaɠaa.

Bible

⁴ Loŋpoi ŋí su Ŋ̀âla-teƃelei káa naa nyíi gbɛtɛɛ̂i a gôo sâla-sɛŋ kúŋ nɛ̃ɛ kéreŋ mɛni ma, da gbanaŋ-woo-kɛɛi maa-gãlai, nyíi mɛi pɛlɛɛ̂i kpɔ́ gwaa kélee a gôoi. Gãlai ŋí su gôo-sane è kɛ̀ naa nyíi manaa da Eelɔŋ ŋɔsia-wurii nyíi pɔmuŋ, é pɛ́lɛ gɔni-ƃelai ma nyíi gbanaŋ-woo-kɛɛi è kɛ̀ a bɔ̃yɛɛ mai.

Hebreu 9:4 Iomraidhean Croise

Tɔɔɓɛlaa dɔlɔɔ 7:50

Ɲá pu hɛnŋąą, mowa pɛlɛɛ, nwulɔ nwɔ̨n dəŋa yali hɛnŋąą, ɲá taɠa hɛɲąŋą, gbələ kɔ́wɔɠaa, ləɠi pɛlɛɛɠaa a hɛni. Yálá kɔ́ pɛlɛ́ gbon gɔwɔ hvilɛn ɉɛn, da bɛlɛ́ laaləiɠaa di wɛi, gəlee di ɓo a hɛni.

Tɔɔɓɛlaa dɔlɔɔ 8:21

Ɛlɛɛ, ŋą́ą́ kɛɛnąą ta pɛli kpɔ bɛlɛ́i tii mu, ɓɛi mįnɛ̨ kəhi mąą nɛ̨ɛ̨ ə hee laa. Yaai mįnɛ̨i da ku nąnni di ɉəɠə gaa ɉu, ɓɛlɔwai ə di kulɔ la Eziptə lɔi hu.»

Tɔɔɓɛlaa dɔlɔɔ 8:9

Hɛn dakpɛli hvo kɛ mįnɛ̨ kəhi hu, hvo kɛ li lɔ gwɛni ɓɛla hveelɛi Moisə ə naa ɉu Horɛbə yee ɓa, ɓɛlɔwai Yálá da Israɛlə nu di mįnɛ̨ həɠə la di kulaa Eziptə lɔi hu.

Kɔlɔnikɔ Veerɛi 5:10

Hɛn da hvo kɛ gəhi hu, hvo kɛli gwɛni ɓɛla hveelɛi ŋɛ̨i Moisə ə naa laa Horɛbə yee ɓa, ɓɛlɔwai Yai-Laa da Israɛlə di mįnɛ̨ həɠə la di kulaa Eziptə lɔi hu.

Lɛɛ gbɔwɔ ɓa 26:33

Yá ɉəɠə ɓɛlai tii hɛlɛn daŋąɠaa mu pələ. «Ɉəɠə ɓɛlai tii pulu pələ ɓə da gəhi hee la, yái mįnɛ̨ həɠə hɛnŋąą kaa ɉu. Ɉəɠə ɓɛlai tii ɓə pai kɛi a gɛɛnąą hveelɛi tii lɔwai tɔɔ hɛn, diɛ ɓaa: kɛɛnąą mąąhəɠɛɛ, da gɛɛnąą mąąhəɠɛɛ nwɔ kɛɛnąą mąąhəɠɛɛ.

Lɛɛ gbɔwɔ ɓa 31:18

Yii kɛa Yálá ə kpɛɛ a mɛ̨nįɠaa tii ɓoɔ Moisə ɓa, Sinai yee nwuɔ̨, ə mįnɛ̨ kwɛni ɓɛla hveelɛi tɛɛ bɔ, yii Yálá yaa kpinį ə bɛ̨ɛ̨ a ɲee.

Lɛɛ gbɔwɔ ɓa 32:15

Moisə ə pənə ə ɲee yɛɛ, gwɛni ɓɛla hveelɛi ŋɛ̨i Yálá nwɔ ton ə kɛ mą bələ kəlee hveelɛi, yɛ ɓo ɲəi.

Lɛɛ gbɔwɔ ɓa 34:29

Moisə həɠɛɛ Sinai yee ɓa yɛ yɛɛ, gwɛni ɓɛla hveelɛi ŋɛ̨i Dɔ́n bɛ̨ɛ̨ mą, yɛ ɓo ɲəi. Gili hvo kɛ ɉu yɛ kɛ ɲɛ̨ilai ə kɛi lən, ɓɛlɔwai da Yai-Laa di kɛi lonon kɛ la.

