Hebreu 5:1 - Yálá laawoo hɛɓɛ (dc)

¹ Ɉaláá laa həli mun gɛnɛ̨ɛ̨ lɔpee di kɛi ɉəɠə, da ɉəɠə kɛ nu kanŋaa lɔwai, di ɉee nu kanŋaa mąą mɛ̨nį ɓa, yɛ di mąą mɛ̨nį laa həli Yálá ɓa. Nwɔɔ mąą tíi ɓaa, ə Yálá kɔ hɛn naa həli, ə nɛ̨ŋɛ̨nŋaa mąą haláá kulɔ.

Yálá laawoo hɛɓɛ

¹ Ɉaláá laa həli mun gɛnɛ̨ɛ̨ lɔpee di kɛi ɉəɠə, da ɉəɠə kɛ nu kanŋaa lɔwai, di ɉee nu kanŋaa mąą mɛ̨nį ɓa, yɛ di mąą mɛ̨nį laa həli Yálá ɓa. Nwɔɔ mąą tíi ɓaa, ə Yálá kɔ hɛn naa həli, ə nɛ̨ŋɛ̨nŋaa mąą haláá kulɔ.

Bible

¹ Sâla láa soŋ-nuui kélee da nɛ̀ ǹûai samai, da nɛ̀ a gɛɛ é tɔ́ɔ dípɔɔ ŋá da Ɣâla-ni díloai a gɛɛ é sama-sɛŋ tɛ̀ɛ é sâla kúla sɔnyɔ̂ŋ mɛni ma.

Hebreu 5:1 Iomraidhean Croise

Levetekɔ 8:2

«Aarɔn həɠə da nonnii, ə́ ɉəɠəɠaa da nwulɔ mąąhəɠɛɛ həɠə, ə́ nɛ̨ŋɛ̨n ɉaláá nįŋɛ̨ hilɛ lon da mɛlaa hilɛ hveelɛi həɠə, ɛlɛɛ, ə́ gbɔlɔi tii nɛɠɛi hvo tɛ li gaa ɉu, ə́ ɉəɠə.

Levetekɔ 9:7

Ya ɓə Moisə a kɛ Aarɔn ɓa: «Ə́ mąą lɛɠɛ ɉaláá kulɔi ɓa, nɛ̨ŋɛ̨n ə́ ɉəɠə ə́ mąąhvaalɛɛ haláá kulɔ, da haláá hɛn da gəlee kələn, ə́ kpɔwɔ mąą mɛ̨nį ɓa, ká ə́ wɔ pɛ́lɛ́i. Yili pulu, ə́ nuą di wɔ Yálá kɔ́ hɛn laa həli, yɛ nu mąą hvaalɛɛ haláá kóló kɛ di mąą mɛ̨nį ɓa, yɛ bələi Yai-Laa ə mo la.»

Lomaŋ 15:17

Ŋą́ pɛli gbɔ́wɔ́ ɲąą kɛnɛ̨ Yálá kólói mąą mɛ̨nį ɓa Jesus Kristə hu.

Korɛntə dɔlɔɔ 15:3

Tɔlɔɔ, yii ŋį́ ɉɔlɔɓo ɲą́ą́ gbinįi, ya ɓə ŋį́ naa həli káá; gɛ́ kaa: Gu wɔɔ nɛ̨ŋɛ̨nŋaa mąą mɛ̨nį ɓə Kristə ə haa la, yɛ bələi bɛ̨ɛ̨i la;

Hebreu 10:11

Yii kpɔ, ɉaláá laa həli nuą tɛitɛi, di kɛi tɔɔ a yələ kəlee, diɛ haláá huwu tanɔ̨n gbən kulɔ lɔ, geemɛ̨i pɔlɔɔ-pɔlɔɔ, yai hva pɛli kpɔ kɛ nɛ̨ŋɛ̨n gulɔi nuą diɛ,

Hebreu 10:12

Kristə nwɛi, haláá tanɔ̨n gbən mə ə gulɔ nu kanŋaa di wɔɔ nɛ̨ŋɛ̨nŋaa mąą hvaalɛɛ mɛ̨nį ɓa, ə hee Yálá yee lɛlɛɛ mɛ̨i pələ, a yələ kəlee mɛ̨nį.

Hebreu 11:4

Laa na laa háálai ɓə gɛ, Abɛlə yɛ haláá lɛlɛɛ kulɔ la Yálá ɓa, ə tɛɛ la Kain nwɛi ɓa. Laa na laa háálai, di mąą kɛla hvaa lɛlɛɛ ɓo, diɛ mą: Dələnmoɔi kɛ. Mąąhɔlɔɓo, Yálá kpinįi ə ɲee hee nwɔ haláá hɛn mu. Abɛlə nwɔ laa na laa mąą mɛ̨nį ɓa, bələi mąn, aa haa la, a kɛ lɔ nii hvaai.

Hebreu 2:17

Yili ɓə gɛ, hvo kɛli kɛ ə gbɔwɔ kɛ yɛ nąn nonnii, ə gɛ, ə kɛ a haláá laa həli mun gɛnɛ̨ɛ̨i ɲɛ̨i mąąwɛli kaa hu, tələnmolaa hu, Yálá kwɛlɛ, yɛ ŋą nuą di wɔɔ nɛ̨ŋɛ̨nŋaa waa diɛ.

Hebreu 7:27

Nwɛi hvo yɛ ɉaláá laa həli nuą kpɛa-kpɛaa tɔlɔɔ tii kɛ, a diɛi, yələ ɓɔ pələ kəlee, hvo kɛli di di kpɔwɔ mąą haláá kulɔ, di hvo tɛɠa kɛ pai nɔi nuą mąą haláá kulɔi. Nwɛi ə gbɔwɔ kulɔ lɔ a haláá tanɔ̨n gbən, gu mąą mɛ̨nį ɓa.

Hebreu 8:3

Ɉaláá laa həli mun gɛnɛ̨i lɔpee da ɉeei, ya ɓə a, Yálá kɔ hɛn da ɉaláá hɛnŋaa laa həli; hvo kɛli yaa kpɛlimąn, hɛn da ə kɛ ɲəi yɛ naa həli gbɔwɔ mąą mɛ̨nį ɓa.

Hebreu 8:4

Yaan, Kristə ə li kɛ ɓɛ lɔi mɛ̨i, hvo li kɛ a haláá laa həli mun gɛnɛ̨ɛ̨, hvo gaai, ɉaláá laa həli nu kpɛa-kpɛaa, di gbɛa kɛ ɓɛ, yɛ bələi dɔn ə mo la.

Hebreu 9:9

Ɉəɠə pɛlɛ́ tɔlɔɔ ti ə kɛ a háákələi nwɛi, mąąnįnįn, bɛlɛ́ dɔlɔɔ tii, di kɛli, Yálá kɔ hɛnŋaa da haláá hɛnŋaa laa həli mu, yili hvo pɛli li, nui gwɛli hvilɛn ɉii, ŋą nɛ̨ŋɛ̨nŋaa nwaai kpɔ tɛ̨ɛ̨tɛ̨ɛ̨?.