Lɛɛ gbɔwɔ ɓa 37:25

Yili pulu, ə ɉɛn gun nɛ̨ɛ̨ kələn ɉii pɛli a kpitili wulu, gwɛa yee ə ɓo a yee laa mą tɔ̨nɔ̨, ɲąą kɛnɛ̨ yee ə ɓo a yee laa mą tɔ̨nɔ̨, nąą kəlee pɛliɛ a gee, dɔɔmɛ̨i ə ɓo a yee laa mą hveelɛ da mįnɛ̨ɠaa kəlee di puɔ lɔ kɛ tanɔ̨n.

Lɛɛ gbɔwɔ ɓa 39:35

Mįnɛ̨ kəhi da gbəŋə wuluɠaa, ə pɛlɛ la naa kalan ma.

Lɛɛ gbɔwɔ ɓa 40:3

Ə́ mįnɛ̨ kəhi hee mu, ə́ gəhi lɔ ə́ ɉee ɉəɠə ɓɛla pulu pələ.

Levetekɔ 16:12

Ə ləɠi lon naahvɛɛ a ɉaláá kulɔi nwɔ̨n dəŋą ta, yii gaa Yai-Laa lííla, ə bɛlɛ lansan ɲee ɲąą hveelɛ ɓa, ə li a diɛ ɉəɠə ɓɛla pulu pələ.

Lonon mo 17:10

«Ka kulɔ nu kpului ŋɛ̨i lɔwai, ŋį́ di hukala kpɔlɔɔ yiihu.» Moisə da Aarɔn di pɛlɛ nɔi ɓa.

Lonon mo 17:5

Mɛ̨nį kili too hɛn ni Israɛlə lonnii ŋą, yɛ diɛ nu takpɛli yii hvo a Aarɔn huwu, mąą hvo nɛ̨ɛ̨li hvo tɔɔ yɛ kɛ gaa lansan kələn ɉii Yai-Laa lííla. Mɛ̨nįi laa Kore da bulu nuą diɛ, da hvo pa nee laa mąą nu ɓa. Yai-Laa ə bu Moisə la, yili yɛ ɉukulɔ Aarɔn ɓa.

Lonon mo 17:8

Moisə da Aarɔn di li gee kaa kələ laaləi.

Dutɛrɔnome 9:11

Hvóló pow nąąn da kpinį pow nąąn gulaa ɉu ɓə, Yai-Laa ə gwɛni ɓɛlaɠaa tɛɛ la bɔ́, a mįnɛ̨ kwɛni ɓɛlaɠaa.

Dutɛrɔnome 9:9

Ɓɛlɔwai ŋą tɛ la gwɛni ɓɛlaɠaa həɠəi ɲee nwuɔ̨, a gwɛni ɓɛlaɠaa tii mįnɛ̨i Yai-Laa ə naa gwa diɛni gu lɔwai, ɉu wooɠaa pɛ̨ɛ̨ kɛ mɛ̨i. Ŋą́ hvóló pow nąąn kpinį pow nąąn gɛ ɲee nwuɔ̨, və́ kɔ̨nɔ̨n mįi, və́ yá kpələ.

M̀ɛni-lɛɛi 11:19

Ɛlɛɛ, Yálá hee pɛlɛ́i tii yələi, naa ə ɓo, ɛlɛɛ, mįnɛ̨ kəhi mąą ə pono, Yálá hee pɛlɛ́ mu. Ɛlɛɛ, ə kɛ lɔ tii, mąną-mąną ə gɛ, wooɠaa di tɔɔ, yələgbąnąą ə gɛ, lɔi ə kpɛlin, hanwon gɛnɛ̨ ə pu.

M̀ɛni-lɛɛi 8:3

Malaka takpɛli ə pa, ə tɔɔ ɉaláá kulɔi kwɛlɛ. Lansan kələn ɉɛn yɛ ɓo ɲəi a hɛni, ɛlɛɛ, di wulɔ kun-nɛ̨ɛ̨ tɛɛ bɔ kpɔ kɛnɛ̨, əgɛ, ə gulɔ a haláá ə bɛlɛ nu mąąhəɠɛɛɠaa di wɔɔ hvɛli wooɠaa diɛ, ɉaláá kulɔi tii ɓa, yai a hɛni, ə ɓo dɔɔkpəlin níílai.